بقي شهر ومن أحبه سيرحل (( مستجدات في الرد 28 ))
 

السلام عليكم
كيفكم
انا عضوة جديدة و ماادري اذا هذا المكان لمشكلتي.....
انا اعمل في مستشفى و من فترة سنتين كان فيه شخص اكبر مني ب 5 سنين يتابعني و يتابع اخباري وانا كنت احس ان فيه شي بس ما تكلمت . لما اللي حولي انتبهوا من الموظفين رحت انا كلمته على تحويلته قلتله في ناس تتكلم عننا و كذا ما يصير قام عرض رقم تليفونه و اخذته بعد تردد و اتصل و قلتله اللي صار وقال فعلا انا معجب فيك وانتي ملفته نظري وانا مستغرب كيف الناس انتبهت وانا ماقلت لاحد.. سكرت منه .. بعد كم يوم ارسل انه معجب فيني و باله مشغول و منجن فيني وانا مو مهتمه .. كلمته بعدها لاني لاحظته زاااااااااد بالعمل بس يراقبني ..قلتله تعال قابل ابوي اذا تبيني(مدري كيف تجرات وا ادري ان هذا اللي لازم يصير)قال انتي تعرفين ظروفي يبيلي سنتين عشان اتزوج(هو ارمل من فترة بسيطه)..
من ضمن كلامه باول مكالمه ان فيه شي قوي يجذبه لي و الله كان يلتفت علي بقوة وانا امسك نفسي لا انفجع و البنات اللي معي ينفجعون و يقولون لي وانا اهديهم تخيلوا!!!
وانا موقفي منه من اول ماشفته (هو كان جديد) اخذ اهتمامي و لفت نظري ولما نقلت من مكانه صرت بس ابي اشوفه..ورب الكعبه اني ما سويت غير كذا..
بس بعدها صارت مقاومة بيني و بين نفسي كنت احبببببببببببببه و ابي اسمع صوته كان فيه شي له بقلبي كنت احسه حقي وابي احصل عليه باي طريقه بس ظليت معه على اتصال يسال عن حالي و كذا و اذا اتمادى اسفهه شهوووور و يرجع ..
قدر الله و اتثبت بمكان قريب مرة منه..بعدها بشهور قال اهله خطبوا له وهم في مدينه ثانيه وانه حزين طبعا قلت لا تقول كذا عشان ماتبي تجرح مشاعري قام يحلف و من هالكلام..طبعا اذا شفته يسلم و لا ارد السلام .و يرسل لي ليه ماتردين السلام وليه تطالعيني كذا ترى انا انسان واحس.قلت انت رجال والرجال مايزوجونه غصب.. طبعا هو سكت. قلتله انت وش تحس لماتشوفني ؟ قال نفس احساسي بس بحرقه..قلت ياقوي قلبك!!!
وقت ملكته كان يتصل يبي يتفاهم معي لاني كنت معصبه لانه مسوي برئ و قال لي احبك بالمكالمه.. لما سكرت قلتله هالكلمه قولها لزوجتك خلها تصدقك انا ماعدت اصدق اي احد...وقتها اشمئزيت منه....

تزوج..

و الى الان بحركاتي وهو مستمر يسلم بس بالبدايه والله راسه بالارض و بعدين صار يطالعني من بعيد وانا ولا التفت و امشي ولا كانه موجود..و يكون واقف مع 5اشخاص و يطالعني!بالله مو احراج لي !!
وانا بنفسي والله انقطع كل يوم مية قطعه صرت اكرهه و احيان اتذكر اللي كان وارجع ثاني مرة احقد عليه ياقوي قلبه وشلون يسوي فيني كذا وانا قداااااااااااااااااامه..

المهم انا تعبت لي 10شهور وانا مسويه قويه و انا اشوفه كاني صنم و اقرب حمام الله يكرمكم ابكي و اطلع ..
و اسمع من الناس انه مو مرتاح بحياته ابدو مشكله و را مشكله...
وانا بس اتمنى اتزوج عشان اقهرة مثل ماقهرني..او ابعد عن هالمكاااااااااان بس مااااااااااااااقدر لاني توظفت بصعووووبه و هذا الشي اللي كااان قااااااااااهرني اني ما كنت اقدر اتحرك من مكاني لازم كنت اتعايش مع المي لازم كنت اخلي جرحي ينزف ولا اقدر اداويه .. احيان كنت اقول ان ربي عاقبنا بكذا..

