منتدى عالم الأسرة والمجتمع - في الشهر التاسع واريد السفر بالطائرة لأداء العمرة .. هل من خطر ؟

صفحة 1 من 2

منتدى عالم الأسرة والمجتمع (http://www.66n.com/forums/index.php)

- صحة المرأة (http://www.66n.com/forums/forumdisplay.php?f=107)

- - في الشهر التاسع واريد السفر بالطائرة لأداء العمرة .. هل من خطر ؟ (http://www.66n.com/forums/showthread.php?t=166846)

سأحلم

29-06-2008 12:55 AM

في الشهر التاسع واريد السفر بالطائرة لأداء العمرة .. هل من خطر ؟

السلام عليكم ...

ناوين نسافر الى العمرة ان شاءالله الاسبوع هذا .. وزوجي يقول خطر اني اسافر خصوصا اني في بداية التاسع ..
ماادري هل فعلا فيه خطر على الجنين لو سافرت .. علما اني بسافر من دبي الى جدة ..تقريبا ساعة ونص او ساعتين ..

بشو تنصحوني ..؟؟ اسافر والا لا ؟؟

أم الأموره

29-06-2008 01:10 AM

عني أنا سافرت بالشهر التاسع ولا صار أي شي والحمد لله
على حسب حملك أذا ماكان فيه مشاكل ممكن تسافرين وكل حرمه تختلف عن غيرها الله يقومك بالسلامه

jeans

29-06-2008 01:25 AM

والله مدري وش اقولك بس ماتسوى عليك لاجاك الطلق بالطياره

وممكن جدا بساعه تكونين ولدتي :d

الله يقومك بالسلامه

استخيري وشوفي بس مدري لوني منك ما اروح

اختك بالله جينز

أطياف المجد

29-06-2008 01:58 AM

السلام عليكم
انا لما كنت حامل في الشهر الثامن رفضوا أدخل الطائرة الا بتقرير طبي يفيد بان وضعي الصحي يسمح بالسفر بالطائرة فلازم قبل السفر تمرين دكتورتك على شان تشوف وضعك يسمح أو لا وتكتب لك تقرير تاخذينه معك المطار على شان يسمحوا لك بالسفر
تروحي وترجعي بالسلامة وادعي لي معك في العمرة:22:

bunney

29-06-2008 02:10 AM

اختي الله يهداج ما فكرتي تعمرين الا و بطنج جدامج !! اشلون تبين تمشين و تعب العمره و الحج !! يبيله صحه و قوه انا اقول سمعي كلام زوجج و قعدي لين تولدين بالسلامه و بعد الولاده روحي ... ايام الله وايده اختي و لا تغامرين انتي اب حاجه حق الراحه قبل الطلق و التعب
اختج بني

ناآاني

29-06-2008 02:17 AM

رايي من راي بني

noura86

29-06-2008 08:44 AM

اختي انا كنت ناوية اروح العمرة بالشهر السابع بس الكل منعني وانا خفت،،، ماشالله الحرم زحمه وفي ناس تخبط وتدز بقوة ودفاشة... وراح تبقين طول الوقت خايفة على بطنك عشان محد يخبطه يعني ماراح تكونين مركزة بالعبادة...
ان شالله تروحيها بعد ماتولدين..

تيررا

29-06-2008 08:53 AM

أختى انا ايضا مع راى البنات الافضل انك تنتظرى خاصة انك راح تركبى طائره وهدا الشهر ماتعرفى فى اى وقت ممكن تولدى وايضا الزخمة اللى بالحرم انا فى جده ووادكتوره مانعتنى انى اروح العمره فى هدا الشهر وعليكى بالاستخاره

بسمات الروح

29-06-2008 12:35 PM

امي لما كانت حامل باختي في شهرها الخامس وماشاء االله بطن امي كبيير في الحمل بالخامس كانها بالسابع

راحت العمرة لكن ابوي الي تعب معاها كل شوي يمشي وراها وقدامها ويحط يده جنبها علشان لاحد يطق لها يطنها

وتقول بعد ماخلصت مناسك تم يوم الجنين مايتحرك وخافت وايد ووداها ابوي الدكتور بس طلع مافيها شي الحدلله بس ارهاق صادها وصاد الجنين

يعني تعب في تعب بس اجرج على الله ان شاء الله

انا راي من راي اختي نورة بسبب الي شفته مع امي لما كانت حامل

بس ادا تحسين انج قادرة على هالشي خير على خير

بس الافضلية ان بعد ماتولدين تروحين

والله يوفقج ويكتب لج لخير وتقومين بالسلامة وتجيبن نونو يهبل ^_^ وتبشرينا

رسيـــل

29-06-2008 02:31 PM

كثير من خطوط الطيران تمنع من ضمن قوانينها سفر الحامل في الشهر الأخير أو الشهرين الأخيرين

الساعة الآن 09:10 PM.

صفحة 1 من 2

عرض 40 مشاركات من هذا الموضوع لكل صفحة