|
قالت يازينها من غصيبه ؟؟؟
بسم الله الرحمن الرحيم
الحمد لله رزقني الله باخوات كثر وكلهن والحمدلله تزوجن الا واحده وكانت طريقة أمي حفظها الله من تقدم للخطبه وكان دينه وأخلاقه طيبه تزوجه بدون أخذ أذن أختي وكانت الأمور ماشيه حتى وبدون رؤية شرعية لأن الرؤية الشرعية ممنوعه عندنا وهذا الشئ كما تعلمون مخالف للسنة ولكن الشاب ما يتقدم الا ويعرف البنت ويعرف كل شئ عنها عن طريق أمه وأخواته ( طريقه زينه ) . الآن المشكله في أختــــــــي الصغرى آخر العنقود تقدم لها الكثير من الشباب وكل ما تقدم لها واحد قالت أمي وش رايك يا بنتي ؟ قالت ما ابغاه . أمه فيها كذا وكذا ؟ وعلى هذه الطريقة وانا والله زعلت وقلت يا يمه البنت ما تعرف مصلحتها قالت والله أنك صادق وقلت يايمه ؟ أختي فلانه ما درت ولا أخذتي رايها أمانه وش قالت لك بعد الزواج وبعد أن رزقها الله باطفال وحست بكيانها قالت أمي وبكل ثقه قالت يا زينها من غصيبه الآن احاول أقنع أمي ما عاد تاخذ راي أختي افضل لها أخيرا أخواني وأخواتي اولياء امور فتياتنا لا تضيعون فتياتكم وإذا جاء من ترضون دينه وخلقه فزوجوه واجبرو فتياتكم عليه لأن الفتاة لا تعرف مصلحتها تحياتي |
عذرا....لا اتفق معك ابدا ابدا لاقتناعى الشخصى ان الفتاة يجب بل شرط ان تختار من تتزوجة واذا كان ممنوع الرؤية الشرعية فيجب على الاقل ان تقبل بة هى كمواصفات او حتى تقبل بامة لانها هى التى ستعاشرهم وليس انت ...واتذكر موقف حصل ايام الرسول الحبيب صلى الله علية وسلم انة جاء لابنة احد خاطبين احدهما فقير ولاخر غنى وهى كانت تريد الفقير ولكن والدها راى انة الاصلح ان تاخذ الغنى علما بان الاثنين على خلق ودين وذهب الى الرسول صلى الله علية وسلم وسألة فى الامر قال الرسول صلى الله علية وسلم انها يجب ان تعيش مع من تحب فبهذا يجب علينا ان نعرف انة بلاختيار لا بالاجبار والله اعلم
|
اخوي ما يصير اتزوجونها وهي ما تبي او ما مقتنعه فيه.. يعني مب شرط اللي صار مع ختك الاولى بيصير نفس الشي مع اختك الثانيه بتعيش سعيده ومرتاحه معاه صح.. اذا انته متاكد من اخلاق الريال واتشووفه ريال ما يتعوض ولا يفوت.. روح اخذ اختك واجلس معاها جلسه مصارحه ووخلها اتقولك عن اسباب رفضها.. عطها فرصه تتكلم يمكن في قلبها شي ومحد يدري.. صح ولا لا.. اما مافي رؤيه شرعيه او البنت ما تدري عن شي ظلم لها الصراحه.. يالله ننتظر الاخبار..:) |
أخي العزيز..
