|
كيف أتعامل مع شخص عاطفي جدًا جدًا..!!
السلام عليكم و رحمة الله و بركاته ..
صباح النور.. تعرفون المثل اللي يقول لاتدل البدوي باب بيتك ! أنا البدوي هالحين :d لكن والله مارجعت مرة ثانية إلا لحاجتين الأولى: أشكركم على مساعدتكم لي .. والحمدلله انحلت العقدة و انطلق لساني ههههههه :14: بس هه على شوي شوي .. وكلام مكتوب لكن بالتدريج إن شاء الله لين أنطقه بلساني .. وجزاكم الله خير .. الثانية: كيف اتعامل مع شخص عاطفي و بزيادة ؟;) الكلام العاطفي بشكل ممل ! لدرجة انه مايتكلم وش راح يسوي بعدين او وش مخططاته !!! و تفكيره بعد أنا باللي اقدر عليه ما اقصر ان شاء الله لكن احس فيه حواجز و حياي يمنعني من الكلام العاطفي لكن احس اني مع التعود بيصير وضعي تمام من هالناحية بإذن الله.. لكن قليلا من العاطفة و قليلا من العقل عشان تضبط الطبخة :11: يمكن فيه احد بيقول احمدي ربك .. الحمدلله و الشكر له .. بس لازاد الشي عن حده تاصل لدرجة انك تجامل بشي ماودك تجامل فيه ! و بعدين فيه طبع في امي و ورثته منها وهو اننا نفكر صح << لا والله ههههههه امزح ترا لا يعني اكيد اي شخص يختلف تفكيره عن غيره و كل واحد يشوف الموضوع من جهه معينه مرات لا سولفت انا واياه و قال لي موضوع و عطيته رايي ينبهر و يقول خلاص مثل ماقلتي :11: واحيان يقول لي مادريت ان تفكيرك كذا سابقة عمرك << هو يقوله مهوب انا هههه و الا مرات يقول لي رايه و رايه غلط او حول الغلط و انا اقول له اللي اشوفه الصح (أنا ما اسوي فيها انا الذكية اللي محد قدي لكن اقولها بطريقة مافيها يعني اني هههه مثل: ماتشوف ان كذا احسن .. والا وش رايك بكذا ) انا هالشي مضايقني ؟ :rolleyes: لان حلم عمري اخذ واحد جازم وحازم و رايه صايب و ابي الخطا مني مهوب منه ههههه لكن قدر الله وماشاء فعل الزبدة يا أخواني و خواتي .. كيف اتعامل معه ؟ مابيه يحس اني اعلى منه بشي .. والا مسيطرة فيه امر أو اني شايفة روحي عليه لأن دينه ودين المغروره ههه و اخواني المتزوجين و المنفردين وش رايهم في هالموضوع ؟وكيف ودك حرمتك تصير من هالناحية ؟ و خواتي المتزوجات .. اللي عندهم زوج او اخو او ابو عاطفي و نفس ماشرحت فوق كيف تعاملوا معه ؟ عشان ارسي على بر الامان ان شاء الله و عافاكم ربي |
رد : عاطفي جدًا جدًا..!!
ياحلو اسلوبك ويازينك كلك
شوفي انا اعرف شخص احسة قريب لخطيبك ماهمة الا يومة كسول ماهنا دبرة يفسفس فلوسة يعني كريم على غير سنع عاطفي جداً يبيلة احد يعطية دفعة ويدبرة ويوجهه هو متزوج بس اعتقد ان زوجتة سلبية المهم انتي لاتترددين انك تقولين رأيك الصحيح ووجهية وعلمية بطريقة لطيفة كذا مارح يشوف نفسة ولاتحسسينة انك اكثر حكمة بالعكس رفعي به اذا قال رأي زين موفقه يارب |
رد : عاطفي جدًا جدًا..!!
اقتباس:
يازينك انتي والله :o التوجيه مهوب مشكلة كلن يوجه الثاني و يشور عليه, لكن ابيه رجلًا يقدح من راسه هههه عموما مابعد عرفته زين عشان احكم عليه حكم قاسي زي كذا هههه الله يغفر لي لكن مع العشرة ان شاء الله القاه شخص اخر :cool: الله يجزاك خير و يرزقك كل ما تتمنينه و يخليك لك والدك |
رد : كيف أتعامل مع شخص عاطفي جدًا جدًا..!!
ابدأي باستفزازه
بشكل خفيف ومعقول ومدروس اطلبي رأيه في موضوع واذا قال "زي ما تشوفين" قولي له : أبي رأيك انت، أنت الرجال هنا وأبدأي أسأليه أسئلة مباشرة وأطلبي منه أجوبه واضحة وعموما لا تستعجلي عليه والرجال ما يحبون الاستفزاز او الانتقاص من رجولتهم لكن انتي وشطارتك وبإذن الله مع العشرة راح تلقينه شخص أفضل وتذكري رأيي يحتمل الصواب والخطأ وبالتوفيق والله يتمم لكم على خير |
رد : كيف أتعامل مع شخص عاطفي جدًا جدًا..!!
اقتباس:
جزاك الله خير |
رد : كيف أتعامل مع شخص عاطفي جدًا جدًا..!!
الله يعينك .. رجال و عاطفي ما تركب مرة ، سبحان ربي
هو شي حلو لما تلمحين في شريك حياتك عاطفة بس مو لدرجة واضحة عليه بزيادة هنا .. تحسين يبغالك نفض رجولة شوي فكرة الاخ اللي قبلي في استفزازه حلوة .. لكن مو بالطريقة اللي قالها مدري حسيتها بتجيب نتيجة عكسية اتوقع لو تبداي انتي بالكلام عن المستقبل و الحاجات ذيه ع اساس يشوف من هرجك جدية شوية بعدهاا يتحمس و ذا او تسولفين من بعيد لبعيد قصص صحباتك و رجالهم يعني و هو شوي شوي حيتغير جربي كذا ، و ان شالله تلاقي تغير لو طفيف قهوة .. يا ملح اسلوبك ربي يهنيك |
رد : كيف أتعامل مع شخص عاطفي جدًا جدًا..!!
اقتباس:
جلعنا و والدينا من ساكنينه ... على قولتك هذي النفضه اللي ابيها !:11:>> ذا الفيس يذكرني بداوود الشريان هههه حاولت اتكلم عن المستقبل بس على خفيف لاني مستحية منه هههه و ما القى منه رد غير (الله يتمم على خير , الله يجمعنا على خير) <<< اللهم آمين اللهم آمين لكن يجاريني بالحكي قليل مرة عشان ما اظلمه ... عسى يا رب يتغير و ياملحك انتي بعد <<قلوب المنتدى فيه شح قلوب هههه |
| الساعة الآن 07:10 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©