الى متى اعاقب زوجي؟؟!!
بسم الله الرحمن الرحيم
صراحه موعارفه كيف اشرح مشكلتي لكن بختصرها قد مااقدر اول سنه من زواجي مرت وانا واثقه من زوجي اكثر من نفسي وعمري ماشكيت فيه ابدا ابدا ثاني سنه انصدمت صدمة حياتي والله العظيم انها اقوى صدمه في حياتي لدرجة اني اول مااصحى من النوم احسب اني كنت في حلم واقول الحمدلله انه حلم ثواني بسيطه واعرف انه واقع زوجي خانني لاادري الى اي درجه لكن اللي اعرفه انها محادثات بالماسنجر (ومسجله) وعلى الهاتف ومع كثيرات وعدد من الجنسيات لكن ماادري الى اي مدى وصلت اكتشفت انا كل شي ((((((مره وحده))))) عند اهلي شوي ويجيني انهيار جلست عند اهلي اسبوع رجعت بعد ماسوى كل شي عشان يرضيني الموضوع صار له تسعه شهور تقريبا وانا مايغيب عن بالي ولايوم تقريبا عجزت في نفسي والله اني احيانا ارحم زوجي لما ارمي عليه كلام اوشي يذكره في خيانته تعبت وتعبته معي مع انه الى الان ماصدر منه شي يثير شكوكي مع العلم اني لااراديا طبعت المحادثات وحطيته بفايل في بيت اهلي طبعا وكل ماابي ارميها يجيني شي يقول خليها يا(سكر الاسره)يمكن تحتاجينها وارجع اصيح واتالم وارجعها الدرج مره ثانيه افيدوني جزاكم الله خيرا |
أختي العزيزة
نصيحة لك : لا تبالغي في شكوكك حتى لا تتدمر حياتك فمادام زوجك أبدى أسفه و ندمه و لم يصدر منه ما يدل على عودته لما كان عليه في سابق عهده فما الذي يدعوك لأن تفعلي هذا به و بنفسك :: أنصحك بالتروي و عدم الاستسلام للشكوك :: أسأل الله لكم التوفيق |
اختي سكر الاسره ...
انا معاك يااختي الخيانه مرررررره قاسيه ومش سهل انك تنسينها ..... بس ممكن تخلي في بالك عده اشياءحلوه تحسن صورته عندك....كلما تذكرتي خيانته وانك خلاص سامحته ... وماتفكري بالشيء السلبي اللي موجود فيه ---->>الخيانه وتعوذي من الشيطان وكل انسان معرض للخطاء وخلاص الحمد لله مدامه اعترف واعتذرلك خلاص حاولي تنسين الموضوع ولاتخلين مجال لشيطان يلعب بفكارك ... وساااااااااامحيه ونصيحه ....اذا كان بينكم خلاف .... لا تجيببي سيره الغلطه اللي سواها مره ثانيه قدامه ------>> لانكم تصالحتوا وفتحتوا صفحه جديده وبرضوا تخلصي من الفايل والله اريح لك ......لانه كلما شفتيه قدامك او فتحتيه رجعت لك شكوكك... وتوكـــــــــــلي على الله ....... وربي يسعدك ويوفقك .... |
اقتباس:
توكلي على الله وامسحي الفايل وإذا جاكي إحساس انك ممكن تحتاجينه استعيذي بالله من الشيطان الرجيم.. وسامحي زوجك انتي مو معصومه أكيد لما تخطين عليه وتجين تعتذرين منه ماودك انه يسامحك....؟؟؟ |
اقتباس:
جزاك الله خير |
اقتباس:
جزاك الله خير يااختي والله دائما اقول ياربي متى بنسى واسلى يمكن لاني اكتشفت كل شي مره وحده صارت الصدمه اقوى لو شوي شوي واشك وكذا يمكن كانت اخف واناحساسه جدا واحب زوجي لكن اسامحه اليوم واهون بكره((مدري اتحسف)) |
اقتباس:
احس انه احساس عندي وقوي جدا جزاك الله خير اخي صادق مااحد معصوم من الخطأوساعات اقول ربي بيعاقبني وانحط في موقف اتمنى يسامحني فيه اسعدني مرورك |
اختي الموضوع صار له تسع شهور و انت لحد الان لم تنسي و لم تسامحي زوجك بدليل انك ترمي عليه كلام تذكريه بخيانته .. اختي اذا راح تظلي على هذه الحال اعرفي انك راح تخسري زوجك لانه مو مجبور ان يتحملك طووول هذه المده لا تنكدي على زوجك و تطفشيه او مصيرك راح يكون بيت اهلك يعني راح يطلقك .. |
اقتباس:
حرام عليك ليه كذا قاسيه الله لايجيب الطلاق جزاك الله خيرا اختي واسعدني مرورك |
اختي حطي نفسك مكانه وشوفي وش راح تحسين ..
انا مثل زوجك غلطت مع زوجي غلطه كبيرة وتاسفت له كثييييير وما سامحني بسهوله يمكن طولت السالفه شهر ويمنك اكثر وهو ما يكلمني الا للضروره طفشت وحاولت كثير انه يسامحني لين سامحني اخر شي بس لازال يذكرني بغلطتي الى اليوم والله اني اتألم كثير وتعبت بس وش اسوي الحمدلله على كل حال .. الانسان مو معصوم من الخطأ .. ولا تتوقعين انه سوا كذا لانه يبي يخونك لا بس الشيطان لعب بمخه فانتي انسي الموضوع خلاص مهما يكون هذا زوجك ..والله يوفقكم |
الساعة الآن 08:48 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©