|
رجيم للمرضعات.. من تبدأ معي!
السلام عليكم
كيفكم يا حلوات,,,عساكم طيبين و بعافيه :) انا ناويه ان شاء الله ابدأ برجيم و حابه ان احد يشاركني عشان نشجع بعض و يكون في روح منافسه حلوه المطلوب يا بنات قوة الأراده و الأصرار التام للوصول للهدف المطلوب محتاجين رجيمات خاصه للمرضعات و اكرر لازم يكون مخصص للمرضعات من ناحية السعرات الحراريه و كثرة السوائل و طبعا رياضه كامله و شامله للجسم و التركيز على تمارين لمناطق معينه.. ما نبغى رجيمات سريعه و قاسيه و تأثر على شعرنا و بشرتنا و الحاله النفسيه لأ خلونا نأخذ راحتنا و على اقل من مهلنا,, لأننا نبغى النتيجه تكون اكيده و شبه أبديه نبغى ننقص دهون مش سوائل او عضلات,, و الدهون ابدا ماراح تختفي بسهوله يبغالها صبر و عزيمه و إراده قويه زي ما قلت شروط الأشتراك: 1- ذكر عمرك 2- ذكر وزنك الحالي 3- ذكر طولك 4- ذكر الوزن المرجو الوصول إليه 5- عمر طفلك الرضيع 6- تحديد وقت للوصول للوزن المطلوب ( مثال: 10 كغ في 3 شهور) 7- ذكر نوع الرياضه الي راح تمارسيها و كم دقيقه (مثال: ساعه مشي, 3 مرات في الأسبوع) 8- اخذ مقاسات جسمك قبل البدأ بالرجيم,, ثم اخذ المقاسات كل اسبوع. و التركيز على عدم ذكر المقاس هنا في المنتدى,, و لكن يسمح بذكر كم نقستي بعد الأسبوع الأول من الرجيم( مثال: نقست 1 سم من محيط الخصر) 9- كتابة يوميات اكلك في نهاية اليوم و قبل النوم (بكل دقه و ذكر حتى الوقت الي اكلتي فيه) 10- تحديد وقت للبدأ بالرجيم و وقت للأنتهاء (DEADLINES) الرجاء ان يكون الأشتراك فقط للمرضعات راح ابدأ بنفسي,, بس بعد شوي لأن البيبي صحى راجعه ان شاء الله |
1- عمري 23 سنه
2- وزني الحالي 63 كغ 3- طولي 1.60 سم 4- الوزن الذي اريد الوصول إليه هو 53 كغ 5- ابني عمره 6 شهور و 10 أيام 6- اريد خسارة 10 كغ في خلال 3 أشهر 7- سأمارس رياضات مختلفه خلال الأسبوع. ساعه كامله لكل يوم, 5 أيام في الأسبوع. ايروبك, بيلاتس, zumba, الدراجه الثابته (spinning), الجري, رفع الأثقال (أثقال بسيطه من 3-6 كغ) احب انوع في الرياضه عشان ما امل منها,, و طبعا اكون مشتركه في نادي رياضي 8- لسه ما أخذت قياسات جسمي لأني ناويه ابدأ الرجيم بعد اسبوعين ان شاء الله 9- ان شاء الله بعد اسبوعين 10- البدأ بالرجيم يوم الجمعه الموافق 1.10.2010 و الأنتهاء من الرجيم في نهاية 2010 الموافق 31.12.2010 ان شاء الله ابدأ السنه الجديده سنة 2011 بجسم رشيق و معنويات عاليه مدة الرجيم 3 أشهر كامله مين معاي يا بنات......... على فكره كل وحده تقدر تبدأ برجيمها في اي وقت انا قررت بعد اسبوعين لأن في اشغال و مشاريع لازم اخلصها :22: |
حلووووووووو
موضوع جى في وقته انا توني خارجة من نفاس وجسمي ملخبط من الحمل وناوية اسوي رجيم اخسر فيه على الاقل 20 كيلو >>>> كثير صح :23: بس ان شاء الله بالعزم والارادة اقدر اخسرهم بس موعارفة اسوي لي برنامج او جدول تغذيه امشي عليه :( ان شاء الله بأبحث عن جدول امشي عليه من النت ويكون حلو ومو قاسي كثير وانا ناويه ببدأ ان شاء الله مع بداية فتح المدارس يعني بعد 10 ايام 1_ عمري 28 2_ وزني الحالي 80 :25: 3_ طولي 162سم 4_الوزن الذي اريد الوصول اليه 60 كلغ 5_ مدة الرجيم 4 اشهر في كل شهر 5 كيلو بأذن الله 6_ رياضة المشي 5 ايام في الاسبوع مع بعض التمارين الخفيفة لشد بعض المناطق 7_ ابنتي عمرها شهرين 8_ البدأ بتاريخ 26 _9 _2010 مشكورة عالموضوع وان شاء الله اقدر اتواصل معاك وماتمنعني الظروف من دخول النت |
