كيف أتغلب على طبعي وأستطيع مساعدة أم زوجي باستمرار
 

بسم الله الرحمن الرحيم
السلام عليكم ورحمة اللة وبركاتة
كان عندي مشكلة تعباني ونفسي الاقي ليها حل
ضميري تاعبني جدا ومش مستريحة في حياتي خالص بسبب الاتي
(اني ساكنة في منزل الدور الاول يسكن فية حماتي وحمايا والدور الثاني يسكن فيه اخو زوجي وزوجتة واولادة والدور الثالث اسكن فية مع زوجي وبنتي.
من الذوق اني انزل لحماتي واساعدها في شغل البيت؛كنت في البداية مش متاقلمة علي ذلك لاني كنت في بيت والدي لا اخرج كثيرا ولا استطيع العيش في بيتان؛قلت لا لازم اتاقلم علي بيت زوجي وانزل لحماتي ،فكنت مرة انزل والثانية والثالثة وبعدين ارجع لطابعي تاني الي هو القاعدة في بيتي وارجع تاني انزل عشان محدش يزعل مرة واتنين وارجع تاني،عشان الطبع الي متعودة علية غلب التطبع الي بحاول اعود نفسي علية.
بجد انا تعبانة جدا وضميري بيوجعني عشان حتي وانا قاعدة في بيتي بخاف ليزعلو مني وبصراحة لما اقعد كام يوم مانزلش بحس بنظرات لوم وعتاب في عيونهم بتخليني اقول يارب الارض تنشق وتبلعني معأن حماتي ست كويسة جدا .
في مرة اتكلمت معاها بصراحة قولتلها ياماما(انا بقول لحماتي ياماما)لما اقعد فترة منزلش اعتبريني زي بنتك وكلميني وقوليلي عايذاكي تعملي معايا كذا او تعالي ساعديني ،ترد وتقول{ انا عمري ماقول لحد اعمل حاجة الي عايز يعمل حاجة يعملها والي مش عايز ما يعملش وانا لوبموت مش هقول لحد يساعدني}
وفي الاخر قالتلي( انا طبعي كدة)يعني هي طبعها مش عارفة تغيرة وانا كمان مش عارفة اغير طبعي
بقالي ثلاث سنوات علي هذا الحال واعصابي تعبت عشان مابحبش حد يزعل مني
وشكرا



تم تعديل العنوان ليتناسب مع مضمون الموضوع

رد : الطبع يغلب التطبع