|
الاحتفال بقدوم رمضان + الأفكار
[]السلام عليكم ورحمة الله وبركاته اقترب شهر رمضان المبارك اعاننا الله واياكم على صيامه وقيامه وبهذه المناسبه الغالية على قلب كل مسلم نريد وضع افكار خاصة لاحتفال الزوجين به فمن لديه افكار اتنمى ان لا يبخل بها علينا.. ودمتم بخير[/] |
السلام عليكم
حقلك على فكره بالنسبه ليا مره تعجبني وأحسها تفرح في فبعض البلاد وخاصة مصر يحطو فوانيس وزينه وبلالين كأنها حفله يعني فحلو لو زينتي بيتك بالفوانيس والزينه يعني هيه حتكون كأنها حفلة أطفال بس والله مره تخليكم حاسين انو من جد رمضان مناسبه مهمه وممكن الزينه تخليها طول فترة شهر رمضان والفانوس تفتحيه وقت الفطور مثلا ان شاالله تعجبك فكرتي وشكرا |
افكار حلوة لاول ليله من رمضان دخلو ضروري
سلاااام
اولا رمضان قرب ومابقى عليه غير ايام قليله وربي يجعلنا من صوامه وقوامه واكيد الكل يفكر شلون يجهز نفسه لذا الشهر الفضيل من عباده وطبخ >>طبعا لربات البيوت وتنظيف وغيره وغيره وبما ان هذا الشهر عظيم حلو نحتفل بطلته علينا مثل مانحتفل بلاعياد حبيت اسوي لزوجي حفله رايقه بمناسبة هذا الشهر الفضيل لكن موقادره ارتب افكاري الى الان ويمكن لاني هذي السنه انشغلت وماستعديت قبل بفتره فاذا ممكن احد يساعدني جزاه الله خير راح اقولكم شنو راح اسوي طيب باول يوم من رمضان راح اترك لزوجي رساله بالسياره مكتوب فيها حبيبي ونور عيني مبارك عليك الشهر الكريم... ينعاد عليك كل سنه انشالله .. ونكون ممن تعتق رقابهم من نار جهنم باذن الله حبيبي الغالي .. اسئل الله العزيز القدير في هذه الايام المباركه من الشهر الفضيل ان يديم علينا نعمة المحبه وان يحفظ لنا ابناءنا ويعيننا على تربيتهم عزيزي اعاهدك ان اكون سندا لك وعونا في هذا الشهر الفضيل في عبادة ربك والتقرب اليه... واطلب منك ان تشجعني لاتقرب الى ربي اكثر واكثر حبيبي((فلان))احبك موووووت وبالنهايه راح اكتب زوجي الغالي راح اكون منتظرتك بكل شوق ولهفه لحين عودتك من الدوام وراح اترك اكياس ورد مجفف بالسياره واحط معطرسياره لان صعبه ادخن السياره بالنسبه لي فكتفيت بمعطر خاص بالسياره وفي انواع تجي برائحة العود اوالبخور للي يحب رائحة البخور اوالعود اوكي بما ان زوجي يرجع للبيت بعد الفطور بشوي راح اجهز فطور رايق بس موعارفه كيف ارتب سفرتي بشكل غير المعتاد وخاطري بفكره حلوة افاجئه فيها هذي السنه وتصير غير كل سنه طبعا اخذت له هديه سجاده صلاه جديده مطرزه بشكل حلو ومصحف صغير لان كان محتاجه للسياره وبطاقات عليها ادعيه خاصه برمضان ومسواك ودهن عود واخشاب العود حطيتها بعلبه خشبيه صغيره منحوت عليها ايات قرانيه ويمكن اخذ له بعد محاضرات دينيه سيدي اواشرطه وراح احطهم بسله واغلفهم بس موعارفه شنو اكتب في البطاقه الي معها ياليت نتساعد بتجهيز افكار حلوة لرمضان اتمنى اشوف ابداعكم |
اقتباس:
هذا الكلام الصحيح .. حفظك الله لزوجك وحفظه لكِ .. وجعلكما من العتقاء من النار .. |
الله يعيدالشهر الكريم علينا وعليك وعلى جميع المسلمين ... ونا كثير متشجعة السنة وكل سنة أقول متشعجة أكثر .. بس السنة غيررر لنه أول سنة بكون فيها متزوجة .. عجبتني أفكارك مررره وخصوصا الرسالة اللي كتبتيها والهدية السجادة << بغش عليك:d أما بالنسبة لي وبما اني توني متزوجة ولا طبخت ولا طبخة ناجحة :d <<هالأيام أتدرب على الطبخ خصيصا للشهر الفضيل ... ومن استعداداتي كمان شريت لي جلابيات حلوة مررررررره وللعلم أنا مالبس جلابيات أبد بس شريتهم لهالمناسبة يعني بسوي نيولوك:d .. وشريت عطور شعبية عود .. وبخور معطر ريحته حلووووة ... أما من ناحية الفطور أكيد حيصير جماعة مع أهل زوجي كلهم هم يقولون أنهم كل سنة كل العايلة تتجمع عند الفطور ونا يعجبني كذا أحلا من لحالنا أنا وزوجي بس ... وعن سؤالك ايش تكتبي بالبطاقة اللي مع الهدية برايي تكتبي أي دعاء يكون من قلبك لزوجك ... هذي استعداداتي قلتها لك وذا حصلت لي أفكار رح أكتبها لك مرة ثانية وانتي كمان ذا حصلتي أفكار حلوة لا تنسينا فيها..:d وشكرااااا لك أختي مشتاقة أضمك مضوعك حلووو ...;) |
[quote=
حبيبي((فلان))احبك موووووت [/quote] ياحلو هالكلمة من زوجتي ام عيالي ودي اسمعها كل لحظه والله لو النساء كلهم مانسمع منهم إلا الكلام الرائع الرومانسي طبها لأزواجهم كان تعدلت أمور واجد شكرا لك علي الموضوع وأدعوا ربي أن يتقبل منك وكنا صالح الاعمال |
ما شاء الله مبدعة الله يسعدك ويوفقك مع زوجك حبيبك .
