|
اشعر بالغربه بين اهلي وناسي
السلام عليكم
دي اول مره ادخل علي منتدي في حياتي والصراحة صديق هو اللي قالي ادخل هنا محدش هيعرفك انا في اخر الأربعينات اول صدمه لما امي طلعتني من التعليم علشان اشتغل فضلت اترجها كتير اني اشتغل واكمل تعليم قالتلي لا هتشتغل علشان اساعد في مصروف البيت بعد وفاة والدي لاني الولد الوحيد علي 6 بنات وكلهم اكملو تعليمهم واتخرجو من كليات محترمه لما كبرت لقيت اخواتي البنات في سن الزواج فكنت كل لما واحده تتجوز لازم انا اجهزها وجهزتهم ووالله مبسوط بحاجه زي دي علي الرغم من ان معامله اهل بيتي سواء امي واخواتي وحشه سيئه جدا ومافيهاش نوع من الاحترام ولا الحب وبعد زواجهم بداو يستعروا مني اني مش معايا ثانوي حتي امي بدات تعايرني وبالذات امي عمري ماحسيت منها بحب ابدا ولاعطف كاني مش ابنها والله لدرجه اني شكيت بنفسي قولت يمكن انا مريض نفسي ولا حاجه روحت لدكتور قالي انت كويس ومفيش فيك اي حاجه انت طبيعي قولت انا كدا خلاص احاول انا اعمل قرش لنفسي لاني حسيت اني لوحدي تاني صدمه اما اتاكد اني مش ابن الراجل اللي انا مكتوب باسمه وانه بحكم القرابه اتحوزها وستر علي امي بعد ماوقعت ففي الغلط مع واحد كانت بتحبه وللاسف انا اعرف الشخص دا ثالث صدمه ان امي باعت البيت اللي احنا كنا قاعدين فيه هو ملك لامي ووزعته علي البنات بس وانا قالتلي انا مش عاوزه اشوفك تاني انت بتفكرني دايما بمصيبتي وغلطتي وقتها معرفش ايه اللي كان فيا كنت بارد جدا ورد فعلي كان مفيش حاجه واخدت نفسي ورحت لواحد زميلي مش من الندينه لكن عنده شقه وهو قاعد وحده لما بينزل مدينته يديني المفتاح وقالي الشقه بتاعتك واحنا اخوات اول حد بجد واخر حد يعمل فيا خير الله يستره دنيا واخره معرفش ايه اللي جالي في دماغي قالي انت لازم تبقي ناجح وتشتغل وتبقي من احسن الناس حتي في الاخره لازم تكون احسن منهم بدات ادور علي شغل تاتي جمب شغلي وفعلا كبرت المحل بتاعي واخدت مكان اكبر وكملت تعليمي ونسيت كل حاجه حصلت فكرت اني اتجوز ويبقي ليا عيله تحبني دورت علي واحده ترضي متجوزاه لاني مش صغير وتناسبني وفعلا اتجوزت قعدت معاها والله سألتها السؤال دا انت موافقه عليا يعني موافقه انك تتجوزيني قالتلي ايوه بعد ذلك اكتشفت انها ليست بنت بنوت وقالت لي انها تم اغتصابها في صغرها والله لم اصدقها لكن اعتبرتها بنيه الستر دعوت الله ان كانت تظهر بي. فاكر بها يالله واتجوزنا بعد كام شهر وانا حاسس انها مش مبسوطه طيب فيه ايه تقولي مفيش حاجه بعد كام اسبوع تقولي كلام جارح علي اي كلمه لو قولت صباح الخير ماتردش ممكن مع اي كلمه مني تشتم وبعد كدا عرفت انها بتكلم حد علي الفيس. من اللاب ربنا هو اللي اراد عرفت بعد كدا ان هو دا الشخص اللي هي مارست معاه الزنا وكان الزواج مني فقط لغرض ان استر عليها وتاخذ مني مال كافي بعد ذلك تطلب الطلاق وتتزوج ممن تحب والله لو قالتلي انا بحب واحد وظروفه مش كويسه وانا بتقدم لها والله كنت ادتها الفلوس اللي تخليهم يعيشوا حياه كريمه كتشفت ايضا اني واحده من اخواتي زارت مراتي واهلها وقالت عني كلام مش كويس اني شاذ واني بلعب بيها وشويه وهطلقها بس لما ازهق منها وكمان امي راحت وقالت كلام زي دا واكتر ولما واجهتها تقولي والله لادمر حياتك زي مادمرت حياتي طيب بالله عليكم انا عملت ايه انا اللي قبل ما اتخلق خليتها تزني مثلا انا اللي قولتلها حرام عليكي والله ربنا هيحاسبك علي الكلام دا تقولي يحاسبني بس برضه هعمل اللي نا عاوزاه واخواتي البنات مش عاوزيني اخلف علشان يورثوني مع العلم انهم اخذوا كل شئ والله اتكلمت ولاطلبتهم بحاجه ولاقولت انا عملت ليكم وعددت اللي انا عملته وزوجتي رفعت قضيه تتهمني بالشذوذ وقضيه للتعويض وطلبت من اخواتي وامي الشهود تلاقت المصالح لكن انا كنت محضر نفسي لكل شئ وخسرت هي القضيه ورفعت قضيه عليها وحكم بالسجن عليها ل3 سنوات مع تعويض مادي واخدت التعويض كامل وعملت وصيه ان لو مت محدش من. اخواتي او امي يورث فيا انا بفضفض معاكم بالنسبه لامي قطعتها لان اخر مره طلبت البوليس وعملت محضر لولا شهاده الجيران اني كنت رايح ازروها ومعايا هدايا مش رايح اقتلها سؤالي انا كل دا بيحصل معايا ليه عاوز اعرف يعني انا مثلا غلطان اني ابن حرام او اني ساعدت اخواتي اللي انكروا فضلي او اني اتجوزت واحده طلعت زي امي زانية وسترت عليها انا لابحب الظلم ولا بحب اشوف ظلم كمسلم بصلي في جماعه بالمسجد وليا ربع كل يوم بقراه والله ما اعرف انا كل لما اعمل خير يترد عليا بشر مش عارف فيه ايه بس الحمدلله علي كل حال |
رد: اشعر بالغربه بين اهلي وناسي
لم تكن انت على ما انت عليه .. الا لان الله باذنه يحبك ..