وصرت اسمع اشاعات انه بينقل بعدين سمعت انه بيستقيل..بس كنت بعض الاحيان مااصدق واحيان اصدق..

توفى والده واللي كان يقول انه اجبره على الزواج .. عزيته برساله وهذا واجب..

غيرت رقمي و باقي الرقم القديم معي لان في ارتباطات بالبنك و العمل و غيرة..

و الحين سمعت قدم استقالته..و بيروح مدينته..عند زوجته..لانها ماتقدر تجي عنده بحكم وظيفتها..


اااااااااااااااااااه لما سمعت الخبر حسيت قصتي معه بتنتهي للابد بنسى شي اسمه فلان
بيروح و بياخذ كل الحب و كل الكرة اللي كان في قلبي له
و بعدين الجبان لما توفى ابوة ماقال بطلقها و باخذك بالعكس راح لها .. هذا دليل كذبه..
انا صحيح يمكن غلطت لما ما قدرت اقاوم حبي له بالبدايه بس هو غلط اكثر لما كان لفت نظر الناس لنا بحركاته و كلامه و لما خلاني اتعلق فيه و كان موضوع ارتباطنا بيده و لا سواها..

و الله صرت اكره شي اسمه حب ولا اصدقه بين اي اثنين واذا تزوجت ادري مارح يكون فبالي هالاشياء لاني ماعاد اثق فيه..

باقي يمكن شهر على انه يروح..
احسها مثل مرحلة الولادة.. بعدها بيجي الفرح.. يارب اتزوج و انساااااااااااااااااااااه..


ابيكم تنصحوني انا مريت بمعاناااااااااااااااااااااة لا يعلم فيها الا الله
خااااصة لما كانوا زميلاته يتكلمون عن شهر العسل قدامي و اغص باللقمه بحلقي.. و ابتسم..
و الله مارح اسامحه...


ابيكم تنصحوني بهاالايام الباقيه وش اسوي
كيف بتكون احاسيسي و مشاعري تجاهه مااااا أدري...................
و الله اني بحالة صدمة و ذهول من كل اللي صار لي..

رد : با قي شهر و يرحل اللي كنت احبه وتزوج غيري....
 

أولا : يا مرحبا بك بين إخوانك و أخواتك.

ثانيا: مبارك عليك بقية العشر من رمضان ، و عيدك مبارك مقدما.

ثالثا: أنا تابعت قصتك خطوة خطوة ,,, كنتِ في كثير من الأحيان تتصرفين بشكل ممتاز ، و عقلاني ، مع أنه كان عندك ضعف في بعض الأحوال.

المهم أختي الكريمة: لا تغرك النظرات أو المتابعات من أي شاب ..

اللي يحبك و يتشرف بزواجك يعرف طريق البيت.

المفروض ما تحترمي ولا تحزني على هذا النموذج الذي كان عبارة عن كابوس في حياتك,,, آذاك أكثر مما أمتعك بمنحك شعور الحب (الزائف).

لا تتصرفي بردة فعل تضرك.. بحيث ترمي نفسك في أي زيجة (زواج) من غير روية ، فهذا مشروع العمر .. مش لعبة.

عيشي حياتك بشكل عادي جداً ... و اجعلي هذه القصة تزيد من قوتك ، و خبرتك في مواجهة طوفان الغش الغرامي المعروف عند كثير من الشباب و الشابات.

الله يوفقك

رد : با قي شهر و يرحل اللي كنت احبه وتزوج غيري....
 

رد : با قي شهر و يرحل اللي كنت احبه وتزوج غيري....
 

100% بدليل أنه حين زوال مصدر الإجبار(الأب رحمه الله) رجع لبيته الذي يعتبره الأصل ، و ترك العمل (مكان التعارف و القصة المؤقتة )، و ترك العلاقة التي كانت مؤقتة و مصدر متعة له. و رحل.

أتسائل : أيستحق هذا الماضي أن تحزني عليه؟؟؟

رد : با قي شهر و يرحل اللي كنت احبه وتزوج غيري....
 

