|
ودي اتزوج .. لكــن !!!
الســلام عليكم تكفوون اخواني طالب مساعدتكم عمري 23 وابي اتزوج لكن كل الناس يقولون اني صغير على الزواج والمسؤليه والمفروض اني اعيش حيــاتي موظف من ثلاث سنوات تقريباً وراتبي 6 الاف وباخذ قرض عشان الزواج وبيصير راتبي 4500 على العلم اني بسكن في عمارة الوالد .. هل المبلغ كـافي انا خايف كثير من المصاريف لاني ما احب الضغوطات الماديه ولا استطيع اني اتحملها وابي منكم الإفاده يا المتزوجين في وضـعي الماادي .. تنصحوني اتزوج ولا اصبــر وخصوصاً اني عايش ثلاث سنوات عزوبي بعيد عن اهلي هم في منطقه وانا موظف في منطقه ثانيه وحتى دراستي كانت خارج السعوديه وعشت متغرب ومليت من العزوبيــه .... ولاتنسوووني من الدعــاء لكل من يزور موضوعــي :) اخوكم في اللــه |
يااخي اذا كنت مستطيع ماديا لازم تتزوج
الله ييسرلك ويسترك |
وعليكم السلام ورحمه الله وبركاته
اخوي انصحك نصيحه لله أعقلها وتوكل ابحث عن البنت الصالحه ودامك عازم صدقني الله بيفرجها عليك واغلب الي يتزوجون الحين على القرووض والله ان شاءالله بيفتحها عليك ....أنا خطيبي عمره 24وله سنتين موظف تقريبا او اقل و مــأخذ قرض وايجار بيت ويصفى لنا من الراتب 2000 والحمدالله وزواجنا قريب والحين وانا ف بيت اهلي مو مقصر معاي ماشاءالله تبارك الرحمن و الحمدالله ويصرف علي .. وصدقني دام الواحد مرتاح نفسيــاً ف بيته ومين يشاركه حياته ماراح يفكر ف الامور الاخرى وأترك عنك الناس وصدقني الناس ماتخلي احد بحالها ان تزوج وان ماتزوج وان طلق الله المستعان لكن دور راحتك وماعليك من أحد .. والله يكتب لك الخير اخوي ويوفقك ويرزقك بالبنت الصالحه التقيه والذريه الصالحه تحيتي |
توكل على ربك يبوي وتزوج وما شا الله الراتب زوييين ودام انك بتسكن عند باباك يعني نص امووور الزواج تيسرت
الله يوفقك وصدقني ابوااب الرزق بتنفتحلك ... |
( من استطاع منكم الباءة فليتزوج)
مادمت ترغب بالزواج فما المانع ؟ تزوج الله يوفقك .. |
الله يجززززززززززاكــم خيــر ويوفقــكم ,, والله ردودكم ريحتــني وخصوصاً ام البراء الله يجزاهـا خير ويبارك لها ويسهل لها امور زواجهــا
والله يكتب اللي فيه الخيـر |
راتبك حلو ... مع شويه ترتيب لمصارفيكم صدقني يكفي ...
توكل على الله وتزوج ... الله يسعدك يارب هموووم |
الله يجبر بخاطرك يا همووومـ
والله يبعد عنك همومك ويفرج كربــك ويحقق لك كل امانيــك يــارب يـــاارب |
توكل على الله ألف مبرووك:14: :14: :14:
|
شف00 بذكرك بالمصاريف وانت قرر:
مقاظي للبيت،فواتير متنوعه((جوالات0 كهرباء0مياه0 تلفون))،لبس للمدام ونثريات،سفريات،، اطفال ومستلزماتهم ماتنتهي، كذلك اصبحت الخادمه ضروره مع الطفل!،،مطاعم،،هدايا للمقربين في المناسبات00الخ غيض من فيض 00 لكن مع هالمصاريف يضل الزواج سكن وراحه للعزوبي00 |
| الساعة الآن 09:28 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©