|
والد خطيبتي منعني من مكالمتها
السلام عليكم ورحمة الله وبركاته...
ادخل ع الموضوع عشان لا أطول عليكم.. انا خاطب انسانه والحمد لله وخطبتنا عن حب وكلنا نحب بعض كثير ولله الحمد والمنه والفضل وكنا نكلم بعض كثير ونكون مع بعض مسجات 24 ساعه من عشقنا لبعض بس جا ابوها فجأه كذا وقال خلاص مافي جوال!!! طيب ليش؟؟ كذا من غير سبب يعني ازورها عادي بس جوال لا.. طيب هي كل شي فحياتي بمعنى الكلمه واحبها بجنوون لو تمر ساعه ماترسل لي مسج صدري يضيق وهي كذلك يعني لدرجة اني احيان اقوم نص الليل والله من شوقي لها بس بأسمع صوتها شوي ونقفل ونكمل نوم.. ألحين أبوها سامح أكلمها عن طريق جوال امها بس دقايق!! انا قلت للبنت كلمي أهلك حاولي تقنعيهم لأني في عذاب ماني متعود على هالشي وانا زوجها ومن حقي ارتاح بصوتها وبمسجاتها وألحين ارسلت لها رساله انه إما تقنعين اهلك انه يرجع الجوال أو ما أجي أزور ولا أتصل ولا مسجات إلى بعد الزواج نكون مع بعض ونرتاح لأن الحاله هذي تساوي ((تعليقه)).. أفيدوني الله يرضى عليكم وهل من حقي أطلب هالشي كزوج أو لا؟ واللي بيقول كلمة اصبر لايضيف تعليقه الله يبارك له وأشكــــــــركم بجد محتاج لكلامكم.. الإشراف : تم تعديل العنوان ليتناسب مع المضمون |
اخي اذا زاد الشي عن الحد انقلب للضد
حلو تتواصلون مع بعض و تعيشوا احلى ايامكم بس انتو يمكن زودتوها حبتين و ابوها شاف انه البنت ماعاد انتبهت لحد و لا شافت حد شافها مهملة واجباتها مثلا او مهمله عايلتها و ماعاد تقعد معاه زي زمان كله وقتها عالتلفون معاك فامعاه حق يتخذ القرار اللي اتخذه و احمد ربك انك تقدر تكلمها ولو دقايق و تقدر تزورها غيرك حتى بعد العقد ممنوع يقابلوا زوجاتهم حسب العادات الاجتماعية نقطة كمان .. الاب يغير على بنته .. خاصة لما تكون لساتها مملكة .. يحس و كانه حد اخذها منه تخيل انت تشوف اختك 24 ساعة مع خطيبها عالتلفون ماعاد شافت حد .. اكيد راح تتضايق فاغيرة الاب اشد و اكبر يمكن ما تفهم كلامي او تشوف انه غيرة الاب على بنته كلام ما يتصدق بس ماراح تفههم الا اذا صار عندك بنات بالمستقبل برايي لا تضغط على البنت يكفيها اللي تحصله من ابوها اعذرها و اتقيدوا بال قاله عمك لانه عين العقل و اذا ما تقدر تصبر عنها .. عجلو بالزواج الله يوفقكم و يسعدكم |
بس انبهك انه ابوها حرمها من صوتك فلا تزودها عليها وتحرمها من جيتك
يعني لا تعاقبها بفعل ابوها هي كمان ما لها ذنب واتوقع كما قالت نورا يبدو انه ابوها لاحظ انها مهملة بحياتها وواجباتها فقر ر هالشي |
اخوي كل شي له حد
يعني اذا بتكلمها مرتين باليوم كويس لكن كل ساعة مايصح اللحين لماتسير في بيتك ويكون عندك دوام راح تكلمها كل ساعه وابوها يمكن يبغى يسير شوية تقل لانه مع الوقت ممكن انت واياها تملوا من بعض انا من راي اتفق مع والدها انه تحددوا عدد للرسائل وللمكالمات وتوعده انك ماتزيد عن عدد المرات الي يحددها واصل زيارتها ماتقطعها والله يوفقكم يارب ويجمع بينكم على خير |
نصيحة اخ ضبط وضعك وتزوج وبتكون عندك 24 ساعه
|
من حقك زوجتك تكلمها وقت ماتحب وبالطريقة الي انت تبغاها
وابوها ماله حق ابداً يمنعها تكلمك بالجوال سرع في الزواج الله لايحرمكم من بعض ماشاء الله تبارك الله |
صحيح ابوهاا مالها حق بس واجب عليك
انك تحترمه وتصبر عليه تزوج بدري وفك نفسك وريح حاالك انا ابوي كان يسوي با اختي كذا كان يتحكم فيهاا وتزوجت وارتاحت |
وليد9 و yoo yoo وأقهرتني الدنيا أشكررررررررررررررركم على ردودكم ما انحرم من أمثالكم...
وبالمناسبه أنا مستعد للزواج لو الاسبوع القادم بس ابوها يقول بعد سبعه شهور يعني التأخير من أبوها مو مني والمفروض في هذي الحال بما انه هو سبب التأخير مايسوي كذا وكمان يمنع الجوال لأن التأخير منه إذاً المفروض انه يتنازل عن هالشي.. |
ياربي وش هالاهل ,
نفسي بس اعرف ايش السبب اللي خلاه يقول مافي جوال , يعني ايش معنى زياره عادي بس جوال لا .. زين وافق تكلمها عن طريق جوال امها , الريحه ولا العدم حاول تكلم ابوها , وادعي ربي وان شاء الله يلين ويهدأ ويوافق .. يارب يارب يارب يارب يارب يارب ان اشاء الله ابوها يوافق وترجعون تكلمون بعض زي قبل ياااااااااااارب |
اشتر لها جوال صغير مرره و شريحه جديده وخليها تكلمك بالسر !
مافيه الا هذا الحل اذا نامت وخشت جوا بطانيتها ماحد راح يشوفها وهي تكلمك يعني تتفق معها تكلمك بعد الليل وكذا احسن لكم واذا اكتشفوها عادي انت زوجها مو رجال غريب تكلمه ! الحين فيه جوالات صينيه صغيرة شكلها نفس اللعبه تماما يعني اذا حد شافها ماراح يعرف انو جوال بيفكر انها لعبه شكله زي القلب وقيمته 350 ريال |
| الساعة الآن 06:55 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©