لعبة الانترنت و تبادل الرسائل بين زوجي و مشتركة ( حُلت و لله الحمد )
 

السلام عليكم ورحمة الله وبركاته


عندي موضوع مضايقني ماأدري معاي حق ولا لأ فياليت تنوروني
زوجي يلعب لعبه على الأنترنت
وفي اللعبه هذي يتبادلون الرسايل فيما يخص اللعبه
فيها نساء وفيها رجال
فقريت رسايل له مع أحد الأعضاء في اللعبه أسمه أسم بنت لاأعلم هل هو أمرأه أم رجل ؟
المهم قريت بينهم رسايل كلها بخصوص اللعبه لكن طريقة الكلام ضايقتني مرررررره
يعني هو يكلمها على أساس أنه أنثى فمره يقولها باين عليك بنت أصول :19:
ومره يقولها أي خدمه أنا تحت أمرك:( ومره يقولها أبشري :(
ولقيتله رساله يقول فيها أتمنى ماأكون أزعجتك بالرسايل وأي شي أنا تحت أمرك :29:
ومره لقيتله رساله هي طلبته فيها شي بخصوص اللعبه وهوه أعطاها غير الي طلبته ورجعت قالتله تسلم يالغااالي:eek: بس كان ودي أنك أرسلت على طلبي
قالها كان ودي أرسلك ألي طلبتي لكنها تاخذ وقت بس أذا أطرينا ماتردنا المسافات :30:
وهي على كل كلمه وثانيه تسلم يالغالي :(
مشكور يالغالي:(
ماقصرت يالغالي :23:
فانا مررررره تضايقت بالذات لما شفت كلمة الغااالي :(

أنا لما شفت كلمة الغالي عصصصبت وقلتله ليه الجرأه هذي قالي أيش دخلني هي ألي تكتب مو أنا قلتله بس أنت ألي أعطيتها المجال تكتب الكلام هذا من طريقة كلامك معاها قالي الله يهديك وكان خارج وقتها
فأنا ماعاد فتحت معاه الموضوع هذا له كم يوم بس أحسه مضايقني كل ماأنساه أرجع أتذكر وأتضايق
هل أرجع أكلمه بالموضوع ولأ أسكت ؟
ولا تشوفون أنه ماله داعي أتضايق أصلاً؟
أتمنى تكونون فهمتوا الموضوع لأني أحس الكلام ملخبط وشكراً

تم تعديل العنوان ليتضح المضمون
الإشراف

حمليها خفيف ولا تحطي ببالك


هذه اللعبه اكثر الازواج يلعبوها وعدة مواضيع بهذا الخصوص


ما فيها شي تقول الغالي طالما انهم يتكلمون باللعبه



ما تنكدي على نفسك


سجلي بهذه اللعبه من غير ما يعرف زوجك والعبي معه وتبادلو الرسايل

اقتربو من ازواجكم شوفو شو يعملو واعملوه معهم هم فقط عشان تتقربر من بعض حتى تقدرو تخرجوه منها

تسلمين حبيبتي جرين على الرد كنت متوقعه أنك أول واحده ترد لانك معودتنا على كذا ياعسل أنا حاولت كم مره أني أنسى الموضوع وقلت في نفسي أني مكبره الموضوع ووقتها أقول راح أنساه وبعد كم يوم ارجع أتضايق وكانه توه حصل

وبالنسبه للعبه هو يشاركني فيها ويوم شفته يحب اللهبه صرت أشاركه فيها واسأله عنها واحياناً يكلفني ببعض المهام فيها
بس من بعد ماشفت الرسايل كرهت اللعبه وماصرت أسأله عنها أو أشوفها
ولا أبغاه يجيب طاريها

هاذي ...لعبه مشهوره وانشرت بشكل كبير جدا

خلاص شاركيه وكأن الرسايل تصل لك



خلاص لا سمح الله لو نيته سيئه ما كان كلفك بمهام فيها

ابقي معه في الشارده والوارده

انا من وجهة نظري ما تخافي طالما انك قربه وانتم كتاب مفتوح لبعض وهذا هو المهم

نفسي اعرف شو هاللعبة الي الكل بحكي عنها وعاملة كل هالمشاكل هههه
الحمدلله زوجي مابحب الالعاب وما عندو وقت الها
ماشاءالله بلاش يصير يحبها