|
كيف أتعامل مع خطيبي وأنا قليلة الكلام !
السلام عليكم ورحمة الله وبركاته
أسعد الله قلوبكم جميعـآ :) بدآيةً أحب أشكركم على نصائحكم الى إخوانكم وأخواتكم .. فقد تابعتكمـ كثيرآ .. وأحببت تعاونكمـ والتفافكم حول بعضكم .. فجزآكم ربي خيرآ وها أنـآ أطلب منكم مساعدتي ومناقشتي في بعض الأمور .. { الله يسلمكم خُطبت وتمــت الموافقه والحمدلله .. لكن أطلنا قليلآ في الرد عليهم .. ووظن اننا رفضناه .. لكن عندما علم بالموافقه فرح جدآآآ .. يعني من شدة فرحه بسسسرعه قال يالله بنسوي تحاليل وبنملك وامه قالت وش نجيب ونحط ...... هذا صار بشهر .. انا تفاجأت وخفـــت كثييير .. وقلت ليش مستعجلين ؟ وان قلت لكم اني أعذرهـ بعض الأحيان لأنه معلم ويدرس بمدينة بعيده عنـآ .. يعني ممكن بالشهرين مره يجي يزور أهله .. عشان كذا يطفش كثييييير ووده نملك وينسى طفشه لحاله هناك .. تسألوني عن خوفي ..؟ أقول لكم .. أولآ فـ الزواج راح يكون بالإجازه الكبيره .. طيب وانا خططت بيني وبين اهلي وقلت ابغى الملكه والشوفه ومكالمات وزيارات وهالأشياء بشهر 3 او 4 .. وهو يبغى الملكه بعيد الفطر او بعدها اقل شي .. فهو مستعجل جدآآآ انا يا اخواني ماابغى الفتره طوووويله جدآ بين الملكه والزواج .. وانتم اعلم ان طولت هالفتره ممكن تصير مشاكل و و ممكن يمل !! وهذا اللي خايفه منه ..انه يـمل .. ياجماعة الخير انا انسانه قليلة الكلام .. يعني يغلب علي الصمت >> احسها صفة خاصه بالرجال وليس المرأه :( .. فكل من حولي يشهد بذلك وهذا اللي مأزمني ومتعبني أكثر http://www.66n.com/forums/images/icons/cry3.gif.. يعني كيف تكون الفترة طوووويلة ..! شايلة هم لاكلمني او زارني وش بقووول ؟؟ المواضيع ماتجي ببالي ابدآ .. انسى كلللل شي .. ومو معقول كل شوي بروح لخواتي واقولهم قولولي مواضيع اقولها .. ودي اعتمد على نفسي .. انا اشوف اهلي بعض الاحيان يملون مني .. لأني ماأتكلم كثييييييير.. ياناس مااعرف وش اقول وش أهرج .. فأنا ليست لدي سرعة بديهه يعني ان حسيت الجو فيه صمت اقوم أطّلع سؤال .. او ان سأل اقول الجواب الفلاني .. انا لستُ كذلك قد ابتسم فقط .. وبعدين اقول يووووه ليش ماجاوبت كذا وكذا ..!! مايشغلني كيف سأتعامل معه ..؟؟ ماذا اقول من مواضيع ؟ كيف افهم شخصيته ؟ كيف اخبره عن شخصيتي؟؟ كيف وكيف ؟؟ امور كثيره تشغلني / فأنا أرى الواحد اذا (ملّك) يهتم بكـــــــل تفاصيل الملكه .. كيف اتجمل .. البس .. كيف احاور .. يبحث عن مواضيع .. كيف اعبر عن مشاعري .. اكلمه عن شخصيتي .. أحب وما أكره و و و .. يعني باله فااااااااضي لهذي الأمور .. أمـآ أنا !! حتى ماذا أكره وماذا أحب ؟ لآأدري .. أعرف اني سأحرج جدآ ان سألني هذا السؤال .. (فكيف وهو من الأن يسأل وش تحب وش تكره ) إخوتي أمور كثيره أشغلتني وتشغلني عن نفسي عن (شخصيتي) .. وأهميتها .. وإحتياجها .. ! أخبروني كيف أزن أموري ..؟ الشاب مستعجل جدآ .. وأهله يقولون حنا مصبرينه للعيد .. وبالقوه صبر اهلي كمان يبغون يسوون شبكه يبغون يفرحون يعني مؤيدين العريس واهله .. وأنا ودي يخلونه بشهر 3 او 4 .. ماودي احس بالخوف والرهبه من الأن بس ماحد سامعني .. اعذروني على الإطالة .. لكن أود وأتمنى ان تساعدوني بأرائكم .. :21: ولآتنسوني من الدعاء ] |
والله ذكرتيني بنفسي يوم خطبت ،،، يا طويلة العمر يوم خطبت ووافقوا ، بطبيعة الحال ناااشب لأمي واختي أسألة عنها شلون شكلها كيف شعرها ، فرفوشه نكديه تزعل بسرعه ترضى بسرعه .. الخ .
