|
قلقة من زيارة مشرفتي في العمل
مساء الخميس الونيس ^_~
بعد اسبوع مررهق مر بسلام الحمدلله .. قبل فترة تقريبا شهرين كنت في شغلى و جانا اشراف .. بحكم انى جديدة بهذا المكان اول زياره لهم كانت لي . تفاجات بحضورهم صراحة و كنت تاركه شغلي ^_^ وموكله فيه وحده الا تجينى تجرري و تقول يافليكا الاشراف دخلوا عندى و يسالون عنك قلت دحين اناديها وانا بسررعه اروح و القى مشرفه واقفه تنتظرنى .. واعيبااه وانا كنت اتقهوى و متكيه وانحااس جوي كله .. ليش هالمقدمة ؟! لان الوضع الى الان يسير طبيعي << رغم مخالفاتى في اثناء وجودها معي و مراقبتها لعملى لاحظت انها ما تنتقد كثير كعادة البعض و هاديه جدا بعدين طلعت هى و انا ارتحت ^_^ الا تجينى سكرتيره و تقول يا فليكا طالبينك عند المديره .! قلت بسسس جاءت العقوبات و الكلام اللى ماله داعي و الانذارات .. الا انزل لهم و مسويه انى واثقه ^_* من شغلي .. و اجلس عندها " المشوفه هذى " و فاجاتنى قالت قبل اى شي انتى فليكا بنت فلان الفلانى ؟ انا : اى نعم .. قالت اخت فلانه : انا نعم .. تعرفينا ، قالت لا ...! ثم واصلت ، انتى اكبر منها ،انا : لا انا اصغر .. قالت واضح قالت : متزوجة ؟ انا هنا طاالعت فيها قلت لا .. قالت واضح .. الى هنا قالت طيب مرحع للشغل ... وووو تجى الانتقادات .. ثم ختمت بجمله مافهمتها او استنكرتها قالت فليكا راح احطك تحت رعايتى .. كيف و ليش مافهمت .. لان هنا دخلت المديره وقالت الموظفات برا ينتظرون الاجتماع بالعاده يجتمع الاشراف مع موظفات التخصص الموحد .. هى طلبتنى بمفردى قالت ابغاها قبل الاجتماع معهم و بعدها يسالونى ايش قالت لك و اكيد مخالفات .. مررت هالحادثه و بعد شهرين تقريبا تكلمت احدى الموظفات و قالت فليكا تعرفين المشرفه الفلانيه حقتكم قلت نعم قالت عارفه اخوها مين فلان الفلانى رجل وااصل و اختها عضو هام بالدوله و لهم مركزهم .. انا هنا ما ركزت و اعتبرته كلام عادى . مر شهر و قبل يومين جيت كالعاده متاخره ^_^ الا تستقبلنى المديره هلا فليكا و ينك تاخرتى و بسرعه ياحلوه الحقي التوقيع انا مو مستوعبه ،، بسم الله ايش فيها هذى الكلام لى معقول ؟!! بالعاده من ادخل لقلقلقلق على راسي و توقيعات و مخالفات .. ابتسمت و اروح اعدل الميك و اجى لها و نفس الكلام يالله يا استاذه فليكا وتساعدنى بنفسها .. ايش صاير بالدنيا !! الا و المح عندها بالمكتب نفس المشرفه ...!!!! رجعت البيت و بالليل تجينى رساله واتس مرحبا و كيفك ومعك المشرفه فلانه نفسها طبعا ،، انا للامانه خفت ^-^ ايش تبغى هذى اكيد شغل او مشكله الا تقول ممكن ازورك بالبيت .... انا ... سكت قالت مو شغل ، فقط زيارة خاصه و معرفة انحرجت و ماقدرت اعتذر مع انى مالى رغبه والله .. قالت بزورك يوم الجمعه المساء قلت حياك الله .. الان او من كلمتنى وانا في قلق و تفكير و افتراضات هى ليش بتزورنى وايش تبغي ؟! كيف استقبلها و لازم عشاء كبير يليق فيها .. اجيب معى احد او اقابلها وحدى مع انها ماقالت ابغاك لحالك ... او اعتذر منها واجل الزياره حقتها ...؟! كتبت كل التفاصيل اللى تدور براسي ^_^ تم تعديل العنوان ليتناسب مع المضمون |
رد: زيارة خاصة ؟!
استقبليها شوفي وش عندها
ماراح يضرك شي لو احتفيتي بها |
رد: زيارة خاصة ؟!
واعليه يا فليكا .. بيودونج ورا الشمس. :D مثل ما قالت ريماس .. ما في مفر من استقبالها. لا تهوجسين وإن شاء الله الأمور طيبة. بس ما أفضل يكون معاج حد .. إلا إذا وحدة قريبة منج جداً وما تخبين عنها شي. |
رد: زيارة خاصة ؟!
استقبليها وبشكل بسيط ودون تكاليف أو مبالغة.
|
رد: زيارة خاصة ؟!
كنت سأقول استقبليها مع أحد
لكن بعدما رأيت رد مهرة تراجعت استقبليها عادي و برأيي الموضوع الذي ستزورك لأجله ليس له علاقة بالعمل ، قد تكون في البداية زيارة تعارف وبعدها ... عموما لا أحب استباق الاحداث، خير إن شاء الله لاتتوتري و كوني طبيعية. |
رد: زيارة خاصة ؟!
اتوقع خطبة
ارجح هذه الفكرة بشكل كبير جدا 😊 |
رد: زيارة خاصة ؟!
اقتباس:
التأجيل ليس في صالحك لأن تخميناتك لن تنقطع به بل العكس فاحسمي الأمر واستقبيليها |
رد: زيارة خاصة ؟!
هاااه ! ياهملالي
تصير حماتك المشرفة كشخي السفره وكثري محاشي هههه يقولون بيصير الأداء الوظيفي مرتبط بالعلاوة السنوية يابنت :d سبحان الله دائماً الموظفة تكثر عروض الخطبة اللي تجيها من بيئة العمل انا اول ماتعينت في قرية نائية في قلعة وادرين الله لايعيد ذيك الديار مع انهم حليلين حرام مابقى احد عندهم ماخطبني الا حارس المدرسه شكلي ماعجبته هههه حتى شيخهم خطبني المشكله اني معرسه كنت وللحين ماسكته على زوجي لاقال بعرس عليك اقوله بخلعك وبرجع للقريه وباخذ الشيخ واصير مرة الشيخ واقهرك :d الله يسهل أمرك كوني طبيعيه وعاديه واذا بتزورك بيت اهلك احس طبيعي ان اهلك او الوالده يكونون موجودين وكذا ويمكن هي اصلاً تبي تشوفهم وتتعرف عليهم |
رد: زيارة خاصة ؟!
لو كنت مكانك كان صرفتها بلباقه
اسلوبها غريب تزورك ومالك علاقه فيها حتى لو قصدها خطبه الله يسهل امرك |
رد: زيارة خاصة ؟!
انا مثل لوفتي اتوقع خطبة الله يرزقك الزوج الصالح
|
| الساعة الآن 10:41 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©