منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   السيارات (http://www.66n.com/forums/forumdisplay.php?f=89)
-   -   سيارتك يا رجل .. كيف اشتريتها ؟ (http://www.66n.com/forums/showthread.php?t=257244)

روح الطير 07-02-2015 07:56 PM

سيارتك يا رجل .. كيف اشتريتها ؟
 
السلام عليكم و رحمة الله و بركاته

أول مرة ادخل القسم هذا ، و حبيت أسأل الرجال خاصة و النساء أيضا
إيش أفضل نوع سيارة لعائلة مثل عائلتي ؟

ثلاث أطفال و أنا و زوجي و الشغالة ؟
و كيف امتلكتوا السيارة ؟

هل تم شرائه بالكاش ؟
أم بالتقسيط ؟
أم سيارة مستخدمة ؟
أم ايجار منتهي بالتمليك ؟
أم من راتب الزوجة ؟
أم هدية من أحد الأقارب ؟

و تحملوا اسالتي معليه ..

مــريم 07-02-2015 08:11 PM

رد : سيارتك يا رجل .. كيف اشتريتها ؟
 
عاد انا داخلة وقلت شمعنى للرجال فقط ابغي اجاوب. . اشوه شفت السؤال موجه للحريم ..
اخترت سيارتي بعد ماشفتها في الشوارع وحبيت شكلها .. ولما سألت عن قوتها ومواصفاتها عجبتني .. وشفت ان اللي عندهم مثلها مرتاحين الحمدلله ولا ندموا انهم اختاروها .. رحت الوكالة وجربت سياقتها ودخلت خراطيش خراطيش قلبي.. قلت بس هاذي الحب ..
سيارتي نيسان بترول موديل 2013 ..
اخذتها قبل سنتين تقريبا ومازلت اشعر كأنها جديدة ماشاءالله ..
اخذتها كاش ..
جدا مناسبة لعائلة لانها واسعة ماشاء الله مريحة .
يعني انا وزوجي وبناتي وخادمتي نطلع فيها بكل راحة ولا نحتاج نستخدم كراسيها اللي ورا. .

روح الطير 07-02-2015 08:25 PM

رد : سيارتك يا رجل .. كيف اشتريتها ؟
 
أم الدانة الله يسعدك يارب ..
صحيح نسيت إنه هناك دول ، الحريم يسوقوا فيها ..

بالعكس ، مرحبا بمشاركتك و مشاركة بقية الغاليات ..
على بالي كل النساء مثلي ( ما يفهموا بالسيارات ) ههه ..

بصراحة ، السيارة تخرب كثير .. و أولادي و أنا بدينا نتضايق لو بنسافر أو نخرج أي مشوار ..
و أنا جدا جدا جدا غشيمة بالسيارات ..

عندي كان أهم شي ، سيارة توصلني للمكان الفلاني و خلاص ..
بس شفت إنه فيه فرق مرة كبير بالأنواع و هذه بتكون ( سيارة العمر ) ههه ..

روح الطير 07-02-2015 08:27 PM

رد : سيارتك يا رجل .. كيف اشتريتها ؟
 
شفت صورة سيارتك من جوجل ..
ماشاء الله تبارك الله ..

هذه اللي كانت ببالي من أول .. لكن ما أعرف إيش افضل ماركة و موديل ؟
راح أسجل اسمها عندي ..

مــريم 07-02-2015 08:43 PM

رد : سيارتك يا رجل .. كيف اشتريتها ؟
 
وايضا عندك التويوتا اللاند كروزر .. ايضا قوية وكبيرة وواسعة وممتازة للسفر والمسافات .. في المنافسة مساوية للنيسان بترول.

مهره 07-02-2015 09:06 PM

رد : سيارتك يا رجل .. كيف اشتريتها ؟
 
أهم شي السمعة الطيبة ;)

إذا الكل يمدح فيها .. وعيوبها قليلة .. أرتاح أكثر للسيارة.

في منتديات للسيارات .. تقدرين تعملين بحث وتشوفين الناس شو يقولون عن السيارة اللي في بالج.

واختاري سيارة قطع غيارها رخيصة ومتوفرة في معظم الأماكن .. وتابعي الوكالة لأنهم أحياناً يعملون عروض على السيارات فيكون سعرها أرخص.

لكني أبداً ما أشجع السيارة المستعملة .. لأنها في الغالب تكون فيها مشاكل.



أنا سيارتي طوارق (فولكس واجن) .. مب نفس وسع النيسان والاند كروزر طبعاً .. لكنها تكفيني أنا وعيالي والخدامة باعتبار إن سلطان صار كبير ويقعد في المقعد الأمامي .. والخدامة والبنتين ورا ..... لكن إذا صاروا أربعة ورا أحس إنهم مب مرتاحين كثير.

خذتها من أربع سنوات وشوي تقريباً .. والحمدلله ما صار فيها أي مشكلة لحد الآن.

سيارتي السابقة كانت مرسيدس .. وكنت أدفع أقساطها من راتبي لما كنت بعدني موظفة .. لكن الطوارق كانت هدية زوجي لما ولدت مهرة .. وهو اللي يدفع أقساطها.

نجم سهيل 2015 07-02-2015 09:11 PM

رد : سيارتك يا رجل .. كيف اشتريتها ؟
 
أفضل سياره عائلية مدري
هههههههه
اول سياره سراها اخوي هديه كورالا 98
ثاني سياره رحت وكنت ابي سياره ب 25 وكان معي اخوي الي اكبر مني وشريت سياره ب 48 قال اشترها وبزودك كورالا 2004
ثالث طلعت لأخوي الثالث سياره من العمل على راتبي انا وإياه بنفس الشركه وأخذت مقابلها سيارته ب 50 الف اقساط كامري 2010
وصلى الله وسلم

آفاق المجد 07-02-2015 09:22 PM

رد : سيارتك يا رجل .. كيف اشتريتها ؟
 
تايوتا الأفضل بلا منازع
وشوفي السيارات العائلية منها ممتازة
أرشح لك بريفيا أو البرادو أو اللاندكروزر

نجم سهيل 2015 07-02-2015 09:54 PM

رد : سيارتك يا رجل .. كيف اشتريتها ؟
 
مثل ماقالت أختنا تويوتا أفضل شي

كوكب أنيق 07-02-2015 10:11 PM

رد : سيارتك يا رجل .. كيف اشتريتها ؟
 
عبالي بس اقترح سيارتين عظيمتين للعائلة و الأسرة الكبيرة.
أعتقد بيتنافسوا مع اللي ذكر فوق.

اخواني عندهم عيال و بحثوا مليا حتى لاقوا المثالية.

Honda Pilot - للقوة و تسلق الجبال
Toyota Sienna - للوسع و الراحة و الأطفال و السفريات جدا مريحة

ترى لازم تشوفي الوساع و المميزات اللي فيهم. عنا مشهورين كثير هل سيارات للعايلة

بالنسبة لطريقة الدفع. انا لأنو عندي مكاليف ثانية أهم من السيارة رحت بالتقسيت من دون فوائد لمدة 3 سنين و بعديها دفعت المتبقي كله كاش.

في عروض 0% لمدة 1,2, او 3 سنة. ابحثي جيد


الساعة الآن 03:36 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©