|
بسوي مشروع كوفي
السلام عليكم ورحمة الله وبركاته
كيف حالكم اخواني الكرام بستشيركم بشي انا عندي مبلغ من المال وودي استثمره واسوي مشروع بس مالي اي خبره في التجاره ولا واحد من قرايبي له في التجاره ودي بمشروع يسليني وياخذ وقتي دايما اسمع شوف الشي اللي تحبه وتفهم فيه طيب انا ما افهم باي شي تجاري لكن ميولي ورغبتي النفسيه في كوفي لاني احب الكوفيهات وجوها لكن لا امتلك اي خبره في انشائها من لديه اي افكار او اقتراحات يا ليت يفيدني هل ادخل مجال التجاره؟ وكيف ابدأ وماهي الخطوات؟ وهل المبلغ يكفي؟ وهل ممكن اخسر؟ وغيرها من الاسئله تجي ببالي دايما رأيكم في الفكره؟؟🌸 |
رد: بسوي مشروع كوفي
حياك الله عزيزتي
يختلف حسب المكان اللي انت فيه هل مدينة كبيره او صغيرة وماهي ميزانيتك هل تقصدين تبدئين بكشك صغير مشروبات ساخنه وبارده أو تقصدين كوفي كبير فيه جلسات واستقبال وفطور و.... المشروع الكبير ممتاز ولكن يعتمد على الميزانية والتسويق الان اختلف اصبح عند المشاهير والتجديد والتطوير مطلوب كل فترة اعرف شخصين قريبين مني واحد نجح مشروعه والثاني خسر وكله تقدير الله سبحانه ولكن مواكبة التغير وتجديد النكهات والاستماع لملاحظات الزبائن واستضافة المشاهير كل فترة لها نصيب من نجاح المشروع وقبل كل شيء ضعي خطة للمشروع واستشيري أهل الاختصاص وفقك الله عزيزتي وسهل امرك |
رد: بسوي مشروع كوفي
اقتباس:
المدينة الطائف وفيها كوفيهات كثير بس احس ممكن الزياده لو اخترت موقع مناسب لا ما اقصد كشك اقصد كوفي متوسط الحجم فيه جلسات اكيد الميزانيه حاليا اقدر اوفر 500 الف طبعا جزء منها بيكون قرض |
رد: بسوي مشروع كوفي
ماشاء الله الميزانية مناسبه جداً باذن الله
واهل المدينة أدرى بشعابها 🌹هل الطائف ماشاء الله مدينة سياحية اختاري ديكور رايق وخليه دورين والدور اللي فوق خليه مطل وجلسات داخليه وخارجيه وطلبات السياره كمان وخدمات التوصيل بهنقرستيشن وغيرها من المواقع وابحثي عن اجهزه القهوة وموادها بالجمله واستشيري المختصين والله يوفقك |
رد: بسوي مشروع كوفي
توكلي على الله والرزق محتاج مغامره احيانا بعد التوكل
اهم شي اهتمي بالمكان والديكور وجودة الطعام الله يوفقك |
رد: بسوي مشروع كوفي
اقتباس:
بس كيف ابدأ😅 |
رد: بسوي مشروع كوفي
اقتباس:
لكن السؤال كيييييييف ابدأ؟؟؟؟؟ انا مالي اي خبره تجاريه زي ما قلت في الموضوع ولا احد من اقاربي له في التجاره كلهم موظفين عاديين |
رد: بسوي مشروع كوفي
نصيحة احفظي فلوسك لغاية اقل شي 6شهور الوضع الان مخيف جدا
عمليات الشراء قليلة جدا واحد من اصحابي راحت عليه 320 الف في مشروع زينة السيارات النسائيه والشبابيه يقول قليل اللي يشتري بحكم الضريبه 15% لذى توقفي عن اي شي حتى بعد 6 اشهر و بعدين توضح الامور |
رد: بسوي مشروع كوفي
اقتباس:
ان شاء الله بعمل بنصيحتك ومنها يزيد راس المال شوي بدون قرض والله يعوض على خويك بأضعاف ما خسر شكرا لك |
| الساعة الآن 04:46 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©