|
تقرير مفصل عن تايلند وبدون ((صور)) والسبب بالداخل
السلام عليكم ورحمه الله وبركاته 00
وبعد بعد رحله دامت 15 يوم في ارض العجائب رجعت وكلى شوق لديرتي الغاليه ومن ثم لهذا المنتدى الشامخ فبعد التحيه والسلام 000 ابدأ في شرح الكلام بسم الله نبدا _____________ قبل البدء في اي حديث بذكر لكم السبب اللي يخليني انزل التقرير بدون صور :29: 00 واللي هو الإ الآن قاهرني ومخليني اشتاط غيظا 00 بكل بساطه تعرضت للسرقه في وضح النهار:29: والمشكله اني انسرقت في اكبر وافخم مول في بانكوك :14: اسمه((بنجابي مول)) ذاك اليوم التاريخي اللي ماينسى ابد صرت مثل المجنونه:23: ادور على شنطتي اللي تحتوي على (( جوال n70 وجوالn95 وكاميرا ديجتال)) اضافه الى الاغراض الشخصيه بدايه القصه 000 كنت انا وزوجي وبنتي في هذا السوق ((الله لايرده)) وبالتحديد في الدور الرابع قاعدين نلعب بنتي بالالعاب بعدها جلست آكل آيسكريم 00 وخليت عربانه بنتي جنبي وعلقت الشنطه عليها وفوقها اكياس ----ركزوا معي زين ----- يعني اللي يبي يسرق مايمديه لازم يوخر الاكياس ثم ياخذ الشنطه -----طيب يعني انا كرسي ما احس الا ابحس وكفشه لأنها جنبي لكن الشغله اكبر من كذا 000 الشغله اشبه بالتنويم المغناطيسي لي ولزوجي --- كلنا ما انتبهانا الا عقب عشر دقائق من جلوسنا ------ والله عجزت افسر وشلون سرقها 00 بلغنا الامن اللي بدوره فقع مرارتي كل واحد قاعد يدربي راسه ما يدري وش الهرجه ---:30: اللهم اخذوا رقم جوال زوجي على اساس اذا لقوا شئ يدقون علينا0000 والله ياجماعه الخير اني ماهمني الجوالين بدالهم اربع 000 اللي مضيق صدري ومطير النوم من عيني ان الكاميرا تحتوي على 300 صوره من بينها صور شخصيه لي ولبنتي وزوجي ---- :24: لكن قلعتي احد يروح لسفر معاه احدث موبايلن ولا بعد انقل الكاميرا معي بكل مكان---- ماقول الا الحمد لله والشكر ماعلينا غثيتكم بسالفتي 000 الحين نجي للمضمون00 _____________ اولا السفره مقسمه الى خمس ايام بوكيت وتسعه ايام في بانكوك 00 تاريخ السفره 13/6/2007 خط السفر ديرتي ثم البحرين ومن ثم قطر ((طبعا على الخطوط القطريه )) ومن ثم الى بانكوك 1- مطار بانكوك : من اكبر الطارات اللي زرتها اضافه الى التعقيدات اللي واجهتنا من تفتيش واستخراج فيزا والزحمه اللي ملهاش آخر00 توجهنا الى مكتب استخراج الفيزا وبعد تعبئه الكوبونات ودفع 3000 بات يعني (300 ريال) رسوم الفيزا اي 100 ريال للشخص الواحد00 ويوم خلصنا طحنا بسالفه ثانيه اللي هي (( ماتدخل تايلند عموما الا معك اقل شي مصروف جيب 600دولار 00 ولازم توريهم 00 واللي ماحلتوش يقعد به مثلنا قال زوجي للموظفه اللي معاي دفعتهم على استخراج الفيزا 00 خليني اروح اصرف بالصراف واجيبلك الفلوس 000 قالت معصي ماتتقدم خطوه الا لما تخلص اجرائاتك 000طيب وش الحل!!! قالت دبر نفسك --- قالتها بالانجليزي :d الصرافات داخل المطار والدخول ممنوع الا لما اشوف جميع الشروط استوفن --- المهم بعد شيل وحط قالت عطني بطاقه الصراف انا اصرفلك :14: قالها زوجي هذه برقم سري قالت بسيطه علمني ايام 00 ياناس ياهوه لهدرجه تعقيد ماشفت 00 طيب وش فيها لودخل وانا موجوده عندهم وصرف 000 لكن العقل نعمه 00 وبالاخير عطاها البطاقه والرقم السري علشان صرف 600 دولار والحمد لله مرت على خير وعطونا الفيزا وتوجهنا للداخل لنواجه طابور طويل عند المسؤل عن اجراءات الهجره ويوم وصل دورنا طالبونا برقم الرحله مع الجوازات وتفتيش مكثف اضافه الى اخذ صوره لكل فرد بكاميرا الكامبيوتر 0-----حشا تقل جايين نسرق:29: ثم توجهنا الى استلام الامتعه اللي لقيناه فاضي مافيه ولاشنطه تدور ---- تدرون ليش لأن بإجراءاتهم المعقده اخرونا عن استلام امتعنتنا000 وبدأت مأساه اخرى قعدنا ساعتين ندور على عفشنا كل واحد نسأله يدربي راسه يقول روحوا للمكتب الفلاني والمكتب العلتاني بالاخير طحنا بواحد فاهم ودلنا على العفش00 ثم توجهنا الى الطابق الثاني لتبدأ رحله جديده على طيران تاي ايرواز الى بوكيت اه تعبت ابكمل بعدين 00 تراني لي ساعتين واصله من المطار نعمه اللى كتبت القاكم بالجزء الثاني |