|
اقتباس:
شقرا السعودية كلام صراحة يشرح الصدر .. لا فض فوكِ .. الله يوفقك أنتِ وزوجك وأهلكم .. |
الزعيم 55
انا اعتبر ان الازواج لازم يشجعون بعضهم على العباده والطاعات لاني شفت هذا الشي واضح علي لان نحن بلاخير بشر ومشاغل البيت والاولاد والحياه قد تشغل احد الزوجين قليلا عن التقرب لله بالطاعات وليس الواجبات طبعا يعني اذا انا شفت زوجي يقرا قران اكيد راح اجلس واستمع معه اواجيب لي مصحف واقرا لحالي وهو كذلك نفس الشي وهم بالنسبه للنوافل والسنن اكيد راح نشجع بعض لوصلينا جماعه وربي يحفظك من كل شر ويتقبل منا ومنكم صالح الاعمال |
شقرا السعوديه الف مبروك وان شالله تحتفلين مع زوجك السنه وكل سنه حبيبتي
وبالنسبه للفكره وصاحبة الفكره تحت امرك وانا ماحطيت هذا الموضوع الى لاني ابي الكل يستفيد منه >>وطبعا انا اولهم ولاتحاتين الطبخ انا ظليت سنين مااعرف اطبخ وام زوجي الله يحفظها ويخليها كانت تطبخ لي كل يوم لاني كنت طالبه وادرس بس يوم خلصت مدرسه ودخلت للجامعه عاد هنا استحيت وحسيت اني ثقلت عليها فطلبت منها انها خلاص ماتطبخ لي وهي كفت ووفت معي وشوي شوي تعلمنا بس فكرت الجلابيه حلوة تصدقين عاد ماجات على بالي وانا هم مالبس الجلابيات بس مشكلتي مااحبهم واتوقع حتى مااعرف اشتريهم لكن مايمنع راح اجرب<<غشيت منك اما بالنسبه للفطور الجماعي انا مثلك افطر مع اهل زوجي لاني احب الفطور جماعي على الرغم اني عندي 3 اطفال وصعوبة التنقل لكن احس انه احلى وفيه خير وبركه واسعاد لاهل زوجي وطبعا زوجك اولا والجمعه حلوة لكن اول يوم برمضان انا كل سنه استاذن ام زوجي واقولها ماراح نفطر معكم اما باقي الشهر ماراح نترككم تضحك تقول لزقه انتي وعيالك وبالنسبه لفكرة الدعاء حلوة بس انا راح اشتري بطاقات ادعيه احس خاطري اغير واكتب شي ثاني واذا طلعت بفكره جديده اوسرقت لي شي جديد من هنا ولاهنا رجعت لكم |
jassem
ربي يتقبل منا ومنك ومن جميع المسلمين ويوفقنا لصيامه وقيامه بصالح الاعمال والله يهنيك مع زوجتك ويخليك لها ويخليها لك ويبعد عنكم كل شر يارب |
نور
تسلمين حبيبتي على الدعوه الحلوة مثلك والابداع اكيد مايكون الا عند ناس عندهم احساس رائع امثالكم وتقبلي خالص تحياتي |
هلا غمري
عجبتني الفكرة جدا جدا جدا وإن شاء الله راح أطبقها بس بشك غير راح اشتري بطاقة خاصة بمناسبة حلول الشهر الكريم وراح أعلقها في دولاب الملابس بس البطاقة تكون كبيرة شوي حتى إذا راح يليس للعمل يشوفها على الصباح ويكون صباح خير بالمكتوب في البطاقة وشكرا مرة ثانية على الفكر الحلوة |
تم دمج الموضوعين بدءاً من الرد رقم 3
|
عندي كلمه حلوة ممكن تنكتب على بطاقه وتنحط بداخل الصندوق تبع الهديه
((الله يعودنا السنة الجاية لا فاقدين ولا مفقودين على حب الله وطاعته)) ومافي احلى من الدعوات الحلوة بهذا الشهر الفضيل خصوصا ان الدعاء مستجاب وخلونا نشوف افكاركم |