الله ايساعدك يا اختي العزيزة
للأسف الشديد
الحب اجمل شي بالحياة
لكن للاسف اصبح كره
نحب اشخاصاً وهم لا يستاهلون ذرة حب نحبهم
السبب مو من الحب
السبب بينه احنه
احنه اللي دمرنا الحب
ماكو حب صادق بهذا الزمن
لو رجل خائن
لو أمراة
تحياتي لكي

رد : با قي شهر و يرحل اللي كنت احبه وتزوج غيري....
 

شكرا لردودكم
فعلا ما غلطت لما سجلت بالمنتدى تفاعل جميل و اراء سديدة


الحب المستشار انا ما حزنت عليه ادري ما يستاهل و الدليل معاملتي القاسيه له كانت ردة فعل لكرامتي .انا بنفسي ماكنت متوقعه ممكن اقسى على شخص حبيته كل هالقسوة .و لا هو توقع اصير كذا. و هذاا الشي من الاسباب اللي خلته يستقيل .وانا سمعت انه من تزوج و هو يفكر بالاستقاله و قاعد يحط مبررات.مع العلم انه شرى بيت جديد هنا و جاب وظيفه لزوجته كمان بنفس مدينتنا هنااااا . ما ادري ايش ظروفه بالضبظ لان هالكلام اسمعه من زميلاته بالعمل.
سواء هنا او بيروح لمدينته انا عارفه اني سبب قوي بانه يرحل. لا احزن عليه بل احزن على السنوات اللي المتني .....على الوقت اللي ضاع معه..على كل لحظة فرح كاذبه...
االامير الحزين و توفي و فيصل نعم الحب شئ جميل اذا توج بنهاية صادقه .قصتي معه كانت قبل زواجه .
الشي هذا بيد الرجل . و هذا اللي الومه فيه. انا ما الومه لانه ما طلبني لا . الومه لانه لعب بمشاعري و تركني . ما كان مجبر يعبر لي عن مشاعرة الا اذا كان نا وي يتقدم .

و كنت ابي اوضح له اللوم هذاا بطريقه ما تمس كرامتي فقلتله (اناا ما طلبت منك شي و لا خسرت شي ) رد و قال مو بيدي ليه ما تصدقين .و لاتضغطين علي.

غير التوبيكات الحزينه اللي يحطها بالوتس انه للحين يحبني.
و الله ما اشتهي غير اقتله.

رد : با قي شهر و يرحل اللي كنت احبه وتزوج غيري....
 

أبدا يا اختي الكريمة.


تجاوزي هذه المرحلة بسلام تااام.


و احمدي الله ... ربي يحبك أنه ما ورطتي معاه بشيء..


شر و صرفه الله عنك بكشف أمره.


و في حديث له شواهد (من ترك شيئاً لله عوضه الله خيرا منه)


ف خلي قلبك صافي ، و ادعي له بالسماح و خليك في حالك ..

يعني ريحي بالك.. يمكن ربنا يبعث لك من يستحقك فعلا ، بسبب صبرك و تسامحك...

الطِّيب لا يلدُ إلا الطيب. و عكسه صحيح

رد : با قي شهر و يرحل اللي كنت احبه وتزوج غيري....
 

كلامك صحيح و انا امشي عليه
لكن امر قلبي ليس بيدي انا اكرهه
و حاولت كثيرا ان اسامحه
لكن ما قدرت
دايم ادعي عليه. وهذا يؤلمني .ادعي عليه لانه غيرني صرت قاسيه. و تغيرت نظرتي كليا بالزواج . مقدر احب خلاص.

لكن اذا غاب عن عيني يمكن اتغير للاحسن

دعواتكم

رد : با قي شهر و يرحل اللي كنت احبه وتزوج غيري....
 

لا تكرهيه ولا تسامحيه ولكن اشكريه فلولاه ولولا هذه التجربه ماكنتى عرفت الفرق بين الصدق والكذب ولقد قلت كلمه حكيمه بان الرجال لا يتزوجون غصبا عنهم ..
دائما حكمى عقلك قبل قلبك فالقلب سيحب سيحب اما تغييب العقل ينتج كوارث ..
شيليه من دماغك واعتبريه قصه قراتيها فهو لا يساوى الوقت الذى تضيعيه فى التفكير فى كرهه ..
ستجدى من الرجال الكثير لذلك ليس كل من قال كلمه جميله اصبح حبيب وليس معنى ذلك ان توصدى قلبك امام الصادقين فلا زال بالدنيا مشاعر ..
الدنيا تسير ولن تنتظرك فلا تلتفتى له ان غاب عنك اوبقى المهم لا يفوتك القطار ..

