هلا ماريا .. بس صدق ماتحسين ان يوم الولادة احلى يوم في حياتك ؟؟!

اول بيبي والا عندك قبله ؟؟

السلام عليكم ورحمة الله وبركاته

انا من دخلت الشهر التاسع وانا احس بالام خفيفة .. مثل الام الدورة ..

وبثاني اسبوع تقريبا مريت للدكتورة قالتلي رحمك مفتوح 1 سم .. وقالتلي يمكن ماتلحقين على الموعد الجاي يمكن تولدين قبل.. انا استانست ..

والالم نفسه هو هو .. يروج ويرد .. ولحقت على الموعد .. وفحصتني الدكتورة الفحص الكريه .. الي يطلع عيني.. وبعدني نفسي 1 سم بس!!

وماشاء الله .. الحمدلله كل الي يشوفني ماكان يصدق اني حامل بالتاسع .. حتى خالتي دكتورة امراض نساء وولادة .. جت من الكويت اول ماعرفت اني 1 سم مفتوح ..

المهم كانت كل ماتشوفني اتقول الله يستر ماتخلص اجازتي واضطر ارد الكويت وانتي بعدك ماولدتي!! ههه
وانا والله كنت خايفه .. (ماكنت ادري عن الام الطلق) كنت اقول الله يستر ما اولد وانا نايمة ..

بتاريخ 13-3 -2007 الساعة 3 الفجر.. حسيت بالام ماقدرت اتحملها .. قلت بصبر.. لحد اذان الفجر بيكون الكل.. قاعد .. كنت قاعدة عند اهلي..

بس ماقدرت اتحمل.. الم فظيع يروح ويجي.. قعدت خالتي من النوم .. وهالمرة هي فحصتني.. وكنت 3 سم ..

قالتلي خلاص بس تصيرين 5 سم .. بنروح للمستشفى .. قلتلها اوكي..

ومن الالم اركض في الصالة ماعرف شو اسوي بنفسي.. من الالم ..

الساعة 7 ونص تقريبا ... زاد الالم وفحصتني خالتي مرة ثانية وكنت 5 سم :)

بدلت بسرعة ورحنا للمستشفى ... وصلت هناك الساعة 8 .. ودوني لجناح الولادة ..

وبعدها بساعة ونص.. برد الطلق.. وصار بارد ومايالمني..

والدكتورة تفحصني كل بين فترة وفترة اتقول صبروا.. (خالتي عصبت ) طبعا مايخلونها هي اتودلني لانها اتصير لي..

المهم كذا دكتورة اتروح وترجع واتقول صبري.. والوقت يطوف.. وبعدين .. وبعدني 5 سم بس!!

صارت الساعة 9.. بالليل .. عطوني طلق صناعي.. هنا .. بغيت اموت .. وزادته .. وقمت اهذي.. وكل الي يعطوني اياه اوكسجين .. اتنفسه ..

ماخذيت ابرة ولا شي..

قمت اهذي وعصب على اختي والدكتورة وعلى الكل وانا مو حاسه في نفسي..

بعدين فحصتني وكنت 10 ..

وكانت الساعة 11 ونص بالليل ...

وودوني لغرفة الولادة ..

وولدت طبيعي الساعة 12 الا عشر.. يعني عشر دقايق وادخل بيوم 14-3 ..

ودلت بيوم 13 .. بشهر 3 ... بغرفه 3.. وجناح 3.. وتيم رقم 3...

وطلعت بنت مثل القمر...

وزنها شوي كان .. 2 كيلو و 800 ..

وطولها 50 ..

الحمدلله .. والحين عمرها 4 شهور.. الله يحفظها ويخليها لي

الله يسهل عليك واكيد عرفتي الدم او الماي او الطلق الي يخليك تبكيم من الالم واكيد بس تدورين الي يوديك الطبيب



يارب يسهل عليك واجر وعافيه

الحمدلله ع السلامه ماريا 13

ويعطيج العافيه hosam87 عالموضوع والحمدلله على سلامتج وسلامة البيبي

يوم الولادة كان أحلى يوم بحياتي
و حتى الآن و انا بحط الصور الي التقطها بعد الولادة و بتفرج عليها

أول بيبي

لكن أسوأ يوم هو يوم المخاض (باعتبار المخاض عندي طول يوم كامل )

الله يسلمك يا رب شكرا لردك

قبل ما اروح المشفى فحصتني أمي (طبيبة) و قالت انه الرحم فاتح من 1-2 سم و انه لازم أولد خلال أقل من 24 ساعة
زوجي لما سمع هالكلام أصر نروح المشفى
كان بالنسبة الي أفضل انه نروح لكن تعبت أمي معي لأنه بقيت جالسة بجانبي من ال5 الصبح لل 11 بالليل
و بعدها زوجي أخد مكانها
الحمد لله على كل حال
المهم خلصنا :)
و عقبال عند كل الحوامل يارب