مرحباً ديمو
حمداً لله على السلامة ماشاء الله عليك لك ساعتين وجايه تكتبين أكيد مجهزه كلام كثير . . أعجبتني كلمة ( مدربي ) . . عوضك الله فيما فقدت ومتابع للجزء الثاني مرة أخرى حمداً لله على السلامة |
حمدا لله على سلامتك يا غاليتنا ديمو
و الله أحداث القصص تغث الله يعينكم أقول لهذا السبب أنا دائما أشجع السياحة الداخلية :17: حفظكم المولى |
ابو فارس 00 الله يسلمك لو تجي للصراحه مالي خلق لشي لكن جلست وقلت لنفسي خليني
أخذ لفه سريعه على المنتدى اشوف آخر الاخبار 00 ما حسيت بنفسي الا وانا قاعده اكتب يمكن من القهر اللي فيني على اللي صار 000 والله للأسف كنت مجهزه صور فوق الخيال 00 من طبيعه خلابه وعروض فلوكلوريه 00 وغيرها لكن قدر الله وماشاء فعل اشكرك اخي على المتابعه |
الوفيه لوالديها 00 هلا وغلا بمشرفتنا الغاليه 00 والله لك وحشه خاصه
تسلمين حبيبتي 00 ماعليك من السوالف اللي تغث 00 كلها تنسى بمجرد شوفه الطبيعه الخلابه |
حمداً لله على سلامتك وسلامة زوجك وابنتك.. إن شاء الله رحلة موفقة.. ومعوضين خير بإذن الله بخصوص الجوالات المفقوة والكاميرا المسروقة.. أنا سبق وزرت مطار بانكوك القديم والجديد.. بخصوص مطار بانكوك الجديد فعلاً رائع ومرتب جداً وفيه حركة طيران جوية رهيبة من كل أنحاء دول العالم لكن يعيبه المشي الطويل والممل واجراءات استخراج الفيزا لنا كسعوديين من المطار فيها انتظار ممل.. لذلك أنصح زوار تايلند أن يستخرجو تأشيرة سفرهم من سفارة تايلند في الرياض أو القنصلية بجدة أريح تجنباً لهدر وقتك.. أما بخصوص الـ 600 دولار صراحة موقف غريب جداً ولم يسئلني أحد خلال زياراتي لتايلند السابقة أو أي دولة شرق آسيوية عن المبلغ النقدي الذي أحمله.. شكلكم طحتو بموظفة جوازات غثيثة مخترعة قانون من راسها.. أختنا ديمو 2006 حمداً لله على سلامتك مرة أخرى..وبكل شوق أنا بإنتظار الجزء الثاني من تقرير رحلتك.. تحياتي.. |
الحمد لله ثم الحمد لله على سلامتكم جميعا ...
الكاميرا والمناظر الخلابه فداكم كلكم .... والله يديم ايامكم سعيده وعامره بالرحلات السعيده |
الجزء الثاني من التقرير:
________________ 2- الخطوط القطريه : سفرنتا على الخطوط القطريه وبالتحديد على الدرجه السياحيه 00 تمتاز تلك الخطوط بالفخامه والراحه اضافه الى الدقه في مواعيد الرحلات 00 انا اقول هالكلام من تجربه 00 غيرها مثل الخطوط الاماراتيه هي في نفس مواصفات الخطوط القطريه لكن عيبهم التأخير اضافه الى ان الخطوط القطريه بدأت فعليا بالمنافسه ومن حكمي الشخصي القطريه تفوقت على الاماراتيه وغيرها التذاكر كلفت 5920 ريال 00 وخط سيرها ذكرته مسبقا ___________________ 3- الوصول الى بوكيت: في الساعه الخامسه مساء وبعد الاجراءات واستلام الامتعه تجهنا للفندق الواقع على شاطئ الباتونج وهو من احلى الشواطئ واشهرها في بوكيت00 الفندق من فئه خمس نجوم موقعه ممتاز جدا حيث يطل على الشاطئ اضافه قربه من سوق الليل اسم الفندق (جريس لاند ) 00من جد خطير بمعنى الكلمه ______________ اليوم الثاني000 وبعد الانتهاء من الفطور اخذنا جوله مجنانيه على حساب الفندق لأهم المعالم في بوكيت ابتداء في مكان مرتفع يطل على منظر البحر لإلتقاط الصور 00 منظره خلاب فوق الخيال ومن ثم انطلقنا مصنع لإنتاج الكاجوا والمنتجات المجففه التايلانيه 00 فيه لأول مره اشاهد الكاجوا من شجرته وطلعه الى كيفيه تقشيره بالآله اليدويه 00 هنا اكلته طازجا 00 طعمه لذيذ جدا بعدها قدمو لنا عصير الكاجوا لا بأس به 00 طبعا اللي يبي