|
مشكلتي مع قطع شعري
السلام عليكم
اخواني عندي مشكله غريبه ولها معاي تقريبا 12 سنه ويمكن مايكون هنا المكان المناسب هنا بس حابه يشوفها ابي الطيب رجل الرجال ولا يهنون اخوتي واخواتي الباقين انا مشكلتي اذا صرت مركزت=ه باي شي مثلا الحين اتصفح المنتدى اجلس انتف شعري من الجه الخلفيه طبعا الحاله تختفي وتعود من 12 سنه لكنها الايام هذي راجعه وبقوه لدرجه صاير فراغ في شعري من الخلف احب لما اقطع الشعره احس ملمسها بين شفاتي خاصة شعري ناعم واذا وجدت شعره خشنة الملمس احس بنشوه في قلبي وراحه مدري وش تفسير هذي الحاله وايش سببها ونفسي اتخلص منها عشان يبقى شعري كثيف اتمنى اللي مرو بحاله مماثله يذكرونها لي واللي عنده الحل لايبخل علي |
عليكم السلام والرحمه..
اختي انا مثلك تماااااامآآآ وحااااااسة بمعانااتك وربي ... انا اناظر التلفزيون انتف شعري ولا اذاكر ولآ اقرأ ولا قبل انام افكر وانتف.. والله يا اختي لدرجه اني ما اصحى الصباح الا فرااشي كله شعرخايفة اصير صلعاء ثم وش يحلها :17:.. استشرت استشاري نفسي بأحد الموااقع فقال ان هذا توتر نفسي انتي ماتحسي فيه .,لكن العقل يتخلص منه بهذه الطريقه(نتف الشعر) ولكن ما عطاني حل للمشكله .. وازيدك من الشعر بيت هالايام صرت انتف حواجبي لآ شعووووووووري والله >> لا تفكرون اني انمص والعياذ بالله..:29: ياليت الي عنده حل يسااعدنا قبل لآ نصلع :d ,,,, |
عزيزاتي.. مشكلتكم مرة سمعتها في برنامج حكمة نساء.. وكانت الأخصائية النفسية تقول انه لها علاج ولكن تحددو السبب أول.. وعلى مايبدو أنه نفسي.. ومن طرق علاجها.. انهم كان يلفو الأصابع بشيء ملون أو يضعو عليها شيء ملفت لون حنة.. زيت عشان كل ما حس صاحب الحالة انه يبغى ينتف شعره يفتكر.. أنصحك تراجعي أخصائية نفسية.. ماهو عيب وفي خصوصية ومشكلتك بسيطة باذن الله بس لايخلص شعرك وانتي تشدي فيه.. الله يهديكي تحياتي.. |
اقتباس:
يالله حتى انتي ياقلبي والله عسى ري يعننا تدرين يوم انا بالثانوي كانوحتى المدرسات يلاحضون علي لاني يوم اركز مع المدرسه ابدى انتف شعري بس احس جات فتره ونسيت والحين رجعت مدري ليه يمكن عشان صبغت شعري فصرت انتفها واجلس اتاملها للاسف انا ماركز اني نتفت شعري الابعد ماتطلع من جذورها بعدها اجلس اتامل هالشعره شكلي باتأمل شعري كله ياااااااااااااربي ساعدني وايك ياقلبي ان شاء الله الاعضاء يساعدونا |
اقتباس:
عطرتي موضوعي بمرورك يالغاليه |
هلا فيك عزيزتي شوفي حبيبتي
انتي حطي للك مجموعه من الصورررر تكون شعووووورهم كثيره وناااااااااعمه واسدحيهااااا قدامك كل ماجيتي تقطعي شعررك شوفي الصور لانه راح يجي بنفسك وتحز نفسك وودك يكون شعرك مثلهم ثااااااني وقبل كل شئ حاااااااولي تشغلي نفسك بشئ مفيد وحلووووووووو ون بغيتي خلطه تكثر شعر وتنعمه علميني رااااااااااح اكتبها للك وهي تكثر شعر وتنعمه وحاولي بين فتره وفتره تحطي بشعرك حنه |
اختي ممكن يكون لف الاصبعين الابهام والسبااابة بلصقة الجروح طول اليوم حل للمشكلة وارسمي على اللصقة مثل ماقلتي جمجمه وعظمتين :17: ..
