اخوانه افقدوني حريتي ببيتي
 

اليوم مشكلتيييي غيرررررر ..

اخوانه بالمتوسط . ابوهم هاوشهم ان يلعبون سوني ويزعجون ومدري ايش والمشكله ان عممممي مايقعد بالبيت وتحت عندهم 3 تلفزيونات .. و هذولا جايبينه عندي ومو هنا المشكله .. المشكله انهم يجووون بأي وقت يخطر على بالهم مرات يجون 8 بالليل وينزلون تحت عال11 وانا استانس واقفل وراهم وانوم بنتي عشان انشغل بنفسي و انا طالعه من الحمام بمنشفتي عالساعه 1 القاهم جايين مع زوجي وجالسين يلعبون و عادي يشوفوني بالمنشفه وقلت لزوجي قال تراهم صغار .. وش صغار وهم تووهم مراهقين وخاصه اني مره فتحت البحث ولقيتهم باحثين عن شغلات قليلة ادب .. المهم مرات يجون الساعه 3 الفجر ويخلصون لعب 7 الصبح انا تعبت من هالوضع ماعاد اقدر اخذ راحتي باللبس وماعاد اقدر اهتم بنفسي مثل اول .. والمشكله هن اثنين وكبار وحدهم الصاله بس المصيبه ان مرات يجون اخوانهم الصغار وعيال اخوانهم وبيتي ماعاااد ينظف .. انا شكيت لزوجي وهو حس فيني و مرررتين يقول لهم نزلوه تحت ويرفضون . يعني مره كنا بالسياره بنطلع انا وهو وجو يركضون قفلتووو الشقه قال اي قالوا نبي نلعب شلوووون قال اعطيكم المفتاح ونزلوه والعبوا تحت قالوا لالاا خلص ننتظركم تجون ولما رجعنا الفجر جوو من دخلت بيتي قبل انزل عباتي ... و الحين قبل شوي كنت لابسه قميصصص نوم بالعربي الفصيح عااااري وجالسه بالصاله الاعب بنتي و زوجي طالع .. و جا دخل ومعه اخته الصغيره 6 سنين مفضحه وراح تشرح لبسي للي تحت بس شسوي ببيتي وباخذ راحتي ولما شافني طردها و اسمعهم يقولون نبي نلعب قال تعالوا بعد شوي وسويت نفسي ماسمعت وجا جلس عندي وبعد دقايق دق الباب قال هذلا العيال يبون يلعبون .. قلت لاححووول وقمت اخذ بنتي للغرفه وسكرت الباب بقوه وقفلت ع نفسي .. و اسمعه يقول لهم مافي لعب ابي انام و يلا خذوووه نزلوووه تحت قالوا لا محنا منزلينه خلص نجيكم بعدين و راحووووا .. انا تعبت بصرااااااحه وماني عارفه وش اسوي .. زوجي نقطة ضعفه اهله ولو قلت له كلام قاسي وبينت له اني متوذيه راح يوقف معهم ... انا دايم ابين له بطريقه غير مباشره .. المهم لو كلمت امهم راح تزعل وتقول متوذيه من عيالي .. وعمامي طبعهم اذا واحد منهم زعل مني الكل راح يزعل يعني ياخذون نفس الموقف كلهم .. ومابي اطلع بسواد الوجه .. مرات افكر اكلم عمي بس اخاف وما ادري كيف تكون ردة فعله .. مرات ودي اكلم وحده من خواته المتزوجات وهي تفهم اهلها بس اخاف انها تصور كلامي او انها تنقله بطريقه ثانيه لان بصراحه ما اثق باحد فيهم وماني عارفه وووش الحل.. مرات يجي ببالي اني اخربه بس اخاف الله .. تعبت والله تعبت

رد: اخوانه افقدوني حريتي ببيتي
 

الخوف هو سبب كل مشاكلنا بالحياة ، والإنسان اللي ما يتكلم عن اللي يزعجه كيف الناس بيعرفون. يعني انتي لمحتي لهم وكلمتي زوجك كله ما فاد. تكلمي بقوة وبأدب محد راح يسوي لك شيء. (يعني لما زوجك دخل وقلهم نزلوه تحت ليه ما رحتي غيرتي القميص بسرعه ورجعتي قلتي لهم يالله ما تسمعون كلام اخوكم الكبير، شيلوه لو سمحتو على تحت).
انتبهي لبعض كلماتك يا اختي حنا هنا في منتدى يقرون كلامك فيه رجال وحريم وما ينفع ذكر بعض الأشياء اللي ذكرتيها.

