منتدى عالم الأسرة والمجتمع - سأسافر لأول مرة بحياتي لماليزيا

منتدى عالم الأسرة والمجتمع (http://www.66n.com/forums/index.php)

- أرشيف السياحة والسفر والرحلات (http://www.66n.com/forums/forumdisplay.php?f=65)

- - سأسافر لأول مرة بحياتي لماليزيا (http://www.66n.com/forums/showthread.php?t=205378)

سأسافر لأول مرة بحياتي لماليزيا

مرحبا ..
يمكن اقول شي الكل بيتعجب منه وهو اني (أول مرة راح اسافر) اي اول مرة ...

واخترت اني اروح ماليزيا وتكون الرحلة قصيرة يعني اسبوع عشان ما اتعب وعشانها اول مرة ابيها تكون خفيفة وخصوصا اني راح اروح مع زوجي واولادي (3 و5 سنوات) يعني احتمال انهم يتعبونا وخصوصا ابني اللي (3 سنوات) اللي يحفظه حركي ................

في البداية ماحصلت حجز لاني ابغي بنص شهر سبعة - يوليو .. بس بعدين الحمدلله حصلت على الخطوط العمانية بترانزيت لمسقط لمدة 3 ساعات تقريبا .. يعني اوكي راح اشم ريحة هوا عمان الغاليه ..

المهم، حابة اعطيكم المعلومات وانتو اعطوني رايكم بليز :24:

راح يكون 4 ليالي في سنوي لاقون في فندق بيرمت ما ادري ايش
و3 ليالي في كوالامبور في فندق دورست ريجنسي .................

بليز ابغي نصايح اهل الخبرة .........................

وبغيت رايكم في الخطوط العمانية لو سمحتو .............

ولكم مني كل الشكر

الإشراف: تم تعديل العنوان

indienne

.. الله يهنيكي ويسعدك , ويوفقك في سفرتك .. ويارب تسعدي وتفرحي وتمرحي كثير ,

.. مع اني ماسافرت ماليزيا .. بس مهم جدا تعرفي قبل ما تسافرين اي مكان .. حاله الطقس , خصوصا انه معاك اطفال ..

.. ولا تنسي تحملي معك شيء يلهيهم بالطائره .. مثل ( مشغل دي في دي ) , ( جيم بوي ) ( دفتر تلوين والوان ) ( لعبة يحبونها ) .. خصوصا انه بعد الطيران ما يقدم للطفال شيء يلتهون فيه ..

..ولا تحملي ملابس كثيره , تتعبي في التنقل مع شنط كثيرة , خذي قد حاجتكم وبس .. والملابس طبعا تكون مناسبة لحاله الجو هناك ..

.. ولا تنسي تحملي كاميرا علشان تصوري , ويكون عندك ذكرى حلوة ,

.. وطفلك الصغير عمره 3 سنوات , يفضل انك تاخذي معك عربه علشان لما تتمشون او تتسوقون , يكون جالس في العربه , وما يجلس يبكي ويقول تعبت من المشي , واسهل لك ولزوجك .. واسرع كمان ..

..الاطفال بعضهم مو كلهم يدوخون من الطائره , لذلك لازم تاخذي فره في النت وتقرئي كم موضوع عن السفر بالطائره مع الاطفال ..

.. هذا الا عندي .. واذا ذكرت شيء برجع اقوله لك ..

.. وطبعا هذه مواضيع لبعض الاعضاء ممكن تستفيدي منهم ..

..

http://www.66n.com/forums/showthread.php?t=200437

http://www.66n.com/forums/showthread.php?t=204734

.. وخذي لك فرره في عمو جوجل , لانه عنده خبرات كثيره في السفر الى ماليزيا ..

.. تمنياتي لك بسفره حلوة وسعيده , وتروحي وترجعي بالسلامه ..

Ms Blue
شكراً جزيلاً على المعلومات المفيدة ...................... :22:

ما عندي خبره في السفر

لكن أتمنى لك التوفيق ويارب تروحين وتجين بالسلامة وانتي في أتم السعادة

موفقه يالغلا