رد : با قي شهر و يرحل اللي كنت احبه وتزوج غيري....
 

فعلا هو درس لا ينسى . انا اعرف انواع الرجال و ماتوقعت اني ما فهمت هذا .
كانه عطاني صفعه قويه على وجهي فجاة .
مافي مجال للمسامحه .

تخيلوا وضعي بعد زواجه .. حتى اني انضغطت نفسيا و صار نبض قلبي قوي و سريع بشكل مخيف حتى مقدر انام رقبتي تنبض .الدكتور قا ل ليه كذ انتي توك صغيرة ..انتي عند ك مشاكل..و انكرت... حسبت التطنيش يفيد...شوفوا وش صار لي .كيف اهدى انصحوني تعبت من التوتر اللي انا فيه.

رد : با قي شهر و يرحل اللي كنت احبه وتزوج غيري....
 

اختي الكريمة انا قصتي نفس قصتك لكن انا بدور الرجال وحبيبتي هيا بدورك


انا اقولك شي يمكن ما تصدقينه لكن هالشي منتشر عندنا احنا الرجال

مثلن انا احب حبيبتي بجد ونفسي اتزوجها لكن كل من حولي من الاهل ومن الاصدقاء ومن المجتمع يقولون لي انت كيف تتزوجها وانت في يوم من الايام بدت العلاقة بنظرات وكلام ثم مكالمات وما الى ذلك

يقولون لي مثل مافعلت معاك يجي يوم وتفعل نفس الشي مع غيرك

وغير ذي النقطة دايم يجو ويكرهوني فيها ويقولو لي انتبه توقع هذا كله كذب من حبيبتك بهدف انك تتزوجها وبعد الزواج حتندم اشد الندم

وانا الى الان مو داري ايش اسوي وعشان اكون صريح معاكي فكرت اسوي مثل مافعل حبيبك السابق


ويا اختي انا انصحك تخطبي وحتنسي كل شي

وكان الله في عونك

رد : با قي شهر و يرحل اللي كنت احبه وتزوج غيري....
 

اخي البحار
اولا محد ضربك على ايدك و قال لك ابدا العلاقه بمكالمه ليه لما عجبتك ما طلبتها على طول . عشان كمان تتلافى نقطة اللي كلمتك بتكلم غيرك. اللي مستحيل تسويها لانها حبتك انت.البنت قلبها هو اللي يختار.عمرها ماتلعب بعد الزواج او تخون الا. اذا كرهتك.وقتها بتطلب الانفصال.وهذا عذر الجبناء فقط.واللي حاب يرمي غلطه عليها وهو يصير ملاك .
و البنت ماتكذب بمشاعرها مثل الشاب.واذا حبتك وتزوجتها ايش بتسوي لك يعني .بتنيل عيشتك عشان تطلقها.ايش استفادت يعني .ماهي مضطرة تكذب عليك من اول.انتوا كيف تفكرون .
و ملاحظه اعذارك كلهامن الناس يقولونلك و يكرهونك .مبرئ نفسك.
انا ما قلتلك المفروض تتزوجها.اقوووول لك و لالف واحد يحسب نفسه (رجل) اذا انت ما عندك نيه تتزوجها و توصل لبيتها ماله داعي تبين اعجابك فيها و تلاحقها و تلعب بمشاعرهااااا. تجلس بس تفكر فيك .و ترفض ميه غيرك.لانها تحسب انك شريف و قد حبك لها وانت حتى ماتسوى ظفرها.و تجلس تدعي عليك و تندمر حياتك بعد زواجك مثل هذا اللي عندي.

رد : با قي شهر و يرحل اللي كنت احبه وتزوج غيري....
 

رد : با قي شهر و يرحل اللي كنت احبه وتزوج غيري....
 