على الاقل نجرب لمده كم يوم ونشوف اذا نفع ولآ دورنا حل ثااني.. لآن لف الاصبع باللصقة ما رااح تحسي بملمس الشعره الخشنة والي هي الشعره المرغووووبة بالنتف :25:, خلينا نتوكل على الله ونجرب هذي الطريقة.. |
طيب الشعره المنتوفه يجي مكانها شعره ثانيه..لانه احيانا حتى انا تجيني هاالحاله بس مو على طول..خصوصا اذا طال شعري..
وكيف نعرف انه نفسي..انا متاكده انه ماعندي اي شي..نفسي..ولله الحمد |
اقتباس:
عطرتي صفحتي بمرورك ياعسل |
مو شرط انه يكون شي نفسي اختي,, انا بمجرد التفكير او تصفح منتدى او قرآءة كتاب , بأختصر لك متى ماصارت يديني فاضية قمت انتف في ذا الشعر,,
والشعرة المنتووفة تطلع بدالها شعره لكن ما تطلع بسرررعه ,تحتاااج لووقت طووووووووويل جداا ,لان الشعره ماتت قبل وقتها :( ,وفوق كذا تطلع ضعيفة , وومكن انها مااتطلع بسبب موت بصيلة الشعر كامله .. |
اقتباس:
حبيتي المشكله ان لف لي صعب لان اول شي انا مجنونه كل شوي اغسل ايديني ثاني شي شغل البيت استحاله يمر دقيقتين على بعضها وانا مرتاحه ثالث شي عندي بنوته صغييييير تموت بشي اسمه لعب فهي تلعب وانا اتعب وراها ماقدر الف اصابعي ابدا رح اعصب وانواع الطفش بس تصدقي رح اعملها والفها وقت ماجلس على الاب توب ترا اكثر شي انتفه وانا اتصفح وياخساره رح اكتب بيد واحده عطرتي صفحتي بمرورك يالغلا |
اقتباس:
حبتبتي خلينا ندخل الازواج بالموضوع عشان محد يطردنا من هنا ايه بسألك زوجك عنده نفس المشكله انازوجي الحمدلله ماعنده بس الاحظه يطفش اذا شافني على شعري وش راي زوجك بالموضوع ؟ |
انا مو متزوجه اختي ..لكن عندي امي الله يحفظها تعصب لو شافتني انتف بشعري,ومن تشووف شعره وحده على الارض قالت شووووووووفي شعرك هههههههه تدور اي حجه عشان اترك هذي العااده ..
وبالنسبة للصقة موضوعها جدا سهل ,حطي اللصقة على اصبعك الأبهام ولصقة على السباابة .. يعني كأن اصابعك مجرووحه بسم الله عليك ,, ولا راح تأثر على اللعب مع بنتك الله يحفظها ,ولو شاف زوجك اصاابعك اكيد بيخاف عليك ,عاد انتي اضربي عصفورين بحجر وقولي له جرحت اصابعي وانا اطبخ لك :22: منها تسمعين كلام حلو ..(اسم الله عليك ياغالية ولآ جعله فيني ولآ فيك ووو الخ )>>كيدهن عظيم ومنها ان شاء الله تبطلين نتف :17: ولو حصل واكتشف انك تمزحي عاادي اعترفي وقولي امزح معك وانك لصقتي اصابعك عشان ماتنتفي شعرك,وخليه ينبهك لو شافك تنتفي .. |
والله فكره اثاريك منتي بهينه منين تعلمتي الحركات الحلوه هذي:29: خلاص جاري التطبيق ان شاء الله
|
السلام عليكم......
