|
بدون عنوان :)
السلام عليكم ورحمة الله
موضوعي باختصار أهلي أجبروني على ولد عمتي وأنا مابغاه، ولما شفت ان مافي مفر فكرت مع نفسي صدق لكن مارتحت واستخرت نفس الشئ وأهلي أصلا ماعليهم مني ممشين الوضع بدوني أنتي روحي حللي ماتفهمين صغيرة!! ما كأن لي عقل أفكر وأقرر فيه حتى يقروون من نفسهم!! سويت كل شئ بس مافاد قلت لوحدة أخوها يصير صديقه المقرب قلتلها وصلي له اني مابيه وماصار شئ مشيت الوضع حتى أكلمه وقت الملكة وأشوف هو زين وبرتاح ولالا، أو أقوله اني ماكنت راضية ومرتاحة من البداية لكن المشكلة ماكلمني !!! لنا 3 شهور وزيادة مملكين ولا فيه شوفة ولاششئ - زواج خذوه فغلوه- بهذي الفترة كل من يجيب طاريه ولا يذكرني بالتجهيز كأنه ماخذ جبال الدنيا وراميها علي أضيييق اليوم كله تنسد نفسي ما أبغاااه 😭 — نرجع ورى شوي قبل ماملّك زميلتي كانت دايم تلمح وتصرح لي بأخوها -وهي عارفة ان أهلي مجبريني على ولد عمتي- وأخوها تعجبني شخصيته وأخلاقه وتعامله وخيره مع أهله مستحيل يقولهم لأ لأ هذي شكله مايعرفها ماشاء الله قبل فترة قبل ماملّك كلمني واتس ولا رديت!! مدري وش أحس فيه مدري خفت مدري ليه مارديت تحسفت الحين عشرات المرات 💔 وزميلتي صايرة بس تصوره بسناب وأحن له غصب توسوس لي نفسي أكلمه لكن أقول خلاص أنتي بذمة شخص بس والله أضيق غصب مدري وش أسوي 💔 -أدري الخط صغير بس عجزت أكبره استحملوا- |
رد: بدون عنوان :)
اختي انتبهي من خطوات الشيطان
استخيري في أمر الاستمرار في الخطوبة أو كوني شجاعه وأرفضيه قال الله تعالى ( (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ..)) |
رد: بدون عنوان :)
عزيزتي مليكة.. لما تقولين (ما أدري وش اسوي) فهذا يعني أن عندج خيار تاخذين أحد المقترحات المطروحة.. لكن لما يكون الموضوع متعلق بالرد على أخو زميلتج وانتي على ذمة ولد عمتج فهذه يا عزيزتي ما فيها مقترحات ولا خيارات... والتصرف الوحيد هو عدم التواصل معه بأي شكل. وما دمتي تشوفين نفسج عندج عقل وقادرة تقررين بنفسج فاستخدمي هذا مع أهلج.. وإن ما قدرتي تقنعينهم برفضج فاقنعيهم بالتواصل مع ولد عمتج عشان تشوفين هل هذا الرفض الداخلي له مبرر والا لا. الشجاعة مب انج تكلمين أخو زميلتج.. لكن الشجاعة أنج تطالبين بحقج في مسألة زواجج. |
رد: بدون عنوان :)
اسأل الله ان يقدر لك الخير اينما كان ويوفقك .. اللهم آمين اولاً ما سبب رفضك لزوجك هل به عيوب اشوفك ارتحت لاخوا صديقتك من كلامها ولمجرد رؤيتك صورة .. علماً انك لم تجلسى معه او تتحدث معه مثله مثل زوجك ولكنه ابليس عليه لعنات الله يحبب لك الحرام ويحرم عليك الحلال تعوذى من ابليس واعطى نفسك فرصة تجلسى مع زوجك وان شاء الله ترتاحى له وعليك باستخارة الله كل يوم الى ان يقدر الله آمراً كان مقدورا اما اخوا صديقتك اياك تتحدث له فهذه خيانه وهو اذا كان لا يخاف الله سيشجعلك ليستمتع بك بدون زواج واذا كان يخاف الله فربما يبلغ آخته وهى ربما تفضحك ويصل الآمر الى اهلك وتكون مصيبة لا قدر الله اتقى الله فى نفسك واحسمى آمر زواجك اولاً وبعدها لكل مقام مقال ابنتى كم عمرك وما هى دراستك ؟ وفقك الله لما يحب ويرضى |
رد: بدون عنوان :)
اقتباس:
رفضته ياسديم وواجهت أبوي وهذي أقصى أنواع الشجاعة اني جيت عنده وناقشته لان أبوي عصبي وإذا قال كلمته ماتناقشينه ومع هذا يقولي أنت صغيرة وبتتعودين مع الوقت شوفي فللانة وفلانة اقتباس:
حياك الله مهرة ماراح أرد أو أتواصل معاه باذن الله لكن ليتها توقف هنا قلبي ياكلني!! أنا مصدومة ماني قادرة أتحكم بنفسي /= واجهت أهلي بالرفض مثل ماقلت للأخت سديم لو بقول لأمي أبي أتواصل معاه بتقول أنتي ماتستحين.....ألخ أمي كبيرة ماراح تفهمني غير كذا ماودي تجي مني طبيعي بيسئ الظن وبنفس الوقت صعبة كذا فجأة يلا روحي معاه وأنا ماعرفه ولا كلمته 💔 اقتباس:
|
رد: بدون عنوان :)
وقت العقد لما سألك الشيخ اللي بيعقد عن موافقتك ، كان قلتي لا .. مالي أحد حق يجبرك على شيء انتِ ماتبيه، حتى لو كان أبوكِ أو أمك !
حتى في الشرع مافيه شي اسمه تتزوجي غصبا عنكِ وبدون موافقتك طاعة لأمك أو أبوكِ ! صدقيني هذي حياتك و محد بيعيشها غيرك، والقرار قرارك . عموما حاليا، عندك حل واحد من اثنين : إما ترضي وتتزوجي (وتخلصي في هذا الزواج من كل النواحي لأنها اخلاقك) و إما تصري على رفضك تنفصلي .. |
رد: بدون عنوان :)
اقتباس:
ماقدر وقتها أبوي وش بيسوي فيني ؟ لما كلمته قبل قلتله تبيني أصير مطلقة بعدين؟ أعطاني نظرة تغني عن عصبيته وكل شئ ماقلتله لأ مو طاعة لأمي وأبوي لكن خايفة من اللي بيصير غير كذا ناوية إذا كلمني أقوله ووصلت له قبل الملكة اني مابغاه مع صديقه بس ماصار شئ مدري قاله ولالا أخاف قاله ولا اهتم له ! رضاي بيكون لعب على نفسي وبس الحل الثاني كيف بسويه فكرت أكلمه وأقوله بس بتصير الصاعقة اذا أبوي عرف انه مني |
| الساعة الآن 10:02 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©