الجنس مشكلتي الكبيره
 

السلام عليكم ..
ممكن تكون مشكلتي تافهه للبعض بس جد متعبتني وياليت ماحد يقلل من اهميتها لانها مأثره علي حياتي بشكل كبير
أنا اليوم بالزبط صارلي متزوجه ثلاث أشهر وكانت فتره ملكتي أربعه أشهر وكانت علاقتي بزوجي ممتازه ويحبني وأنا كمان
المشكله بدأت من أول يوم الزواج أنا كنت اقرا عن الجنس وغشاء البكاره والكل كان يقول مافي الم زي شكة الأبرهه .. يعني انا اتزوجت ومتحمسه ومافي الم وكذا
لكن انصدمت بالواقع من أول مره حاولنا ألم مو طبيعي ( المنطقه جدا ضيقه وكانها مسكره )
معليش ع الوصف بس عشان احطكم بالصوره ..طبعا ماقدرت اكمل من الالم بعدها بيومين حاولنا وتمت الهرجه بس بألم وصياح .. من بعدها كرهت الجنس كولو
حتى المداعبات الخارجيه مؤلمه
الموهم جلست اسبوعين المداعبات استمتع فيها بس بمجرد انو بيبدأ --- ابعد عنو وادفه جد شي غصب عني .. وبدت المشاكل بينا هوا يفسرها انو أنا مابغاه مغصوب عليه وقالي انا مو مبسوط معاك ولا احس نفسي متزوج .. قهرني كلامو المفروض يصبر وانا كنت احاول ارضيه بطرق ثانيه .. بس بعدها أثر فيا كلامو قلتلو مهما اتألمت انتا كمل طبعا مارضي وأنا ضغطت ع نفسي وراح الخوف شوي بعدين احس بألم ماقدر اكمل وعارفه انو مو راضي بس ماصار ينقاشني واحس انو مو مبسوط بعدها صارت مشاكل مالها علاقه بالهرجه هاذي وليا شهرين ببيت اهلي مافي اي تواصل بينا يعني جلست معاه بس شهر
طبعا سؤالي للرجال أنا شفت رجل يقول انا لو زوجتي جلست اسبوعين تمنع نفسها عني بعافها واكرهها صح ذا الكلام ؟؟
أنا بعدها حسيت بألم شديد بالمنطقه ونزل دم قالتلي الدكتوره معاك التهابات شديده وكمان عندك كيس بالمبيض هل ممكن هما سبب ألم ؟؟؟ لانو الدكتوره قهرتني وقت الفحص كنت امسك يدها واقلها عورتيني فصارت تنافخ عليا تقولي انتي مدلعه ليكون تسوين مع زوجك كذا وهرج كثير وقالتلي بالاخير انتي زوجك مادخل عليك دخول كامل مدري ايش قصدها يعني الغشاء موجود ولا ايش وما سألتها لانو اسلوبها يقهر ..
انا نفسي اكون طبيعيه وصار الجنس هم ليا مو متعه ولو رجعلي زوجي مابغا ترجع المعاناه من جديد لو استخدمت المخدر الموضعي ممكن يجيب نتيجه ومن جربت ومشي الوضع ؟؟
احس كثرت هرج بس جد احس انها مشكله كبيره وشي لا إرادي احس رجولي تشد ماقدر استرخي .. اللي عندو حل لا يبخل عليا

رد: الجنس مشكلتي الكبيره
 

طبيعي ماتمرين به
ولاكن الالتهابات تزيد الالم
كريم جينو دكتارين المهبلي
راح يعالج الالتهاب مره كل مساء
واحذري من المخدر الموضعي
سبب لي عقم

اسال الله ان يؤلف بين قلوبكم

رد: الجنس مشكلتي الكبيره
 

انا قصدي المخدر اللي ينحط ---
معليش اختي كيف سببلك عقم
احس مالو علاقه

رد: الجنس مشكلتي الكبيره
 

رد: الجنس مشكلتي الكبيره
 

مبروك يا عروسة
بما انك في بيت اهلك سعي في معالجة الالتهابات اولا فهي السبب الرئيسي في الالم لان الم الفظ ليس بالقوة التي ذكرتيها ان لم ترتاحي لدكتورتك غيريها
اما الشد سئ نفسي حاولي الاسترخاء ركزي وابعدي الخوف وارخي نفسك فيتم الامر فقط لا تقلقي لست الوحيدة تقريبا كل البنات مررن بهذا ولا تدعي الامر يطول فتتعقد الامور ويكبر الخوف وستضحكين على نفسك يوم ما
الله يصلح امرك

رد: الجنس مشكلتي الكبيره
 

عزيزتي قبل علاجي الالتهابات
لو تذهبي للدكتوره وتساليها عن التشنج و المخدر هل لو مضاعفات
وخلي زوجك يستخدم مزلق

رد: الجنس مشكلتي الكبيره
 

كنت احطه بكميه كبيره عشان مااحس بشي
قالتلي الدكتوره هو اللي اثر عليك
المفروض الدكتورته تنصحك
ربي يجزاها خير نصحتني ووجهتني مع اني ماكنت اعرف شي
وهي اللي بشرتني بحملي بعد سنين