سلام الله عليكم ورحمة الله وبركاته فعلاً موضوع رائع اختي الكريمه وافكار جميله جزاكِ الله الف خير .على هذه الافكار للاستقبال شهر الخيرات والبركات شهر التواصل والكرم والرحمه والمغفره .حقاًهذه مناسبه جميله على كل قلب مسلم ومسلمه اختي الكريمه واسمحي يا اختي الكريمه ان انقل لكي ولكل مسلم ومسلمه هذه الرساله سلام الله عليكم ورحمة الله وبركاته.. وبعد: أبعث إليكم هذه الرسالة محملة بالأشواق والتحيات العطرة، أزفها إليكم من قلب أحبكم في الله، نسأل الله أن يجمعنا بكم في دار كرامته، وبمناسبة قدوم شهر رمضان أقدم لكم هذه النصيحة هدية متواضعة.. وما أتيت فيها بجديد، ولكن هي موعظة وذكرى، والذكرى تنفع المؤمنين. أرجو أن تقبلوها بصدر رحب وتبادلوني النصح والدعاء، حفظكم الله ورعاكم، وسدد على طريق الخير خطاكم. أولاً: لقد خص الله رمضان عن غيره من الشهور بكثير من الخصائص والفضائل منها: 1- خلوف فم الصائم أطيب عند الله من ريح المسك. 2- تستغفر الملائكة للصائمين حتى يفطروا. 3- يزين الله في كل يوم جنته ويقول: " يوشك عبادي الصالحون أن يلقوا عنهم المئونة والأذى ثم يصيروا إليك " 4- تصفد فيه الشياطين. 5- تفتح فيه أبواب الجنة، وتغلق فيه أبواب النار. 6- فيه ليلة القدر هي خير من ألف شهر، من حرم خيرها فقد حرم الخير كله. 7- يغفر للصائمين في آخر ليلة من رمضان. 8- لله عتقاء من النار، وذلك كل ليلة في رمضان. فيا أخي الكريم ويا أختي الكريمة : شهر هذه خصائصه وفضائله بأي شئ نستقبله ؟ بالانشغال واللهو وطول السهر،أو نتضجر من قدومه ويثقل علينا، نعوذ بالله من ذلك كله. ولكن.. العبد الصالح يستقبله بالتوبة النصوح والعزيمة الصادقة. سائلين الله الإعانة على حسن عبادته. |
اقتباس:
|
رمضـــــــانـ قرّبـ ... عطونيـ رايكمـ
الأدواتـ ..... ورقـ ملـــــونـ ... ورد مجففـ للزينـــهـ ... قصاصات على شكــلـ فانوسـ شمـــــع مسدسـ ... اقلامـ خط اللونـ اللي تبينـــهـ ... شموعـ ... بالونــاتـ ... الخطواتـ ... تاخذيــن الورقـ ملونـ ... وتعمليــــن فيهــا حركاتـ حلوهـ ... وتستخدمينـ الورد المجفف والقصاصات في تزيينـ الورق ملونـ وبعــد ماتخلصيــــــــن بكذا تكونـ اللوح جاهـــزهـ .... مو ناقصهــا غيــر العباراتـ ... تفضلوا العبــاراتـ وتخيروا منهـــا اللي تبونــــهـ أسأل الله لك فى شهر رمضان حسنات تتكاثر وذنوب تتناثر وهموم تتطاير وأن يجعل بسمتك سعادة وصمتك عبادة وخاتمتك شهادة ورزقك فى زيادة وبكل زخة مطر وبعدد من حج واعتمر أدعو الله أن يتقبل صالح العمل الله يتقبل صيامك وقيامك ومبارك عليك الشهر ويعود عليك بصحة وسعادة وعمر مديد إن شاء الله سأل الله الذي لن تطيب الدنيا إلا بذكره ولن تطيب الآخرة إلا بعفوه ولن تطيب الجنة إلا برؤيته أن يديم ثباتك ويقوي إيمانك وصحتك ويرفع قدرك ويشرح صدرك ويسهل خطاك لدروب الجنة وأن يجعلك من عتقائه من النار ومبروك عليك شهر رمضان الله يزيد هالوجه المنور نور ويعطيه من حلا الحور ويبلغه رمضان وهو مسرور بلغكِ الله الشهر و رفع عن الامة القهر و أكرمك بليلة القدر و أسعدك مدى الدهر والعبــــارهـ هذي يفضـــلـ تكونـ على بابـ الغرفـــه اللي راح تجهزيـــن فيها : بشعور ملؤه