بماذا تنصحوني قبل أن أسافر الى تركيا ؟
السلام عليكم و رحمة الله و بركاته
كيفكم .. تراني متورطة من جدددد .. :24: حجزت على تركيا و الحمد لله و دفعنا قيمة التذاكر اليوم ، بعد ما استخرت كم مرة و توكلت على الله .. بس ( حايسة ) مرررررررررررررة و ( ضايعة ) .. و طالبة ( نجدتكم ) .. :24: . . كنت زمان دايما أسافر تركيا مع أهلي و أبوي الله يرحمه .. و كنت أعتمدعليهم في كل شئ .. بس دحين ، زوجي ما عمره راح لتركيا و ناويين نجلس 10 أيام بإذن الله .. ( كم يوم في اسطنبول ، بعدين عن طريق البر بنروح على ( أضنة ) و نجلس فيها باقي الأيام .. و نروح للمدن القريبة من أضنة ، زي مارسين و غيره ، لو لقينا لنا وقت .. ) . . أسألتي و طلبي منكم ، لإنه ما عندي وقت أبدا .. و السفر بعد 6 أيام إن شاء الله .. :24: 1 - نبغى نستأجر ( شقة مفروشة صغيرة على قدنا - أنا و زوجي و ولدي ) أو فندق بسعر رخيص في أضنة و اسطنبول .. لإنه أغلب وقتنا بنكون فيه برة أو زيارة لمتاحف و معارف أهلي ، و بس ننام في الفندق أو الشقة .. كيف ساعدوني ...؟؟؟؟؟؟؟ :24: المواقع اللي لقيتها في النت ، أرخص شئ عندهم في اليوم الواحد 400 ريال .. يعني في 10 أيام راح تكون ( 4000 ريال ) .. و ودي ألقى شئ أرخص .. . . 2 - برأيكم ، نستأجر سيارة و لا نركب تكاسي و لا كيف ؟؟؟ صار لي فترة ما رحت لتركيا و ما عرف إيش صار عندهم و إيش ما عندهم ؟؟؟ 3 - كيف أقدر أتفاهم معهم ؟؟؟؟ : ( زمان ، كان أبوي الله يرحمه يترجم لنا و أمي .. بس أنا ماعرف و لا كلمة غير ( إيوة ، لا ، تعال ، روح ) .. 4 - أي نصايح إضافية ، من جد بتفيدني .. |
روح الطير
بالنسبة للسعر اللي حصلتوه بصراحة ما بظن تلاقي شي أرخص نحن لما بحثنا عن فنادق وجدنا ارخص فندق متاح بـ80 يورو بالليلة للغرفة المزدوجة يعني أكتر من 400 ريال و خصوصاً انه انتو رايحين بالصيف و الحجز متأخر شوي أما السيارة و استئجارها فحسب المكان اللي بتقيموا فيه لو أقمتو بالمنطقة اللي اسمها Gol den Horn جولدرن هورن ، ما بتحتاجوا مواصلات إلا نادراً لأنه معظم المعالم المهمة بنفس المنطقة مسافة مشي عدة دقائق بتوصلولها المنطقة موضحة بالخريطة : http://img12.imageshack.us/img12/2545/enhorn.jpg ,زووم (لاحظي التوب كابي سراي و مسجد السلطان احمد و أياصوفيا و كلو بنفس المنطقة ) http://img860.imageshack.us/img860/5418/zoomb.jpg لكن اذا ناويين تروحوا لأضنة بالبر ما بعرف يمكن تحبوا السيارة اكتر من النقل العام شخصياً أرى السيارة عبء لأننا نجهل قوانين السير في بلد غير بلدنا و اذا علقتي بمخالفة سير مصيبة :( (صارت فينا لما كنت صغيرة بتذكر وقفونا الشرطة لأنه اخي قاعد بحضن أمي و لازم ندفع 9 ملايين <ايام العملة الرخيصة ،،ما بتراجعوا عن قرارن و ابي تعبان و الساعة 3 بالليل لا الشرطة بتحكي انكليزي ولا نحن منحكي تركي كويس :29:) غير انه مشكلة دائما بالباركينغ مع المناطق السياحية و الفنادق و المطاعم |
|
ألف شكر عزيزتي ماريا ..