المهم انا واحد كلامي قليل ودائماً في بالي شي واحد وهو حديث الرسول صل الله عليه وسلم (( قل خيراً او اصمت )) يعني يمر اليوم كللله وسكوتي اكثر من كلامي ،،، فكان هالشي انا شايل همه مثلك بالضبط ،، فسألت اختي وقلتلها (( هاه ماقلتيلي هي راعية سوالف ولا مثلي طول وقتها ساكته ؟؟؟ )) فقالت لي والله بصراحه هي ثقيله ودائماً توزن كلامها وماتتكلم كثير :( (( لأنها صديقتها من سنين وتعرف طبعها )) وانا طبعاً مثلك قفلت معي وتنكدت وقلت في بالي بسسس عز الله بتروح ايامنا كلها واحنا مبوزين وساكتين :25: ،،، امي على طووول قالت لي لا تشيل هم البنت دائماً اذا تزوجت تصير قرقه وهذره عند زوجها حتى لو كلامها قليل ، انت خلها بس تاخذ عليك !! وحالياً لي تقريباً اربع سنوات متزوج وزوجتي ماشاء الله سوالفها ماتخلص وكم مره ثالت لي انا ماكنت كذا بس من تزوجتك وانا هذاره مدري وش الي صار فيني :d عاد انتي لا تشيلين هم ان شاء الله بتنفخين راسه بالسوالف اصبري على نفسك شوي لين تقطين الميانه معاه وبتشوفين والله يسعدك ويوفقك ويرزقك الذريه الصالحه |
لاتقلقين حبيبتي هو خطيبك اللي راح يفتح مواضيع للنقاش وانتي بدورك تجاوبيه بكل صراحة
مااعتقد انه انتو الاثنين يغلب عليكم الصمت واكيد قبل اي موعد تشوفيه خللي بالك اشياء تريدين تعرفيها منه يعني خلي ببالك شو اللي راح تقوليه اله |
اقتباس:
كلام صحيح 100%.. بالتوفيق عزيزتي |
الله يشرح صدوركمـ وينور دروبكمـ :)
يعني يمر اليوم كللله وسكوتي اكثر من كلامي / نفسسسسس اللي أعانيه :( قفلت معي وتنكدت وقلت في بالي بسسس عز الله بتروح ايامنا كلها واحنا مبوزين وساكتين / آآهـ انا مقفلة معي من زمااااان ومتنكده .. بالذات ان الرجل طبعه قلة الكلام والصمت .. فكيف يتحملني ؟؟ ومهما كان احس عامل الغربه اللي عايشها تأثر عليه زيادة من ناحية الصمــت ..! واللي يزيد الطين بله .. لاجيت ماعندي خلفييييية عن مايقال ومايفتح من مواضيع في الملكه ومالايقال ..:( يارب اني اتغيــر لاتزوجت يآآآآآآرب ..ومايمل مني يارب أسعدكم الخالق اينمـآ كنتم .. :) لن أقول ازلتم همي كله .. لكنكم عملتم على إزالة جزء منـه .. وربي يعيني ويفرج همي ويبعد خوفي من هذه المشكلهـ .. لآحُرمتم الجنـآن } |
147 مشــآهده
و4 ردود فقط ..!! اخواني طلبت المسـآعده منكمـ ونصائحكم .. لآتبخلون علي .. اريد اراء منكم أحب ان أضيف سبب آخر يجعلني أأخر الملكـه .. لدي اخت مريضه وانا من يقوم برعايتها .. والسفر معها للعلآج .. يعني بهتم بمين ؟؟ اختي ولا هو ؟ ماودي اتشتت ..:24: وأنا ماأعرف اركز بأمرين في آنٍ وآحد .. بالذات ان الأمرين كلها مهمـــه .. المشكله وش بقولهم ليش ماودي نملك الحين ..!!؟ ياناس ودي احس باحســآس الملكه صح .. ماودي هم ثاني معكرني .. ومزعجني .. كفاية تفكيري اللي ذابحني بـ كيف سأتزوج وأترك أختي المريضه .. من يهتم بها ؟؟ أتمنى من الجميـع ان يضع بصمه في متصفحي .. فأنا بحاجة لكمـ جدآ دمتـ بخير ـم |
السلام عليكم اختي الكريمه "فـرحــ{ــي" لا تهتمي كثير بالنسبة لقلة كلامك الرجل دائما هو من يكون المبادر بالكلام وفي كل شيء صدقيني عندما تجلسين معه سوف يثير هو المواضيع وانت سوف تردين عليه وموضوع بجر موضوع مثلما يقولون لذلك لا تشيلين هم السكوت نحن الرجال نقدر بان الفتاة تكون خجوله في هذه الفتره ونحاول معها شوي شوي حتى تاخذ راحتها وتصير تتحدث لوحدها وتتجرا اكثر يعني الرجال بقدروا هذا الشيء، بالنسبة لاختك بداية الله يشفيها ويسلمها انت تستطيعين ان تخرجي معها للعلاج وبنفس الوقت تكونين على اتصال مع زوجك عبر الجوال يعني