ابني معه حساسية بصدره ياريت تفيدوني
صباح النور
كيف كل الامهات ؟ والاطفال الحلوين انا بدي اسألكم بخصوص حساسية الصدر خاصه اني سمعت انه كتير منتشر ابني عمره الحين 6شهور ونص من اسبوع وصدره تعباااااااان رحت لاكتر من طبيب مافادوني بيحكولي صغير على الادوية لحد مارحت يوم السبت الماضي لدكتور وكان مسخن وصارله اربع ايام مو نايم ومابرضع لدرجة اني كنت اعصرله من صدري واعطيه بالكوب لانه ماباخد المرضاعه رشح وسخونه وكحه غريبه المهم يوم السبت من الساعه خمسه الصبح كنت بالمستشفى بعد مرور خمس ايام علي بدون نوم رحت وحكالي الدكتور صدره كتير تعبان ونيمه وحطله بخار المهم حكالي انه عنده التهاب بالاذن غير الرشح واعطاني بخاخ ومضاد حيوي و شفاطه عشان انفه المهم البخاخ بيتركب بانبوب فيه زي الكمام وبنبخ بخه وحده وبخليه حتى يستنشقه الحين السؤال ابني مابحسه بستشقه بس احطه بصير يصرخ ومابده اياني احطه على انفه ونفس الشي مع الشفاطه بضل يبكي وكل مااعطيه المضاد بيرجع من كتر البلغم يلي بصدره حرارته صارلها يومين وزياده 39 وكل مااتصل على الدكتور بيحكيلي بس اعمليله كمادات ماي دافي بس المضاد يعمل مفعوله رح تخف حرارته اما البخاخ بيحكيلي خليه يستنشقه في حدا جرب هالشي هل طفل عمره 6شهور بيقدر يستنشق البخاخ ؟؟ طيب الصبح صحيت كان تنفسه سريع كنه بيلهت وصوت صدره صار مبين زياده بيصفر هل اروح لطبيب خاص بس انا مابعرف دكاتره مناح خايفه اروح يلعبلي بالولد وتسوء حالته مابعرف شو اعمل ياريت يلي صار معها نفس الشي تخبرني هل الصغير بتحسن على البخاخ ولا لازم اخده عند طبيب متخصص بامراض الصدر ..؟؟ واخيرا سلامة ولادكوا وماتشوفوا شر ... |
حبيبتي ألف سلامة لابنك
انا ما عندي فكرة عن الموضوع يارب الاعضاء يفيدوكي بس اظن انه لازم تاخدين ابنك للمستشفى وينام فيها .. لانه الطبيب هو الاعلم بكيفية التعامل مع البيبي سلامته وما تشوفوا شر |
سلامات ومايشوف شر وربي يشفيه
أنا ولدي عنده حساسية صدر بس جاته وهو كبير ويباخذ البخاخة اللي بتقولي عليها يوميا كوقائي بس أختي ولدها عنده الحساسية من صغره مثل ولدك وبتستعمل له جهاز بخار مو بخاخة وبعد ماكبر صار يستعمل البخاخة أختي لاتسكتي على حاله أبدا وروحي لدكتور متخصص للصدر لأن الحساسية لو اهملت بتصير ربو لاقدر الله وحساسية الصدر اغلبها تكون بسبب وراثي ومابيعرف يعالج الحساسية الا دكتور متخصص في الصدر بإذن الله ربي يشفيه ويعافيه وطمنينا عنه |
اقتباس:
موفقه حبيبتي اسعدني مرورك |
اقتباس:
ياهلا ام جمانه سلامة ابنك انا استغربت فعلا انه الدكتور اعطاني بخاخ فكرت استعماله سهل لكني مبحس ابدا انه مستفيد واللي خوفني كتير صوت الصفير اليوم الصبح المشكله انه عمري ماتعاملت مع دكتور اطفال خاص عشان هيك بدي اسأل اذا في عنا متخصص ان شاء الله اليوم بدي ادور على دكتور لانه انا خايفه يتحول لربو متل ابن عمه كتير ياحرام بتعب .. تسلميلي ياعمري الله يوفقك ويشفي ابنك |
ابني عنده حساسي بصدر من كان عمره 10شهور وبدا يطلع عنده اسنان وديت دكتور استشاري قال لازم انتبه عليه من يبدا معاه الرشح الزكام ونقط في انفه نقط الملح المخصصه للاطفال كل 4ساعات على شان ما ينزل الزكام على صدره لانه ينزل على القصبه الهوئيه بعدين الصدر واذا صار معه سعال اعطيه بخار مدة خمس ايام واذا كان سعال وحراره وزكام
اعطيه نقط الملح وبخار وخافض حراره وما اعطيه مضاد الى في حالة التهاب الاذن عنده واعرض ابنك من الان على استشاري على دكتور استشاري لان الحساسيه بتستمر معاه على الاقل لين يخلص تسنين والله يشفي كل مريض يارب مايشوف شر الله يشفيه |
الف سلامة عليه كريستال
والله ما عندي فكرة بس حبيت ادخل وادعي انو ربنا يشافيه ويعافيه وان شالله ما يشوف شر ابدا بس متل ما قالولك الاخوات لا تستكتي عليه ابدا وعليكي بالطبيب الخاص لانو دايما الحكومي ما عندهم نفس الاهتمام |
بسم الله الرحمن الرحيم
من واقع تجربه مع ولدي الحسايه بدت معاه بدري من عمره الاربع شهور والدكتور زيك كان يصرف لي بخاخات الفنتولين والفلكسوتايد ويصرف لي معاها الكمام الي يتثبت فيه البخاخ ما ابي اكذب عليك كان البخاخ لايجدي نفعا لان ولدي بعده صغيره ومو واعي ولايقدر يساعدني انه يستنشق البخه مضبوط وبصراحه ماكنت استمر عليه الا عند الحاجه واذا زاد عليه صدره اوديه للمستشفى يعطونه بخار واستمر الوضع الي ان بدى يفهم ويستوعب كيف يستنشق والحمد لله طلع كلام الدكتور صحيح انه البخاخ والكمام هذا اجدى نفعا من جهاز البخار والحين تجيه حالات كتمه بس على طول اسيطر على الوضع لاني اعرف من تجيه زكمه خلاص اليوم الي بعدها راح تنزل على صدره وبما انه صدر ولدك مكتوم ويصفر ضروري توديه المستشفى علشان يشوفون نسبة الاكسجين ماعليه شر وطمنينا |
حبيبتي أنا ولدي لما كان صغير جاته حساسية مثل ابنك
وكان صوت صدره زي الصفير وكحته مكتومة وصوتها غريب بس مانفع معاه بعد الله إلا البخار واشتريت الجهاز واستخدمه له في البيت لما يتعب بروح للدكتور ويكتب لي الجرعات تبع البخار واسويه في البيت يمكن 3 مرات يوميا واستفادوا اخوانه اللي اصغر منه كمان الله يشفيه لكي ويعافيه ويحفظه من كل شر تحيــــــــــــــــــــــــاتي |
سلامة قلبو يا رب
اهم واسرع شي دكتور اختصاص للأطفال وثم ادهني صدره بعد كل حمام بالزيت او زيت السمسم السيرج اللي يطلع على الطحينه كل يوم وان شاء الله ما يعود يشوف الحساسيه ابدا اذا يقدر يشرب ملعقه صغيره او عدة نقط من السيرج بيكون ممتاز داومي على هذا كل الشتاء هذا ما كانت تفعله ستي وستك لأهلنا ويا رب تطمنينا باقرب وقت |
الساعة الآن 01:16 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©