|
اسأت لزوجتي كثيرا وطلبت الطلاق(حُلت المشكلة الرد 24)
السلام عليكم ورحمة الله وبركاته قصتي باختصار محتار ما ادري انهي زواجي او انتظر كنت احسب زوجتي تحبني ومهما سويت راح تسامح زلتي عشرة عمر والله هذي الي قاطع قلبي تسع سنين وشي من تانيب الضمير تزوجت والحين عندي ثلاث اطفال ولله الحمد وراح اكون صادق مع نفسي قبل ما اكون صادق بسرد معناتي لان اريد حل تزوجنا وعشت مع زوجتي للامانة كنت قاسي واستغليت طيبه قلبها وتسامحها وصبرت الاجوديه علي طيلة حياتي معها اسب اشتم ممكن اضرب ما هوب الضرب الي يوجع ادفها وهي بعد احيانا تدفني اروح اسافر اطلع البر وهي بالبيت عند بزرانه بس للامانه اقول لها وش تبين بديل عن روحتي للسفر او طلعتي للبر وكانت تطلب يا بعد قلبي شي بسيط واصبرت رغم قسوتي عليها ورغم تصغيرها وتحقيري لها بس للامانه والله اني سخي معها بالمادة بشكل جدا رائع ممكن اسوي لها اشياء تطلبها بالايام العادية مثل روحت السوق وانفذ لها ، بس متى يمكن بعد طلعة الروح بنتي الصغيره عمره 5 اسنين وانا افضله عليها حتي ملابس بنتي اطلبها من خارج المملكة بريطانيا وامريكا سوى للمناسبات او الاعياد وهي طبعا لا بس تختار المقاس للبنت والملابس وانا اطلبهن وهي لا وصبرت تسع سنين يوم الله اراد اليوم الي الله لا يعيده دقت على قالت اختي عندها حفله وابيك تمسك البزر الصغير عمره سنه مجرد ساعتين ارجع اخذه واعطيك الي تبي قلت لها لا ولا تروحين الا معك البزر قالت ما اقدر تحمله ساعتين اصريت لا واذا طلعتي بدونه لا ترجعين وكنت مصر جدا دخلت العصر للبيت ولا المره مره ما هميته حسيت ان هذي ما هيب زوجتي الحبوبه متمسكة انها تروح للحفله بدون الطفل وانا تمسكت بموقفي الرافض وتقول اهلي يبي يمرونن ياخذونن معهم وقاعده تجمع عفشها وتقول خلاص انا بيعتها شي ما كد شفته بزوجتي يما قلت اطلعي روحي لاهل وتتمسك بالبيت يما طردتها وقلت انقلعي ولا سوت كذا دقيت على ابوه قالت تري اذا طلعت بنتك بدون الولد لا ترجع بكل برود رد علي انت صاحب القرار ولو نبي نتدخل تدخلنا من زمان حسيت انه هي واهلها انا طالع من خشومهم تعوذت من ابليس ورحمت اعيالي رحت وديتها انا علشان تطلع مع ولدها وامسك الطفل انا بعد واخذت شنطه كبيره معها بها ملابسها طلعت من الحفله وقالت ودني لبيت اهلي ودي اريح من الضغظ النفسي الي على وديتها وبديت اراجع كل السنين الي مضت حسيت اني قليل ادب حسيت اني ظلمتها كثير حسيت اني كرهت نفسي ليه كذا ليه سويت كذا رغم اني احبها موت انا ما كنت مخطط لحياتي كذا حسيت بلحظة اني انسان فاشل. ندمت كثير كان احد صحاني من شي من اسنين المفروض اصحا مدري ليه حسيت اني كانت عايش بعالم ثاني وحياتي بعالم ثاني بعد كل الندم حاولت اصلح ما بقاء دقيت من بكرا وردت وكانت تبكي وتقول طلقني يكفي تعذيب معك خلاص ابرتاح اهلي مره متاثرين علشاني ريحني يا اخي ارسلت لها كلام كثير من ضمنه انتي سبب من الاسباب ليه من زمان ما اتخذتي قرار وزعلتي وخليتيني اصحا والله ندمت والله ندمت كانت صدمه بعد ما حسيت بالندم وفكرة ابدا اعوضها عن شقا كل السنين تطلب الطلاق وكانت مصره عليه قلت الي تبين راح يصير بس هدي لاني كنت حس فيها ضاق صدري من تانيب الضمير بديت ارسال لها كلام والله انه حقيقي اني ندمت واني اكتشف اني ما اقدر مستحيل اني اطلاق انتي الغلاء انتي دنياي وهدات الامور حبه حبه والحمد لله رحت