بالنسبة للسعر ، فمعاك حق .. هو أقل شئ .. بس توقعت ألقى في ( أضنة ) شئ أقل ، لإنها مو بنفس مستوى ( اسطنبول ) .. و أنا من جد لازم أعدي على ( أضنة ) .. فيه ناس لازم أشوفهم و متشوقة لهم مررررة :) . . و دورت في النت ، ألقى واحد كاتب إنه لقي عرض مع شركة سياحية .. لمدة 8 أيام للشخص الواحد ( تذكرة طيارة + فندق + توصيل للمطار من و إلى ) بـ 2700 ريال .. فعشان كذا قلت أسأل ؟ يمكن ألاقي معلومة ؟؟؟ :) . . وبالنسبة للرابط ، فمن جدددددد بيفيدني كثير .. :) بس الدور و الباقي على أضنة ، لو حتى فندق في مارسين ، مو مشكلة .. . . و مادري إيش كنتوا تعملوا مع اللغة ؟؟؟؟؟ : ( و بالنسبة للأماكن اللي زرتيها ، هل هناك أيام محددة يقفلوا فيها الأماكن التراثية هذه ؟ و لا مفتوحة 24 ساعة ؟ عشان لا نتورط ؟ :) |
اقتباس:
أضنة طبعا لازم تكون ارخص بكتير من استانبول بس ما عندي اي فكرة عن الحجز . . اقتباس:
الشركات في منهم بيعملوا عروض حلوة كتير بس لازم تبقى ملتزمة معهم دائما و الفندق انتي و حظك ما فيكي تنقي ع كيفك بس السعر صراحة مغري اذا بيعجبكم الخط اللي ما شية عليه الرحلة احجزوا معهم و اتوكلوا على الله . . . . اقتباس:
اصحاب التكاسي كنا نعطيهن العنوان و خلص و طبعا مع كم كلمة تركي احيانا نمشي الوضع نحنا عندنا شوية مفردات لأنه منزور أقاربنا بهاتاي كل سنة طبعا انا كتبت بالتقرير انه اصحاب الفنادق اكتر شي بفيدوكي من ناحية الشرح و الاتجاهات لأنه متدربين على الكلام بالانجليزية نحن لما نخطط كل يوم شو بدنا نزور ننزل للرسبشن و نسألوا عن عنوان المحطة تبع الباخرة مثلا او هيك شي اقتباس:
سبت و أحد ما في شي بسكر ايام العطلة ، بالعكس كل الزحمة بتصير السبت و الأحد لأنه بصير الأماكن فيها السياح + أهل البلد |
روح الطير انا بنصحك تحفظي الارقام و كم جملة من جمل الشوبنغ
اذا بدك اكتبهم لك و تنسخيهن عندك انا جاهزة : ) |
:: |
:: |
اقتباس:
بأهتم بالنقطة هذه .. |
اقتباس:
الأرقام كنت حافظتها من صغري ( من 1 - 10 ) بس يبغالي أراجعهم من جديد .. و فيه كلمات قليلة مرة مرة أعرفها ،، زي اسامي الأشياء : ( ايسكريم ، تعال ، روح ، أخوي ، أختي ، صباح الخير ، ملح ، عيش ، لبن ) : ( و دحين مجهزة دفتر معاي و بأسجل فيهم أي كلمة تركية أو جملة ممكن تفيدني .. المشكلة إنه زوجي في زي هذه المواقف ، أحسه بيكون على أعصابه .. فلازم أكون مجهزة و مرتبة كل شئ .. و إذا بتكتبيها لي ، من جد بتعملي لي معروف الله يسعدك .. |
عزيزتي سيدة المواقف
ماني عارفة كيف ألاقيهم ؟؟؟ : ( بأدور في النت و ماني لاقية غير مكاتب الطيار التركية .. و بأحاول أراسلهم ؟؟؟ الرحلة خلاص حجزناها و الحمد لله ،، بس السكن ماني عارفة كيف ؟؟ و المعلومات اللي أضفتيها ، جالسة أقراهاا و استفيد منها و أجلس أي معلومة ممكن تفيدني .. ألف مليون شكر لك و لماريا ^_^ |
ماشاء الله تروحين وترجعين بالسلامة ويارب تنبسطي وتغيري جوو روح الطير نصيحة مري المكتبة واشتري كتيب صغير تعلم اللغة التركية وخليه معك بالشنطة دايم ولاااااااااااااااتنسي الصور ولابزعل عليك ههههههههههه |
هههههه ابشري :D
تسلفيني كاميرتك ؟؟؟ جالسة أدور عن كاميرة كويسة عشان اشتريها ^_^ |
مااااااااااااااعندي وناوية أشتري إن شاء الله قبل نسافر عالعيد فيه وحدة شفتها عند صاحبتي وبسألها عليها كاميرا رقمية وخفيفة وحلوة أظنها ب600 ريال أو أكثررر تلاقيهم عند جرير |
اقتباس:
بالنسبة للأرقام حلو انك حافظة من 1 لـ 10 لأنه بعدين المهمة سهلة بتحفظي فقط 20 - 30 - 40 - 50 - 60 - 70 - 80 - 90 - 100 - ألف لأنه الواحد = بير العشرة = اون 11 = أون بير 21 = يرمي بير 31= أتوز بير و هكذا ... الارقام سأكتبها لك اذا ناسيتيها (من الواحد للعشرة) بير - ايكي - أوج - دورت - بش - آلتي - يدي - سيكيز - دوقوز - أون 20 = يرمي ، 30 = أتوز ، 40= قِرق ، 50= إللي ، 60= آلتمش ، 70 = يتمش ، 80 = سكسن، 90 = دوقصن ، 100 = يوز ، 1000 = بين ، المليون = ميليون صباح الخير = günaydın أهلا و سهلا = هوش جالدنيز آيسكريم = دوندورما تعال = غال gel روح = gitmek ملح = tuz (هي أكتر كلمة كنا نضحك عليها :d) ماء= سو خبز= إكمك لبن = حليب = süt لبن الزبادي الرائب = عيران (متل العربي) القهوة = قهفه الشاي = تشاي الفاتورة = هيساب (حساب) بقلاوة = بقلافة تواليت = تَفاليت يمين = sağ يسار = sol (لما تنسي كلمة فتحي المنتدى من الموبايل;) ) رحلة موفقة |
رووووح
اشبك كانك اول مره تسافري؟!! متوتره وخايفه ليه كذا بس ولا كانه الغربه دقت فيكي مضبوط.. خليكي ريلاكس وانبسطي منتي رايحه امتحان رايحيين نتبسطو وتغيرو جو مو زلام تعرفي لغة البلد الله يسعدك ضحكتيني لو كل واحد سافر بلد حفظ كلماتها كان لقيتي اغلب الناس معاهم لغات مو بس لغه او لغتين طالما الانجليزي معاكي كويس ان شاء الله بيمشي الحال حتى لو كانو اهل البلد ما يعرفو انجليزي حتمشي الرحله بسلاسه طالما انتم ماخذين الموضوع ببساطه ووناسه.. بس غريبه اخترتي اضنه سيئه جدا مقارنة بغير اماكن في تركيا بس شكله انتي رايحه عشان الذكريات او اقاربكم يلا الله يوفقكم وترجعو مبسوطين واحسن كاميرا شوفي كانون ممتازه.. |
سلام عليكم
انا عندي نصيحه اذا قررتي السفر لتركيا طبعا تركيا بلد جميله انا مارحت لها بس اسمع ولذالك انصحك قبل تروحين المطار تصلين ركعتين وسلامتك |
روح المساء ..
تسلمي لي ^_^ شفت عروض جرير و بأخذ لي وحدة إن شاء الله اليوم ^_^ --------------------------- ماريا .. جبت دفتر و بأسجل أهم الجمل و الكلمات .. و بأخذ الأيفون معاي و إن شاء الله يشتغل النت من هناك و استنجد بك :D ----------------------------------- كريستالا .. <-- ( وجه مستحي ) :D هههههه من جد خليتيني أخجل على نفسي .. :D مادري ليه قلقانة ؟ يمكن لإنها فترة قصيرة و حابة إني ما أتورط هناك بأي شئ ؟ و حامل كمان و معاي ولدي ، و أنا اللي بأنسق للرحلة مو زوجي .. : ( و غير إنهم ما يتكلموا هناك - انجليزي و لا عربي - ،. و معارفنا هناك كنا نتواصل معهم عن طريق أمي ، و أبوي الله يرحمه .. بس دحين أحس إني راح أنحط معهم في مواقف محرجة و اتكلم معهم بالإشاارة : ( كنا في بريطانيا ، نروح نتمشى و معانا بس بطاقة البنك و عربة ولدي و شنطة يدي ^_^ و غير إني بعد كذا يمكن ما حأروح لتركيا أقل شئ 4 سنوات .. عشان بأرجع أدرس و انشغل من جديد و غير البيبي اللي جاي بالطريق إن شاء الله فحابة من جدددددددد ( أغير جو ) و من غير أي تنكيد أو توريط :D . . و نحن بنجلس في اسطنبول إن شاء الله 4 أيام تقريبا ، و يومين في بورصة .. و بعدين بنروح لأضنة إن شاء الله ، 3 أيام زيارات للمعارف و أعرف زوجي عليهم ^_^ و يوم في مارسين بإذن الله و نرجع :D وو بالضبط ، بأشتري لي كانون إن شاء الله ^_^ |
شيخنا مناحي ..
ألف شكر عالنصيحة ، حتى أمي نصحتني أمس أتصدق بريالات قبل سفرنا .. عشان ربي يبعد عننا أي شر ^_^ . . عندي سؤال أخير : أخذ معايا كم ريال ؟؟؟ و أصرف الفلوس للدولار و لا ليرات و لا أخليها ريالات ؟؟؟ أفتكر أبوي الله يرحمه كان ياخد دولارات ، بس زوجي يقول ناخد ليرات .. و أمي تقول إنهم دحين يتعاملوا هناك مع اليورو ؟؟؟ نصاايحكم الله يسعدكم |
طبعا اصرفيها باليورو..
|
اقتباس:
|
نسيت اكتبتلك أهم جملة للسياحة بتركيا :d
نقدر؟ = كم السعر ؟ نقدر بو = كم سعر هذا :22: |
فية سواقين اصلهم عربي وعايشين بتركيا
انتي ماعليك الا تشوفو لكم واحد من مكاتب الطيران وبيصير هو اللي يحكي مع المطعم او فندق او اي مكان تروحو له |
الساعة الآن 02:23 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©