الحب اجمل التهاني بحلول شهر رمضان المبارك :: :: خذي اللوح اللي مسويتهـــا وعلقيهــا على جدرانـ الغرفـــــهـ بصورهـ منظمــــهـ :: :: ,اللحيـــنـ جا دور البالونـــــاتـ يفضلـ تكونـ كثيــــرهـ ..... ( راح تعطي منظر جنانـ للغرفــهـ ) نفخيهــــا ونثريها في ارجــاء الغرفــــهـ ... وعلقي جزء منهـــا في السقــفـ وزعي الشموعـ في ارجـــــاء الغرفــــهـ .... بشكــلـ حلــو ونايـــس :: :: اللحيــــــــــــــنـ الغرفـــهـ جاهـــــــزهـ :: :: نجــــــــي للهديـــــــهـ 1\ بالامكـــانـ تشتريــــنـ سجـــادهـ ... ومصحفـ صغيــــر في علبـــهـ مخمليـــهـ 2\ بالامكــانـ تشتريـــــنـ بخــور وعـــود ... وســواكـ ... وتحطينهمـ بصندوقـ صغيــــر 3\ بالامكــانـ تشتريــــنـ ثوبـ نــــومـ ... وقاحفيـــهـ ( طاغيهـ ) .....( لأنه راح يكون اغلب الوقت بالبيتـ ) :: :: :: بالامكــانـ تشتريـــنـ له هالاشيــاء هذي كلها انتي وظروفــكـ الماديـــهـ ::: ::: ::: الطعــامـ اللي راح تحضرينــــــــــهـ لاتسويـــن لكـ زحمــــهـ ....... انا عنـ نفســي راح اتعشــــى مع خطيبي بالمطعمـ راح اعزمــــهـ عليـــــــــــــهـ ... وبعدها نتحتفلـ في بيتنـــــا :: وبالنسبـــه للأكلاتـ اللي راح اجهزهــــا طبقـ حلــــــــى وصحنـ فاكهه والعصيــــــــــــر راح اجهزهمـ علــى طاولـــه صغيــــرهـ :: بالنسبــــــه لكـ انتـِ لبسي اللبــس اللــــي يعجبـكـ اللي يفضــــلـ زوجـــــــــــكـ :: بالنسبــــــــهـ للهديـــهـ اللي راح تقدمينهـــا انتـــي واسلوبــــــــكـ أنا عـــن نفســي راح استعمـــــــل طريقــــــــة البحث عـــن الكنــــــــــــز راح احط كروتـ في ارجاء مختلفــــه من الغرفــــــــــــــهـ مثلا في كرت راح احط ابحث عند الطاولـــهـ يروح عند الطاولـــه ابحث في درج الطاولـــهـ يروح عند درج الطاولـــهـ يلاقي بالداخلـ كرت وجنبـــــهـ شكولاتـــهـ عاد كل وحدهـ واسلوبهـــــا :: :: طبعـــــــاً انا عن نفســي ماراح اكون معــه في اللحظــــــه اللي راح يدخل بالغرفه لأني وقتها راح اكون راجعه من المطعم بروح اضبط حالي واتركه يدخل الغرفه لوحده وراح يشوف التعليمـــاتـ كلهـــا داخل الغرفـــــــــهـ وعلشانـ ياخذ راحتــه شوي واهو يقرا اللي مكتوب باللوّح :: : طبعـــــــــاً ... انتي وشطارتــــكـ .. لاتنسيـــن برمضــانـ ماراح يكون في وقت للسهرات الرومانسيه وخلي هالليـلـــــــه ماينساهـــــــــــــــا :: :: طبعا مااقدر ادخل لكمـ في تفاصيل ثانيــــه ... كل وحده واسلوبها مع زوجها أو خطيبها :: اتمنـــى تعجبكمـ السهــــــرهـ ... ومااطلبـ منكمـ غيـــــــــــر الدعــاء لي ... الله يسهــلـ امـــوري |
أفكار حلوة وروووووووووعة..:22:
تسلمين حبيبتي..:17: بسـ دورتيـ راسيـ بطريقتكـ فيـ الكتابة.........:23: |
تم دمج الفكرة الأخيرة التي طرحتها الأخت عيون أحمد
في المشاركة رقم 18 مع الموضوع الأساسي |
| الساعة الآن 05:53 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©