يشتري فيه الجهه الثانيه كلها منتجات للبيع ----------------------- ركبنا السيار وتجهو بنا الى المعلم الثالث وهو مصنع المجوهرات والاحجار الكريمه هو ليس مجرد مصنع بل عرض المصنوعات من المجوهرات والذهب معرض رهيب وحلو 00 لشاق الالماس والاحجار الكريمه يمتاز بكبره وترتيبه اما الدور الثاني منه فيوجد به بعض المعروضات والمنتاجات الجلديه والتذكاريه وغيرها000 --------------------- من المواقف الطريفه 00 البائعه انشبت لزوجي تبيه يشتري خاتم الماس لقيمه عشره الاف ريال وهو يجاملها يقولها شكر ماعجبني الهم ضلت تلاحقه وهو سافها بالاخير حمقت وقالت ليش ماتشتريه لزوجتك ولا مستخسر عليها قطعه خاتم !!!!!! على بالها تبي تستفزه 00 لكن لاحيات لمن تنادي فقالها 000 هذا الخاتم مايساوي عشر اللي عندها :25: ----- انواع الخراط ------------------- بعد هذا لفوبنا لفه على بوكيت ومن ثم رجعنا للفندق 00 وبعد استراحه لمده ساعه توجهنا مشيا على الاقدام الى نايت شوبنق ---- سوق الليل اللي راح الى بينانج هو مثله لكن اكبر واوسع واجمل اضافه الى انه يطل على شاطئ الباتونج يعني على جنبك الايمن البحر والالعاب البحريه والمراجيح وفله الحجاج ومن يمينك التسوق ومطاعم السي فود كمان المطاعم التايلانديه والعربيه والايطاليه ---- يعني ماودك تطلع من هالشارع :d اكلنا في مطعم ايطالي مادري وش اسمه لكنه جنب مطعم دبي العربي ملاحظه____ طلبنا لايحتوي على اللحم او الدجاج عليه بيتزا مارجاريتا قمه في اللذه ----- طبعا الشيف ايطالي :17: بعدها انطلقنا نتمشى بين المحلات اللي اذونا (تأل هلو هلو ) تعال حلو حلو وبكذا خلص يومنا الثاني بعشوه مكونه من استاكودا وجمبري وسمك ----- اختصري --يعني سي فود |
مروق البال00 اشكرك اخي 00 هذا اللي حصل معنا 00 والله ان راسها والف سيف ماتدخلون الا
لما اشوف 600 دولار 00 والمشكله مهب عليها راح زوجي يكلم المسؤله اللي اكبر منها نفس الطريقه00 حتى كلنا استغربنا من الحركه اول مره تحصل لنا 00 اشكرك مره اخرى بارك الله فيك |
الحمدلله على السلااااامة يا جاية من السفر :21: والله يخلف عليكِ في الجوال و الكاميرا .. وأهم شئ الجواز سليم علشان يحتاجوه هنا >> يبغى ينكّد بأي طريقة :d بس والله ماقدرت أمسك نفسي من الـ :d لكن شوفيلك حل في موضوع الصور >> تعرفي ترسمين :25: ونا قلت أكيد ديمو هناك تيك تاك وهاتك يا تصوير :28: ترى من سافرتي ونا قاعد أجهّز لموضوع رحلتك ومسوّي لك دعاية ماحصلتش وتذاكر العرض كلها انباعت والصالة Full لا تورطينا ترى بايع لهم بسعر السوق السودا :30: أنا بحاول أشغلهم بترتيب الصفوف .. وأيوة حاجة سئعه .. أيوة مين عاوز يقزقز لب :d وانتي حاولي تلطشيلك كم صورة من هنا ولا هنا ونعدّي الموضوع بسلام :24: أكملي .. متااااااابع وسردك للرحلة مفيد وممتع ماشاءالله عليكِ .. بس هااه لا تخلين شئ >> ترى نويت وجوازي بجدّده قريب :17: |
السلام عليكم ورحمه الله وبركاته عزيزتي ...الحمد لله على السلامه ...وابشري بالعوض عن ماسرق .. . |
تلميذع الايام 00 مشكوره حبيبتي وبارك الله فيك وبأمثالك
ام حموزه 000 بارك الله فيك على التعليق البسيط والتذكير 00 احب اقولك حطيني على يمناك لاتخافين على من ناحيه الحجاب الشرعي اما التصوير لم تكن بمثل ماتوقعتي لكن كانت صوري بحجابي مع ابنتي 000 وطبعا هذا ليس بمبرر 00 والله الهادي 00 مره اخرى اشكرك وبارك الله فيك |
اقتباس:
مشكور اخي على التنكيد 000:24: بس كنت اتساءل بيني وبين نفسي يمكن اللي صابني من حوسه عين من احد 00 بس لاعرف السبب بطل العجب 00 اثاريك انت بالمرصاد :29: ما الومك على ضحكك فشر البليه ما يضحك 00 انا والعياذ بالله من كلمه انا00 ضحكت على نفسي وانا اقرا ردك في احد المواضيع على سالفه تك تاك 000 قلت والله ياهو اكل بومبا بالاخص انا اللي طاح وجهي 00 ياحسافه جهدي اللي ضاع هدر بالتصوير :21: لكن الحمد لله مرارا وتكرار اللي جت بالشنطه ولا جت بنتي 00 اما سالفه ابحث لي عن صور من هنا وهناك فكرت فيها علشان يكمل الموضوع لكن 00 ماله داعي اخذ صور غيري 00 اهم شي المضمون والتجربه |
