|
اسئلة هامة لحياة المراة بعد الولادة ارجو الاجابة والتفاعل....
السلام عليكم ورحمة الله وبركاته
طبعا ماننكر حياة المرأة بعد الولادة كيف تكون ولأني عانييييت جدا في المسالة هذه وصابني اكتئاب شديد لعدم الراحة وتشتت التفكير بين شغل البيت والزوج والطفل الصغير اللي مايرحم فحبيت اكتب اسئلة من خلالها ناخذ خبرات من اللي عندها تجربة ناجحة او فكرة فاتدتها في اصعب فترة على المراة 1/ عند عودتك من النفاس من عند اهلك أو كنت في منزلك فترة نفاسك كيف يكون شكل البيت وسخ مرة او زوجك ينظفه لك وطبعا عارفين نظافة الرجال مو قد كذا ؟ 2/هل تعملين ترتيبات معينة قبل ولادتك وتنظيفات عميقة للبيت ام انك تحضرين خادمة تنظفلك ؟ 3/كيف تنظفين منزلك وانتي مازلت تعبانة وسهرانة والنفسية طبعا مو مقصرة تهد الحيل وكيف توفقين بينه وبين الطبخ والعيال والزوج والاهتمام بنفسك ام لاااااابد وحطي تحتها مليون خط ان يكون هناك اهمال في جوانب وتقولين لنفسك صحتي وراحتي اهم والنظافة لااحقين عليها بعد مارتاح شوي ويكبر النونو واصير انام ؟ 4/الى اي مدى تغيرت حياتك بعد الولادة اقصد هل اصبحت ملخبطة بشكل كبير وكنت متوقعة هالشئ ولا انصدمتي بالواقع؟ 5/متى ترجعين تستعيدين قواك ونشاطك وتلفين بالبيت مثل ماكنت وموفقة بين الكل ؟ ارجو الاجابة على الاسئلة كاملة وبوضوح لنتشارك ونستفيد من بعض |
وعليكمـ السلاام وصباحكم بطعم التوفي
بجاوب ع الاسئله بالترتيب التالي : 2/هل تعملين ترتيبات معينة قبل ولادتك وتنظيفات عميقة للبيت ام انك تحضرين خادمة تنظفلك ؟ نعم عملت تنظيفات عميقه جدا ً .. وبما إني كنت تعبانه جداً وحملي كان من النوع العزيز أحضرت خادمه تكرف أنا نظفت غرفة النوم فقط وبالقوه 1/ عند عودتك من النفاس من عند اهلك أو كنت في منزلك فترة نفاسك كيف يكون شكل البيت وسخ مرة او زوجك ينظفه لك وطبعا عارفين نظافة الرجال مو قد كذا ؟ طبعا أكيد البيت بتكركب ويتوسخ وعن نفسي ما أحب أدخل بيتي وسخ وصارحت زوجي بهالشي وجلست احمسه اني بعد الولاده عروسه جديده وبدخل وفي يدي برضوو عروسه جديده:15: ع البيت فلازم نقبل على بيت يليق بمقام العرايس :d انبسط بكلامي وفجاب شغالة أهله مع اخته ونظفت الشغاله لي البيت ما عدا غرفة النوم هو نظفها بنفسه وما شاء الله تنظيفه لها وترتيبه أفضل مما توقعت انشرح صدري لما دخلتها الله يبارك لي فيه طبعا ً أنا مقنعته من أول ان غرفة النوم عيب أحد يشوفها او يدخلها غيرنا .. :30: 3/كيف تنظفين منزلك وانتي مازلت تعبانة وسهرانة والنفسية طبعا مو مقصرة تهد الحيل وكيف توفقين بينه وبين الطبخ والعيال والزوج والاهتمام بنفسك ام لاااااابد وحطي تحتها مليون خط ان يكون هناك اهمال في جوانب وتقولين لنفسك صحتي وراحتي اهم والنظافة لااحقين عليها بعد مارتاح شوي ويكبر النونو واصير انام ؟ يختلف اذا كان بكريه او غير بكريه يختلف لو كان النونو من النوع الهادي او الصياح طول الوقت عن نفسي بكريه وجسمي كان مفكك والنونو طول الوقت بكا وصراخ لدرجة الجارات يجون عندي يطمنون يقولون نسمع الصوت من الدريشه يقطع القلب فطلبت من زوجي ان يراقبني يوم كامل ويشوف وضعي ويامرني ايش اسوي وكل اشوي اقوله أترك النونو وأسوي كذا أو اقوم بالنونو فيقول طبعا النونو أهم خلاص عذرتك متى ما قدرتي تشتغلي اشتغلي فجاتني راحه نفسيه اني قدمت اعتذاري فشي مالي طاقه فيه وانه عذرني بنفس راضيه ومقتنعه طبعا ما قدرت اعتني بنفسي إلابعد الشهر الثالث وما قدرت اقوم بكامل شغل البيت إلا بعد الشهر الرابع 4/الى اي مدى تغيرت حياتك بعد الولادة اقصد هل اصبحت ملخبطة بشكل كبير وكنت متوقعة هالشئ ولا انصدمتي بالواقع؟ التغير في حياتي كان بشكل كبير من الناحيه الجسمانيه والنفسيه والنوم والاكل والعاطفه وانقطعت عن الزيارات والعزايم هالخمس شهور الحقيقه انصدمت ان التربيه صعبه لكني اشوف نفسي أهل لها باذن الله بعد الاستعانه به 5/متى ترجعين تستعيدين قواك ونشاطك وتلفين بالبيت مثل ماكنت وموفقة بين الكل ؟ يختلف من وحده الى وحده اخرى حسب القوه الجسمانيه وطريقة الولاده طبيعي سهل او معسر أو قيصري أو طلق طبيعي ولا صناعي وكذالك حسب لو كانت الوحده قريبه من اهلها او بعيده فعن نفسي (انملعت) بالولاده ولا قدرت اشيل اثقل من النونو وكم مره (تمرخت) وبعدها تقويت تدريجيا ً تقريبا رجعت حياتي بعد الشهر الرابع شكرا ع الموضوع |
تسلمي ياعسل على ردك الواضح وجبرتي بخاطري ماحد رد غيرك مع اني اشوف الموضوع مهم ونساعد بعض فيه الله يعطيك العافية
|
الله يعين اللي ساكنة بغربة مثلي ماعندي احد يساعدني
ياريت اللي ساكنات بالغربة يعلمونا كيف عملو مع الوضع الجديد اكيد عندهم افكار ساعدتهم |
اقتباس:
تحياتي:) |
يسلمو دلوعة الغلا طيب تنظيفاتك تكون سطحية ولا عميقة لان البيت زي ماقلتي يكون غبار والحمام بني من الوسخ والارض ترااااب الشغلة يبيلها دعك مو اي كلام
|
اقتباس:
اي تنظيف تقصدي اللي بعد ما رجعت اكيد بتكون عميقه بس احاول قد مااقدر مااتعب نفسي يعني اول شي انظف تنظيف سطحي بعدين كل يوم ابدا بغرفه وانظف كل شي فيها طبعا تنظيف عميق لين اخلص البيت كله |
طيـ القلب ـب ..
بما انكـ صاحبة الموضوع فـ جاوبي عن نفسكـ :d |
دلوعة نعم اقصد بعدين وشكرا على اجابتك الواضحة وطريقتك حلوة بتلات الورد انا ماكتبت الموضوع الا لاني عانييييييييييييييييت اشد المعاناة وجاني اكتئاب شدييييد فوق التعب والسهر وكرهت بيتي وزوجي وولدي واحس انه هذا جاني من ثقل المسؤلية طبعا انا جلست خمس وعشرين يوم عند اهلي ورجعت بيتي وطبعا كان الزوج العزيز مو مقصر كركبة ووساخة الحمام مصفر على بني مع اني عاملة تنظيفات قبل مااولد والغباااااااار وااللي زود المشكلة اني كنت والدة اول رمضان وجيت بيتي عالعيد فتعبت وهو ماساعدني الا ناااااااااااااادرا انه يرفع كاسة ويحمل الطفل بسسس وقمت نظفت وتوني راجعة وغسلت الحمام وكنست وانا توني نفاس بس شوفي بعدين اثر علي وتعبت وشفت الموت بعيوني بعدها قعدت شهرين او اكثر مالمست البيت غير تغسيل الصحون تخيلي امي خاصمتني وبعد الشهرين بديت انظف بعمق مع انه كان الاكتئاب مابعد الولادة ذاابحني وماكنت انام نهائيا وكرهت طفلي وكنت ناوية اقتله استغفر الله لاني اقول في نفسي السبب منه البيت وسخ ومكركب لانه طبعي موسوسة نظافة حتى لو خيط مرمي بالارض مارتاح انا عارفة انه حالتي شاذة عن الكل بس حبيت اشوف الناس وش تعمل بدنيتها في هالفترة الصعبة بحياة الوالدة |
اول كانت اجسام حرمنا اقوى واصح من اجسامنا الحين لكن كانت عندهم حالات وفايات المواليد أكثر لان ما كان فيه تقدم بالطب مثل الحين
الحين سبحان الله العكس .. الحمدلله حالات وفايات المواليد قلت بشكل كبير لكن احنا اجسامنا ضعيفه انا من النعومه الزايده << الحمدلله والشكر الله لا يبليكمـ قبل اتززوج كنت اقول لاصغر خواتي بسادس ابتدائي دفيني وانا احاول اصدك ابي اشوف مدى قوتي تصدقين دفتني وطيحتني وقالت اسفه انتي طلبتي وبالنسبه لزوجكـ ع حسب ما تعودينه يكون .. والحمدلله انه يشيل كاسه يعني فيه أمل :d بالنسبه لي ما أقوله يسوي شئ .. عيب اصلا .. لكن اسلوبي هو : إني ادلع نفسي ثم أطلب منه |
| الساعة الآن 02:53 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©