بعد ما استخدمت المسك الابيض فاجئتني الافرازت
 

مرحبا اخواتي..

أنا متزوجه ولحرصي على النظافه والاهتمام بالمنطقه جربت المسك الابيض ولأول مره(( المسك الأصلي اللي من القرشي)) المهم اني بعد مااستخدمته تفاجأت بحكه في المنطقه الحساسه وقلت لا هذا شي طبيعي وبيزول بس لما جى اليوم الثاني زادت الحكه وصارت شديده ..مع اني اتجنب تماما حك المنطقه حتى لايزيد الوضع سوء.. قلت بتحمل وبتخف بعد كم يوم....
وفعلا خفت ثالث يوم بس مازالت..
بس اللي حطمني وخوفني أكثر من الحكه انه بعد ثالث يوم تفاجأت بنزول افرازت مائيه سايله مره وتكون بأغلب اليوم= ماحس اني ناشفه لدرجة ني أغير الملابس الداخليه 4 مرات باليوم.. حسيت اني خلاص ببكي يمكن الحين صارلي اسبوع على هالحال.. والافرازات فيها رائحه (تكرمون)
وربي مستحيه منكم..
بس حبيت تفيدوني هل هو من المسك؟؟ والا هذا شي طبيعي بعد استخدام المسك؟؟؟
لأن اختي قالت لي : هذا شي طبيعي لأن المسك قاعد يطلع اللي جوا رحمك وينظفه..:(
بس أنا مو مرتاحه وخايفه مررره.

للمعلوميه(( أنا طوووووووول عمري ماعانيت من الافرازات ولا شي من هالقبيل.. كنت اسمع عنها ولا اعرفها.. يعني كنت الحمدلله طبيعيه100% وأنا اهتم بنفسي ايام الدوره وحريصه على نظافة المنطقه))

الله يوفقكم فرجوا همي.. وربي احسه هم..

يعطيكم العافيه.. وآسغه عالأطاله:o

اختي الفاضلة انتي تعانين من التهاب في المهبل اختي بغيت اسألك هل تحسين بالم ؟ والافرازات هل هي مثل قطع الجبن الصغيرة او الزبادي )تكرم النعمة( ام انها سائلة ولونها ليس ابيض؟ هل تعانين من مرض السكر ؟ هل تعالجتي منذ فترة قريبة بمضاد حيوي؟ انا اتوقع انك تفرطين بتنظيف المنطقة واستخدام المعاطرات للمنطقة ... وقد ذكرت لاحد الاخوات هنا كانت تعاني من مشكلة مقاربة لمشكلتك ذكرت لها بانه يوجد في المهبل وسائل حماية ضد الجراثيم والفطريات والالتهابات ومن هذه الوسائل 1-مادة حمضية في المهبل وهذه المادة تلعب دورا هاما في الدفاع ضد الجراثيم والميكروبات والافراط في غسيل المنطقة بالصابون والعطريات يقللها او قد يغير هذا الوسط الحمضي لذا يجدر بالفتاة ان لاتكثر من المعطرات والصابون وانما النظافة بالماء وقليل من الصابون الغير عطري والمحافظة على نظافة الملابس الداخلية .. 2ـايضا من وسائل الحماية بكتيريا وفطريات نافعة تتحول في بعض الاحيان الى التهاب مثل حالات مرض السكر او استخدام مضاد حيوي قوي او اهمال النظافة الشخصية او نظافة الزوج.. اختي الكريمة كما قلت لك انتي تعانين من التهاب لذا يجب عليك الاسراع في الذهاب الى طبيبة لتصف لك المضاد الحيوي المناسب ولاتسمعي كلام اختك في انه نظف الرحم والكلام الغريب هذا !!!!!! .. نعم المسك مستحب ولكن لا تحاولين ادخاله في المنطقة يعني يكون استخدامه خارجي وانتبهي لنظافة زوجك.. واعذريني ارد عليك من جهاز الجوال عشان كذا الكلام سايح على بعضه دمتي بصحة وعافية

مرحبا اختي الفاضله واشكرك على الرد..