تكوني على اتصال دائم معاه وهوه اكيد راح يقدر ظرفك ويقدر هالشي منك كثير، اما بالنسبة لتاخير الزواج والله يا اختي احنا الرجال بصراحه بنكون مستعجلين لانه لا داعي للتاخير طالما كل الامور تمام وحتى الرجل ياخذ راحته اكثر مع زوجته، اقول لك بصراحه ودون خجل الرجل منا يكون بعاني خلال فتره المكله لانه يريد المزيد من الفتاة ولكنه لا يستطيع نظرا للعادات والتقاليد وعدم احراج نفسه واهل الفتاة لذلك ارجو ان تتعاوني مع زوجك وان تسرعوا بالزواج لانه فيه مصلحة لزوجك وتخفيف عنه وحتى يعف نفسه ايضا ولا تنسي ايضا اهل العريس يريدون ان يفرحوا بابنهم ، واخيرا وليس اخرا الف مبرووووووووووووووووووووووووووووووووووك الملكه وربنا يهنيكم ويسعدكم وربنا يتمم لكم على خير ان شاء الله والسلام.. |
السلام عليكم ورحمه الله وبركاته
اختي الكريمه الله يبارك لك في زواجك ولا تشلين هم بخصوص قله الكلام لان الرجل لا يحب كثره الكلام . انا ارى انك تأخذين الامور بكل بساطه وبالنسـبه لأختك اسأل الله ان يلبسها لباس الصحه والعافيه . |
اقتباس:
.... |
اقتباس:
أسـ ع ـد الباري قلبك اخي الكريم وفرج همـكـ ,, وغفر ذنبكـ أشكرك على كلمـآتكـ المطمئنه لقلبي .. : ) لآحرمـ الجنه ـتْ |
وعليكم السلام ورحمه الله وبركاته،
أختي الكريمه فـرحــ{ــي، اولا وقبل كل شي مبروك والف مبروك، وعسى ربي يتمم لكم على خير إن شاء الله. أختي الكريمة بالنسبه لترتيبات الزواج وتفكيرك وش تقولين ووشلون تتصرفين مع خطيبك، اللي تمرين فيه شي عادي جدا، ومعض البنات إذا موب كلهم يمرون في نفس الشي... فلا تشغلين بالكي... ومن فهمي للقصة يمكن انتي ما شاء الله حياويه شوي(شديدة الحياء)، وترا هذا موب عيب، والحياء من اجمل الصفات اللي تميز المرأة/البنت... لكن اهم شي انكي تحاولين بقدر الامكان ان تكونين طبيعيه في جميع تصرفاتك، ولا تتصرفين على غير طبيعتكي او تقولين اشياء الا بقناعة تامه منكي، لا بغرض ان هالامور لازم تقال وتفعل... واذا ربي كتب وشفتيه ان شاء الله تكلمي في المواضيع اللي تناسبكي، واسأليه عن كل الاسئله اللي تدور في بالكي، وخليكي طبيعيه، واذا احرجتي ما فيها شي اذا سكتي، بس بيني له تراني جالسه اسمعك بإنصات ولا عندي حاليا شي اقوله :o وهالفترة فترة تعارف تعرفون طبوع بعض وعيوب بعض وتتقبلون بعض، وهي ان شاء الله حجر الاساس لحياة سعيدة بإذن الله... وبعدين بالنسبه للشق الثاني، واللي هو رغبة خطيبكي بتعجيل الملكة/الزواج: فهذا ايضا شي عادي، وخصوصا انه مدرس في مدينه ثانيه وعايش لحاله... وترا حياة الرجل الاعزب بعيد عن اهله خصوصا امه واخواته، غير مريحه ولا فيها اي استقرار، وسبحان الله وجودهم يعطي راحه وطمأنينه للرجل... فما بالكي اذا تقدم الرجل لبنت معجبته وحصلت الموافقه، يصير الواحد بس يفكر متى يفتك من حياة العزوبيه ويستقر هو وزوجته :d وانا شخصيا ارى انه يجب ان تكون فترة الخطوبة والملكة ومن ثم الزواج(حفل الزواج) غير طويله، لان الفترة كل ما طالت اتصور انها قد تؤدي في بعض الاحيان الى ملل ويمكن خلافات لا سمح الله... فإذا انتي واهلكي مقتنعين تماما بالرجال من ناحيه الدين والاخلاق وشايفين انكم مناسبين لبعض في جميع الامور، اتصور التاجيل ما له لزوم... اختي الكريمه اتمنى ان اكون وفقت في الاجابه على تسائلاتكي، واتمنى من الله ان يوفقكي ويتمم لكم ان شاء الله على خير... أخوكي Mort Vivant |
اقتباس:
الله يجزآكـ خير اخوي ويفتحها بوجهكـ ويشرح صدركـ ريحتني ربي يريحكـ لآحُرمت السعـآده |
| الساعة الآن 08:59 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©