حسبي الله على كل رجل يتلاعب بمشاعر الانثى..
من البدايه ليه تمشي معها بهالطريق وانت عارف انك منت رجال كفو؟
اللي مسوي طايع اهله ومايطلع عن شورهم لايعلق بنات الناس..
وترى هذي كذبه من هالاشكال الحقيره اللي ماتخاف ربها..
انتي وكلي امرك لله وانسي الموضوع لانك تستحقين رجل افضل منه
انتي تستاهلين رجآآآآآل عليه الاسم والقيمه يجيك يطلبك من اهلك ويكون شاريك
مو اشباه الرجال اللي يلعبون على البنات بكم كلمه وكم نظره ثمن يقول مقدر لاتضغطين علي
اصحي هو عايش حياته وانتي تبكين على الاطلال
وكلي امرك لله وعيشي حياتك
الله يرزقك بالزوج الصالح اللي يكون لك عون بالدنيا والاخره

رد : با قي شهر و يرحل اللي كنت احبه وتزوج غيري....
 

حسبي الله ونعم الوكيل
ادري ربي يحبني و
صرف الشر عني
فرحت انه ابعده عن طريقي

رد : با قي شهر و يرحل اللي كنت احبه وتزوج غيري....
 

احمد الله على العافية فيه ناس كدا نفسها دنيئة جدا المهم راح معاه الشر ان شاء الله الله يعوضك بالي يستاهلك و حتى ادا ردلك بعد وفاة ابوه مستحيل انتي ترديله الي ما يحفظك كرامتك و قيمتك ما يستاهل تبكي عليه

رد : با قي شهر و يرحل اللي كنت احبه وتزوج غيري....
 

فعلا النفس لا طابت طابت
و لا اشتهي اشوفه
سبحان اللي حول هذاك الحب كله
لكره

رد : بقي شهر ومن أحبه سيرحل
 

هذي قصتي ...صارت خلال ثلاث سنين.. ما كنت اتوقع بيوم راح اكتبها بمنتدى.. حسبي الله و. نعم الوكيل ..بسالكم هو ارسل برمضان يبارك الشهر .. و الحين بالعيد يمكن يرسل هل ارد عليه او اطنشه او اساله عن سبب استقالته .
صراحه ابيه يقول لي انتي السبب ..
و الله يستر لا اسبه مدام ضمنت روحته.. لا تلوموني ياناس .
وان رديت من باب اهدي النفوس اخاف اندم



ساعدوني خلوني اثبت على راي

رد : بقي شهر ومن أحبه سيرحل
 

رد : بقي شهر ومن أحبه سيرحل
 

هو بيدري ان الرساله وصلتني و قريتها. لانها عبر الوتس اب.

رد : بقي شهر ومن أحبه سيرحل
 

رد : بقي شهر ومن أحبه سيرحل
 

مع اخي مارد الجنوب لا تردي على اي رسالة و لا تسأليه اي سؤال هو اختار طريق غير الطريق الي انت فيه
خلي نفسك ابية ان احد غريب لا يمدلك بصلة تسمحيلو يسأل عنك و يعرف اخبارك
خلي ثوبة صادقة مع الله و سدي منافد التواصل كلها معاه و ادا هو وجهلك طعنة من قبل لا تخلي يدك تكمل طعن قلبك و تسمحي لنفسك بالاستفسار و فتح نقاش على شئ لا يجدي نفعا الكلام فيه
كرامتك ادا ما حفظتيها و لا واحد راح يحفظها لك

رد : بقي شهر ومن أحبه سيرحل
 

اذا صكيتيه بلوك في الواتس، راح يبان عنده ..
و انت ترضي بيوم تتزوجي شخص، له علاقة مع وحدة و يتواصل معها بالواتس ؟
نفس الشي لاترضيه لزوجته لانه مالها ذنب

و هو لو قال بانقل عشان انت السبب
هل راح تصدقيه ؟؟؟؟؟؟؟؟؟؟؟؟؟؟؟؟؟؟؟

ترى الرجال مو مثل النساء ؟؟؟؟؟؟؟؟؟
و هو كذاب و جالس يتسلى فقط ..

عشان بيرضي غروره، متزوج و فيه وحدة معلقة قلبها فيه

رد : بقي شهر ومن أحبه سيرحل
 

رد : بقي شهر ومن أحبه سيرحل
 

تجاهليه وانسيه ......

