|
اريد مساعده في ديكور المنزل
اخواتي الحبيبات كيف حالكم اريد مساعدتكم باذواقكم الجميله في بعض الاسئله التي تخص منزلي اولا بالنسبه للمطبخ : عندي في بيتي الصاله منفصله عن بقية الغرف والمطبخ والحمام والمطبخ بابه على ممر الغرف فاردت ان اكسر نصف الحائط للمطبخ بحيث يكون مطبخ مفتوح على الممر وطبعا لا يكون المطبخ مكشوفا الا لمن دخل الغرف او الحمام اريد ان اسأل عن المطبخ المفتوح هل هو معاناه وهل له عيوب وما هي عيوبه لمن جرب هذا المطبخ ؟ ابي يقول لي انه غير امن عندما يكون مفتوحا منعا لا قدر الله من الحرائق وغيرها اما زوجي فيخاف ان نجعله مفتوحا فيتسخ الممر او حائط الممر يتسخ ثانيا لالوان الحائط: اذا اردت ان اعمل الوان قاتمه( غامقه) لغرفة النوم وغرفة النوم صغيره مثل الاحمر الغامق مثلا هل الالوان الغامقه تعطي للغرفه حجم اصغر يعني اي الوان تظهر حجم الغرفه واسعه الفاتحه ام الغامقه؟ ثالثا بالنسبه للموكيت: ماهي عيوب الموكيت؟ وهل ممكن ان اعمل موكيت لغرفه واحده فقط وهل من الممكن ان اجعل الموكيت نفس لون الحائط وشكرا لسعة صدوركم |
مطبخ مفتوح :d مش بقول أنتى عسل خالص :22: بصى ياحبيبتى أنا كنت بحب شكل المطابخ المفتوحه جدااااا وكنت حابه أعمله فى بيتى جدا لكن هقولك على حاجه لحظتها فى مطبخنا فى بيت أهلى هنا ان درجة حراره التى تصدر من الطعام والبخار بيطلع زى شحم لونه اسود فوووووق على الحائط بس طبعا أحنا بنزيله بالمسحوق عادى جدا وسهل بس طبعا ده بيحدث فى المطبخ فقط بسبب السخنيه الجامده فيه و البخار اللى بيطلع من الزيوت عن التحمير وهكذا فأخاف تعملى مطبخ مفتوح يضر باقى الشقه بهذه الشحوم التى تظهر على حائط المطبخ قبل التنظيف لكن المطبخ عندنا سيراميك على الحائط مثل الحمام فتنظيفه سهل جدااااااااااااااااااا وأنا طلبت من خطيبى نعمل كده وفعلا أختارنا سيراميك خاص بالمطابخ للحائط هذه بيجعل مظهر المطبخ جميل وايضا سهل تنظيفه وانا أغلقته وله باب عادى مثل الغرف وكمان خطيبى قالى كلمه حكمه يعنى الناس تيجى تزورنا وتشم ريحة الاكل وتوم والبصل والتحمير الاكل المصـــــــــرى محتاج مطبخ محكم الغلق مع معطر هديه:d عشان الضيوف ماتزعلش منا :22: بالنسبه ياحبيبتى للموكيت لا أشجعك نهاااااااااااااااااااااااااااااااائى عليه لأن الله يرزقك يارب بالذريه الصالحه بيسبب حساسيه صدر عند الاطفال الرضع وبيسبب أختناق وصعب فى الصيف بيزيد من الحرارة الغرفه وأنا شخصيا عامله الاوض باركيه بيكون شكله جميل مع السراير :22: واى استفسار أنا معاكى:) |
اه صح بالنسبه للألوان الغامقه كل انسان ليه ذوق طبعا
أنا لا أشجعها صراحه لأنها محتاجه منك تخطيط ضخم ومحتاجه فن فى ترتيب الاساس وعند وضع ورد او ستائر هيكون صعب لأنها ليها تخطيط مختلف عن الدهان الفاتح بالاضافه لحجم شقتك لو كبيره ممكن تعملى ألوان غامقه يعنى حائط نبيتى ( أحمر غامق ) مع الدهبيات موضه وهيكون شيك بس تلعبى فى ترتيب ديكور ووضع برواز او ورد او ستائر محتاج لعب بفن حتى يكون ذوق العام عااااااااالى وطبعا ألوان الحائط لو كل غرفه تختلف عن الاخرى فهذا أفضل بالطبع وأنا هعمل كده وفى ورق حائط بمبااااااالغ ورسمات هادئه وجميله بفكر أعمله غاااااااااااالبا فى ( ليفينج روم ) و أوض الاطفال فى شريط بيتعمل على شكل رسمات أطفال مهندس الديكور بيعمله جميل جدا وبيعطى الغرفه شكل أجمل ولعب اطفال اللى هى الكبيره جدا أشتريها ونظميها كل ده ياحبيبتى هايعطى شقتك شكل جذاب :17: ويارب نشيلك على القسم المتزوجين قررررررررررررررريب :14::14::14::14: |
حبيبتي رييع الحياة اولا الف الف مبروك
