وين راح الحب بعد الزواج ؟
مسائكم خير
عندي سؤال وين يختفي الحب بين الزوجين زمان لما كنت مراهقه كنت احب شخص حب طاهر وعفيف طبعا من بعيد لبعيد لانه من قرايبي بس كنت احس قلبي يضرب بقوه كل ماسمعت بسيرته ولا شفته وكنت انام وانا كل شوي اعيد المواقف اللي تصير عنه وكل تصرف يسويه لي كنت اقول اكيد يحبني واحس بسعاااده مالها مثيل طبعا كبرت وعقلت وعرفت انه حب مراهقه لاغير وتزوجت بشخص محترم وببدايه زواجنا كنت احس بمشاعر مقاربه لحب المراهقه كنت استمتع معه وقلبي يدق بقوه لما اشوفه او اجلس معه لاكن شوي شوي راحت المشاعر هذي ما ادري ايش السبب مرت 4 سنين وحاسه بشوق ان قلبي يدق مرا ثانيه واسترجع المشاعر هذي حاولت اغير روتين حياتنا لاكن زوجي كان يسكرها فيه وجهي جربت مرا احط ولدي عند اهلي وعزمته كوفي وطلع يوم مباراه وراحت الطلعه من ركبت السياره معه لين طلعنا من الكوفي وهو يتابع المباراه بالجوال رغم اني جنبه واول ماخلصت رجعني لبيت اهلي لانه كان بيطلع مع اصحابه طبعا رجعت وقلبي حطااام واقول مافيه امل يحس ويتغير بين فتره وفتره اقول اعزمني لحالنا نبغى نطلع مع بعض يقول قريب ولايصير شي اقول نبغى سفره مع بعض ولاتكلف لو طلعه للشرقيه نجلس ع البحر ونرجع ويقول قريب بلأخير يصير عنده شغل بالشرقيه وياخذ صاحبه معه عشان يخاويه بالطريق رغم اني حاولت اقنعه اني بخاطري نطلع سوا ولا ابغى غير البحر لاكن لاحياه لمن تنادي بتقولون يمكن انا ناشبه فيه لا مخليته على راحته يوميا يطلع لاصحابه ولا احاسبه في مشاويره ابدا طبعا زوجي مايقصر نطلع مشواير عائليه مع ولدي وتروح كلها وزوجي يهزأ بولدي لأنه حركي بس انا بخاطري طلعه رومانسيه لي يعني شي يخصني وسبق وقلتله مليون مرا ويقول ان شاءالله ولا اشوف شي بتقولون طيب حاولي حاولت وسويت حفلات وعزمته لوحدنا ولا اشوف تغير واتمنى يبادر هو بحاجه تخصنا ☹ هل الموضوع يضايق فعلا ولا انا مكبرته شوي حاسه بمشاعري تمووت قدام عيني 💔 يمكن البنات راحوا يفهموا مشاعري اكثر من الرجال 😢💔 |
رد: وين راح الحب بعد الزواج ؟
مع مرور سنوات على الزواج والاعتياد تخبو شعلة الحب ويحل محلها التعود والاحترام .
طبعا الموضوع يضايق لكن ستعتادين الزوج العربي لا يطلع عواطفه الا في بداية الزواج ويصبح التعبير عن عواطفه جريمة يعاقب عليها القانون. |
رد: وين راح الحب بعد الزواج ؟
اقتباس:
|
رد: وين راح الحب بعد الزواج ؟
ياشيخه قولي الحمدلله رب العالمين
الركود والملل اللي تتكلمين عنه تدرين وش معناه ( ان حياتك مستقره مافيها مشاكل ) اقري بعض المشاكل هنا ويشيب راسك وتستصغرين كل شي عندها !! مشكلة الحريم والبنات تبي الحياه بيرفكت تبي الدنيا مسلسلات حب وعشق وشموع واكشن والله الحياه حلوه لكن تدرين متى ؟ اذا استشعرتي النعم اللي عندك وعددتيها !! النعم مو النواقص اتركي وش ناقصك فكري باللي عندك ومو عند غيرك انا زوجي كروي صميم ومدمن مباريات وأقلمت حياتي معه على كذا اعرف جداول المباريات الهامه واحترم اوقاتها وما اطلب شي في وقتها واتابع واشجع معه واتحمس واضحك اذا فاز واطقطق عليه واستفزه اذا انهزم :) حفظت اسامي الانديه وحفظت اسامي اللاعبين وصرت اعطيه على جوه كأني واحد من اخوياه في الاستراحه !! ويتحممممس بشكل ما تتخيلينه حبي حياتك وأقلمي نفسك عليها وخففي رومانسيه وحساسيه لأنها تاخذ من صحتك وبس |
رد: وين راح الحب بعد الزواج ؟
اقتباس:
|
رد: وين راح الحب بعد الزواج ؟
اقتباس:
|
رد: وين راح الحب بعد الزواج ؟
اقتباس:
وانتي زوجة ذكية وتعرفين من ين تؤكل الكتف بدهاء بس ما يمنع يخلط بقليل من الرومنسية الله يوفقك يارب |
رد: وين راح الحب بعد الزواج ؟
اقتباس:
فعلا الحل اشغل نفسي بنفسي |
رد: وين راح الحب بعد الزواج ؟
اقتباس:
|
رد: وين راح الحب بعد الزواج ؟
كأنك تتكلمين عني ..
الموضوع من اوله لاخره كأني انا اللي كاتبته اقتباس:
|
الساعة الآن 01:49 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©