|
ولد عمي هل أقبل به ؟((مشكلة محلولة في الرد 10))
مساء الورد عليكم
قديما كنت ادخل المنتدى ونسيته لفتره طوووويله ولما احترت في موضوع رجعت ابي المشوره جزاكم الله خير تقدم لي ابن احد اعمامي لكنني في حيره ما ادري اقبله او لا هو مواصفاته جميله لكن متخوفه مدري ليه هو معلم عمره 28 وانا 23 اعرفه من كنا صغار اتذكر انه شكله واتذكر مواصفاته والى الآن هو ما انقطع يزورنا بين فترات واسمع به طبعا وفي الاجتماعات اراه بالصدف وبما اننا اقارب فنسمع باخبارهم واخباره وهم كذالك هو حافظ القران اتذكر انه من كان صغير وهو يتردد على حلقات التحفيظ وسمعت انه الى الآن ونشأته نشأه ماشاء الله ملتزمه وصفاته جميله واخلاقه بعد والجميل فيه انه لا يقطع الرحم دائم الزياره لنا وللاقارب ولا يترك اجتماع الا ويجي بعكس باقي ابناء عمي شفته آخر مره ومن فتره طويله لاول مره اشوفه كان ثوبه قصير وعليه لحيه مو كثيره مره وشنب خفيف جدا ;) بس انه يلبس عقال وشكله لا بأس مملوح أسمر وهو معلم في مدرسه طبعا وسمعت عنهه كثير تقريبا اعرف حياته كلها وكيف يعيش بس انا متخوفه من اشياء فسمعت انه مايرضى بالقنوات اللي فيها مسلسلات وهالأمور ومايحب السفر برا وعمره ما سافر للخارج وسمعت من اخوي انه قليل الكلام ومن كلام اخوي انه يقول مو راعي طلعات وبيتوتي ولكن يوم شفته كان مبتسم ويسولف مع اللي حواليه بكل اريحيه لان بصراحه انا طولت وانا اطالعه استغفر الله وانا بصراحه حبيته وماحبيته مدري شلون ابي مشورتكم الله يجزاكم خير ان شاء الله وشكرا مقدما |
رد : ولد عمي هل أقبل به ؟
وافقي ياخيتي ترى مواصفاته عالميه
بس لاتنسين صلاة الاستخاره اذا متحسفه على السفر والمسلسلات ترى الجنه خير لك وابقى الله يكتب لك الخير وين ماكان |
رد : ولد عمي هل أقبل به ؟
مواصفاته رائعة ماشاء الله ،، استخيري و توكلي على الله
|
رد : ولد عمي هل أقبل به ؟
على قولت وابل الندى
مواصفات عالمية استخيري وربي يوفقك |
رد : ولد عمي هل أقبل به ؟
استخيري ربك ؛وعلى حسب ماذكرتي مافي شي بدينه وأخلاقه.
بالله الحين ترفضين واحد عشان مسلسلات وكلام فاضي !؟ واذا على الكلام بالعكس دليل على رجولته وهذه طبع رجال زمان مايتكلمون الا بشي فيه خير احسن ما يجيك واحد زي بعض الحريم بس يقرقر. الله يكتب لك الصالح والي فيه الخير والحياة تراها فرصة مو كل مرة بتقدم لك واحد مثل هالمواصفات. |
رد : ولد عمي هل أقبل به ؟
الله يوفقكك اختي انا من رآي توآفقين طبعا بعد الاستخاره
ومن ناحيه السفر والمسلسلات ماهي الاشياء المهمه مره وانتي قلتي سمعتي يمكن مايطلع كذا ! الله يكتب لك الي فيه الخير يارب =) |
رد : ولد عمي هل أقبل به ؟
اقبلي ... ليس كونه ابن عمك , لكن كونه يحمل جميع هذه الصفات ماشاء الله , قال رسول الله صلى الله عليه وسلم : " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي. واستغرب كلامك اختي ( وكلام الكثير من النساء ) , عشان مسلسل او سفر يصير تردد ؟. "ألا إن سلعة الله غالية، ألا إن سلعة الله هي الجنة". استخيري وتوكلي على الله وان كان فيه خير سيكتبه الله لك , وان كان فيه شر سيبعده الله عنك. |
رد : ولد عمي هل أقبل به ؟
من رأي توافقي ليش؟
الي ما يسافر معناتو مو راعي بنات وهذا الشي المطلوب بالزمن الاغبر هذا بكرى بتتزوجينه وبسفرك المرأه قادره على ان تغير شخصيه الرجل شوي شوي تسافرون مع بعض اما من ناحيه مسلسلات لازم تحمدي ربك على النعمه هذه انت ممكن تتفرجين وهو برى البيت المهم هو ما يناظر لانه بعض الرجال عنيهم على الممثلات بس ما احس البنات يتفرجون على الممثلين بكثر مابعض الرجال تناظر في الممثلات علشان كذا انا من رايي ان توافقي وانت مغمضه مثل ما يقولون طبعا الاستخاره اولا واخير الله يوفقك حبيبتي وطمنينا وش بسير معك :) |
رد : ولد عمي هل أقبل به ؟
ليس كل من التحى كان حسن الخلق ومن الملتزمين بالدين
يجب ان تسألي و تتحري عنه |
رد : ولد عمي هل أقبل به ؟
قررت أن أوافق *ـــ*
جزاكم الله خير |
| الساعة الآن 09:27 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©