هل ممكن أكون حامل؟
السلام عليكم
خواتي أنا متزوجة من سنتين إلا شهرين وعندي ولد الله يخليه لي كمل اليوم 5 شهور حملت في هالولد لما كملت 8 شهور على زواجي لأني كنت أدرس بس ما استخدمت أي وسيلة من وسائل منع الحمل واعتمدت على طريقة العد لأن دورتي منتظمة وإتيني كل 28 يوووم ولما فكرت في الحمل استخدمت جهاز التبويض والحمد لله ضبط معاي وبفضل الله حملت ولدي الحين ارضعه طبيعي لما اكون معاه في البيت بس الصبح في الدوام يعطونه صناعي يعني مب معتمدة 100 % على الطبيعي وأعطيه رضعة صناعية بالليل أول 4 شهور عطيته طبيعي 100 % المهم ( وصلنا أخيرا عقب كل هالمقدمات ) أنا أتمنى اني أحمل على ولدي لأني وايد مقتنعة بنظام انجاب طفلين ورا بعض وعقب آخذ راحة 3 سنين تقريبا زوجي عادي عنده مب متحمس لهالفكرة ولا رافضنها يعني اللي ايي يكتبه الله خير وبركة بقولكم على تواريخ دوراتي عقب الولادة وأبيكم اتساعدوني في الحسبة طبعا الدورة اتلخبطت وايد عقب الولادة فعشان جذي مب عارفة كيف أحسبها أنا ولدت بتاريخ 26 - 11 - 2008 وخلصت النفاس بتاريخ 10- 1 - 2009 ويتني الدورة عقب النفاس ب 4 أيام يعني تاريخ 14 - 1 - 2009 وعقب يتني الدورة الثانية تاريخ 20 - 2 - 2009 وشهر 3 ما يتني الدورة و يتني تاريخ 1 - 4 - 2009 المهم صار جماع تاريخ 12 - 4 ووو تاريخ 15 - 4 يعني في أيام التبويض لأني مثل ما قلتلكم دورتي قبل كانت 28 يوم والإنزال كان بالداخل وعقب رقدت على ظهري المهم الحين الدورة المفروض تنزل بتاريخ 28 - 4 هذا طبعا على اعتبار ان الدورة منتظمة كل 28 يوم مثل ما كانت اتيني قبل الحمل الأول اليوم الصبح نشيت وأنا صدددددق دايخة ولايعة جبدي ورجعت مرتين وحاسة بألم في ظهري ونغزات في بطني من كذا يوم هل ممكن أكون حامل ؟؟؟ وايد ف خاطري أحمل ,, أدري تعب ومسؤولية وخصوصا اني اشتغل إدعوووووولي أكون حامل ياااااااااااارب ادعولي يا بنات وقولولي عادي يصير حمل وأنا ارضع ,, ومنو استوالها جذي ؟؟؟؟ |
أتمنى البنات يفيدوك
ماعندي خبرة عزيزتي بس ما حبيت أدخل وما أحط تعليق على موضوعك لله يخليلك ولدك ويرزقك بأخ أ أخت له واذا حامل طمنينا ^_^ |
الله يرزقك يارب بالذريه الصالحه بس انتظري اسبوع وحللي
|
حبيبتى انتظرى كام يوم لما يفوت ميعاد الدورة وقتها سوى تحليل وان شاء الله يارب تكونى حامل الله يرزقك حبيبتى
بالنسبة للحمل مع الرضاعة طبعا يصير سلفتى حملت وولدها اربع شهور وكانت ترضع طبيعى عادى يعنى اطمئنى بس بشرينا |
وانا بعد راايي من رايهم.. انتظري اسبوع .. وسوي تحليل.. وبالتوفيق.. |
الساعة الآن 02:52 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©