عقدتي من الزواج
السلام عليكم ورحمه الله وبركاته
كبفكم جميعا طبعا انا كتبت لكم موضوعي وقلت لكم عن مرضي طبعا تقريبا من بدا معي الوسواس والاكتئاب جاتني حاله الا وهي عقده من الزواج قبل كل شي انا مو مخطوبه ولا شي ومااشميت ريحه خطوبه لكن الله كريم بمعنى احس الزواج مذله للبنت يعني الزوج ياخذ زوجته يذلها ساعات يضربها بحتقرها بصراحه جاتني عقده ومن اطالع باي رجل اقول هو زين او شين صرت اقول وش الفايده من الزواج دام الزوج بيطلع كل قوته فيني ليش الرجال مايحبون البنات ويذلونهم اشوف الناس من حولي كذا ودايم الرجل ياكل حق البنت بصراحه اكره شي اسمه رجال احس الرجل يتكبر ويشوف نفسه على البنت الضعيفه لو قصرت في حقه ماعجبه وان سوت وعطته كل شي ماملا عينه والحل يعني بصراحه الحياه صعبه ولا يرد على احد من الشباب ويقول لا في رجال يموتون بزوجاتهم وان اصابع يدك مو سوى نفسي رجال يدخل ويعترف انهم قاسيين ولااحد يدخل ويقول ان فيه حريم قاسيات ترى القاسيات قليلين جدا مقارنه بالرجال الوحوش بصراحه ماادري وش اكتب وش اخلي لكن من جد وش الحل معي وهل اقدر مستقبلا اعيش مرتاحه مع زوجي استغفر الله العلي العظيم واتوب اليه ودي اتزوج لكن من اتذكر هالشي خلاص كل شي يتقفل بوجهي |
السلام عليكم اختي جواهر .. الحقيقه ما ادري وش اقو ل بس ليت تكلمينا عن نفسك شوي ..
انتي ذكرتيني بوحده اعرفها نفس كلامك .. بس هي ما كملت دراستها .. وعندها مشاكل بالبيت وكل اقاربها عندهم مشاكل .. ويحبون يتشكون من رجالهم كثير .. عشان كذا هي تعقدت مررررررررررره من الزواج .. بس انا مو معك ابدا مو كل الرجال سوى .. فيهم الصالح وفيهم الغير ذلك .. والنساء ايضا .. ولكن ادعي ان الله يرزقك بزوج ملتزم .. ان احبك اكرمك .. وان ابغضك لم يهنك .. . وحاولي تغيرين نظرتك للحياة وتفرفشين وتعرفي على صديقات جدد .. ادخلي معهد او توظفي او ادخلي تحفيظ قران .. هناك بتتعرفين على بنات عالم ثاني .. تحسين معهم بقيمه الحياة .. وتشوفين كيف حبهم للحياة وفعل الخير وانا كنت قبل الزواج احب اشارك في كل شي .. اشغل وقتي واحضر محاضرات وان شاء الله تتغيرين |
اقتباس:
من وين جاتك هلفكره اقتباس:
انا اشوف العكس مهو كمان ابن ناس و تعبان وشقيان ويريد الراحه و اذا استمرت نظره الاثنين ماديه للحياه الزوجيه ما راح يرتاحو ولا يهنا لهم بال يا اختي لا الرجال قاسي ولا المراه قاسيه الحياه صعبه لازم يشيلوها الاثنين حتى تمشي |
اختي أنا قبل لا أتزوج كنت أكره الرجال
كنت أشوف زميلتي تشتكي من زوجها و أخواتي و كل اللي حولي و يوم تقدم زوجي كنت بأرفضه بسببهم الله يسامحهم فجلست مع وحدة من زميلاتي و صارحتها و قلت لها ليه أتزوج دام الزواج فيه مشاكل و بسسسس ؟؟؟ و إنت بنفسك تشتكي ؟ قالت لي و لإنها تحب لي الخير ، بأكون معك صريحة أنا مستحيل أمدح بزوجي قدام البنات و بأشتكي منه وووووو لكن كل وحدة بعد ما تشتكي من زوجها تلاقيها نفس اليوم ترجع البيت و تحط راسها على صدره و تنسى و الحمد لله تزوجت و ربي عوضني بزوج الحمد لله الله يخليه لي و يخليني له :d |
اقتباس:
|
نقل لمكانه الانسب
|
ما قصر اخوي غارق بالاحلام كفى ووفى بالموضوع
