بغير في بيتي ومالي غنى عن مشورتكم ياصاحبات الذوق
هلا أخواتي
أنا بصراحة ودي أعيد ترتيب بيتي من جديد وراح أنقل غرفة النوم من غرفة لغرفة بس قبل أنقلها أبي رايكم في لون الموكيت والستارة غرفتي لونها بيج وعلى أطرافها بني خفييييييف جدا بس بصراحة مليت من الألوان القريبة منها بيج عسلي بني أبغى لون جريء فكرت بلون بنفسجي غامق بس خفت يطلع مو حلو وأفكر بالألوان الهادية نفسي أصور لون الغرفة وأوريكم إياها بس البلوتوث عندي مايشتغل ياليت تساعدوني بأفكاركم ولو فيه صور ياسلاااااااام:22: أنتظركم سرييييعاً تم تعديل الأخطاء الإملائية |
اذا تبين ألوان جريئه
احب الاحمر مع البيج :22: واذا ألوان هاديه وردي فاتح حييييييل :15: |
مشكورة غلاتي
ماقصرتي بانتظار المزيد |
عزيزتي
بأمكانك تختاري مثل ألوان السرير لكن بطريقة أفضل وأجمل وأروع عندي لك صورتين وحدة تمثل غرف نوم مودرن(1) وحدة تمثل الأثاث الكلاسيكي(2) إن شاء الله تساعدك وإذا لقيت صور بنفس لون غرفتك إن شاء الله ماراح أبخل عليكي (1) http://www.m5zn.com/uploads/3edd5c4a9e.jpg (2) http://www.m5zn.com/uploads/1ffae92198.jpg |
تبين لون جرئ (التركواز) والله ان خطير في غرف النوم
أنا غرفتي مثلك ودخلت الفرش تركواز طلع رهيب واختي نفس الشي عندها جدار صغير في غرفتها دمجت بين التركواز والبني والبيج طلع شي رهييييييييب ومع هالالوان تقدرين ادخلين الذهبي في الاكسسوارات والاباجورة... بالتوفيق ان شاء الله |
مشكورة ياقلبي يا ana
ولون غرفتي قريب جدا من الصورة الثانية لكن مليت من البيج والبني ودرجاتهم |
حرم فلان الفلاني
تصدقين والله إنه أمس طرا في بالي هاللون بس خفت أتوهق ولاأحصل مفرش مناسب أو ستاير مناسبة وبعد زوجي كنه طارت عيونه يوم اقترحت عليه ذا اللون إن شاء الله راح أطلع هاليومين وأقولكم وش جزمت عليه |
اقتباس:
اختي مب لازم الستارة اتكون تركواز دايما الستائر والسرير والأثاث خليها بني والبني الغامق أو المحروق أحلى وأما بالنسبة للستائر خليها مدرجة يعني عندك طبقة الشيفون اختاري الشيفون البيج الفاتح المطرز شوي بالذهبي أو البني الفاتح وبعدها غمقي اشوي مو كثير في الطبقات الأعلى... وبالنسبة لهاللون التركواز دخليه في مفرش السرير المفارش الباقية واذا عندك حيطة بارزة ناديلك صباغ ماهر يدمجلك هالالوان فيها.... وزينيها بلوحة فنية بروازها يإما ذهبي أو بني بس الذهبي يعطي شكل بارز وأحلى |
وش رايك فى الاورنج والاصفر اتوقع ها اللونين دمجها مع اللون البيج والبني مقبول مثلا يكون الموكيت اورنجي وتحطي له سجادات صغيرة باللون الاصفر مع البني ممكن تلاقيها على شكل زهرة دوار الشمس مثلاً وتكون الستاير مموجه باللونين ومسكات الجوانب كمان بزهرة دوار الشمس وترمي بعض المخدات الصغيرة على السرير لها اللوان نفسها اصفر بني واورنج وتكون الاكسسوار مثل الابجورات على هيئة دوار الشمس وبجانبها شموع اورنجية على صحن بني يتخلله عروق ذهبية تحياتي |
حرم فلان الفلاني
مشكورة ياقلبي بس الدهان مالي شغل فيه لأن البت إيجار ومانقدر نتعبث فيه وبججرب أفكاركم بإذن الله |
الساعة الآن 06:17 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©