العازم00 بارك الله فيك 00 ايه نعم كل شي يتعوض الا الصحه 00 الله يحمانا من كل مكروه
|
متابع متابع بقوة
وماحتركك إلا إذا رأيت THE END كلامك وعباراتك كنا زمان نقولها في الحارة وإنت بتفكريني بالشباب .. :rolleyes: المفك , والدّقنوس , والوريا , وابورجل مسلوخة ياه .. كانت أيام :22: عمومأً .. برضه متابع مع إني رحت تايلند من زمان أووي .. ككح .. وش ذا الغبار ;) |
ابو فارس 00 مشكور على المتابعه00 معليش اسفه غربت عليكم بكلامي
لكن وش هالاسامي 00 هذولا بلحالهم يبيلهم قاموس علشان نفهم |
الحمد الله على سلامتك وسلامة اسرتك وعوظك الله خيرا في امان الله... |
عفوا نسيت ان اخبرك / / / باني لازلت متابع في امان الله... |
تعاوناً معك يا ديمو إنتي أكملي هذرتك :d ونا بحط صور :22: / \ / لقطات سريعة من Bangkok http://www.abiyoyo.com/tailandia/ban...kok_noche1.jpg http://www.abiyoyo.com/tailandia/ban...kok_noche2.jpg http://www.abiyoyo.com/tailandia/ban...2/bangkok5.jpg http://asiatours.net/thailand/images...ok_skyline.jpg http://www.paesionline.com/photos_wo...ngkok_1478.jpg http://www.abiyoyo.com/tailandia/ban.../bangkok12.jpg |
http://www.66n.com/pics/hosted/rceo8...wsdlwui05g.gif PHI PHI ISLAND http://www.abiyoyo.com/tailandia/mu_..._phi_phi24.jpg http://www.abiyoyo.com/tailandia/mu_..._phi_phi23.jpg http://www.abiyoyo.com/tailandia/mu_..._phi_phi13.jpg http://www.abiyoyo.com/tailandia/mu_..._phi_phi19.jpg http://www.abiyoyo.com/tailandia/mu_..._phi_phi26.jpg http://www.abiyoyo.com/tailandia/mu_..._phi_phi22.jpg http://www.abiyoyo.com/tailandia/mu_..._phi_phi14.jpg http://www.abiyoyo.com/tailandia/mu_..._phi_phi11.jpg http://www.abiyoyo.com/tailandia/mu_...o_phi_phi2.jpg خلاص ياستي أهوه صار تقرير مصوّر ولا أحلى من كذا :22: |
الجزء الثالث من التقرير
_______________ اليوم الثالث : ________ بعد ماصحينا من النوم طبعنا قايمن من آذان الديك كلنا نشاط وحيويه متحمسين للرحله اللي بنروح لها ------ تقل بزارين فرحين بيوم العيد :26: طبعا الرحله منسقينها من المكتب اللي بالفندق وهي عباره عن مشاهده القروده وهم يناقزون ويستعرضون 00 والفيله المليحه ورحله على ظهر الفيل في الادغال---قلبتها ماوكلي:d المهم انطلقنا في رحفظ الله للمكان المقصود 00 وقبل الدخول للعرض دخلونا للمعرض يبع منتجات تذكاريه---- والله هقونا من اليوم الثاني وهم يدخلونا معارض الاغصب تشترون:29: طلعنا ورحنا عند عرض القرده 000 المكان متواضع جدا 00 ماعلينا قمنا نتفرج على المجنن من القروده وعم يتميلحون امام الكاميرا 00 وكل واحد يقول الزود عندي:23: بعدين جلسنا وبدا العرض --- كان ممتع وشيق -- وفيه مشاركه من الجمهور ------------------------------ من المواقف الطريفه : اثناء تواجدنا في مكان العرض فيه قرد للي يبي يصور معه 00 طبعا ماسكه صاحبه صورو السياح مبقى الا انا وزوجي متنحين على جنب ------ انواع الخوف :d جا لمنا قال (( بكشر 00بكشر وذ منكي)) قلت من خوفي (( نو00 نو00 انقلـ000)) انا ما امداني اكمل الهرجه الا القرد فوق راسي :24: ------ انا قايله انه يمون ((----------------)) اللي بين القوسين مشفر -- يعني تخيلو قرد ينط فجأ عليكم -- يعني وش تبي تقولون!!! ----------------------- ايضا من المواقف اثناء العرض يقوم القرد بقذف الكره على الجماهير ومن ثم يقذفونها عليه ركزمعي