|
طفلي شرب الخووف مني لدرجه مو طبيعيه___
السلام عليكم ورحمه الله وبركااته اتمنى تفيدوني في مشكلتي طفلي عمره 9 شهوور جلس وعمره يمكن 7 شهور لسه من شهر باادي يحبو طوول الوقت يمشي ع المشاايه ولدي له بنات اخته توأم اكبر منه بشهر بسم الله عليهم الحين يخطوون وغير كذا يعرفون يصفقون ويقولون باي ويقولو لااله الا الله برفعه اصبعهم وينطقو داد ماما وبابا واح ويفهمو ان الفنجال حار والدفايه والفرن يعني احسهم يستوعبون انا مااقارن ولدي فيهم بس احنا عايشين سواا زوجي غثني يقارن ولدي فيهم يقوول يااما انك مااتعلمينه او ان عقله فيه شي والله ابكي من هالكلام وخفت لايكون ولدي فيه شي ولدي يعرف يقول بابا وماما ودادا بس لايمكن يعرف ان هالحااجه حااره لو اقرب منه الفنجاال يمسكه ويعوره ويرجع مره ثانيه يلمسه غير كذا لما كنت حاامل كنت ماانام زوجي يتركني بلحالي وكنت اخاف واسااسا انا خواافه بسبب مواقف صاارت لي احس ولدي شرب هالخوف مني الحين لما احرك شي ويطلع صووت يقلب ازرق ويجلس يصيح وغير كذا يخاف يجلس لو ثواني بلحاله لدرجه وانتم بكرامه ادخله معاي الحمام حتى وهو يلعب يااخذ شوي ويجي يلمسني ويطاالع فيني تركيزه عاالي جدااااااااا وكثير الحركه فوق المعقوول لدرجه يجلس يطاالع بالارض ويشوف اي حااجه صغيره ويراقبها بدقه يرااقب النمل الصغير والذبااب وهو يطير اما الحركه فهو يجري بالمشاايه مايمشي يطير بشكل عجيب واي شي يشووفه لازم يمسكه يعشق الاسلاك يجلس يطاالع فيهاا بدقه ويحب الجرايد والمناديل مااتلفت انتباهه الالعااب يحب جهاز الكمبيوتر والتلفوون لدرجه اذا ماخليته يلمسهم يجلس يصاارخ بصووت عالي اي حااجه يشوفها يبيها ويحب يشد الشعر لدرجه بنات اخته لو جلسته معهم ماايبي يلعب يبي يشد شعرهم ابوه يقول خليه يشد شعره هو لحد مايخاف وانا اقول حرام صغير على كذاا الحين خواته واهله طاايحين في حركه يسموونه العدوااني ومراات يقولون مو صااحي انا يجرحني هالكلام ولاابيه يضرب احد واخاف يكون عدواني حااليا ماعاد اطلع فيه ولا ابيه يحرجني الاحظ الاشياء اللي يمسكها كلها يبي يعظها ماايبي يلعب فيها لان اسنانه مااطلعت وتاالمه مره ابغى اعرف كيف اعلمه حركاات لما اجلس معه واقعد اصفق ولا اقووله شي ماايلقي لي بال الاقيه ينااظر بشعري ولا لبسي يدور حااجه يمسكهاا ماايقدر يركد خمس دقاايق من يقووم وهو يتحرك وبسرعه لدرجه لماا يناام يطيح وهو هلكاان تعبني بس اطاارد ورااه كل شي يسحبه الطااولات والملابس ماايخاف من شي نهاائي مع ان بنات اخته لاقالت لهم اح رجعو لهاا الله يحفظهم ولدي حتى وهو يشرب الرضااعه يحرك يدينه بقوه ويدور حاجه يمسكهاا ولما اجي احممه يطاامر يبي يمسك اي شي مااايركد نهاااائي مخوفني ان فيه حااجه هل ولدي طبيعي وكيف اتعاامل معه وكيف اخليه ماايخااف الاحظ عيوونه فيها خووف لما نمشي بالحوش ولا لما يشوف قطوه او لو طفيت النور المصيبه اني خواافه ومن كل شي كيف اخليه جرريء |
ولدك طبيعي جداً ماشاء الله عليه كثرت الحركه تدل على الصحه لدى الطفل ,
واما عن موضوع الفجان والحراره فهي خبرات حياتيه لادخل لها بالأدراك , حقيقة ليست لديه الخبره الكافيه في كيفية جعل الطفل لايخاف ولكن , يمكنك ان تبرهني له ان الذي يخاف منه لايخوف بالحقيقه! بمعنى لو انه يخاف من النمل مثلاً فبإمكانك ان تجعليه يمسكها وتقول له انها لاتؤذي ولاتخوف وهكذا , جعله الله قرة عين لك واصلحه |
وعليكم السلام والرحمه..
