|
زوجي يتعاطى دواء و قد اثر على قدرته الجنسيه
السلام عليكم..
كنت ابحث في قوقل حل حق مشكلتي ولقيت موقعكم قلت اشارك يمكن القى حل.. انا عمري 26 وزوجي 35 ..صار لي متزوجه 8 سنوات وعندي اطفال ولله الحمد بعد سنه من زواجي اكتشفت ان زوجي ياخذ مضادات الاكتئاب(افيكسور) 3 حبات في اليوم.. الحين صار له 10 سنوات وهو يتعاطى المهدئات.. المشكله ان من سنه والجماع قليل..بالكثير 4 مرات بالشهر.. هو يقول ان هذا عادي لان احنا متزوجين من زمان..وبحكم السن؟؟ بس انا اعتقد ان هذا الشي مب عادي لاني شهر بعد شهر تزيد عندي الرغبه وهو عكسي.. مع العلم اني محافظه على نفسي ووزني مثالي..اما هم وزنه فوق ال100 ابغي اعرف..وين الخلل.. من الحبوب؟ او..... هل فعلا السن يؤثر..وعدد سنوات الزواج تأثر؟ او من سمنته؟؟ ياريت تساعدوني..ابغي احدد وين المشكله عشان ابحث عن العلاج.. وكم عدد مرات الجماع الطبيعيه في الشهر؟؟ الاشراف / عفوا تم تعديل جزء من العنوان |
يا اختي قد تكون الحبووب هي السبب بحكم المده اللي قضيتيها مع زوجك اكيد عرفتي سبب اخذه للمهدئات
ويمكن انها تكون عامل في قلة الرغبة عنده او قد يكون في سبب ثاني ما اعتقد السمنه السبب لانه في ناس اكثر وزنا من زوجك يمارسون الجماع بشكل طبيعي جدا اعتقد من كثرة اخذ الحبوب مع الزمن ادت الى هذا الشي على فكره هو يراجع طبيب نفساني ولا لا؟ واذا يراجع عمره فكر في علاقتكم بشكل جدي ويراجع طبيب ذكورة يمكن يكون في خلل داخلي ولابد من العلاج او قد تكون الحياة وعبئها مع المهدئات ادت به الى هذه الحال!! الله اعلم لكن اجلسي معه وضعي يدك في يده لاتقولي لااعرف حاولي واسألي ماتريدين منه وتوددي اليه هناك طرق اخرى غير الطريقه الروتينيه التي تعودت عليها اغلب النساء في استمالة الرجل اقرأي عنها ارجو ان اكون قد افدتك بشئ تحياتي اختك حبي نادر |
اختي 4مرات في الشهر بعد مرور8 سنوات احسه طبيعي
بس ممكن تتصلين على دكتور وتتاكدي من تاثير الدواء على قدرات الرجل |
شوفي اختي
هناك عدة عوامل مأثرة على الناحية الجنسية لزوجك اولها ..استخدامة للحبوب النفسي ...فكثير من المستخدمين لمضادات الاكتئاب يسبب لهم برود جنسي ثانيا ...الوزن الزائد يا اختي خطير جدا...زوجك يدور في حلقة مفرغة فالحبوب النفسي يسبب زيادة في الوزن عند بعض المتعاطين .. وبسبب زيادة الوزن يرتفع هرمون الاستروجين او هرمون الانوثة و هو ايضا يسبب قلة الرغبة الجنسية اما من ناحية العمر ..بالعكس ...المفروض ان تكونوا في عز التوهج من الناحية الجنسية فعلا اختي 4 مرات في الشهر قليلة جدا ...يعني مرة في الاسبوع ... اختي ..هل هو مستمر في مراجعة الطبيب المعالج ؟؟؟ اطلبي منه ان يسأله عن امكانية تغير نوعية الحبوب ولكن اهم شي الرياضة ...دعيه يمارس الرياضة مثل المشي او السباحة بشكل ساعة يوميا .. فممارسة اختي رياضة المشي نصف ساعة يوميا تعادل حبة اكتئاب في مفعولها تنشط الدورة الدموية مما يزيد في الرغبة الجنسية تصفي الذهن و تريح النفس فالرياضة فوائدها للصحة النفسية عجيبة ..طبعا بالاضافة الى الصحية الجسدية و الجمالية وربي يمن عليه بالشفاء العاجل |
سبب اخذه للمهدئات..خلافات مع ابوه قبل مايتزوجني