وش صار000 قام احد الجماهير يستعرض خفه دمه عند صديقته قذف الكره بقوه على القرد المسكين اللي بغى يروح فيها --- المهم حقد القرد عليه -- وبعد غفله من خفيف الدم اللي قاعد يتضحك امام صديقته -- جته سلقاطيه كرويه --طاخ خ خ على وجهه وبذالك القرد برد قلبه --- وخفيف الدم قعد يلقط ماتبغى من وجهه المتساقط خجلا :d ________________ الرحله الثانيه : اتجهنا الى السياره واعلنا الرحيل متجهين الى الفيله المليحه 00 وبنتي تغني اغنيتها الشهيره طبعا ابقولها لكم بعد الترجمه(( اتنمى لو كان لي صديق فيل ---- يسعدني ويفرحني ولعب معه حتى ميعاد النوم في المساء----- مدري وش الباقي)):15: وصلنا المكان المنشود -- الا بذاك الفيل يحينا بخرطومه اتجهنا له واخذنا بعض الصور----(الله يخلف راحن) يحليله هالفيل عمره خمس سنوات اذا جيت اصوره يرفع خرطومه ورجله ---- على باله يستعرض بعدين مشينا الى المنصه مكان مرتفع علشان نقدر نركب على ظهر الفيل الكبير ---من جد شكله يخوف -- بغيت اهون بس قلت حرام اخرب فرحت بنتي بصديقها الفيل المهم تعوذت من الشيطان الرجيم وركبنا على فيل واحد ----- كيف ركبنا؟ انا اقولكم على ظهر الفيل كرسي عريض ياخذني انا وزوجي وبنتي بحجري ربطنا حزام الامان وبدأ الفيل بالمشي ----- والله شي روووووووعه تقل ملاهي المهم مشابنا نحو الغابه وقطع بنا الدروب راقين ومدحدرين ----(يعني ارتفاع ومن ثم نزول) :27: توفق الفيل للحظه والفت علينا السائق --- قال انا ابصوركم بكاميراتكم وانتم فوق الفيل بس لا تعلمون احد ترا هذا ممنوع يطردوني من العمل --- لكن علشانكم اسويها واخذلنا كم صوره ---- إهئ أهئ الله يجازي من كان السبب:21: تجربه لن انساها ماحييت 000 فعلا فريده من نوعها واللي ناوي يروح مثل الازرق لا يفوتها:17: بعد ذالك رجعنا من حيث اتينا 000 فإذ بعصافير بطوننا تصوصو 000 انجهنا لمطعم هندي اسمه(على بابا) طلبنا برياني بالدجاج وبرياني بالربيان وشوربه عدس خبز تندوري--- لكن للاسف غالي على غير سنع اكله مش ولا بد فبعد ملئ البطون اتجهنا للفندق للراحه وحتساء كوب من القهوه للصحصحه 000 ومن ثم النايت شوبنق ---- احلى شارع بالنسبه لى احب الشوبنق :26: وبعد اللف والتبضع الخفيف --- يعني لعبه على الطاير 00 شبشب عزكم الله 00 شغلات خفيفه لكن من عيب السوق انهم يضربونك بالسعر 00 انت بدورك تكسر روسهم بالمكاسر للسعر المناسب ولا شر البليه مايضحك اذاقلتهم بكم وقالك بكذا وانت قلت لهم لا غالي اعطوك الحاسبه وقالوا انت سعر واشترها بالسعر اللي يناسبك ويناسبنا:22: بعدها ختمنا جولتنا بعشاء خفيف واتجهنا للفندق والتعب على محيانا ---مدري هي صح ولا لأ:25: انتظرونا بالقادم |
إيش هذا يالأزرق :eek:
ياعمي خلي جوالي ينسرق ويوقفوني في الجوازات يوم بحاله :30: بس أروح هذه الأماكن أنا رحت قبل كده بس ماشفت شئ غير (بتايا ) صراحة صار نفسي أروح ثاني هاه تروح معايا يالأزرق ..؟؟ :confused: . . بعد إذنك أختي ديمو |
الحمد الله سلامتك ست ديمو
لا تزعلي الشباب قامو بالواجب وهلا صار التقرير بصورة ام وليد |
يا عمي يا ازرق ايش ها لاحراج هذا 000 يعني لازم تمم رايك وتحط صور 000
بس تصدق جبرت بخاطري--- روح ياشيخ الله يجبر بخاطرك :d لكن يوم شفت الصور خنقتني العبره تذكرت احلى صور التقطتهم وطاروا للأسف |
بما ان الازرق شد من ازري 00 هذه بعض الصور اللي بحثت عنها في المنتديات الاخرى
ولله الحمد وفقت ووجت صور للفندق اللي سكنت فيه ((جريس لاند)) http://www.66n.com/pics/hosted/ml5yo...aiqfnx5ghw.jpg وهذه صوره الجاكوزي اللي بالسويت 00 بس حنا ماحطولنا ورد وخرابيط 00 طافت علينا هالحركات http://www.66n.com/pics/hosted/2cbbo...4fo3ar6fzw.jpg http://www.66n.com/pics/hosted/kc7bz...qwdd2yfgh6.jpg هنا صوره لشارع اللي فيه البازار الليلي http://www.66n.com/pics/hosted/s3f68...t9jyz9191y.jpg اكتفي بهذا القدر ان شاء الله اكمل بعدين |