هلا فيكي اختي لوليته ...و فرحتيني بمشاركتك بس حبيبتي انا ما انصحك تسوي رجيم و بنتك بس شهرين,, لأنه اكيد معتمده على حليبك و اكيد انتي ترضعيها رضاعه كامله سوي مثلي خلي اكلك صحي.. كلي خضروات و فواكه و لحوم حمراء و بيضاء و الأسماك و كثري من شرب الماء و العصيرات الطبيعيه الخاليه من السكر كمان تأكدي ان الحليب و مشتقاته يكون خالي من الدهون مثل الجبنه و الزبادي و اللبن وكمان الرز و المكرونه و الدقيق يكونوا من حبوب القمح الكامله يعنى أسمر تجنبي كثرة الحلويات و المسلوق على الزيت و الأكلات السريعه junk food, و الشبسات و الآيس كريم و الشوكولا مسموح مره بالأسبوع مثلا اهم شي اشربي ماييييييييييي بكثره, لأنه صراحة السوائل هي الي تكثر حليبك تقدري تشربي شاي و قهوه بس لا تكثري منهم كوبين في اليوم كفايه,, و استخدمي سكر الفواكه او سكر دايت مع حليب خالي من الدهون و صدقيني لو اتبعتي النصايح هذه مع شوية رياضه 3 مرات في الأسبوع و الرضاعه الكامله راح ينزل وزنك و الكل راح يلاحظ ان شاء الله انا اخر مره وزنت قبل الولاده كنت 77 و بعد ما ولدت على طول نزلت 68 يعني وزن البيبي و تبعاته.. اتبعت النضام هذا بعد النفاس لغاية بداية رمضان و نزلت الى 60.. بس جاء رمضان ومن الضيوف و العزومات و الجوع و الرضاعه و صوم 18 ساعه اول ما افطر كنت آكل الأخضر و اليابس و الرياضه نسيتها بسبب صعوبة الوقت.. لقيت نفسي صرت 63 :29: :23: و الحين بعد ما صار ابني 6 شهور و بدأ يأكل و مش معتمد على الرضاعه فقط قلت لازم رجيم علشان انزل الباقي معليش طولت :) |
عسى الله يعينكم ويوفقكم .. وعقبالي *_*
|
اقتباس:
مشكوره اختي و الله ينولك الي في بالك |
:11: وينكم يا مرضعات لا تخلوني اجيبكم بالأسامي وحده ورا وحده :18: انا عارفه عن خمسه.... فتعالوا من حالكم احسن لكم :d |
هلا حابه اشاركم عمري 24 ياله اني متحمسه وووووووواجد وزني السابق 80 وزني الحالي 65 : كنت اسوي رجيم سابق فبل ما اتعرف عليكم الوزن المطلوب 55 (المده المحدده 3 شهور طولي 166 سم طبعا اتغيرت مقاساتي بس حابه اكمل عمر ولدي 5 شهور الرياضه بعض التمارين لشد الجسم ممارسه رياضه المشي 3 مرات في الاسبوع اكل كل شي مسلوق او مشوي وبصراحه اكل 10 ملاعق ارز شبه يوميا [align=center]الله يخليكم خلينا نشجع بعض محتاجه واجد احد يكون معايي لاني ساعات اطفش:(:(:( |
أنا ايضا متحمسة و معاكم
بس ماشاء الله لو وزنك حلو على طولك .. و لو اني متفشلة اذكر وزني لكن يالله محدش عارفنا هنا,, 2- ذكر وزنك الحالي 69 3- ذكر طولك 154 4- ذكر الوزن المرجو الوصول إليه محتارة لحد الحين ودي ببداية الخمسينات خلني اقول 51 مدري ليه مو خمسين بس احس كذا اقرب 5- عمر طفلك الرضيع 5شهور و نص تقريبا 6- تحديد وقت للوصول للوزن المطلوب ( مثال: 10 كغ في 3 شهور) يعني ما شاء الله تبارك الله ودي اخس 18 كيلو راح نقول 4 كيلو بالشهر يعني 4 شهور و نص 7- ذكر نوع الرياضه الي راح تمارسيها و كم دقيقه (مثال: ساعه مشي, 3 مرات في الأسبوع) راح استعمل ارب تراك 3 مرات اسبوعي نص ساعة 8- اخذ مقاسات جسمك قبل البدأ بالرجيم,, ثم اخذ المقاسات كل اسبوع. و التركيز على عدم ذكر المقاس هنا في المنتدى,, و لكن يسمح بذكر كم نقستي بعد الأسبوع الأول من الرجيم( مثال: نقست 1 سم من محيط الخصر) ما عندي متر حاليا 9- كتابة يوميات اكلك في نهاية اليوم و قبل النوم (بكل دقه و ذكر حتى الوقت الي اكلتي فيه) 10- تحديد وقت للبدأ بالرجيم و وقت للأنتهاء (DEADLINES شوفي عزيزتي انا فعلا بدأت اليوم و انا صايمة و الحمد لله فكان فطوري تفاحة و موزة و حليب كامل الدسم (200) مل التفاحة 80 و الموزة 102 و الحليب120 كما مكتوب عليه بعدين اكلت على الساعة ثمان 2توست و جبنة و عصير برتقال تقريبا يجو 430 سعرة و ايضا صدر دجاجة ما اعرف كم سعرة حرارية و من شوي على الساعة 11 شربت نص كوب حليب و شابورة و لسة نفسي هافتة على الأكل صح كذا حابة اسأل كم سعرة حرارية المفروض اخذ و انا مرضعة و كم باقي لي اليوم بالنسبة للتمارين بصراحة ما سويت اليوم... |
أنا أنا كمان بس يمكن أستمر على الصامت لأن دخولي على هذا المنتدى أصبح قلييييل
وزني 62 أبغ أصير 55 طولي والله مدري كم دائما أنسى لكن تقريبا 154 عمر طفلي سنة أنا بأسوي تخفيف الان وبشرب أعشاب وأشتريت سير وزوجي الله يسامحه خربه .. أنتظر يصلحوو وأكمل عليه مشكورة |
| الساعة الآن 08:32 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©