مع كلام الاخت طيوف

ليش ما تكملين جامعه ... شي مهم جدا في هذا الزمن

خصوصا اذا زوجك يحب المثقفة ما اظن بيرفض دراستك

اتمنى لك التوفيق

انا من معراضين الوظيفة للمرأة المتزوجة وكلامي عن تجربة احساسك واهتمامك بنفسك وسعة بالك وتحملك لزوجك وبيتك الان افضل مليون مرة من لو كنتي موظفة والله الفراغ زي ماقال عليه الصلاة والسلام نعمة مغبون فيها كثير من الناس بس المهم كيف تحسنين استغلاله عندك القراءة اهتمي جداً فيها ترتقي بثقافتك لابعد حد ممكن تتصورينه كمان التلفزيون فيه برامج كثير تثقيفية بالاضافة للمجلات والانترنت تعليمك لابنك لو تجاوز السنتين وفيه كتب كثير تساعدك على هذا الشيء بالاضافة لقراءة القران الكريم مهمة جداً في تهذيب الفاظك اجعلي لك ورد يومي وشريط تسمعين لو جزء منه او مقاطع دينية من النت وكثير اشياء افضل لك من الوظيفة الوظيفة للبنت الفاضية او المراة الي عندها ظروف ولااؤيد الشغالات تشتغل في البيت وانتي بالوظيفة افسدت واجبك واسلمتيه لغيرك ولو ابنك صغير اتعلمي انجليزي او جامعة لو انتساب تمضي السنوات بدون ماتشعرين والله يوفقك وهذا رايي ...

وانا كنت مثلك ...حياتي كانت عباره عن سهر الى الساعه 3 ونوم للساعه 12 الظهر اصحى وقت رجوع بنتي من الروضه ....انظف البيت وما فيه اي نشاط ازاوله واتغدى ....صار المغرب بدت الضيقه والضجر ياما اركب السياره واطلع او على النت والتلفزيون

شوفي كيف تغيرت حياتي وصارت كلها نشاط في نشاط

اولا سجلت بمعهد لتحفيظ القران واشتركت في حلقات التجويد والحفظ والتلاوه .....صرت انام الساعه 12 او 1 بالكثييير واصحى الساعه 6 الصبح مع بنتي اجهزها للمدرسه وارجع انام على الساعه 7 واصحى الساعه 9 افطر انا وبنتي الصغيره واجهزها واجهز وعلى طول على مركز تحفيظ القران للساعه 12 ارجع وبعدي بنص ساعه ترجع بنتي من المدرسه

ادخل المطبخ اجهز الغدا بين ما يكون على الغاز انظف البيت ...نتغدى على الساعه 3 ونام شي ساعه اصحى على طول على الرياضه لمده ساعه مشي وتمارين ...بعد هذا يوصل زوجي على المغرب اغديه وابدي لو عندي كي ملابس او ترتيب خزانه او اجلس احفظ قران لليوم اللي بعده واذا ما في شي انيم البنات واسهر انا وزوجي احلى سهره

وصار يا بنت الحلال يومي مليان على الاخر حتى صرت احس بطعم الويكند والاجازات ....حتى صارلي زمان قاطعه المنتدى لانه مافيه وقت

فكري بموضوع القران اذا ما فيه مشروع جامعه ...وبالتوفيق يارب

النت فيه مواقع تعليم الآنجليزية إذا كان طفلك في عمر ثلاث سنوات إجعليه يستمع معك بأن تضعي ألعابه بقربك
ثم أن هناك مواقع مهمة جرائد مجلات كتب
وفقك لله