سؤال ضرورى عن تأشيرة الزيارة العائلة لمن عنده خبرة أرجوكم لا تحذفوا الموضوع
 

السلام عليكم ورحمة الله وبركاته

معذرة أنا عارفة ان ده مش القسم المناسب وقد يكون مش ده المواضيع الى المفروض تطرح فى المنتدى لكن انا غلبت ومش عارفة اعمل ايه فقلت أستعين بخبرتكم يا منتداى الغالى


الموضوع أن والدتى تعمل طبيبة استشارى فى السعودية وعملت لى زيارة عائلية أنا وأولادى ذهبت اليوم إلى مكتب استقدام جدة وأخذت الموافقة وطلعت بها إلى الخارجية السعودية وأيضا أخذت الموافقة وقالوا لها تابعى على النت هتظهر النتيجة خلال أيام

لحد كدا مفيش مشكلة

بعد ما خرجت من الخارجية السعودية بربع ساعة فقط دخلت أشوف الطلب لقيته كاتب عبارة غريبة مظهرتش قبل كدا فى زيارة اختاى الى سافروا قبلى
تعتذر الخارجية عن تنفيذ هذا الطلب خلال الفترة من 15 رجب إلى 15 ذو الحجة


عاوزة اسأل ازى زافقوا فى الخارجية السعودية والى اعرفه ان بعد الموافقة ده خلاص المفروض الأمور انتهت لكن يطلع علة النت الرد ده ازى والأغرب إنه بعد أقل من ربع ساعة من تقديم أمى للطلب وموافقتهم وإمضاءهم عليه

فهل ده خطأ من السيرفر مثلا والا خطأ من موظف والا ممكن الرسالة ده تتغير بعد شويه؟

معلش حد يطمنى أرجوكم لأن باب الزيارات باقى له خمس أيام ويغلق ومش عارفة أعمل ايه ياريت الى عنده خبرة يطمنى والمفروض والدتى تعمل ايه الان؟

جزاكم الله خيرا

رد : سؤال ضرورى عن تأشيرة الزيارة العائلة لمن عنده خبرة أرجوكم لا تحذفوا ال
 

أرجوكم ردوا على فى أسرع وقت

لازم أمى تراجع تانى الخارجية؟ لأنها على مسافة بعيدة والسفر كان مرهق لها جدا وهل أصلا لو راحت ممكن المشكلة تتحل والا خلاص كدا برغم أنهم وافقوا على الطلب فى الخارجية وقبلها فى مكتب الاستقدام

رد : سؤال ضرورى عن تأشيرة الزيارة العائلة لمن عنده خبرة أرجوكم لا تحذفوا ال
 

زوجي يعرف الاشياء هذه عشان صاحبه يشتغل بالشغلات هذه
اذا رجع اسال لك

اللي اعرفه انه من رمضان لحد الحج
تتقفل ابواب الزيارات العائلية

و تتفتح بس فيز الحج ؟
بس ما تبدأ من 15 رجب على حسب علمي و الله اعلم ؟

رد : سؤال ضرورى عن تأشيرة الزيارة العائلة لمن عنده خبرة أرجوكم لا تحذفوا ال
 

اعتقد فيه مكاتب تخليص معاملات في السعودية ، اذا والدتك الله يحفظها تتعب من الطريق
تقدر تفوض المكتب يسأل عنها ويباشر الموضوع ، او على الاقل والدتك تتصل على الوزارة

الله يسهل امورك يارب.

رد : سؤال ضرورى عن تأشيرة الزيارة العائلة لمن عنده خبرة أرجوكم لا تحذفوا ال
 

روح الطير والمتقائل بالله الله يحفظكم على الرد ويجزيكم كل خير

والدتى اتصلت بى اليوم وقالت لى انها كلمت احد الموظفين فى مكتب الاستقدام فى جدة كان يكشف عندها واتصل على احد زملائه فى الخارجية فقال له ان هناك خطأ حدث مع كل من سحب ورقة الزيارة من الطائف وليست أمى فقط وانهم رفضوا كل الطلبات المسحوبة من الطائف بدون ان يعلموهم انه يجب عليهم ان يسحبوا ورق جديد من جدة

وقال لها انهم سيتداركوا الخطأ ويراجعوا كل الطلبات التى على شاكلة طلب أمى والنتيجة ستظهر ان شاء الله خلال أربعة أيام

بس انا قلقانة مش عارفة الكلام ده صح والا أمى تضغط على نفسها احسن وتلحق تروح جدة تقدم طلب تانى لأنهم هيقلغوا باب الطلبات فى جدة الاثنين او الثلاثاء مش عارفة اعمل ايه ياريت الى عنده معلومة يفيدنى
هل فعلا فيه حاجة اسمها كدا زى ما الموظف بيقول لها والا الطلب ده خلاص مفيش فيه امل وتقدم طلب تانى

رد : سؤال ضرورى عن تأشيرة الزيارة العائلة لمن عنده خبرة أرجوكم لا تحذفوا ال
 

معليه انشغلت و نسيت أسأل زوجي

اصحيه دحين يصلي الفجر و أسأله ^_^

رد : سؤال ضرورى عن تأشيرة الزيارة العائلة لمن عنده خبرة أرجوكم لا تحذفوا ال
 

روح الطير ولا يهمك حبيبتى فى انتظارك ان شاء الله

وياريت الى عنده معلومة يفيدنى

رد : سؤال ضرورى عن تأشيرة الزيارة العائلة لمن عنده خبرة أرجوكم لا تحذفوا ال
 

معقولة لا أحد عنده علم بموضوع الزيارات لهذه الدرجة؟!!

الله المستعان

رد : سؤال ضرورى عن تأشيرة الزيارة العائلة لمن عنده خبرة أرجوكم لا تحذفوا ال
 

كنت أتمنى أن تساعدونى ولو بدعوة لكن الحمد لله التأشيرة طلعت وتمت الموافقة عليها

جزاكم الله خيرا