دعيني أحلل لك شخصيته هو رجل يحب أن يرضي غروره بامرأة تعشقه مهما حصل .... لا يريد منك غير أن تعشقينه

واستمرار رسائله وتأكده من أنك قرأتيها هو أكبر دليل على أنه يغذي شعور الكبرياء عنده بمشاعرك الرقيقة تجاهه

مشاعرك التي يعرف تماما أنها لا زالت متوجهة نحوه هو .... وهو لا يرحم قلبك ولا يشفق عليك أبدا ولا تصدقينه لو قال غير هذا


لأنه لا زال مستمر في تعذيب قلبك......لا زال يريد أن يراك تموتين حبا فيه بينما هو ينام بين أحضان زوجته


الرجل هذا مريضٌ بالحب ويريد أن تكون له حبيبة لا تنساه أبدا ولهذا هو مستمر بتحطيمك


انتبهي منه فهو لن يتزوجك ولن يتركها لأجلك أبدا أبدا فهي المرأة التي يريدها أن تنجب له أطفال .... هي أيضا مخدوعة فيه هي التي يخونها معك .... ولكن على الأقل هي أفضل حالا منك ....


اقطعي علاقتك معه .... وسيمر الزمن وتستيقظين من مشاعرك وتعرفين مدى حقارته .


آسفة لصراحتي ..... لم أرد إلا أن أوقظك مما أنتِ فيه


وفقك الله لما يحب ويرضى وعوضك الله خيرا منه رجلا صالحا يحبك ويبتغيك زوجة وأما لأولاده .

رد : بقي شهر ومن أحبه سيرحل
 

شكرا لكم الله يجبر بخواطركم و يعز شانكم يارب
.و انا عارفه انها مسالة كرامه.لكن اللي يخليني اقول كذا احساسي بالقهر و قلة الحيلة. و امنيتي و اللي بيريحني انه ينقهر و يتعذب بحياته..
عشان يعرف انه مانفذ من اللي سواه فيني..

احاول اعمل بارائكم

رد : بقي شهر ومن أحبه سيرحل
 

الحمدلله عدى العيد و ما عيد.
اخر الاحزان ان شاءالله .
ان شاء الله ارجع للدوام بعد العيد و ما القااااه.


اعايدكم انتوا اخوتي بالله

عيدكم مبارك

رد : بقي شهر ومن أحبه سيرحل
 

الحمدلله ماداوم... خلاص طلع باركولي هههههه
احس اني انولدت من جديد

رد : بقي شهر ومن أحبه سيرحل
 

الحمد لله الذي لا يحمد على مكروه سواه

عيشي حياتك وأحبي نفسك، واستفيدي من تجربتك جيدا


الله يعوضك خير ويرزقك كل ما تحبين

رد : بقي شهر ومن أحبه سيرحل
 

امين يارب. والله كنت ابكي دموع باردة دموع الفرح. و اضحك مع بعض .
ادري ربي يحبني و ازال هم كبير عن قلبي.

رد : بقي شهر ومن أحبه سيرحل
 

عيدك مبارك و ان شاء الله ايامك كلها اعياد
خليها لك درس لا تعطي رقم تلفونك و لا تتواصلي ابدا مع اي احد مهما كانت نيته
الي حابك يعرف كيف يوصلك

رد : بقي شهر ومن أحبه سيرحل
 

الله يبارك فيك.
كان عمري وقتها م23 الحين 27
وكان اول ما صرت بمجتمع المستشفى. داخله على عمى. معرف شي.
كبرت و فهمت.
مايلفت نظري احد الحين لو كان ايش....احساسي بالاعجاب مات..
ان شاء الله بس احب زوجي المستقبلي

رد : بقي شهر ومن أحبه سيرحل
 

الله يرزقك الزوج الطيب التقي النقي الي يقدر قيمتك عن قريب انشاء الله انتي و كل بنات المسلمين

رد : بقي شهر ومن أحبه سيرحل
 

امين يارب العالمين
الله يسمع منك
و يرزقك اللي فبالك

رد : بقي شهر ومن أحبه سيرحل (( مستجدات في الرد 28 ))
 

لمحته اليوم
يخلص اوراقه
بيرحل مدينته


الله لا يسامحه

رد : بقي شهر ومن أحبه سيرحل (( مستجدات في الرد 28 ))
 

انسي الله يرضى عليك

رد : بقي شهر ومن أحبه سيرحل (( مستجدات في الرد 28 ))
 

الموضوع درس و انتهى.
شكرا لتعاونكم. احذف موضوعي كي اساعد نفسي على النسيان ....

رد : بقي شهر ومن أحبه سيرحل (( مستجدات في الرد 28 ))