منتدى عالم الأسرة والمجتمع - أختكم في مشكله وتبي حل !!!

السلام عليكم ورحمة الله وبركاته

اولا انا هذا اول موضوع لي معاكم

وفعلا انا استفدت من الموقع هذا كثير ومشكورين

لكن انا في حيره من امري

انا متزوجه من اربع سنوات وليلحين ما كتب الله لي الحمل

في البدايه راجعت المستشفيات وطلع معاي اكياس دم في الرحم وفي المهبل

وتمت ازالتها ولله الحمد في عمليه جراحيه

ولكن الامل كان موجود وبعدها بفتره سوينا تحاليل وطلع زوجي

معاه ضعف في كمية الحيوانات المنويه

وعطاه الكتور علاج يستمر عليه

والمشكله انه اهله كل شوي يسالوني عن الحمل

ومع كل هذا تغيروا علي حيل وصارت مشاكل بيني وبينهم وانا قافله حلقي وساكته واقول انه العيب مني انا ولدكم مافيه شي

وهم الحين يلحون عليه بالزواج

وانا خايفه بصراحه انه يبيعني وانا اللي احبه من كل قلبي

هل مع كل اللي صار يتزوج علي

هل السبب مني انا

كل شي بيد رب العالمين

وانا مالي ذنب

وانا الحين ابيكم تفيدوني وربي تعبانه حيل الحين

وقاعده عند اهلي صارلي اسبوعين وهو ما سال عني بعد