الابتلاء دلاله حب الله لعبده .. وانت ماشالله قدمت الخير للجميع .. وعوض الله لك قريب .. اجعل هذا في بالك .. واتوقع انك باذنه انتهيت من ازماتك بعد ان صنعت قراراتك الاخيره .. واتوقع ان الخير قادم لك باذنه .. ابدأ حياتك من جديد مع شريكه حياه دون اي تنازلات منك على الاساسيات واتمنى منك ان تقرأ عن ..ابو ذر الغفاري.. |
رد: اشعر بالغربه بين اهلي وناسي
اسأل الله العظيم ان يفرج همك و يفتح عليك ابواب رحماته من كل حدب و صوب ....
اصبر لله و تحمل لله ، و ان ضاقت استعن بالله .. و لا تظلم بوصيتك ....! فما مال الدنيال الا حطام زائل ، لا تجعل منه حطبا يشويك يوم تلقى الله ! قابل السيئة بالحسنة ما استطعت ، فهي في النهاية امك ! |
رد: اشعر بالغربه بين اهلي وناسي
الله يفرج همك
هاجر من منطقتك إلى منطقة أخرى ولا تعلمهم بمكانك وابدا حياتك من جديد انت رجل اخي ليه تربط نفسك وتهينها فلنفسك عليك حق اكرامها |
رد: اشعر بالغربه بين اهلي وناسي
لاحول ولاقوة الابالله
غير مكانك اخوي واقطع كل سبل التواصل بينكم واعتبر ان اهلك صار عليهم حادث وانسى موضوعهم وابدا حياتك من جديد وابحث لك عن زوجه صالحه ومثل ماقالت الاخت روح لا تقبل التنازل بعد اليوم تزوج وعيش حياتك وابعد عن امك وخواتك نهائياً الله يصبرك اخوي ويفرج همك |
رد: اشعر بالغربه بين اهلي وناسي
الله يفرج همك ويرزقك الزوجه الصالحه العفيفة الودود الولود
|
رد: اشعر بالغربه بين اهلي وناسي
والله يا أخوي الي مريت فيه ماهو سهل و صعب
و هذا ابتلاء من الله لازم تصبر و تتماسك و تقوم على حيلك و أنت أمام خيارين مع أمك و أخواتك : يا تروح لمدينة ثانية و تعاني الغربة بس عشان تبعد عنهم أو إنك تعيش بنفس المدينة بس تبعد عنهم و ما تخالطهم أما بالنسبة مع زوجتك: خلاص طلقها و ربك يعوضك ان شاء الله و المرة الجايه احرص انك تختار كويس و الله يوفقك أنت انسان كويس وطيب و أخلاقك طيبة و الانسان الكويس كثير من الناس ما تعطيه حقه من الاحترام و التقدير تدري من الي يعطونه حقه ؟ الي يجفاهم و يوقفهم عند حدهم دائما و النقطة المهمة كون أمك غلطت و جابتك هذا ما يقلل من قدرك عند الله ممكن عند الناس لكن عند الله لا لذلك أنا أقول انك تطوي هالموضوع و حتى لو تزوجت مرة ثانيه لا تعلم زوجتك بالي قالته امك ------ و خلاص عش حياتك يا اخي |
رد: اشعر بالغربه بين اهلي وناسي
لا حول ولا قوة الا بالله هذا ابتلاء عظيم اسأل الله ان يرزقك الصبر والحكمة
اخي اجتهد في شغلك ودراستك وعوض اللي فاتك وروح منطقه بعيده عنهم لا يعرفوك ولا تعرفهم قلبي وجعني حسبي الله ونعم الوكيل |
رد: اشعر بالغربه بين اهلي وناسي
لا حول ولا قوة الا بالله
انه لبلاء عظيم تحتاج للصبر والجلد في مواجهته فاستعن بربك ولن يخذلك كما قال الاعضاء قبلي هاجر الى منطقة اخرى ولا تخبرهم بمكانك ويبقى ان تهتم بامك وتبرها قدر ما تستطيع ولو بمتابعتها من بعيد والسؤال عنها عبر طرق غير مباشرة اعانك الله |
رد: اشعر بالغربه بين اهلي وناسي
لا حول ولا قوة الا بالله
انه لبلاء عظيم تحتاج للصبر والجلد في مواجهته فاستعن بربك ولن يخذلك كما قال الاعضاء قبلي هاجر الى منطقة اخرى ولا تخبرهم بمكانك ويبقى ان تهتم بامك وتبرها قدر ما تستطيع ولو بمتابعتها من بعيد والسؤال عنها عبر طرق غير مباشرة اعانك الله |
| الساعة الآن 05:28 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©