وبجاوبك عبى اسئلتك: أنا ما أحس بألم بس احس برغبه في حك المنطقه.
الافرازات سائله ولونها ليس ابيض.. لونها يميل الى اللون الاصفر.
والحمدلله ما اعاني من السكر.
ولا تعالجت بمضاد حيوي بهالفتره.. تعالجت به من فتره بعيده جدا عن حدوث هذه الافرازات.. يعني يمكن من شهرين او 3 اشهر.
وانا صحيح اهتم بتنظيف المنطقه لكن بطريقه معقوله يعني مو بأفراط.. فقط اغسل المنطقه بالمويه بدون صابون وعمري ماغسلتها بصابون .. فقط استخدم غسول سيباميد الطبي مره في الاسبوع..
ولا اضع اي معطرات في المنطقه ابدا ابدا.. فقط المسك الابيض.. وفعلا هالمره دخلت المسك داخل المهبل..لاني قريت انك لازم تدخلينه بأصبعك تقريبا 1 سم.. وهذا اللي سويته.. واحس اني كثرت الكميه يعني حطيت بطرف اصبعي هم قالوا مثل النقطه بس انا يمكن حطيت نقطتين او ثلاث.
وانا الحمدلله اهتم بنظافة ملابسي الداخليه واحرص في تغييرها.
ولكن مافهمت قصدك بنظافة الزوج وكيف اعرف اذا هو يهتم بنظافة منطقته الخاصه او لا..
اتمنى تلاقي لي علاج .. لاني مابي اروح لدكتوره لاني عمري مارحت لدكتوره تكشف لي بهذيك المنطقه لاني متأمله انها ازمه وتعدي..بس ياليت اعرف هل سببه المسك الابيض.. وياليت تفيديني عن الطريقه الصحيحه لأستخدامه..
لاني قبل هالمره استخدمته لكن فقط بالمسح على المهبل من الخارج وكانت الاموره تمام وماعانيت من افرازات ولا غيرها..

يعطيك الف عافيه وجزاك الله كل خير

انتظر ردك..:o

اهلا عزيزتي

لازم تروحين طبيبة موضروري تفحص عليك انتي اوصفي لها وصف دقيق .. الحكة , الافرازات , هل هناك احمرار في المهبل ام لا ... وهكذا وهي راح تعرف اي نوع من الالتهابات

وتوصف لك الدواء المناسب

وقولي لها من البداية انك لاترغبين بان تفحص عليك وان شاءالله هي تتفهم وضعك


انا والله لا اعلم ان كان من المسك ام لا لكن ربما كان انتقال الالتهاب عن طريق الزوج

سأبحث لك في الموضوع واحاول ان ارد لك قريبا ان شاءالله


الله يمتعك بالصحة والعافية

اختي الغسول المهبلي والماء والصابون الغير عطري كااااااااااااااافي جدا

المتفائله وفدوى وام سنو.. جزاكم الله الف خير على ردودكم ونصحكم...

ابشركم وبفضل الله والحمدلله احس اني بديت شوي شوي ارجع طبيعيه.. يعني حاليا الحكه اختفت والافرازات موجوده لكن مو مثل قبل حسيت فيها بتحسن:22:

بس ياليت لو تجاوبوني<<< مالقت الاجوبه اللي تنتظرها على اسئلتها:rolleyes: :
1_ ماهي الطريقه الصحيحه لأستخدام المسك الأبيض السائل؟؟ هل هي بالمسح الخارجي عالمهبل؟ أو ادخاله 1سم الى داخل المهبل:( مثل ماسويت انا قبل وسبب لي كل هالمشاكل؟؟؟ يااااااااااااليت تفيدوني بالطريقه السليمه 100% ومامنها ضرر<< خوافه.؟؟؟؟

2_ كيف يعتني الزوج بمنطقته الحساسه؟ وهل له غسولات خاصه كما لدينا نحن النساء<<< قلبت فصحى:o؟؟؟ وكيف اعرف اذا هو مهتم بمنطقته الخاصه أو لا..؟؟

وبس..

أنا ماتبت من اللي سواه فيني المسك بس وش اسوي ادور الزين.؟
خاصه ان الرسول عليه الصلاة والسلام نصحنا فيه..

ويعطيكم الف الف عافيه.. في انتظار ردودكم على احر من الجمر.

colors يعطيك العافيه..
انا وانتي ننتظر الاجابه الشافيه:)

صح الرسول وصى فيه لكن ماندري الحين وين الأصلي
انا بصراحه اخاف أستخدم أي شي لهذه المنطقه يعني يكفي الماء والصابون لأن هذه المنطقه حساسه جدا
أنتي ممكن أن تمسحي بالمسك فقط من الخارج مو ضروري تمسحي من الداخل أءمن لك