شريت هدية قيمة جدا جدا جدا وغاليه وارسلت رساله انه ما يسواء شعره من راسك ردت وقالت ما لها داعي التكلف وجرحتني الحقيقة ورديت قالت شكرا اجل ماله داعي التكلف كنت انتظر رد يشجعني ويحسسني اني سويت شي لو بسيط ردت علي برساله قالت انا اعرف من انت يا بو ...... واعرف انك ما تجيب الا الغالي والثمين ولا تلومني انا تعبانه منجرحه هي تقول ما ابغاء الا الموده والتفاهم الان الوضع ارسال كثير من الرسايل وللاسف الرد بخيل او ضئيل منها ادق كثير بالتلفون ما ترد واذا كثرة الاتصال ترد وتقول ما نيب عند الجوال قلت له عند اجازة وابغي اروح انا وانتي سواء بعد العيد قالت اصبر لا تسوي شي ما ادري انا ما ادري وش يبي يصير والان كانه بدت تخف من ناحية السفر راحت السوق قالت تقضي للسفر ودوري لي بدل حلوة وبنبرة حزن حسيتها تقول ان شاء الله بالمقابل من ناحيتي بديت احس اني اهين نفسي بكثرت الاعتذار بديت احس انه خلاص ما فيه رجعه بديت احس انه تحاول تهينني لدرجة ترسل تقول انا ابروح للسوق تعال خذ العيال ومن ضمنهم الصغير طبعا اروح اركض احاول ابين له اني تغيرت لكن ما ادري احس المره هذي باعتني خلاص ومهما كان انا رجال عندي كبرياء لما تهمشني لا ترد على مكالماتي لا تعطين امل تجرجرني تحاول الان اي شي تشوفه تحطن انا غلطان انا والله بدأت افكر فعلا اني اطلقها للامانه حاولت كثير وهي تقول اصبر ما ادري شكله ما تبين قلت لها من شان العشرة من شان العيال من شان كل شي بيننا اذا كان مالي موده عندكم لا تخليني احطم اهين نفسي على سراب والله اني احترت معها قدمت اعتذارات و قدمت هدياء قدمت كل شي له ولا ادري اطلقها وخليها بسلام وانا بسلام او اصبر لعل الايام تجمع بيننا ما ادري افكر اقول لو طلقتها يضيق صدري شهر سنه اسنين بس مصيري انسا واقول ان زدت من تجديع روحي لها اخاف ترجع لكن بس تفرض علي اشياء حتى لو كانت غلط اخاف ترجع للانتقام بس والله اني احترت وش رايكم هل اذا طلقتها هي راح تكون مبسوطه او اذا طلقتها ازيد همه هم انا تهمني ام اعيالي ابغى الي يسعدها تعبت وامل مساعدتي رايكم عذرا حذفت الصورة لأنها مخالفة |
اول شي الحمدالله اللي ربي هداك
وصدقني زوجتك محتاجة وقت خلها ودق عليها بين فترة وفترة وارسلها مسجات وتعوذ من بليس وشيل فكرة الطلاق والله مايروح فيها الا هالاطفال المساكين |
|
على اعتبار ان الرجل اقل دقه وتذكر للأمور من النساء
وعلى اعتبار ان الظالم عادة ما ينسى ظلمة ولايتذكر منه الا القليل وعلى اعتبار انه يستحيل ان تذكر لنا في هذه الصفحه كل ظلمك لها في التسع سنين ( لاحظ الظلم الذي تتذكره فقط! ) من هذا كله يتبين لنا انك ظلمتها كثيراً وبالتالي لايحق لك ان تتكلم او تتذمر او حتى تستاء لايحق للإنسان ان يعامل حيوان بشكل سئ , فكيف تعامل ام اطفالك بهذا الشكل ! وهذا وانت تحبها ؟! , ماذا لو كنت لاتُحبها ؟ لا اقول هذا توبيخاً او عتاباً لك ولاكني ابين لكْ شئ واحد وهو ( لايحق لك ان تتكلم او تتذمر ) |
ما جربت إدخال حكمين لإنهاء المشكله
ومعرفة ما تريد ومالا تريد |
