|
مسافر شهر عسل و يستفسر عن اندونيسيا ؟
بسم الله الرحمن الرحيم السلام عليكم ورحمة الله وبركاته كيف حالكم ان شاء الله تمام انا جيتكم يا اخواني والحمد لله من الله في خير ودايم اعرف اني طلبات دايم بس انتم المنتدى الوحيد اللي اثق فيه ولي ايام حلوه ومره فيه المهم انا الحمد لله بتزوج في شهر سبعه ان شاء الله ووعدت حبيبتي اني بأخذها شهر عسل برا المملكة واكيد طبعاً على حسب امكانياتي وما اشوف صراحه بلد برا يسمح لي اني اجي فيه بالميزانية اللي معي الا اندونيسيا واكيد انه بلد حلو توافقوني في الرأي ؟ مدري اذا كان توافقون في الرأي ابي اسأل عن المدن هناك احسن الأماكن الفنادق المتنزهات المطاعم ..... إلخ بصراحه ابي برنامج سياحي حلو لأني أول مره اطلع وثاني شي مدة السفره تقريباً 15 يوم وابي الأماكن الحلوة اللي تصلح لشهر العسل والله يعطيكم الف عافيه ويوفقكم دعواتكم تحياتي ... |
اخي الفاضل الف مبروك والله يتمم لك على خير ويوفقك
هذي رحلتي لاندونيسيا قبل 3 اسابيع تقريبا ان شاء الله راح تستفيد http://www.66n.com/forums/showthread.php?t=207340 كان البرنامج جاكرتا _بنشاك_شياتر_باندونق مرورا فقط وانصحك بالذهاب لبالي انا ما رحتها بس تمنيت ذالك اما عن الميزانيه من دون التذاكر يكفيك 8 الى 10 آلاف ريال لأنها 15 يوم وانت لحالك اي استفسار انا حاضره |
يعطيك الف عافيه بس انتم رحتوا عايلة ما شاء الله
انا اسأل بخصوص شهر عسل وبصراحه حلوه سفرتكم والمنتجع اعجبني لكن اكيد فيه أحلا الحمد لله على السلامه وشكراً على المعلومات اللي كتبته الحين في مفكرتي الخاصه |
:22:الله يتمم لك على خير ويوفقك يارب ومبارك زواجك ان شاء الله اندونيسيا رووووعه لشهر العسل واكثر من رأيت هناك العرسان عموما ........... انصحك ببالي لانك عريس لكن خمسة ايام كافيه لبالي والباقي خليه في ربوع اندونيسيا:17: يمنع ذكر اسماء منتديات اخرى .. الإشراف |
الله يوفقك يارب اكثر العرسان الان اتجاههم الى اندونسيا كانوا زمان ماليزيا
الله يوفقك ويتمملك على خييييير |
الله يعطيكم العافية ويوفقكم لكن ما فيه احد اعطاني الى الان برنامج امشي عليه وحتى التكاليف مثلاً لأني بصراحه شخص ما يخطي خطوة الا وهو مخطط لها مو لازم تكون دقيقة المعلومات حتى لوتكون تقريبية ما عندي مشكلة اللي بخصوص التكاليف انا سألت بخصوص تذاكر الطيران الخطوط تبعنا وقالو التذكرة الوحده تكلف 3200 ريال لكن ابي أسأل الخطوط الثانية مثل الأمارات ....
|
أنصحك انك تروح لاحد المكاتب السياحية في مدينتك وهم يسوون لك برنامج سياحية حلو وعلى قد ميزانيتك يبتدي من زولك للمطار الى رجوعك للمطار
تحياتي |
أخي الفاضل كم ميزانيتك للسفر
وابغى اعرف اش الاستفسارات اللي تبغاها ممكن اضبط لك برنامج |
السلام عليكم ورحمة الله وبركاته
مشكورين على التفاعل والسعي في موضوعي بشأن أستفسارك أختي أو أخوي الأوزون انا ميزانيتي تقريباً من عشرة ألاف إلى خمسة عشر ألفاً طبعاً ما أدري ممكن تزود أو تنقص لكن بين الرقمين هذي أكيد أن شاء الله . أما بخصوص الأستفسارات مثل المطاعم سمعت ان مو كل مطاعمهم حلوة واكلهم غير ومثلاً لو بأجلس في جاكرتا وين الفنادق والأسواق الزينه والأماكن الحلوة وثاني شي انا ما اعرف ألا جاكرتا و الجبل بس واكيد فيه اماكن ثانية . الله يعطيكم العافية |
عندك اخي الكريم خيارات كثيره لسكن
ميركوري انشول وهو فندق على شاطيء جاكرتا فئة اربع نجوم الشقق الفندقية بتافيا فندق موليا سنيان من فئة خمس نجوم هذا ممكن تسكنه يوم واحد وانت راجع لجاكرتا وتستعد للعوده لأنه غالي بس على حسب بحثي عنه انه جميل جدا واسعاره تبدا من 160 دولار هذا بالنسبه لجاكرتا الاسواق منغا دوا وسنيان سيتي و كيبوترا تمان انكريك المطاعم ببتافيا كافيه وهو مطعم راقي مطعم تشيليز مطعم لقونا للمأكولات البحرية مطعم ساري انداه ويقدم المأكولات الاندونيسية اضافه للمطاعم العربيه اللي زرتها في تقريري اما الجبل لا تسكن الافي سيروني 2 او سيروني 3 وسعر الغرفه 600000 روبيه بالنسبه للسواق اكثر شي ياخذ 500000 روبيه كاسرهم للنهايه وفيه منتجع يمدحونه كنت بروح له بس الوقت ضيق وهو في باندنق على ما اذكر اسمه جراسيا سبأ واقترح عليك انك تروح لبالي او لومبوك يومين لأنها حلوه لشهر العسل رتب رحلتك قبل السفر علشان تقدر تستفيد منها والله يوفقك |
| الساعة الآن 03:00 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©