الحين صار ياخذ حبه كل يومين.. طبعا بدايه زواجنا كان طبيعي لكن الحين ومع مرور السنين اثرت فيه..لدرجه ان احيانا مايقدر يكمل الجماع..واقوله مو مشكله يمكن انت تعبان اليوم.. زوجي تعبان نفسيا والكلام في لحبوب النفسيه وزياره الدكتور..تزيده سوء..مايحبني اتكلم معاه في هالامور.. اخر زياره للدكتور كانت من 3 سنوات..قاله علاجك الافكسور..ومن عقبها زوجي مايروح له ولا يحبني افتح هالمواضيع.. من ناحيه النفسيه الحمدلله يحبني واحبه وامورنا كلها ممتازه.. احاول انتهاز افضل الاوقات عشان اتكلم معاه في امر العلاج..يقولي خلاص الدواء تمكن من جسمي..واذا مر يومين وماخذه يصير انسان اخر(يضرب-يغمى عليه-يسوي حادث-) ومشاكل عديده يعلم الله اني ماطلعتها لبره البيت..ومستحيل اقول حق حد من هلي اوا هله عنه.. قلت له بهدوء اني احبه وخاطري يقربني اكثر..قالي انتي ماتشبعين وماتستحين؟؟ ما الومه..انا ماقاعده اتعامل مع انسان عادي.. جبت ادوات رياضيه..موفاضي يلعب رياضه ..وهذا كلامه.. على فكره..ال4 مرات هذي انا اللي اقوم بالعمليه كامله..ماودي ادخــل بالتفاصيل عن جد تعبت..وادعي ربي يثبتني ع الدين |
الله يعينك اختي
مالك الا الصبر في ناس كثيرة ما يعرفون ان المرض النفسي مثل المرض العضوي ..يخجلون منه لكن ما الومة ..لا تضغطين عليه ولا تلحين عليه انه يروح الطبيب النفسي هذا يزيد الضغط عليه اعتبرية ان قلته في الممارسة طبيعة فيه و ليس من العلاج اختي ..مو شرط ان تكون بينكم عمليه ميكانيكية كاملة يكفي انك تنامي في حضنه والظاهر كثرة الحاحك عليه في تقصيرة تزيد توترة عشان كذا ينفر من الممارسة اصبري اختي و احتسبي |
انا اشوف الوضع عادي جدا ، اربع مرات بالشهر اتكفي بركه ،،
لان الجماع يعتمد على المزاج والراحه النفسيه لاتشيلي هم ، ولا اتسوين لزوجك قلق . |
يا اختي الكريمه اربع مرات في الشهر معدل ممتاز لشخص متزوج من فتره
يعني معدل مره في الأسبوع قولي الحمد لله واشكري فضله |
يا اخوان تقولكم 4 مرات وهي الي تقوم بالعمليه كامله
اختي عليك بالدعاء لزوجك ان الله يهديه ويشفيه الحي بالدعاء والصدقه تصدقي وفي نيتك انها لمعالجة زوجك ترى الصدقه سبب في العلاج واطالة العمر والقصص كثيره وادعي الله انه يهديك لطريقه تخلين زوجك يقتنع انه يكمل عند استشاري نفسي والله يجعلك قرة عين لزوجك ويجعل زوجك قرة عين لك ويسعدكم ويهنيكم دنيا وآخره ويرزقكم بر ابناءكم |
والله اني تضايقت من ردودكم..وجاتني العبره..وقلت محد حاس..ماعندي غير ربي..
بس لما دخلت وشفت كلام العضو (وانا اموت فيه)..يمكن ماحلت المشكله بس على الاقل حسيت ان معاي حق..واني انسانه طبيعيه ياعالم..انا تخصصي علم نفس..ومثقفه ومشاكل هلي كلها انا اللي احلها..انا عارفه اني لازم ما اضغط عليه..وعمري ماضغطت عليه...دايما اسايسه..واسايره.. لكن ولله الحمد صرت انظر لهذي المشكله بشكل ايجابي.. صارلي 5 شهور ماسمعت اغنيه..لان كلمات الاغاني تحرك فيني المشاعر..فهجرتها بالرغم اني كنت مدمنه عليها.. كنت اتغدى او اتعشى مع صديقاتي بالمجمعات..اما الحين ما انزل السوق نهائيا..واغراضي اخلي السايق يجيبها..لاني ما ابغي اشوف الرجاجيل..نفسي ضعيفه.. كنت البس عبايه كتف اما الحين ما اظهر من البيت الا بعبايه راس ..ما ابغي اتعرض لاي كلمه من اي رجل..ما استحمل..واخاف اضعف.. صرت اصوم الخميس ولله الحمد..عشان اعلم نفسي الصبر كل ما حسيت اني ضعفت او بنحرف افتح القران..وبالليل>> وما ادراكم مااليل؟؟؟ اروح والناس نيام..اروح للذي عينه لاتنام..وابث همي له..ودعاء الليل سهم لايخطئ فكرت اخذ حبوب تقلل من رغبتي..ما ادري؟؟ |
| الساعة الآن 01:17 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©