|
(البليغ وسيدة الموقف) زوجي سافر وانا زعلانه منه
السلام عليكم ورحمة الله
تفاجأت بالامس بأن قريبة زوجي تتصل علي وتقول خلاص رايحه اجيك بكره واجلس عندك فترة سفر زوجي مع زوجك انا هنا تفاجأت ودارت فيني الدنيا قلت زوجي؟ قالت ايه ماقالك انه بيسافر مع زوجي بكره قلت ومن متى حاجزين قالت من اسبوع تقريبا وللعلم متفق بعد مع زوجها تجي عندي بدون ماياخذ رايي او يعطيني خبر مع اني احبها وكم مره تجيني بس برضو مااحب هالحركات انا طبعا تفاجأت وزعلت مره اشلون زوجي بيسافر ولا قال لي وهل معقول اني اعرف من الناس ان زوجي بيسافر انقهرت وزعلت منه ليه مااعطاني خبر مع ان علاقتنا مع بعض ممتازه ونضحك ونسولف عادي المهم من بعد هالسالفه مااكلمه وسافر وانا زعلانه منه ولا ودعته مثل كل مره وناويه ماارد على مكالماته اذا تصل وش تنصحوني فيه وخاصة اذا رجع من السفر وهل معاي حق ازعل منه ومشكورين |
1) أنتِ شعرتِ بالإهانة أمام هذه القريبة بسبب إخبارها لك بشيء أنت لم تعرفيه عن طريق زوجك..والشاهد أن نفسك تقول لك: الآن فلانة هذه قريبتي ستقول أن زوجي لا يخبرني بشيء، وربما بينهما شيء ما.
2) لا نقول لك اغضبي منه واهجريه، أو نقول أن الحق معك أو ضدك. 3) لا تظهري أمام هذه المرأة أو غيرها وجود أي شيء بينك وبين زوجك. 4) في قادم الأيام إن تكرر الأمر في مثل هذه الأشياء فأظهري أنك تعرفين الأمور بطريقة غير مباشرة..ويمكنك القول: أسأل الله أن يوفقهم..كي تظهري للآخرين أنك تعرفين أمور زوجك، ولا ينقص قدرك لدى النساء. 5) استخدمي معه أسلوب العتاب المباشر وغير المباشر المتمثل فيما يلي: أ- إن اتصل عليك فأجيبي على الاتصال، وتحدّثي معه بشكل فيه بعض من الرسمية..إن سألك: لماذا صوتك هكذا؟ قولي له: لا شيء..لا تهتم بالأمر. ب- يمكنك إرسال رسالة مختصرة له بهذا الدعاء "استودع الله دينك، وأمانتك، وخواتيم عملك". ت- إن عاد من السفر فاستقبليه ورحّبي به، وأظهري رسمية بسيطة في التعامل، وهو سيفهم هذا..وبعدها يمكنك عتابه بأسلوب ذكي أنثوي رقيق..مثل: كيف هنتُ عليك ولم تخبرني؟ هل أنا زوجتك سأخبر الناس عن سفرك؟ هل أنت لا تثق بي؟..ثم قولي له: سامحك الله...ثم اغسلا قلبيكما بالتصافي وينتهي الأمر. ::: أخوكم في الله/ حاتم بن أحمد-الرياض |
شكرا لك
للاسف زوجي فترة سفره ماتصل فينا ولما وصل دخل سلم وجلس شوي عطيته العشا ورحت لاني زعلانه منه وبعدها طلع يسهر انا هنا خلاااص يعني بدل مايجي يراضيني او يقول ماعليش ماقصدت بعد يروح يكمل السفر بالسهر صرت مطنشته وهو للان عااادي مطنش وللاسف نجلس كذا فتره طويله الين يطيح اللي براسه وبعها يجي يبي ينام معي من دون مايفتح الموضوع او نتناقش فيه لي فتره عن زوجي حتى من قبل مايسافر والان بالرغم من اني اصوم العشر الا ان فكرة ممارسة العاده السريه ترافقني كل يوم الا اني امسك نفسي بس اليوم خلاااص سيطرت الفكرة على راسي ادري انها حرام وانا احاول اهرب من الفكره لكن انا في النهايه انسانه ابي رأي غير اني انا افتح الموضوع او اناقشه بهدوء لان زوجي اذا تصرفت كذا يقلب السالفه علي ويزعل ليه انا ازعل |
1) لا بأس ببدء الحديث التدريجي معه إن أمكن مثل: أغراض البيت. 2) استمري في الصيام بارك الله فيك. 3) أرهقي نفسك بأعمال المنزل كثيراً. 4) استمعي للقرآن الكريم كثيراً. 5) ادعي الله أن يصلح الحال بينكما. |