حقيقه اخي الكريم وانا انتقل من سطر الى سطر في ( مشكلتلك ) كنت انتظر الضربه القاضيه اسمح لي انت من علمت زجتك ان الحق لا يؤخذ بالطبيه وانما ب ( لي الذراع ) كنا نقول احذرو من ( صوله الطيب ) فإن له صوله لا تتوقعها احذرو من تعليم الطيبين انك لا تاخذ حقك الا بمخالب الاسد وفعلا شاهدت ذلك عندما قلت في كلامك حسيت ان زوجتي غير زوجتي يبدو انك كنت تعيش ( بطر النعمه ) ولذا تقول ( اعتقد انها تسامحيني على كل شي ) كنت تعيش ( الانانيه الزوجيه ) واغلقت منافذ التأثير ولم تتوقع ان ( الحليم له ثوره ) ويقال ( اتق غضب الحليم ) لقد استغللت طيبه قلبها وانت الان تعيش وخز الضمير وفي عالم الصحوه بعد السكره تحليلي للقصه ( ارجو ان لاتاخذ بخاطرك ) هذا رئيي واريد به الاصلاح زوجتك من النوع ( الصبوره القنوعه ) ترضي بالشي اليسير وتصبر على المر وانت من النوع الذي لايؤخذ منه الحق الا (بحمار العين ) ومخالب الاسد وبالقوه ويبدو انك تشأت على ثقافه ( الغالب والمغلوب ) والتي تعني انك اذا انتصر فتاخذ كل شي واذا هزمت فتعطي كل شي يعني اخلاقك ( برجوازيه ) لاتحترم الا القوه وعندك صفات ايجابيه مثل الكرم ولكنه مع الضعيف يخرج بالروح العاشره والضمير والحب لزوجتك ولكنك من النوع الذي لايفهم ( لغه الضعفاء ) دللت بنتك ونسيت زوجتك لانك لاتمنح الحب الا للاقوياء فقط ثم جاءت القشه التي قصمت ظهر البعير ( حسيت انها ليست زوجتي ) خلاص اخذ قرارها وكانت تشكو لاهلها واهلها يقولون على راحتك وهي صابره وربما ارسلت لك العديد من الاشارات ولكنك لاتفهم لغه المصالحه انت تفهم لغه ( الصراع فقط ) تفهم بلغه الاقوياء انت من اجبرت زوجتك على هذا الاسلوب ثم جاء تنمرك على الزوجه ( لن تخرجي الا بالولد ) ثم التنمر على اهل الزوجه حين اتصلت على ابيها وكانك ( محمد بن عبدالله ) يخافون فراقك وقد جمعو لك في قلوبهم من الغل الشي الكثير ولكن كنت ( خارج التغطيه ) ولذا اتتك الصفعه الثانيه التي استيقظت منها من ( سبات ) التسلط والدكتاتوريه التي كنت تعيش فيها ( حسيت اني طالع من اخشومهم ) وحتي بعد كتابتك للموضوح احس ان ريح التسلط تفوح منك ( اخاف ترجع للانتقام او بشروط ) تعتقد ان الزوجه تحتاج الى هديه لا ياحبيبي هي تحتاج من يرحمها ويحترمها ويقدرها اخي ربما ( قسوت ) عليك ولكن لا بد ان احلل المشكله من خلال ( الفاظك ) حتى تعرف شخصيتك والخلل فيها وهي انك لا تحترم الا الاقوياء وان من كان ضعيف فلا حق له عندك واخشي ان تكون هذه الصفه معك في عملك ومع اهلك واقربائك وتعيش كما قلت ( بعالم اخر ) و تطا الضعفاء ( ولا تحس بهم ) الحل 1 - الحمد لله انت تعيش مخاض ( شخصيه جديده ) وتأنيب ضمير والتائت من الذنب كمن لا ذنب له وانا لم احلل شخصيتك السابقه من اجل ان اجرحك حاش وكلا ولكن من اجل ان ( انصحك ) والجرح لابد له من الم التنظيف وعليك من الان ان تحب الضعفاء وتحترمهم وتكون ندء للاقوياء و لاتعكس الايه فتسلط على الضعفاء وتخضع للاقوياء 2 - اترك زوجتك وقت كاف ولا تكثر من الاتصال صدقني هي تحبك اكثر مما تحبها ولكن هي في فتره غضب دع لها الفرصه لكي تأخذ وقت كاف في التفكير ( على راحتها ) 3 - بعد فتره من الزمن اذا احسست ان الوضع قد تحسن حاول الاتصال بها وان ترى زوجتك صدقني اذا رأتك وتحدثت معها سوف يزول كل الذي في قلبها عليك 4 - تحليلي لشخصيتك وللقصه وحل لها ( امر اجتهادي ) قد اكون مخطئا وقد اكون مصيبا 5 - شاور العقلاء في حلي وحلول الاخرين وتشخصيي لمشكلتك قد اكون مخطئا تحياتي لك |
لا تتخلى عن زوجتك الأجوديه و أم عيالك |
اقتباس:
:: تحليل منطقي جداً جداً يعطيك العافية :: |
اقتباس:
|
اقتباس:
|
| الساعة الآن 05:07 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©