|
افتقد الرومنسيه محتاج نصائح
السلام عليكم ورحمه الله وبركاته,,,,
اسعد الله اوقاتكم في كل وقت .. اخواني انا متزوج من سنتين تقريبا .. المشكله عندي مو رومنسي وكلمه احبك نادر ما اقولها لزوجتي والكلمات الرومنسيه بشكل عام نادر ما استخدمها ورسائل حب مثلا من واتساب او اس ام س او مناسبات مثل يوم زواج يوم ميلاد .. ايام الملكه كنت اقول كلام حلو دايم ورمنسي حتى الشعر مالي فيه بس ارسلها شعر من النت طبعا وهدايها ومشتاق وحشه ووو الخ... بس من بعد الزواج بسنه تقريبا افتقد الرومنسيه اصلا على فكره من (طبعي اساس مالي بالرومنسيه ) بس احن عليها اكلمها دايم طلعاتي لخووياي قليله يعني دايم معها هي مو مقصره بشي ابد لا من هدايا لي وولوالديني كل فتره وتسوي مفاجات لي حفله يوم زواج ويوم ميلاد وكلام حلو دايم تقولي من رسائل مكالمات بس انا عكس حتى احيانا عادي نطلع نتمشى بدون رومنسيه او اكون بالدوام فترات طويله واكلمها مكالمه عاديه كيف الحال شخبار وبس.. وايام الملكه مدري يمكني اتصنع ولا مدري شسالفه .. باختصار افتقد للرومنسيه وهي احيانا تلمحي اني اقول كلام حلو واعمالها بالمثل ولكن طبعي كذا اساس وش الحل اخذت كتاب ما ابي اذكر اسمه بس للرجال كيف يتصرف مع المره قريته ما اقتنعت من كلام الدكتور مدري اذا الموضوع مكانه صحيح او لا ونا متابع قديم ولكن جت الفرصه الي اشارك فيها شكرا لكم |
رد : افتقد الرومنسيه محتاج نصائح
هذا الشيء بالذات كنت افكر فيه قبل شوي ودخلت المنتدى وحصلت موضوعك
كأنك توصف زوجي بالضبط لكن قررت التزم الصمت وماراح يسمع او يشوف اي تعبير للحب لحد مايحس على دمه الكلمه الحلوه تجيب السعاده للإنسان مافي كلمه حلوه يعني مافي سعاده لازم تتغيروا أسلوبكم مع زوجاتكم جدا سيء ويعيشهم في احباط |
رد : افتقد الرومنسيه محتاج نصائح
جميل احساسك بالذنب بسراحه
غيرك لما بس نقوله خليك رومانسي يزعل من هذه الكلمه gfg تعبنا من البرود القاتل من قبل ازواجنا يأخي حسس زوجتك انك تحبها حسسها بأنوثتها والله لو بس اعطيتها كلمه حلوه يوم تلقاها تعطيك سنه ghjj ، _ تخيل مثلاً الورده : لما كل يوم تسقيها ماء وتعرضها لأشعه الشمس تكون ورده حمره متفتحه جميله ، عكس لما ورده تجيبها من دون ماتسقيها ماء او تعرضها لشمس بتذبل وبتموت ، كذا الزوجه راح تعطي وتعطي ولما تلقى همال بتتوقف وبيموت عندها العطاء يالي كانت تعطيك من اول الزواج . |
رد : افتقد الرومنسيه محتاج نصائح
اقتباس:
وبضيف اني عطوف وحنون عليها .. بس ممكن الرجل مايطلع منه الرومنسيه وكلمات حب لسبب ما اتوقع بس في ملاحظه حاولت اعدل موضوعي لايوجد خانه تعديل ما ادري هل هذي سياسه المنتدى ام من عندي مع العلم حاولت من اكثر من متصفح !! اقتباس:
انا مره قلتها لها مره وبقولها الحين ترا احنا عايشين طول عمرنا عند اهالينا ولا نعرف الغزل ولا الرومنسيه الا اذا واحد له علاقات من قبل يستعمل الرومنسيه من واقع خبره بس اشوف الرومنسيه تجي مع الوقت يتعلمها الرجل من المرأه ...مجرد رأي شخصي ي |
رد : افتقد الرومنسيه محتاج نصائح
^^^^
ترى كمان البنت عند اهلها مالها بالرومنسية و لا بالغزل واكيد مع الزواج يختلف الوضع زيك مثلا في الملكة كنت رومنسي يعني تعرف |
رد : افتقد الرومنسيه محتاج نصائح
وماالداعي لكي تكون رومانسياً؟!!
|
رد : افتقد الرومنسيه محتاج نصائح
اقتباس:
طيب انتو لكم فتره متزوجين معقول ماتعلمتها الى الان !! برايك لمتى راح تتعلم الرومانسيه بعد ماتتختيرو مثلاً hhر |
رد : افتقد الرومنسيه محتاج نصائح
يعني اللي خلاك تكون رومانسي قبل الزواج يقدر يخليك تكون رومانسي لو ساعه بالأسبوع !! عادي مثل لو بمسج !!
الحرمه مخلوق سماعي لا تحرمها من كلماتك |
رد : افتقد الرومنسيه محتاج نصائح
ماشاء الله اهنيك ع انتباهك ل حاجات زوجتك..
والله ان هذا الموضوع مهم والتفت حوالينك وشف الخيانات من الحريم لاازواجهم.. كله بسبب الجفاف العاطفي والحين البرامج سهلت الخيانه لكلا الجنسين.. لذلك انصحك يااخوي.. الشي بالتدريب ع شوي شوي.. مثلا الرومانسيه مو شرط كلام معين.. لكن.. اذا لبست شي حلو امدحها.. اذا طبخت امدحها.. اذا اظهرت اهتمامها فيك قلها احب اهتمامك.. والكلام الرومانسي مثلا اذا ارسلت لها رساله تطلب منها شي او تبي تبلغها عن شي اضف لها بالبدايه كلمه حلوه مثلا حبيبتي او ياعمري ياقلبي ..الخ احد هالكلمات.. ومثلا اختر لها اسم دلع لاتناديها الا فيه.. ومثل هالتصرفات والكلام ب تملك قلب زوجتك ان شاء الله. واذا راحت لااهلها فاجئها برساله تبين لها انك مشتاق لها مره.. اكتب رساله من تعبيرك تدخل القلب اكثر من النسخ واللصق واسال الله ان يوفقكما ويسخركما ل بعض.. وعسى اللي حرك فيك هالاحساس يحركه باللي عندي يارب. |
رد : افتقد الرومنسيه محتاج نصائح
الحين كلمة حبيبتي
او مدح بكلمات بسيطة بلبسها ا و اللطف. صعب لهالدرجة!!!! يمكن لما نتكلم بلغة أهل المريخ تتنبهوا لماذا يتحدث الرجال بكلام لطيف و يعرف و يطّلع الغرام قبل العلاقة الزوجية؟!!!وتصير الكلمات سهلة بقدرة قادر ... اخي الكريم اخي في الله ولماذا يحتاج الرجل لكلمات تقدير و شكر؟؟ |
| الساعة الآن 12:49 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©