مثل ماقالت المتعذبة.. يمكن مايصير لأختك مثل ماصار للي قبلها.. وبعدين راح تلومكم وماتنساها لكم.. وأنتوا بعد ماراح تسامحون نفسكم على هالشي.. ولكن كلموا أختكم.. وفهموها مصلحتها.. وقولوا لها حرام ترفض الريال الزين.. ولاتشوف لها أعذار تافهة.. بس إذا عندها عذر قوي تقوله لكم.. ولا تطلعون من هالجلسة إلا وحد يقنع حد.. يمكن هي أسباب رفضها قوية.. خلها تدخل المنتدى.. وتشوف مشكلة بعض الأخوات العضوات مع تأخر الزواج.. وتشوف أشلون نفسيتهم.. يمكن تخاف تكون في وضعهم وتفكر بجدية اكبر... |
احس رجال اول غير الحين ، كانت فيهم شيم الرجال ، مو اي زعل بسيط يروح يطلقها ، او يزعجها في اللي يخصها
وعشان كذا اغلب زواجاتهم ناجحه لكن الحين غير ، فلو ما اخذتوا رأيها وطاح حظها ، تحس انه مالها رأي ولا كلمه يعني بالمختصر "اول غير الحين" وسلامتكم |
إن كــان ممن يرتضــى دينه وخلقــه
فلم لا ؟ *** لا أعتقــد أن لهــا أسبابــاً جوهريــة للرفــض لا سيمــا أنهــا لا تعلم عن الخاطب شيئــاً *** أرق التحايا |
لا أوافق كلامك أبداً
كل فتاة لها إحساس يختلف عن غيرها وبعدين هي اللي بتتزوج وتعيش معاه مو الأم رضى البنت قبل كل شئ |
اخي صاحب راي سديد
اخر العنقود لها معامله خاصه في اعلب العوائل وكانك تتحدث عن اختي الصغرى تقدم الكثير وترفض وحجت امي ماابغى اجبرها توها صغيره<<<<<<<<<<<24 سنه |
ايه والله يازينها من غصيبه يااااازينها مع اني ماجربتها ... ليتي انا مكان اختك
ليتها تغصبني ليتها تغصبني ليييييييييييتها تغصبني اتزوج وانا اللي اقول لا ماابيه عندنا الوضع مقلوب امي هي اللي تقول لا ماابيه <<<صرت افكر الحين من اللي بيتزوج انا والا امي ... وانا اللي مت بحسرتي بعد ماكبرت وكل اللي يخطبني يستنكر سني وينسحب .... والمصييييييييبه والكاااااااارثه اللي تخرسني ماتخليني اقدر اتكلم ... ان امي تتهمني الحين اني انا السبب باللي صار ...تقول ليه ماقبلتي باللي راح ( انا حاسه انها عارفه غلطتها لكنها ماتبغى تعترف بها لأنها ابدا ما تحب تعترف بغلطاتها ) والله بجد الواجب علىالأهل انهم يغصبون بناتهم ... ومن صغرتهم مو اذا فات الفوت وصارت البنت كبيره ... اذا كبرت الغصيبه تصير اصعب شوي .... الأهل هم المسؤولين الا واخيرا اذا جاءهم صاحب الدين والخلق والمعروف بصلاحه بين الناس يغصبونها .. واذا ماصار توفيق بينهم مو شرط يكون بسبب انهم غصبوها .....وترا مو شرط بعد انها تكون فعلا ماتبيه ... يمكن تكون خايفه من التجربه او متردده علشان كذا ترفض ... فلازم اللي حولها يشجعونها دائما ويكون دورهم ايجابي مو سلبي اذا قالت ماابيه خلاص ينتهي الموضوع .. والا اذا جاء اللي مايعجبهم يتم الرفض قبل التفكير ومن غير مشاوره البنت ....... الله يرحم حال البنات جميعا |
والله ياخوي طريقتك ممكن تنجح وممكن لا
لكن لو انا غصبوني اهلي وتزوجت وصار اي شي بحط اللوم على اهلي وبندب حظي طول عمري لأنه ماهو اختياري ويمكن اتخلى عنه بأي لحظة زعل كوني ماخترته. والأهم من هذا كله ماراح يملي عيني وطول حياتي بحس اني افضل منه لأني احس اني استاهل احسن منه! مع العلم اني اقتنع بكلام امي مررررة حتى لو اكون رافضة بكلمتين من امي اقتنع << في الغالب ماهو بجميع الأحوال بعد هالحرمان ننغصب؟؟!! اصلا مايصير لي نفس اشتري واجهز على واحد مابيه مع العلم ياخوي مادام وصلنا للمرحلة هذي ماتوقع بيصير رفض مننا الا اذا كان مايناسب أبد لأن الفتاة لاتعرف مصلحتها حاقرنا ياأخوي صاحب رأي سديد الله يسامحك ؟؟ ماتعرف مصلحتها ام 18 - 20 لكن بعمرنا خلاااااص شافت من الدنيا الكثير والكثير |
| الساعة الآن 05:37 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©