صدمت بوجود رابط لموقع هابط في مفضلة زوجي (حلت و لله الحمد )
 

اه يا اخواني واخواتي لم يخطر في بالي يوما ان ذلك سيحدث معي انا مصدومة جداااا
ادخل في الموضوع والله يا اخوان عندما كنت اقرا موضوع عن الافلام الاباحية وادمان الزوج عليها لم اكن اعير الموضوع الكثير من الاهمية وحتى اللواتي كن يشكين من ازواجهم اما الان جاءتكم جوزي عمري وهي من هول الصدمة لا تدري ماذا تفعل

قبل اربع ايام دخلت على محمول جوزي حتى اضع سي دي خاص بالعمل وعندما اردت الخروج كنت اريد البحث اذا الجهاز حفظ السي دي ام لا وانا امرر الماوس وجدت مفضلة جوزي ومن ضمن الاشياء شيء يتعلق بالافلام الاباحية طبعا العنوان لا يوحي بذلك لهذا لم اعطي الموضوع اهمية ولكن في اليوم التالي وعندما بحثت عن الاسم وجدت انه لامراة ****** ماذا عساي ان اسميها يا ناس امراة واحدة الافلام التي على جهاز جوزي لامراة واحدة فقط يعني شو شايف فيها هي بالذات طبعا الله لا يفرجي صدمتي لاحد وعندما عدت للمنزل والله يا جماعة ما قدرت امسك حالي بس بهدوء ورجيتو الجهاز وش شقت علي مصيبة وحكيتلو شو هادا الاسم وليش حاطو بالمفضلة طبعا ثار علي بطريقة مرعبة وحكالي ما دخلك وكل ما اسالو سؤال يحكيلي ما دخلك انتي ليش اتفتشي بجهازي وحلفتلو انو مو قصدي افتش وبالصدفة اكتشفت المهم قلب الدنيا على راسي وبنص الليل صحاني وحكالي انو الموضوع بتعلق بشغلو بحكم انو جوزي بالامن المهم انا ما استوعبت شو بحكي لاني كنت غفيانة بعديها صحيت من النوم وصرت افكر انو ليش مو من اول ما سالتو جاوبني هادا الجواب ليش استنى ساعة وخصوصا انو طريقتي ما كانت هجومية كانت مجرد استفسار وبعديها اجا راضاني بس من خلال مراضاتو مو حاب نفتح الموضوع وانا حافظة جوزي عن غيب وعارفة انو بس بسكتني يعني مو صادق معي وانا امراة مو ساذجة ينضحك علي بسهولة
نقص دين معقول بس جوزي حاجج يا ناس وبصلي طيب معقول نقص في انا ما رح احكي عن حالي كزب لاني لو كزبت بمدح حالي ما رح الاقي حل صح للمشكلة بس والله اني أهتم بشكلي و لبسي ومكياجي وريحتي ونظافتي والله ما علي حكي وعندي ثقة كبيرة بحالي وعمري ما قصرت عليه لما يطلب حقه الشرعي وبعرف الي بحبو وبعملو ايا شو اعمل وين اروح مليون سؤال وسؤال بدور براسي

ليش هاي المراة بالذات

لما يحضر هيك اشي وين بروح بشهوتو اكيد بفرغها لحالو وهاي بحد ذاته مصيبة

لما يكون معي بالعلاقة معقول بفكر في الاشي الي بيحضرو
وما بفكر في
معقول انا بطلت اعبي عينو يعني انا عمري 31 والنا اربع سنين متجوزين وعنا ولد وامورنا تمام بس كمان عشان ما اخبي عليكم مرات بيقعد يعطيني وصفات لتضييق المهبل معقول هاذا السبب ساعدوني لاني شوي وبنهبل

يا حبيبتي لا تنصدمي ولا اشي عااااااااااااااااااااااااادي

اللي اكتشفته انه تقريبا 95 بالمية من الرجال يشاهدون هالافلام

يعني زوجي كان بدو احضر معه ما قبلت واتمشكلت معه،، بعدها صرت الاحظ عليه انه يخليني انام ويشوف الي بدو اياه.. ولو اصحيت بنص الليل بقلب عن المحطة.. ازعلت اول مرة بعدين صار يتفرج وانا بعرف من طريقة صوت التلفزيون بكون واطي وازا صحيت بالليل انا بسير طوارئ بس صرت اعمل حالي مش عارفة انه بتفرج ع هالاشياء (ولا كاني فاهمة مع اني عارفة ومتأكدة بس انا حكيت معه بدل المرة عشرة بس قلت الطبع تحت الروح) هو هيك متعود من قبل ما يتجوز ومش قادر يمنع نفسه،، حتى لو قعد ع النت بسكر الباب وبفتح ع هيك اشياء غريبين الرجال مع انه زي ما قلتي مش مقصرين نحنا بحقهم... بس سبحان الله .. كلهم هيك الا من رحم ربي
انا كنت ازعل اول بس بالاخر حسيت انه بحبو الفرجة واللي مش اله يثيره اكتر من اللي اله.. هيك اعتقد سبحان الله.. بس شو نعمل.. ع العموم رح يلف يلف ويرجع لحضنك ما اله غيرك..

الله يفرج همك اختي

والله لما اسأل زوجى عن الاشياء هادى اقوله دائما اسمع مشاكل عن كدا تعرفوا ايش رد عليا مافى رجال مايشوف الاشياء دى كل الشباب كدا عادى ما يسوا شئ حرام بس يشوفوا والله ضحكت قلت له ليش هو دا ماهو حرام
طيب فين غض النظر والبعد عن الموبقات خلاص مايرد والله دا الموضوع اصبح داء العصر الله يعيننا ويهدى ازواجنا جميعا

آميـــــــــــــــــــــن

والله انه آآفة العصر فعلا

مافي واحدة مرتاحة من هالشي

الله يعيننا جميعا

والله يا اميرات يا حبيبتي انو لما اجا جوزي وصحاني من النوم يحكيلي انو هادا الحكي كلو شغل اتزكرت جملتك لوحدة من الاعضاء لما حكيتيلها جوزك بتخبط وانا هيك حسيتو وما بعرف بصراحة اذا من زمان او من جديدي بتفرج على هيك اشي

ناني حبيبتي مو راضي يجاوبني سالت هاي الاسئلة وبس راضاني بحكيلي انا بحب كل اشي فيكي وانت بتعرفي انا كم مرة بنام معك اسفة على المصطلح وانو لو ما بتعجبيني ما كل شوي باجيلك بعدين جوزي بمنطقة بعيدة عني ببعد عني اربع ايام يا ناس انا بعرف شو بعمل فيهم وانا اصلا خايفة انو لما يجي بدو مني علاقة يكون السبب الافلام شو اعمل بحالي

معقو يا زينة نسكت يعني هيك منبطل نثيرهم اصلا ببطل الي بينا مودة ورحمة وحب وحنية يعني منصفي مكب لشهواتهم وبس لا لا لا انا مو قادرة اصدق انو ممكن اتعود شو اعمل يا ربي اعطيني الحل من عندك وافرجها يا كريم