رد: اخوانه افقدوني حريتي ببيتي
 

انا والله كتبت معصبه ومادري وش قلت وحتى اتوقع فيه اخطاء املائيه لان كنت معصبببببه .. وبعدين لو طلعت وقلت لهم نزلوه راح يردون وش دخلك او هو اللي راح يقول وش دخلك ؟؟؟ ويقلب علي

رد: اخوانه افقدوني حريتي ببيتي
 

لازم يكون لك ردة فعل قوية بس باحترام انا لو منك راح احط البلايستيشن برا عند باب الشقة ولاطلعوا وشافوه بيفهمون وياخذونه وراح اشرح لزوجي ان ذا بيتي ومملكتي لازم اخذ راحتي فيه وخل يحط نفسه مكانك

رد: اخوانه افقدوني حريتي ببيتي
 

قبل شهر كنت مهدده بالاجهاض ولما شفت صاروا يلعبون عندي صرت ابين لزوجي اجهادي بالشغل ان انظف ومدري ايش وهو يقول لاتغسلين السراميك خليه قلت شسوي كله وسخ من مكان رجليهم .. المهم مره جو وانا اغسل و انه يقول أجلي شغلك لبعدين و حطوا فراش والارض نصها مويه وقعدوا يلعبون .. مع العلم اني تعمدت اكب المويه بوقتهم عشان يخليهم ينزلونه بس للاسف مانفعت هالخطه

رد: اخوانه افقدوني حريتي ببيتي
 

بعد شوي راح افاتحه بالموضوع بكل صراااحه و ان شاء الله خير

رد: اخوانه افقدوني حريتي ببيتي
 

حل مشكلتك مع زوجك
خليه ينزل لعبهم تحت
وان رفض تصرفي انت ولا تدخلين اي احد
بكل بساطة كل مرة اوجدي عذر يلا حبايبي اريد ان انام ومرة اريد ان انظف المكان وغيره حتى يملون وينزلونه
لكن لا تسكتي على شي يضايقك في عقر دارك

رد: اخوانه افقدوني حريتي ببيتي
 

لخبطلي راسي موضوعك كنت راح ادخل اللاب اصفق هالولاد خبطتين واخرج
كيف السهر عندكم من 1 للسبعة احنا الوحدة ما حدا يقدر يتكلم بصوت ولا يزيد التلفزيون كرمال الجيران
وبعدين كيف يشوفوك بالمنشفة اخواني ما تصحلهم هالشوفة وكيف مراهقين يصرخ عليهم اخوهم المتزوج يقولو لا لو عندنا كان زأر فيهم زأرة أسد تسقط شعورهم من الروعة
الحل بيد زوجك افهميه بخصوصيتكما ان استطاع التغيير وله رغبة سينجح ان لم يفعل فهو دورك ولكن بنفس طويل واعصاب باردة
خرجيهم كل مرة بهدوء ولكن حزم خرجي الالعاب قدام الباب رن الجرس اعملي حالك ما سمعتي وبعدين وشهالميزة اللي تحلي اللعب غير في بيتك انقليها عنهم ولو كلفك الامر تستغنين عن العابكم او تشرو لهم مثلها المهم تتوقف هذه الفوضى لانك تحتجبي عنهم وتحطي خمارك في الاصل وبلاه الدلع الزايد للولاد بكرة يطلعو مايعين عصبت وانا مالي دخل
واكرر الهدوء والمثابرة وستغيرين هذه العادة

رد: اخوانه افقدوني حريتي ببيتي
 

انا اعطيك الحل ..
دامهم في المتوسط خلاص جت من ربي تغطي عنهم و بلغي زوجك ان هذا قرارك لانك صرتي تكشين منهم و من نظراتهم و دخلتهم لبيتك ..

رد: اخوانه افقدوني حريتي ببيتي