أتمنى ارجع لطليقي ساعدوني
 

السلام عليكم
أنا قبل ما تخلص عدة الطلاق كتبت هنا مشكلتي وحاولت اصلح قبل ما أولد
وهو كان يقول اعتذري لأمي اول وبعدين هو يشوف وأنها غضبانه عليه لو رجعني المهم قلتله طيب مواقفه اعتذر بس نرجع وبعدين ولدت ولقيته راسل أني كنت ابغاكي تفهمي من نفسك وتعتذري من امي وكلام كثير وانه حيتغير في تعاملي معايا المهم رسالته كنت ولدت وقلتله طيب بكلم مامتك وانا ولدت وما كان عندي فرصه اكلمها المهم رد عليا إليّ بينا انتهى وما يفكر نرجع مررره زعلت وقتها لأنه ما أعطاني فرصه نتفاهم وانا جدا حبيته وكنت مستعده أسوي اللي يبغاه بس الطلاق صار فجأة كنّا متلاعبين وتدخل الأهل وأمه إليّ زعلانه المهم يوم رحت المستشفى وشفته واتكلمت معاه عاللي صار لأنه من جد خذلني وجرحني وانا حبيته كثير اتكلمنا وقال اذا تبغي ترجعي اعتذري من أمي قلتله اخاف انها زعلانه وماترضى وانت كلمها قال لا هيا طيبه وقبل ما أكلمها بكم يوم رسلتله رساله كتبت فيها إحساسي وكل شي حلو صار بينا وهو رد إنّو لو قلتي هادا الكلام من اول كان رجعتك وانا كنت احبك بس انت السبب ومن هادا الكلام مع انه ما أعطاني فرصه أتكلم قبل على طول طلق وفصل جوالي وسوا حظر ومو راضي يتكلم كيف كنت بشرحله وقال الله يوفقك وخلاص المهم قلتله ليش تسوي كذا اذا كنّا نحب بعض المهم قال غيرهما كلمتي أمي قلتله طيب بكلمها بس انت كلمتها اول مارضي وقال ما يقدر يتكلم الين ما هيا تفتح الموضوع المهم خليت قريبتي تكلم أمه تشوف الموضوع وتصلح أمه قالت ولدي ما يبغاها ومو بالقوه وكفايه ولدين المهم انهم مايبغو
بصراحه مره انقهرت ليش يقول كلميها وهو اللي مايبغا ايش رايكم
وبعدين رسلتله أيه تسوي كذا قال اصبري بحاول واستخير وانت استخيري
المهم وبعدها ولا رد عليا وطنشني
لييييه يسوي كذا مره قهرني اذا مايبغا اعطاني أمل وفرحت انه ممكن نرجع
وكبرت المشكله وأمي رافضه الأولاد يقعدوا عندي بعد تصرفاته معانا و عشان والدي متوفي ومافي احد يقدر يساعدني فيهم واعطوهم لابوهم مررره مقهوره وتعبانه
ابغاه يرجع وأبغي أولادي عندي بس خايفه من المسؤوليه وانا ماعندي غير اخ واحد كيف أتصرف
انصحوني
قلتله طيب المهم خليت وحده قريبتي تكلمها

رد: أتمنى ارجع لطليقي ساعدوني
 

يمكن يبغى يرجعك وامه الي رافضه
وكان يبغاك شوي تطيحين ااي براسها

رد: أتمنى ارجع لطليقي ساعدوني
 

يا اختي لا املك الا الدعاء
الله يجمع شملك
خلاص ما في يدك شي ولا تجلدين حالك كثر خيرك انك كنت ناوية تعتذري
لانه لو صح يحبك وفي قلبه رحمة كان ما شتت اولاده وان امه طلبت طلاقك ما يطلق كذا
الزمي الدعاء ولا تذلين نفسك اكثر خلي امرك لله

رد: أتمنى ارجع لطليقي ساعدوني
 

كل اللي اقوله لك
عيالك بحضانتك
خليك قووووووية وخذي مصروفهم
انتي ما تعرفين ان لك مصروف انتي و عيالك ؟
وش اللي ما تقدرين على مسؤوليتهم !!!!!!
عيالك لا تتنازلين عنهم و خذي مصروف و اتوقع لك سكن كذلك
مو بكل بساطة ترمينهم!
وواحد منهم رضيع بعد
ما يبغاك خلاص بسلامته بس لاتسامحينه على المصرف
اذا توفر لك المصرف و البيت خلاص تقدرين تفومين فيهمم وش بينقصك بعد ؟

رد: أتمنى ارجع لطليقي ساعدوني
 

بصراحة عذرك ضعيف و رابطة مصير عيالك بالاعتذار لامه
و الله ياما حريم مطلقات قويات قاموا بعيالهم وقاموا بدور الام و عوضوا غياب الاب
فرمية العيال عليه مالها سنع هم عزوتك لا كبروا لا تتنازلين عنهم ، واذا تزوجتي بيصيرون بحضانة امك

رد: أتمنى ارجع لطليقي ساعدوني
 

بعدين ابي افهم اذا طالبتي بمصروفكم انتي و اولادك و طالبتي بمسكن
وش المسؤولية اللي انتي خايفة منها ؟؟؟؟؟؟؟؟؟؟
طلبات البقالة و الصيدلية فيه تطبيقات على الجوال تجيب لك طلبك للبيت
روحات و مشاوير ضرورية لعيالك فيه سواقين و ماياخذون قيمة عالية ، وش المسؤولية اللي خايفة منها!!!!!
اصبري لين تاخذين حقك و حق عيالك كامل مكمل ،، اما الاستسلام و حذفة الصغار على الابو شي يقهر ، لان اصلا ماراح يقابلهم . وانتي اولى
انقهرت مرة من موضوع العيال عشان كذا ثلاث ردود 😩

رد: أتمنى ارجع لطليقي ساعدوني
 

راغبه بزوجك اعتذري لأمه مادام الاعتذار بيصلح حالك اما غير هذا الكلام لاتقطين وجهك عليه اكثر وعيالك ربيهم وقومي فيهم من حقك وتاخذين نفقتهم ويوفر مسكن وخادمه انا مااشيشك على طليقك ابدا بس هذا حق للمحضون وليست حقوق للحاضن هذه امور مهمه بعد الطلاق ....

رد: أتمنى ارجع لطليقي ساعدوني
 

احسك مكابره ما تبين تعتذرين .. اذا ابيه بعتذر لامه قدام امه محمد عاااااادي جداااا

رد: أتمنى ارجع لطليقي ساعدوني
 

مشكورين على ردودكم
أنا أمي إليّ رافضه أولادي يكونو عندي بعد إليّ سواه ابوهم
لكن أنا ابغاهم صح متخوفه أني كل شي يصير عليا
أنا أتمنى نرجع خصوصا أني جدا حبيته وهو كان يحبني على كلامه بس فيم راح كل هذا الحب وصار بدالها قسوه أبدا ما اتخيلت وهذا جدا تاعبني
احاول أنساه فتره وارجع مره ثانيه وأحيانا يجيني أمل انه يرجع واخاف أنصدم ويروح يتزوج😭😭

رد: أتمنى ارجع لطليقي ساعدوني
 

كيف مكابرة وانا قلتله طيب بعتذر وقريبتي كلمت أمه تصلح بيننا وقالت هو ما يبغا
وبعدين هو قال بيحاول واصبري واستخيري وراح ولارد عليا

يعني لو كان رد عليا وقال عالأقل حاولي معاها ثاني كان رجعت كلمتها بس خفت
تسمعني كلام مو حلو 😭