ابو لانا مشكور اخوي على المتابعه 00 بس الحين صارت المتابعه احلى بعد اضافه الصور
ام وليد 00 مشكوره حبيبتي والازرق ماقصر ابو فارس 00 اذنك معك 00 ها الحين افضل |
/ \ / راجع |
الحمدلله على سلامتكم
|
http://www.7m7.org/img101/s0a.p7m7mf...9w33417291.gif / الحمدلله على سلامتكـ وسلامة بنتكـ وزوجكـ حبيبتي / > وربي يسعدكـ ويسعدكـ ويسعدكـ < × كل ما اتابع اضحكـ أكثر × ^_^ شجاعة صراحة بركوبكـ الفيل وربي يحفظلكـ بنتكـ هي واغنيتها ^_^ + اما الاكل ليش بدون لحم ودجاج خفتو يغشوكم !؟ + ^_^ وعجبتني سالفة القرد يستاهل ما جاهـ اللى يتميلح قدام صاحبهـ ^_^ " اكملي حبيبتي تدري عاد اظن خير لكـ ِ ولنا ان تسرق الصور " : لأن شرحكـ رائع جدا ً وممتع وأخذتنا بقلب الاحداث واتوقع ماكان راح يكون الشرح بهذهـ الطريقة بالصور : _ حفظكم الله واسعدكم ووفقكم بالدارين وكفاكـ ِ بزوجكـ وكفاهـ بكـ وحفظ ابنتكـ واسكنكم الفردوس مع من تحبون _ http://www.7m7.org/img101/s0a.p7m7mf...9w27952469.gif http://www.7m7.org/img101/s0a.p7m7mf...9w33417291.gif |
ابولانا
ام حسين وعمر 00 تسلمون والله يجاكم الجنه رود00 مشكوره حبيبتي على مشاعرك الطيبه 00 اهم شئ يعجبك التقرير اما سالفه بدون لحم ةدجاج (( لأن هناك المطاعم اغلبها مش حلال وانا تعبت من هالناحيه والمطاعم العربيه زوجي مايبغاهم اولا لأنه مل من الاكل االاكلات اللبنانيه وغير اللي عندنا بالديره يبي يجرب شي جديد000 اضافه الى انهم يقسمون ظهرك بالسعر 00 مدري وش عليه مثل سالفه مطعم على بابا000 هو ماعنده مشكله اذا دخل المطاعم هذه على طول يطلب سي فود لأنه يحتاج ذبحه وذكر اسم الله عليه وانا ما احب شي اسمه سي فود الا السمك 00 فتجي الطخه على وضطر اكون نباتيه :d |
الجزء الرابع من التقرير:
______________ هذه صوره المطار الجديد الذي تكلمت عنه مسبقا http://www.66n.com/pics/hosted/tciq5...xy5vk0fo3e.jpg وهذه صوره للباتونج بيش من اعلى وهذا احد المطاعم السي فود التي تتواجد بكثره على الباتونج بيتج http://www.66n.com/pics/hosted/vadla...qz0x9jrd2c.jpg _______________ اليوم الرابع : طبعا بعد مانسقنا مع المكتب اللي بالفندق قبلها بليله (هذا المكتب حق الرحلات السياحيه) والمكان المنشود جزيره بي بي http://www.66n.com/pics/hosted/btp0u...kkgoou4aek.jpg في تمام العاشره كانت بدايه الرحله 00 طبعا ركبنا باص وكان معنا سياح من فنادق اخرى اخذهم قبلنا00 المهم توجهنا للميناء اللي فيه القارب 00 هو متوسط الكبر مزود بخدمات حلوه من اكل وشرب وادوات النجاه 00 وفيه بعد عده الغطس انطلقنا وانا كلي خوف بسبب حركه بنتي الكثيره الله يصلحها تبي تقعد فوق تشم الهوا:29: ما الومها المنظرخلاب والجو كان غائم رياح خفيفه ----- النشره الجويه :21: وزعوا علينا وجبه خفيفه المهم ورونا الكهف اللي ماتشوف منه الا فتحه صغيره وقام يهذر علينا 00 لكن انا ماركزت همي على بنتي 00 وبعدها وصلنا لنقطه ونوقف عندها للي يبي يسبح ويغطس صراحه المكان روووووعه فوق الوصف 00 وقاموا العالم يتمصلخون ويسبحون :29: 00 وحنا نتفرج :d بصراحه خفت وعيت على زوجي يسبح لأن فيه سمك :24: بعدها انطلقنا الى الجزيره وتوقفنا على شاطئها ذو الرمال الذهبيه والمياه الزمورديه :28: طبعا اللي يبي يسبح واللي يبي يتمشى بالجزيره ---- وحنا راعين تمشي 00 تميشنا فيها وبأسواقها 00 طبعا فيها مطاعم 00 عموما الجزير عامه صغيره وممتعه لساعات فقط وبعد ذالك تمل 00 سكانها من المسلمين 00 وعند الخامسه كان الرحيل من حيث اتينا ---------------------------- هناك رحلات اخرى مثل جزيره حمس بوند 00 لكن عقب تلك الرحله حرمت --- وهذه نصيحه مجانيه مني