ما شااء الله تبارك الله ..ربي يبارك لك في ولدك ويصلحه .. ماشاء الله ولدك طبيعي 100% وحركااته جدا عادية لطفل في مثل عمره,, والحووسة والحركة الزاايده تدل على صحه وذكااء وحب استكشاف الي حواليه ,, وما شاء الله فطن حتى للذباب الي يطير وللنمل ههههه .. الله يحفظه لك ويرزقك بره .. |
الله يسعدكم يااارب
واخيراا احد رد علي ابي احد يعلمني كيف اعلمه حركات واخليه يترك الاسلاك في حاالها لاشااف سلك تشقق من الفرحه يجري له عشاان يعضه ويلعب فيه انا شايله همه لامشى بيشغلني واخااف يأذي نفسه ابيه يخاف من الحار |
اقتباس:
وولدك عنده طااقة ما شاء الله بس يبي له طولة بال :23: |
الله يحفظه ويصلحه ما شاء الله عليه
ولدك ما فيه إلا العافية بس انتي قاعدة توسوسين وتأثرتي من الكلام اللي تسمعينه مرينا بمواقف كذا وسمعنا مقارنات يقولون ولد فلانه مشى ليش بنتك ما مشت وهم نفس العمر ودق وكلام الله يعين انتي طنشي شتسوين مع إنها من الأمور اللي كانت تزعجني بشكل وبالنسبة للأسلاك طبيعي عادي جدا كل عيالي جتهم فترة يحبون الأسلاك ويبغون يآكلونها ولعلمك بيقعدون يتعبثون إلى عمر سنة ونص إذا مو أكثر وبيشغلك لا محالة الله يعينك وما بيخلي شيء ما بيسحبه ولا يلعب فيه ما أخوفك بس عشان تكونين مستعدة ودايما منتبهة له ومع هذا ما تقدرين تمنعين بعض الحوادث الصغيرة لاسمح الله وإذا انتي ماعندك دفاية ولا حار أو ولدك ما انحرق منها ما بيعرف لازم يجرب يعني خليه يلمس بيالة الشاي وتلسعه وقوليه حار ومره بعد مره بيفهم مو كل الأطفال يتعلمون من مره وحده وبعضهم يتعلم فترة وبعد وقت إذا غاب الشيء هذا يرجع ينسى ويبغى يمسك الحار مره ثانيه يعني الله يعينك حاولي تكلمينه مثل الكبار عادي بكلمات واضحة وكرريها دائما وطبيعي يخاف من الأصوات لأنه أول طفل وربما ما يحتك كثير ولا سمع إزعاج حتى وهو في بطنك فعادي سمي عليه الله يصلحه ويقر عينك به |
حبيته عن جد بنتي كانت زي كذا الله يصلحهم اجمعين
شكله راح يطلع مبدع موهوب مخترع رائع جدا لا تخافي اهم شي انتبهي من امقارنات مايذبحنا الاهي الله يحفظه لك |
| الساعة الآن 05:20 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©