لا اعرف, لكن لطالما سمعت ان الحل لهكذا مشاكل هو ان تحلها من جذورها يعني معرفه السبب النفسي و معالجته , طبعا لا بأس بربط الاصابع او وضع زيت او ما شابه كحل مؤقت لحين الذهاب الى متخصص لكن ليست الحل النهائي ابدا... ولمن قال انها ليست حاله نفسيه, لا داعي للتخوف من كلمه حاله نفسيه, هي نوع من الاضطراب الذي يعاني منه معظم البشر لكن كل واحد يعبر عنه بطريقه مختلفه و في اكثر الاحيان دون وعي او التفات لهذا الاضطراب.....الله يخفف عن الجميع كل هم و غم:29: |
اختي دمعت امفارق انتبهي من هاذي العاده السيئه ترا والله بتصيرين صلعه اذا استمريتي على هالنتف حاولي اشغلي حالك باي شي او دهني ايدينك فازلين لان كثر النتف بيضعف الشعره وبعدين ما بتطلع
انا احب العب بشعري كثيرلما اكون مندمجه بشي تتوقعين بدايه عندي :24: الله يستر |
ترا هذي طريقه للتفكير والتركيز مو مرض نفسي
|
اقتباس:
انا مومشكله عندي سواء كانت حاله نفسيه اولا انا عارفه ان بعض الامراض النفسيه ماتدل على خلل او اضطراب انا بس ابي طريقه للتخلص منها وصعب علي اقنع زوجي بمراجعة استشاري عشان هو مايشوف اني بحاجه لمراجعة استشاري بحاجه اني امسك ايديني وبس والله المستعان |
اقتباس:
انا عارفه حبيتي بس من رحمة ربي فيني ان الحاله مو مستمره تروح وترجع يمكن تروح اذا خلاص بدأت الفراغات وترجع اذا نبت الشعر خخخخخخ بس اذكر ان الحاله بدأت من سن المراهقه فلما بدأت بدأت بقوووووووووه لدرجه قربت اصلع بعدين بدأت تخف تروح وترجع بس بشكل خفيف بس الحين احسها راجعه بقوه فقلت لازم القى حل |
اقتباس:
برضه وجهة نظرك معقوله لاني مانتف شعري الا اذا صرت افكر بشكل عميق والا مندمجه ومركزه بشكل كبير بمسلسل او اقرا قصه او اي شي يحتاج تركيز |
حياك الله اختي دمعه مفارق..
نصيحة طننننننشي الموضوع , وسوي مثل ماقلت لك لصقي اصابعك بلصقة جروح, انا لصقت اصاابعي بس حواجبي ايش يلصقها :d:25: توكلي على الله وسوي مثل ما قلت لك ,, والله يخلصنا من ذا النتف قبل نصلع وورانا بالاجازة حضور زواجات :14: ولآ ودنا نحضر وحنا وشسمهـ صلعان لآ قدر الله :d |
عذراً نقل لمكانه الانسب / الادارة
|
مشكلتك شبيهة بمشكلة قريبتي كانت دائما تنتف حواجبها بأصابعها و هي تدرس حتى توقف نمو الشعر في الحواجب و صارت ترسمها بالقلم
انقذي نفسك قبل ان يتطور الأمر إلى مالا تحمد عقباه الحل عند الطبيب النفسي |
طيب وين نقلتوه عشان الحقه
|
اقتباس:
|
ااتمنى من اخي رجل الرجال تشريف موضوعي
|
انا يااختي غيرك ويمكن انتي ارحم
انا اقطع اللحم الجاف اللي بالفم تخيلي ماعمري شفت فمي لماع وخالي من التشققات دايم آكل فيه اذا صارت لي مشكلة او عندي شغله اوهم زي كذا ودايم احط عليه روج واكل الروج واكل الفم معاه حتى لمن حجيت ماكنت اقدر امسك نفسي والحاله معي من زماااااااااااااااااااااااااااااااااااااااااااااااا اان لدرجة خلاص ماعاد حاولت القى لها حل |
ابي رجل الرجال ارجوك تساعدني الحاله زادت وصار شعري خفيف موقادره اوقف
|
دمعه مفارق الغاليه..
قرأت مشكلتك في قسم المتزوجين,اسئل الله ان يصلح بينك وبين زوجك,,حبيبتي.. الأستاذ الفاضل/ رجل الرجال له موضوع مثبت في قسم العلآقات الاسرية,تقدري تكتبي مشكلتك وان شاء الله يفيدك,وانا بكون من المتابعين لموضوعك,عل وعشى ان اد معك حل لهذه المشكله, |
| الساعة الآن 12:36 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©