صديقتي المريضه و زوجها
السلام عليكم
السالفه و ما فيها ان صديقتي متزوجه من 6 شهور تقريبا، و وصلني ان زوجها يفكر يطلقها و يتزوج غيرها بحجة انها مريضه... هي مريضه و مرضها اعتقد ما له علاج و تاخذ حبوب طول العمر و زوجها يفكر انه يطلقها لانها مريضه و ما تقدر تلبي احتياجاته في السرير يعني من اول ما تزوجوا ما اقاموا علاقه حميمه الا 4 مرات زوجها يشكر فيها و يقول انها طيبه و كل شي فيها زين بس مريضه و هو يحس انه ما يطيقها بالرغم من شخصيتها الحلوه و هو توه صغير 20 سنه و هي 19 انا ودي اسوي شي عشان يبقون مع بعض ، خاصة ان صديقتي انسانه طيبه و تستاهل كل خير ملاحظه: ممكن اني اوصل كلامي لزوجها بطريقتي بس المشكله ان ما عندي حل لمشكلتهم ارجو منكم انكم تساعدوني في ايجاد حل للمشكله |
وش طبيعه مرضها هي ؟؟
توه يذكر انها مريضه !!!!!!!! عجبي وش ذنبها يطلقها من حقه يتزوج عليها بس كيف يعطيه قلبه يطلقها |
ما اعرف شنو مرضها بالضبط
بس اللي اعرفه ان عندها خلايا ميته في المخ و هي مأثره على حركتها و مشيتها يعني هي صغيره بس تمشي مثل الكبار في السن، حركتها صعبه و زوجها يقول انه مغشوش فيها، هو شافها قبل العرس بس قالوا له انها تستحي عشان كذا ترتجف و هو معاها الحين 6 شهور و دايما يفكر يتزوج عليها بس في النهايه قرر انه يطلقها لانه من بداية زواجهم ما يطيقها (مش عشان مرضها بس) ما يطيق يشوف وجهها |
لاحول ولاقوة الا بالله هم غشوه فيها وماخبروه طبيعة مرضها يعني مغشوش فيها يحق له يطلقها
ولكن الافضل طبعا ومن ناحيه الاحسان انه مايطلق ويتزوج عليها احسن مسكينه هذي البنت تحزن الله يشفيها ....... |
لاحول ولاقوة الا بالله
الغلط على اهلها المفروض انهم يصارحونه بعيوبها قبل الزواج لان الغش في الزواج مايجوز بإمكانه يتزوج وحده ثانيه بدون مايطلقها |
الغلط من اهلها المفروض انو من يوم ما يجي يتقدملها يقولو انها مريضه
|
لا حول ولا قوة الا بالله
ربنا يهدي |
اهلها غلطانيييييييييييييييييييييييييييييين
المفروض يعلمون بمرضها ما يحطمونها كذا الطلاق نتيجه طبيعيه للغش ما اعتقد بيقدر يخليها خصوصا انه مغشوووووش يعني لو هو متزوجها وبيصبر عليها وعارف بمرضها كان ممكن قلنا يصبر عليها كمان وما يطلق بس مغشوش لا صراحه يحق له يطلق لانه اكيد كرهها وكره اهلها اللي هم في نظره نصابين يعني اكيد مع الوقت الكره بيزيد كل ماشافها وافتكر النصبه لذلك من باب حمايتها نفسيا ترجع لأهلها وهم احمل بها والله حرام اللي سووه |
اذا هو متحملها ويبي اجر ولا بيسبها بغلطة اهلها يخليها وياخذ الاجر بس يتزوج
اما لو كرهها(زي ما قلتي)وممكن يهينها في الطالعه والنازله فلاااااااااااااااا ترجع لأهلها ... اللي هم يبي لهم من يجلدهم |
لاحول ولاقوة الا بالله هم غشوه فيها وماخبروه طبيعة مرضها يعني مغشوش فيها يحق له يطلقها
ولكن الافضل طبعا ومن ناحيه الاحسان انه مايطلق ويتزوج عليها احسن مسكينه هذي البنت تحزن الله يشفيها ....... |
السلام عليكم
شو انغش انتو ناس فاهمين مافي حد ينغش في هالزمان ومن قال انو يكون طامع فيها او بفلوسها وليش مايتحملها ويساعدها وتصير زينه ولا بس خلاص اهي مريضه ماتنفع يعني نرموها مافي حب مافي صبر لا حول ولا قوة الا بالله اول مافكر يطلقها ومن بعد الطلاق مافكر بنفسية البنت على الاقل يتزوج عليها وتم وياه ومابياذيها وظل البنيه عايشه بروح طيبه يارب تهدي سرهم ومن رايي لا يطلقها ويعتني فيها وترا الجني مو كل شي بالدنيا تحياتي صقر المغرب |
دام اهلها ماعلموه بالسالفه من الاول
يحق له يطلقها واعرف وحده كذا مسكينه تزوجت وطلقها زوجها الله يرحم حالهم |
السلام عليكم
انا طلبت بس يتزوج عليها والحق يسمح له بس حرام يطلقها من فرحتها وربما يزيد مرضها واهي مالها ذنب في حياتها تحياتي صقر المغرب |
آسفه عالتأخير
اخواني بليييييييز ادعوا لهم و ادعوا لها بالشفاء اخ صقر المغرب: الزوج عنده خير الحمد لله (ولد عز) و الزوجه ما تعمل و هو كان يحبها بس كرهها من بعد ما اكتشف الغش انا ودي اسوي شي بس مب عارفه شاسوي هي صديقتي و هو احد اقاربي و انا احبهم و اتمنى لهم الخير بلييييييييييز ادعوا لهم في هالشهر الكريم |
وانا ماعرفها وعورت قلبي ... ماقدر اقول يطلقها والله حرام دامها طيبه معاه يخليها على ذمته ويعاملها
بالحسنى ... وحتى لو اهلها غشوه هي وش ذنبها المسكينه علشان تكون مطلقه وهي بعمر الزهور؟؟ يارب يشفيها ويحنن قلب زوجها عليها يارب ... ورجاء ياخوان انا ملاحظه هالايام كثرت عندنا كلمه (طلقها ) وش فيكم وش صار فيكم والله حرام عليكم يمكن الي حاط الموضوع معصب ومايصدق يشوف كلمه طلقها ويطلق وتكونو انتو السبب ... هموووم |
لا حول و لا قوة الا بالله
الله يصلح زوجها و يشفيها |
لاحول ولا قوة إلا بالله العلي العظيم
|
لاحول ولاقوة الا بالله ..!!
اتمنى لو يكفر زين في حالتها المسكينه .. ويحاول يخليها عنده ويحسن لها و يرعاها و له الاجر .. و في نفس الوقت يتزوج ثانيه .. |
الى يقول فيه حل غلطان
والله انت تبي حل
ماكو حل الكل قام يقول السبب الاهل ولا احد عطاك حل لانه بصراحه مافيه حل الا الطلاق وفي حاله تزويج البنت مره اخرى يكون على بينه وشكرا khad |
السلام عليكم
انا الصراحه اضم لرايي من راي هموم وانتي تقولي يحبون بعض وكيف بالسهوله فكر ينسحب من حياتها انا رايي ماقدر اسويها وهذا نصيب من الله واللي من الله حيه بالله تحياتي صقر المغرب |
الله يشفيها ...
|
اقتباس:
100\100لا فض فوك أختك دلوو24ووعه |
الساعة الآن 06:09 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©