الاخ الكريم البليغ
اريد رايك لان موضوعي كما هو لاجديد عايشين رسميين مع بعض زوجي يداوم ينام ويروح يسهر واذا رجع يجي ع طول يعطيني ظهره وينام طبعا هو قاصد لان مره هجرني شهر ونص تقريبا نفس الحركه والغلط منه طبعا وبعدين ناقشته وقلت مايصير هالوضع تعاملك معاي كاني خادمه مو زوجه طبعا عرف ان الموضوع يضايقني فصار يسوي هالشي انا هنا خلاص قررت اني اتركه براحته ابي منك لو سمحت رايك وابي تدلني على طريقه اوصل له فيها ان الهجر مايجيب معي نتيجه خاصه ان شخصيتي فيها كبرياء يعني لو غلط علي وجلس هاجرني سنه مابينت له وللاسف رجعت تراودني فكرة ممارسة العاده |
ماذا فعلتِ كي يهجرك هذا الهجر؟
هل أنت عنيدة؟ هل أنت مطيعة؟ هل أنتِ قائمة بحقوقه وواجباته؟ ماهي نقطة ضعفه؟ |
تواجهني هذه المشكله عند الرد على الاسئله
هذه الأخطاء تعيق اتمام العملية: نص المشاركة صغير جداً ، فيرجى رفع عدد حروف المشاركة إلى أكثر من : 3 حرف . مع ان الاجابه طويله |
اهلا اخي البليغ
بالنسبه للاسئله ماحدث هو ماذكرته لك في بداية المشكله لست عنيده اعتقد اني مطيعه اقوم بواجباته قدر استطاعتي نقطة ضعفه لااعلم قد تكون ابناءه مع العلم انه مكابر جدا ويحاول يبين ان كل شي عادي هو يوم العيد الصباح عايدني بفلوس وكان بيسلم علي حاولت اتغلى عليه قال ماتبين براحتك يوم العيد بالليل رحنا لاهله وشاركت باكله شعبيه عجبتهم مره واستانس وفي السياره كان يقول انا اكلت منها مرره حلوه انتي سويتيها يستهبل طبعا لانه عارف رديت عليه برسميه الظاهر هو يبي اي مشكله تصير يتجاهلها كم يوم او اسبوع ويجيب لي اي اكله او حلى او شي احبه وخلاص انسي الموضوع بدون مانناقشه حتى لو كانت المشكله كبيرهوتقعد الملفات مفتوحه وانا اكون متضايقه من طريقته لحل المشكله طبعا لما تكون المشكله تافهه من وقتها انساها بس لما تكون مثل هالموضوع لازم اوقف عنده واتفاهم معه ويشرح لي ليه سوا كذا لان في نظري مو كل مشكله تنتهي بحلى ولا عصير وننسى لابد مانتفاهم خاصه انها مو اول مره |
اتمنى من الاداره ان تمنحني مساحه خاصه لايراها احد من الاعضاء لان مشكلتي اكبر من كذا وماابي احد يشوفها ومشكورين
|
*ولماذا لم تسلّمي عليه يا أختي هداك الله؟...هو أراد مراضاتك بهذا الأمر فأنتِ قمت برده...وهو الآن يشعر أنه قدّم لك خطوة بطريقته الخاصة فيجب عليك أن تقدمي أنتِ الخطوة التالية! *هذه طريقة اعتذاره فاقبليها...وكثير من الرجال يفعلها مع نسائهم أم أنك تريدين كمية إرضاء أكبر وإظهار للتغلي كي يزيد في الاعتذار حتى تشبعي غرورك؟! *الملفات المفتوحة يمكن إغلاقها ومناقشتها بطرق عديدة وفي أوقات جميلة مناسبة..أليس كذلك؟ *بل فيك عناد وكبرياء كبير في غير محله..ربما مثل هذا يقود إلى انهيار الحياة الزوجية في قادم السنين..فتنبّهي لهذا..وقد أعذر من أنذر. *ارسلي له الرسالة التالية الآن: أنت رجل تخاف الله..وأنا أعرف فضلك وجميلك ورقة قلبك ونقاوتك..لكن يقول الله تعالى "وعاشروهن بالمعروف". ::: راسلي قسم روح الأسرة برسالة خاصة إلى الأخت ذكريات لا تغيب إن كان لديك شيء خاص جداً. ::: أخوكم في الله/حاتم بن أحمد-الرياض |
| الساعة الآن 04:11 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©