التعامل مع الزوجه فترة الملكه
 

السلام عليكم ورحمة الله وبركاته

اسعد الله اوقاتكم بكل خير

حاب اناقشكم في موضوعي واشوف اراء الاعضاء

الحمد لله انا عقدت قراني قبل خمسه اشهر وتبقي علي زواجي فتره الثلاثه اشهر


لا اخفيكم سرا انا احب زوجتي كثير ولكن مشكلتها لا تهتم بي مثلا انا من يتصل انا من يسال انا من يهتم وهي بارده في مشاعرها تجاهي فتحت هذا النقاش معها وشرحت لها وقامت تتاسف ومن هذا القبيل تاخذ فتره العلاقه بينا جدا جميله وبعدها ترجع مثل اول وارجع اسالها نفس السوال تقول مافيه شي

مع العلم اني لم احرمها من اي شي مثل الهدايا والكلام الجميل والسوال عنها والاهتمام فيها بس انا التعامل معي يكون بمثل اسلوب التطنش


السوال اللي يطرح نفسه ليه صنف الحريم كذا اذ اهتمينا فيهم ودلعناهم وعطيناهم مايبون نتفاجاء بالعكس لاني صاير فيني برود هالايام احس اني كرهت الزواج وساعاته وش افضل اسلوب للتعامل مع الزوجه في فترة الملكه

افيدوني بارك الله فيكم

رد: التعامل مع الزوجه فترة الم
 

ياأخي الكريم كثير من النساء تخجل وتستحي قبل الدخول ان تتواصل مع زوجها ، وكذلك ممكن ان تتغلى هي بعض الشي ..! وانت ماشاء الله مومقصر ولامعطيها مجال ...!؟؟؟
فلذلك قلل اتصالاتك وهدياك لما بعد الدخول ، زوجتك ماراح تطير ، خلك رسمي شوي ،
والله يوفقك ويستر عليك ..

رد: التعامل مع الزوجه فترة الم
 

انصحك خلك ثقيل شوي ولاتحسسها انك مييييت عليها نصييييحة خذها مني وانا اخوك شوفني مطلق ومن الاشياء اللي ندمت عليها هو الاهتمام والدلع الزااايد وانا صراحة على نياتي توقعت اذا اهتميت فيها ودلعتها حطحطني ع راسها وطلع العكس ويمكن يكون فيه نوع اخر من الحريم يقدرون وعاد شوف مع الايام زوجتك من اي نوع والشئ الثاني فترة الملكة لاتحكم عليها يمكن تستحي وانصحك نصيحة ثانية لاتنجب منها الا اذا حسيتها هي الزوجة الصالحة المناسبة والنصيحة الاخيرة روح اشتري كتب عن الزواج وعن اصناف النساء بالتحدييد

رد: التعامل مع الزوجه فترة الم
 

الان فترة الملكة فترة تفاهم ووضع قواعد تمشون عليها بعد الزواج وانصحك لاتكون خفيييف ترا بعض الحريم مايحبون الرجال الخفيييف الثقل زين والرزانة واقعد مع اقارب لك متزوجين اوصديق مقرب لك متزوج واستمع منهم واقرا كتب تتكلم عن طبيعة النساء وانصحك ايضا في هذي الفترة بالذات لاتتنازل عن اشياء مجاملة انتبه وخلك صااادق وصريح معها واحترم وجهة نظرها تحترمك ولاتُلزمها برأيك ان كان موضوع بسيط

رد: التعامل مع الزوجه فترة الم
 

وانتبه من الشيطان يجري في الانسان مجرى الدم يكرهك ف الزواج ويحزنك لاتفكر بشكل سلبي لا بأذن الله راح تفرح كثير وكثير زوجات مثل حالة زوجتك في البداية وذحين مدلعين ازواجهم وشايلينهم شيل انت لاتستعجل ولاتشيل هم بتتونس بس اصبرر طبيعي الان تخجل رجل غريب ودخل حياتها ماتبغاها تخجل تعوووذ من ابليس مايريد لك الخير لاتقول كرهت الزواج بالعكس الزواج شئ جميل ويزداد جمال مع الصبر والتفاهم والاحترام والتنازل وغفران اخطاء شريك الحياة والسلام عليكم