ثانيا بالنسبة للمطبخ المفتوح فكرته كتر حلوة يعني لو امامك اختيار انك تعمليه اعمليه بالنسبه انه هيوسخ الممر لا ما تخافيش هاتي شفاط كويس واطمني وكمان حوائط المطبخ سيراميك سهل التنضيف والممر صعب انا يتوسخ من زيت المطبخ انا كان نفسي اوي اعمل مطبخ مفتوح لكن ان شاء الله ربنا يرزقني بشقة جديدة واعمل فيها كل اللي نفسي فيه واطبق بقي كل اختراعاتي (هههههههه) 1بالنسبة لالوان الحوائط طبعا نوعي في الالوان يعني الريسبشن لون وغرفة النوم لون والليفنج لون وكده الالوان الغامقة موضة جدا جدا لكن اعملي حيطة واحده بس لون غامق والباقي فاتح يعني مثلا في الريسيبشن لو هتعملي احمر غامق اختاري حيطة غير اللي فيها الستارة وعلقي عليها براويز شيك او مرايه او حطي زرع في الركن هيبقي جنان وباقي الحيطان لون فاتح بالنسبة للموكيت طبعا ما انصحكيش بيه اولا غير عملي بالمرة وصعب جدا في التنضيف لو وقع عليه حاجة وبيحرر جامد في الصيف ده غير اضراره علي الاطفال اي سؤال يا حبيبتي انا موجودة |
حبيبتي مصريه العروووسه
تسلميلي يا حبيبتي على الرد المفيد جدا جدا وفعلا انا نفسي اعمل الالوان غامقه علشان حاسه انها في الديكور جديده واحلى وبحس انها بتخلي المكان شيك اوي والموكيت كمان ماما قالتلي انه مقرف جدا طبعا انا كنت عايزاه علشان يكون مع الوان الحيطه شكله جنان لكن مش مهم وربنا يخليكي يا حبيبتي انتي نبهتيني لموضوع الاطفال ده مهم جدا اما المطبخ المقتوح بفكر اعمله لكن هخلي البوتاجاز في اخر المطبخ من جوه وهيكون فوقيه شفاط لان بصراحه شكل المطبخ هيكون اجمل و يا عروسه يا رب عقبال ما نفرح بيكي كلنا يا قموره يا رب يا بلدياتي |
اختي الجميله نوجا
الله يباركلي فيكي يا قموره فعلا انا عايزه اعمل احمر بس محتاره ومش عارفه اعمله في الصاله والا في غرفة النوم ومحتاره لكن انا بحب الالوان الاحمر والموف والذهبي ونفسي اعمل ذهبي مع احمر يعني لسه مش مستقره لكن ارائك افادتني جدا انا مش هعمل موكيت وممكن اعمل باركيه زي اختي مصريه في غرفة النوم بس ويا رب يا ستي تجيبي شقه جديده وتطلعي فيها كل المواهب الفنيه |
وعليكم السلام ورحمة الله وبركاته
هلا بعروستنا أنا بصراحة ماأحب فكرة المطبخ المفتوح أبدااااا إلا إذا كان مطبخ مش أساسي يعني يكون للخدمة بس والمطبخ الاساسي اللي فيه الطبخ والنفخ يكون مقفل أما مفتوح وللطبخ والقلي احس البيت كله بيصير ريحته أكل في كل وقت وكمان تخيلي أحد زارك فجأة ولسه ماكملتيش ترتيب المطبخ حتعملي إيه؟؟؟ إذا كان المطبخ مقفل حتسكي الباب وترتاحي وماحدش شاف حاجة أما المفتوح فالكل حيشوف وحيكون شكلك وحش المهم أنا حعيك أفكار حلوة تخلي غرفة النوم البسيطة فخمة وشوفيها هنا في ردي ويارب تعجبك وألف مبروك مقدما http://www.66n.com/forums/showthread...61#post2051761 |
اقتباس:
أنا لاسف لا أشجع نهائيا المطبخ المفتوح بصراحة في بيت أقاربي مجربين ذلك مهما جبتى نوع البوتجاز الروائح هتنشر وهتبقى خنقة وأنا عن نفسي كنت بشوف الضيوف يا فلانة صاحبة المطبخ المفتوح افتحى الشباك افتحى البلكونة وووو قمة الاحراج صديقنى متعب جدااا المطبخ دة ومش عملى بالنسبة للباركية في اوضة النوم قليل حد يعمل باركية سوى باللزق او مسامير (قطع طولية من خشب حجمه صغير) في اوضة النوم انما اسمه خشب(بيقى طول الخشب من اول حائط الى حائط المقابل شرائح طولية ) مش باركية بيستخدم افضل للغرف النوم لانه يعطى للغرفة الدفي في الشتا وكمان شكله احلى في الغرف ومنتشر كتتير في الغرف في مصر طبعا اللون الغامق يستحسن يستخدم في حائط واحد في الريسبيشن ويشتريط يكون واسع مش ضيق لكن مش محبب في الغرف وافضل الالوان الفاتحة للغرف النوم الليمونى و الموف والروز بس الالوان دى يفضل كمبيوليكا دهان دة رائع لما تروح تشتري بيوريك العينات ويقولى افتحه اغمه وهكذا زي ما بتحبي والف مبروك ويتتمم فرحك على خير |
اقتباس:
اختي الحبيبه ام جمانه تسلميلي يا حبيبتي على المشاركه الرائعه والله يبارك فيكي حبيبتي ويعطيكي العافيه افدتيني كثيرا يالله ان شاء الله نردهالك في الافراح يا حبيبتي ولا يحرمنا منك ابدا |
اقتباس:
|
| الساعة الآن 11:06 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
