|
الالم الرقبة والكتف مع تنميل
مساااء الخير للجميع يارب تكونوا بي الف صحة وعافية ايش اسباب الالم الرقبة والكتف ؟؟؟ ليا كم اسبوع اعانى من الالم اول مره حصلت معايا نمت وصحيت الصبح مااقدر احرك رقبتى قلت يمكن نومة غلط بعدها بي ايام صحيت رقبتى من الخلف منفوخة ومرة تالمنى لدرجة مانمت الليل ولا قدرت ادوام وقتها رحت للدكتور سويت اشعه لعظام الرقبة والكتف لانو كان مصاحبها تنميل في اليد اليسرى وارتفاع درجة حرارة مااعرف الدكتور كان شاكك في ايش وطلب تحليل املاح:20: الحمدلله الاشعه والتحليل كانت سليمة بس اعطانى مرهم - مسكن - ووصانى اعمل كمادات موية حارة اختفى كل شي بعد ايام من يومين رجعت لنفس الحكااااية ورجعت لنفس العلاج ومافي فايدة مين مر بنفس الشي طيب العظام والفقرات كلها سليمة والحمدلله فين المشكلة وليش الالم ؟؟؟ افيدوني |
الف سلامه عليك بنت مكه /ماتشوفي شر ياقلبي انا قبل شهر جاني نفس الالم ظليت شهر والحمدالله على كل حال لاكن بعد الاشاعه قالي الطبيب يمكن التهاب بالعضلات وبالرقيه والاستغفار والراحه اقصد ماتشيلي ثقيل وابعد ي عن الهواء المكيف البارد وان شاءالله يخف عليك واستخدمت ادويه ولولا الله ثم الادويه ولاكان تعباااااااااانه لي شهر تاركتها والحمدالله بس ماني فاكرة اسم العلاج رميته من زمان لازم تروحي لاخصائي عظام شاطــــــــــــــــــر
كيف امنه بلاامنيه /ايش اخباررها/ |
السلام عليكم بنت مكة
دخلت اقول لك سلامات طهور ولابأس اولا انا عانيت كثير مماتعانين منه لابد من الذهاب للطبيب احتمال احتكاك في فقرات الرقبة هي التي سببت الالم الفضيع والتنميل هذا سلمك الله العصب يكون مضغوط عليه السبب : الادمان على النت وانهاك الرقبة ان العادات الخاطئة هي السبب النوم على وسادة عاليه او النوم على البطن مشااهده النت انا صراحة كنت اصفح في المواقع وفجاءة نملت يدي وفكرت بعدين تصحى ههه لكن للاسف من بعدها رحت مستشفيات عدة في البداية لم يتم التشخيص بعد ذلك اكتشف طبيب انها من الرقبة المهم العلاج ابتعدي عن النت موو مشكلة ان شاء الله ربي يشفيك اعملي كمادات دافئة للرقبة تناول حبوب ريلاكسون ( مرخيه للعضلات ) روفيناك او امفيناك (هذا للعظام ) طيب للعصب ( ليريكا 75 ) هذا للتنميل ممكن ايضا تعملي تحليل لفيتااامين د في حبوب ذكرها الدكتور واستخدمتها اسمها ون الفا الكريم جوينت فليكس هذا تلاقيه في النهدي او المتحدة وصى به عبد الباسط بس داومي شهرين او فولتارين صديقاتي كثير اصابتهم نفس حالتي امكن 5 في العمل الجديدات وصفت لهم مثل ماقلت لكِ الحمدلله حسو بتحسن كثيروبعضهم فقط اعطيتهم ريلاكسون ماشاء الله ربي شفاهم لأني رحت مستشفيات كثيرة والله الدواء هو الدواء بمعنى اذا اعطاك روفيناك او امفيناك او سلبركس يعني كلها للعظام بس امفيناك طعمه مقبول لانها تذوب في الماء او روفيناك وهي خفيفة على المعدة اما العضلات لانها راح يصيبها تقلص اما باركسون او ريلاكسون اما العصب اما ليريكا او نيورنتين لاتنفجعي مكتوب داخلها تبع الصرع بس هي تفيد للاعصاب انا كنت انفجع ومااخذها بعدين عرفت انها لها اشياء كثيرة المرهم مثل ماقلت وفيه روفيناك او زيت زيتون خليه دافي واستعمليه حاولى ماتتعرضي للمكيف ولا المراوح اختلف تشخيصي لكن العلاج واحد اما خشونة في الرقبة والبعض قاال لا عمرك مستحيل يجي خشونة وشافوا الاشعة طبعا عمري في عمرك لكن التشخيص الاخير تقلص في عضلات الرقبة طبعا كنت اجلس على النت كثير ممكن تشتري طوق الرقبة اسمه نك كير انا اسميه رقبتي هذا في البداية يضايقك لكن يخفف من الضغط على الفقرات فيخف التنميل الحجامة آخر مرة قمت بها شوال الماضي عندك مركز الحجامة جنب بنك سامبا وايضا للغدة الدرقيه احيانا لها دور وهذه هي تجربتي بس صراحة خف كثير لماابتعدت عن النت والله هو الشافي ماادري اعتقد انه مرض يصيب المكاويات:d ادعي لي معاك يابنت مكة الله يشفيك ويكتب لك العافيه |
بنوته اذكر انك تقولي انك تقرين صوره البقره
هل هذي الاعراض جتك بعد ماصرتي تقرين او وقت القرايه ؟؟ لانو انا وقت رقيتي كنت بين الكتفين يوجعني واخر الرقبه واحس بالم يجي باوقات متقطعه وماكنت ابذل مجهود كثير وقالوا لي انو هذا من اثر العين اذا كنتي ترقي نفسك استمري اما اذا كان مو من الرقيه يمكن من الجلسه عالاب او تكون عضلاتك مجهده |
|
اقتباس:
اقتباس:
اقتباس:
اقتباس:
اعطانى حبووب مرره ممتازة ريحتني اعتقد نفسها من جد مريحة تسلمى الله يسعدك يارب |
سلامتج وما تشوفين شر انتي بس اتروشي بموية دافية وخلي المويه على الظهر وبمنطقة الوجع وكلي رطب واشربي يانسون وزنجيل والله يعافيج
|
| الساعة الآن 02:48 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©