لكم 000 اللي عنده اطفال دون الاربع سنوات لا يتفلسف مثلي ويروح رحلات بحريه تراه يبي يتنكد يومه تصدقون ان مافيه الا انا معاها طفل الباقي كلهم بالغين -- من جد طاح وجهي الكل راحمنا بسبب حركه بنتي الكثيره _________________ اليوم الخامس والاخير لنا في بوكيت: ___________ الرحله المقرر الذهاب لها (فانتسي شو) ---مدري فانتسي لاند-- المهم حدى الاثنين:23: فيه لها وقتين فقط حنا اخترنا العرض اللي باليل طبعا تكون متواجد فيها من سبعه مساء هذ صوره لها: http://www.66n.com/pics/hosted/vv6f8...yltcczs0ft.jpg وش سالفتها00 هذه ياطولين العمر عباره عن عروض مسرحيه في غايه الروعه 00 اول ما وصلنا المكان ابهرني مكان شباك التذاكر والبوابه روعه في التصميم 00 مسكنا الطابور ويوم جا دورنا خيرتنا بائعه التذكر بثلاث خيارات وكل خيار له سعر خاص 00 الاول العشاء في المطعم الفخم+ العرض او العرض مع شغلات ثانيه 00 او الاخير اللي اختراناه اللي هو فقط العرض الاسعار ماني متذكره باضبط ابسأل زوجي وعلمكم بعدين 00 لكن مش غاليه مره لأنكم لادخلتو جوا بتلقون انها تستاهل اكثر ---- ياجماعه الخير احلى مافي بوكيت الفانتزي قمه في الروعه -- بسم الله علي جن ماخلو شي http://www.66n.com/pics/hosted/a9tqj...ppzar6jpmj.jpg هذه الصوره مهب لعبه تلعب فيها 00 بس شغله عليها مجسمات مهرجين تدور طبها فيها شغلات للعب مثل الالعاب الاكترونيه والرمايه سوا بالكور وغيره 00 ومعارض ليبع الاشياء التذكاريه وكشكات بيع للمشروبات والفيشار وغيره 00 المهم جا الوقت المنشود ودخلنا مكان العرض ----- ياناس ياهوه اول مره بحياتي انهبل من روعه التصميم بالفعل شغل متعوب عليه المهم دخلنا لصاله العرض اللي الظار تكفي الف متفرج او اكثر قاعه متدرجه 00 تشبه المسارح جلسنا وبدأ العرض بصوت واحد كأنه يحكي قصه عن التاريخ مع عرض للصور 00 بعدها بدا الشغل العدل ------ مااقدر اوصفه لكم يكفي اقول كأنه افتتاح كأس العالم :17: هذه بعض الصور للعرض ---- ترا ممنوع التصوير فيها لكن هذه صور للي يبي يخذ فكره http://www.66n.com/pics/hosted/fa5o5...4a83l7hxjn.jpg من جد شي خيال ناس قدامك تستعرض ماتدري الا وهم فوق راسك متشعمطين بحبال ويسون حركات بهلوانيه http://www.66n.com/pics/hosted/mjmkh...v4ropmtsyl.jpg --------------------------- من الموقف الطريفه: قبل البدء بالعرض كانت بني في حاله ملل تبغى تطلع تلعب برا 00 وانا احاول اهديها واسكتها لدرجه ان ابوها طفش وقرر الرحيل لكن الحمد لله بدأ العرض وكأنها اسكتت يوم طفوا اللمبات طلع الفيل من جنبنا يمشي انواع الصراخ والتشجيع من بنتي ---- ياحبي لها هابلها هالفيل بعدها جوا اللي فوقنا متعلقين وعليهم لبس فسفوري يولع باضلام --- انهبلت بنوتتي ماتدري وش ذولا تقولي ماما دا مساء----- الترجمه ماما هذا نجمه المساء --- متأثر بفلام كرتون:15: عرض خيالي لاينسى 00 خلص العرص واتجهنا للبوابه وكان ذاك اليوم ماطر جدا تبهذلنا ومرضنا من المطر لأنه زحمه وطريقتهم اول ما تقص التذاكر يناظرون الفاتوره اللي منسقها من المكتب وبعدين يلزقون عليك رقم هذا الرقم حق الكابينه اللي توقف عندها علشان يشيلك الباص ويوديك للفندق --- طبعا انت حر تبي توقف بالطابور او تاخذ تاكسي 00 لكن احنا مالقينا تكاسي بسبب الزحمه ومتأخرين بالليل مما اضطرنا نوقف بالطابور وبكذا نكون ختمنا رحلتنا في بوكيت 00 فاليوم السادس كان في المطار انتظرونا في بانكوك |
ألف الحمد لله على السلامة و الحمد لله انها جاءت على الجوالات والكاميرا وسلمتم أنتم وجوازتكم تقرير جداً جداً رائع ووصف جداً جميل لدرجة ان الواحد يشعر كأنه كان معاكم جزاكي الله خير كفيتينا شر السفر . الله يسعدك انتي وبنتك ويصلحها ويصلح زوجك ويرزقك بالذرية الصالحة . وأنا متابع مع أني توي شفت الموضوع ولكني قرأته كاملاً . |
