|
هل انا مخطئه وعلي حق ....
السلام عليكم
باخذ رايكم بموضوع واذا احد فيكم ضليع بالعلم الشرعي يمكن يفتيني او يسال احد يفتيني لان بصراحه مااعرف اجد يعطيني فتوى عموما الموقف باختصار طلبت عبايه من وحده من السناب وطلبت منها مواصفات معينه تخص الموديل والقياس وغيره جت العبايه مع المندوب وقبل ادفع الفلوس رحت قست العبايه طلعت مره مره وسيعه هي موديلها كذا تكون كلوش لكن لما طلبت اكدت على صاحبه العبايات انها تخليها عبايه عاديه مش كلوش وحركات وغيره وقالت اوكي رجعتها للمندوب لانها ماعجبتني مره ... كلمتني قالت المندوب يقول رجعتي العبايه قلت ايه اختي انا طلبت كذا بالموديل والمقاس وما لقيت الي طلبته قالت هي موديلها كذا وكل البنات الحين يلبسوها كذا قلت ماتناسبني يمكن هالموديل يناسب البنات الصغيرات لكن انا طلبت منك غير موديل قالت طيب وش اعمل انا توني فاتحه المشروع وش اسوي بالعبايه محد بيشتريها وانا خسرانه على القماش وغيره قلت طيب عدلي القياس وانا اخذها قالت وش قياسها قلت مدري لازم اقيس العبايات الي عندي وماعرفت اقيس قلت اروح لخياط يعطيني المقاسات المضبوطه وارسل لها تاخرت وانشغلت مارحت للخياط ونويت اروح بالويكاند واشوف منها مسجات مافتحتها قلت لارحت الخياط عطيتها المقاسات مره وحده لقيتها منزله بالسناب تتحسب على الزباين الي بغدروا فيها ويطلبوا ولايدفعوا رحت ارسلت لها خلاص خلي العبايه عندك ليمن اعطيك القياسات لكن الان ارسلي المندوب اعطيه الفلوس عشان ماتقولي خذو حقي وماله داعي هالكلام الي حطيتيه بالسناب ردت قالت لا خلاص انا اتصرف بالعبايه قلت كيفك انتي حره وعموما انا برسل لك القياسات وانشغلت عن هالسالفه لكن اليوم تذكرتها لما فتحت سنابها انا بصراحه ماابغى العبايه لكن كنت برسل لها عشان مايكون بذمتي شي هل انا ملزومه ادفع لها اعطيها القياسات ولا خلاص هي قالت مابغى باختصار هل في ذمتي شي جزاكم الله خير |
رد: هل انا مخطئه وعلي حق ....
من حقك تقيسين العبايه اذا ماعجبتك ترجعيها مو منطق البس شي كبير وواسع وادفع له فلوس غير مقاسي ودامك ماخذتي العبايه ماتدفعين لها شي لاكن اذا اخذتيها تدفعين لها
|
رد: هل انا مخطئه وعلي حق ....
اقتباس:
هي كان عذرها اني شريت القماش مخصوص لانك طلبتي العبايه وفصلتها على مزاجك باستثناء طريقه قصه العبايه كانت مخالفه جدا للي ابغاه الموديل نفسه والله اعلم |
رد: هل انا مخطئه وعلي حق ....
وعليكم السلام ورحمة الله . .والله ي سوكره ، مدامها مانفذت الطلب حسب المتفق عليه فمو من حقها تطالب بحاجه . الزبون طبيعي يدفع مقابل سلعه يبغاها مو تنفرض عليه . وكون مشروعها جديد فهالشي مو مشكلتك . وهل من الأخلاق التحسب على ناس ابدوا سبب رفضهم للبضاعه وهما حتى ما استعملوها وكمان ادوا للباىع ملاحظات عليها واسباب الرفض ؟؟ والتجاره ربح وخساره وشطاره ، مو استعطاف وفرض رأي بدعوى الدارج واتكلفت . |
رد: هل انا مخطئه وعلي حق ....
اهلا مبتعثة الأمر يشبه ذهابك للمشغل لشراء فستان و طلب شراء القماش من المصممة فهل لو شرته و دفعت مبلغا للقماش بتوصية منك ثم المقاس طلع غلط ما يندفع لها شئ؟؟
|
رد: هل انا مخطئه وعلي حق ....
فعلا يبي لها استفتاء و معرفة في عقود البيع لانها شرت لك بس حصل بينكم سوء فهم
بعيدا عن موضوعك المصممات يا ما شروا و خيطوا لنا غلط ونعطيهم ماننقص عليهم شي و انا احسه ظلم لنا |
رد: هل انا مخطئه وعلي حق ....
جزاكم الله خير
وانا لا اريد شي بذمتي لكن بنفس الوقت لا اريد ارجع افتح الموضوع الا اذا كان فعلا لها حق وساعتها بتواصل معاها واتحمل وده فعلها فعلا ياما دفعنا لمصممين ودفعنا حتى لو مااعجبتنا البضاعه لكن لا تنسون جزئيه لما طلبت منها ترسل تاخذ الفلوس الان وانا مستعده الدفع واعتذرت وقالت خلاص وبنفس الوقت احسها شايله |
| الساعة الآن 10:48 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©