عندي تعليق بسيط ,,, لو كل الافكار اللي براسك صحيح ,,, افتحي شباك بيتكم وعدي عدد البنايات واحسبي عدد الازواج فيها وانتقلي بعدها للحي كامل واحسبي وعليكي بالحساب لين ما توصلين للرقم اللي ما تعرفين تنطقية .... صدقيني الزم ما على الانسان راحتة .. ذكر او انثى .... معقول كل هالعالم المتزوجين حياتهم نكد وطق وقسوة ... اختي تبين المتزوجين يذكرون لك تفاصيل حياتهم ساعات سعادتهم ولحظات مشاكلهم لا لا لا هذا مستحيل لانهم يخافون من العين ويطبقون الشرع بحفظ اسرارهم الزوجية.... اذا تعرفين اشخاص فشلو بزواجهم وبينهم مشاكل كثير فلا تضلمين نفسك بعدم ذكر الفئة الاخرى المبسوطة همسة اخيرة لك اختي الفاضلة ... الانسان يقدر يسعد نفسة ويقدر يحزن نفسة , اذا المشكلة مو في الفرح او الحزن ما يجوننا المشكلة ان اليعض ما يعرف يروح للفرح ... ابحثى عن مملكة فرحك واسكني فيها صدقيني قريبة منك حييل بس ابحثي عنها .... |
قال الله عزّ وجل سبحانه (وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ )
تأملي في الآيه لا نعلم كيف انتي الوضع اللي أنتي فيه يعني التي عندها اخوات وصداقات وتروح وتجي وكذا وضعها يكون أسهل عليها التاخر ربما شوفتي نماذج قاسيه لكن تأملي في قول الله سبحانه انا يجي في بالي قلق كثير للي شوفته ، وأصبحك أشك بنفسي ، لانهم نجحو بتوصيل احساس انو هن الأفضل وهن ملكات الجمال لكن الحمد لله على كل حال لكن كوني على يقين بان الله سبحانه كريم وسبحانه يعوض الصابرين وقادر على أن يكرمك برجل طيب اطلبي من الله سبحانه خاصه بقيام الليل أختي بالرجل المناسب مخموم القلب(هذه شوفتها في احد التواقيع ) احضري محاضراتدنينه اشتكري لومجود عنكم بجمعيات دينيه ساهمي بالصدقات واعمال الخير تنفعك بالدارين خوذي الكتاب واقرئي سوةر البقره ويس كثيرا قال النبي صلى الله عليه وسلم اخذها بركه وتركها حسره(سورة البقره) واجعلي لي نصيبا لي ولكل من يبغى الستر من المؤمنين والمؤمنات |
انا معك اختى الفاضلة فى كل ما ذكرتى ولكن هذا للرجل الذى يعرف حدود ربه الغير ملتزم والذى لا يطبق شرع الله عز وجل عليك بذو الدين والخلق ولكن يجب ان تكونى انتى كذلك اولا لكى تفوز بذا الدين والذى قال عنه الرسول الكريم صلى الله عليم وسلم اذا احبه اكرمها واذا بغضها لم يظلمها انظرى اختى الى الاخوة اصحاب الدين والاخوات ذات الدين وأكيد نظرتك ستتغير جذريا بأذن الله تعالى ونسأل الله ان ينزع هذا الخوف من قلبك ويرزقك الزوج الصالح الذى تسعدى به ويسعد بك آمين يا رب العالمين |
وعليكم السلام ورحمة الله وبركاته اقتباس:
أنا بنت ولا تزوجت وبرد عليك وأقول ترااك غلطانه وظلمتي الرجل بكلامك الرجل هو ابوي .. هو اخوي .. هو زوجي و ابني مستقبلاً مااالنا غنى عنهم مهما كابرنا ومن الظلم اننا نعمم حكمنا عليهم بسب نماذج قليله حولنا لاتنسين إن رسولنا وحبينا وشفيعنا رجل اللهم صلي وسلم عليه وجميع الأنبياء رجال وكلهم من خيرة البشر وهم رجال وكثيييير من الصحابه والتابعين ... و هذا غير الصالحين في زمنا هذا وكلهم رجال أنا متأكده إنك بتغيرن نظرتك عن الرجال إذا تزوجتي إن شاء الله وانجبتي رجال تفخرين فيهم والله يرزقك بالزوج الصالح الطيب اللي يسعدك ويغير فكرتك تماما عن الرجال ويرزقك الأبناء الصالحين اللي يتنافسون في برك ساعتها بتقولين فعلا أنا ظلمتكم يا معشر الرجال .. حللوني : ) |
الساعة الآن 07:30 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©