غريبه حكاية الفيزا .. وب300 ريال
انا طالعه بانكوك اكثر من 17 مره واخرها كان شهر 3 ولا مره قالوا لي عن الفيزه ؟!!؟؟! ولا مره بعد قالوا كم جابين مصروف !! ومطارهم اليديد فعلا روعه وارتب .. ... ان شاءالله انشوف تقريرك في رحلة ثانيه |
اخي في الله00 الله يسلمك وجزاك الله خير 00 اهم شئ يعجبكم التقرير وتستفيدون منه
انا66 00 اللي اعرفه ان السعوديه من الدول المصنفه في استخراج الفيزا لدى تايلند اما سالفه 300 ريال فهذه رسوم استخراج الفيزا حنا ثلاثه لكل فرد 100 ريال رسوم استخراج فيزا اما عن مصروف الجيب اللي يسألونك عنها شكلها قانون جديد عندهم 00 لكن زوجي صادف مثل هذا القانون في دول اخرى 00 يعني مش غريبه بصراحه احس رسومهم غاليه على دوله آسيويه 00 يعني تركيا على طول ختم لنا الفيزا ودفعنا رسومها 70 ريال 00 شفتوا الفرق يمكن انك من الدول المصرح لها بالدخول دون فيزا 000 مع اني شفت سياح من دول آسويه وغيرهم يستخرجون الفيزا |
اول شي اشكر أبو فيصل على التعديل يزاك الله خير
... ديمو2006 ... انا من الامارات ويمكن مثل ما قلتي نظام الفيزا جديد |
كملي كملي
تراي سجلت بالمنتدى علشان هالموضوع لاني ابي اسافر الشهر الجاي تايلند وابي اعرف كل شي عنها |
قبل الانتقال الى بانكوك فيه شغلات لازم اتكلم عنها
_______________________ 1- الاسوق اللي في بوكيت: اوسيان شوبينج مول سنترال فيستيفل بوكيت روبنسون سنتر بريجنت سنتر باتونج بيتش نايت بازار ____________________ 2- المطاعم الحلال: مطعم دبي --- يقدم اكلات عربيه وسي فود وبعض المأكولات العالميه مطعم دانه الخليج --- شفته بس ما جربته مطعم على بابا الهندي --- اللي تكلمت عنه مسبقا وفيه واحد مصري بس مدري وش اسمه اضافه الى مطاعم الوجبات السريعه __________________ 3- الرحلات اللي مارحت لها بسبب انها ماتناسبنا لوجود طفلتي الصغيره 00 اضعها لكم للفائده: جزيره جمس بوند http://www.66n.com/pics/hosted/vce1n...wtadc6txne.jpg تأجير البانشي 00 http://www.66n.com/pics/hosted/glm50...ke834qulu1.jpg سباق السيارات00 http://www.66n.com/pics/hosted/bkucv...7js83jz1mg.jpg عروض الثعابين00 http://www.66n.com/pics/hosted/pcxj2...nlkavconmk.jpg _____________________ 4-من الشغلات اللي ماتفوت --- التوك توك ---- سياره صغيره -- اخلى الصوره تتكلم عنها http://www.66n.com/pics/hosted/1d9hg...ijse60f2cl.jpg من جد لاتفوتوا ركوبه في بوكيت 00 هو موجود في بانكوك لكن دمار انواع التلوث دخان السيارات كله يجي في وجهك 00 وطبها هو ارخص من التاكسي _________________ 5- اترككم مع بعض الصور: فانتزي شو http://www.66n.com/pics/hosted/3niei...i73urdrdgk.jpg http://www.66n.com/pics/hosted/v1jv4...73wyn1cste.jpg جزيره بي بي http://www.66n.com/pics/hosted/g2dir...xqrpno8ovd.jpg من الحاجات اللي صادفتها في بوكيت وبالتحديد في الباتوج بيتش 00 لوحه مكتوب عليها (تسونامي 300 متر ) والسهم يحدد اتجاهه 00 يعني الموج واصل لم الفندق وابعد والله شي يخوف :24: ______________ |
غاده الرياض 00 حياك الله حبيبتي ان شاء الله تستفين مني ومن غيري 00 ومن جد ماراح
تندمي لتسجيلك 00 المنتدى اكثر من رائع00 |
أبو فارس الله يسعدك وليش لأ بس كيف أوصلك بالمنتدى :25: أقولك .. بحاول أوصل للي سرق جوال ديمو بالتنويم المغناطيسي :24: ديمو أيوه كذا تلحلحي شوية :d علشان الناس الي قاطعة تذاكر وجاية تتفرج :25: بس كذا صار البث صوت وصورة :22: ماشاءالله عليكِ أختي؛ والله يسعدك ويحفظك؛ سردك للرحلة مفيد وممتع وأكثر من راااائع >> بس مو أحلى من الأرخبيلات :26: أكملي متااااااااااااابع :15: |
| الساعة الآن 10:29 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©