خطيبتي لاتتصل بي مالعمل؟؟
السلام عليكم ورحمة الله وبركاته
انا مشكلتي يمكن مثل مشكلت سوري حنون الي هي بموضوع صرخات عاقد على هذا الرابط http://www.66n.com/forums/showthread.php?t=167930 فأنا أقول طيب والي له سبع شهور عاقد ويعاني نفس المشكله وش يسوي مع العلم انه ممكن انه اشد رومنسيه من الاخ وصارحه كم مرة بالي يضايقه لكن بعد المصارحة نرجع في نفس الحركة تخيلو سبعة شهور صابر ويوم صارحة ممكن قبل شهر بعدم الأهتمام بي وعدم الأتصال دقت علي مرة واحدة لا وبعد دقه وسكر مع العلم ان الجوال فاتورة وانا الي مطلعه بسمي يعني انا الي ادفع مشيتها وفرحت بصراحة لكن ما جلست اسبوع بعده الا وظهرت مشكلة او اختلاف بسيط الي هو انو كان عندها شرحة ثانية غير الي انا مطلعها لها الي في الأمر انو الشريحة هذي انا ماني حاب انها تشغلها لكن هي بتقول لا انا ابغى الشريحة هذي لأنها اول شريحة لي ولها ذكريات حلوة فأنا شرط عليها شرط وقلت ما تشغلينها الا لما تعلميني انك تبي تشغلينها فقالت ما عندك مشاكل فتفاجأت بعد كم يوم انها مشغلتها من دون علمي فأنا تضايقت وزعلت يعني كأنها يوم اتفقنا في هذاك اليوم انها بس تجاملني على شان طلبتها وانا كلامي ما له اي اعتبار هذي نقطه اتمنى تركزون عليه اكثر لأنو الثانية انا عارف بتقولو لي اصبر فأن اقول اصبر عادي بس النقطة الأخيرة اتمنى اجد احد يقولي وش اسوي مع العلم اني طرحت المشكله هذي عليه وزعلت منها وتفاهمنا في الموضوع واخر شيء تقولي انسى وش رايكم انا حاس ان كلامي مو مرتب شوي بس هذا من الي فيني والله افيدوني تم تعديل العنوان للتفريق بينه وبين المشكله الاخرى /الاشراف |
موضوع الشريحة أخبر والدتها أنك لا تريد لخطيبتك أن تتحدث من شريحتين لأن الموضوع يضايقك
و الله المستعان |
اذا الثقه موجوده بينكم لو عندها مليون شريحه أتوقع ماتفرق طالما أنت اخترتها من بين كل البنات..وأكيد ماأقدمت على الأرتباط بها الا من تربيتها الحسنه وسمعتها الطيبه...
اذن وين المشكله أخوي.. دائما أقول الشيطان واطي فلا تتركه يستغل الفرص ويدمر لك حياتك.. موفق..الله معك.. |
أخى بدام هى بتحب الرقم الاخر
فهى حره ولا تجبرها على الرقم او الشريحه التى اعطيتها اياها لكن من الممكن تحويل الشريحه التى تحبها لفاتوره وايضا انت اللى تدفعها ولا مانع من انك تحقق لها رغباتها بدام تحبها يااخى الحياه لا تستاها العناد والصراخ لو نكبر عقولنا ونختار حلول تريح الطرفين افضل وايضا لا مانع انك تضحى برغباتك وان شاء الله هى مع الوقت هاتفهم انها زوجة رجل خلوق وطيب ويحبها ووقتها هى سوف يأتى عليها الدور لتضحى من اجلك وسوف ترى بعينك حبها لك ان شاء الله بس الصبر فى البدايه حلو |
يمكن تستحي
خاصة في مجتمعنا احس صعب البنت تبدا وتتصل المفروض انت تبدا وتتصل اما عن الشريحة حاول تقنعها باسلوب هادي والله لايجيب الزعل |
بصراحة اعجبني رد المصرية على مشكلة الشريحة الثانية
لكن من الممكن تحويل الشريحه التى تحبها لفاتوره وايضا انت اللى تدفعها برظو انا الي ادفع على شان ابقى على الحديدة خصوصاً ان الشريحة الي جايبها ما تبقى معها الى اسبوعين او اقل ويفصلونها لأنها تجاوزت الحد الإتماني وبخصوص التضحيات الحمد لله موفر لها كل حاجة هذا وانا بعد علي التزامات كثيرة بحيث اني ابني لها بيت وهذا اظهر اجل تضحيه ولا وبخصوص الصبر فأنا صبر طويل شكراً على مروركم المفيد |
أخوي ممكن تجلس معها جلسه مصارحه مافيها شئ لو قلت لها أنا ظروفي كذا وعندي التزامات خاصه وأكيد لو عندي زياده مابقصر وتفهمها بشكل ودي على الأشياء اللي تزعجك بهدوء ومن دون انفعال وبأذن الواحد الأحد تقتنع بوجه نظرك وتصحح من الوضع وصدقني البنات أقل كلمه تأثر عليهم لأن العاطفه تلعب دور..المشكله مو فيها ولا فيك المشكله في المجتمع اللي يقول عيب البنت تتصل على خطيبها العاقد عليها لازم هو يتصل وعيب ترد من أول مره عشان مايأخذ فكره غلط مع ان الوضع بالحلال سبحان الله..موفق
|
اقتباس:
عندنا فى مصر طول ما البنت فى بيت اهلها الاب هو المسؤل عنها فى كل شيئ حتى التليفون اللى بتكلمك منه حتى لو شهريا 3000 جنيه الاب مسؤل ليس الخاطب حتى لو كنت مملك عندنا فى مصر البنت لا يصح تأخذ من زوجها مصروف او حتى شحن موبيل لكن انا خوفت اقولك كده تطبق معاها الفكره وماتشحنش موبيلها وتقول خطيبها بخيل:d وأبقى انا السبب:( ربنا يوفقك بس نصيحه اتركها تشغل الرقم اللى هى تحبه وبكره هى تتعلم منك الاهتمام والتضحيه من اجل الاستقرار والسعاده ربنا يتمم عليك بخير يارب |
|
الساعة الآن 06:06 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©