|
الى متى اعاقب زوجي؟؟!!
بسم الله الرحمن الرحيم
صراحه موعارفه كيف اشرح مشكلتي لكن بختصرها قد مااقدر اول سنه من زواجي مرت وانا واثقه من زوجي اكثر من نفسي وعمري ماشكيت فيه ابدا ابدا ثاني سنه انصدمت صدمة حياتي والله العظيم انها اقوى صدمه في حياتي لدرجة اني اول مااصحى من النوم احسب اني كنت في حلم واقول الحمدلله انه حلم ثواني بسيطه واعرف انه واقع زوجي خانني لاادري الى اي درجه لكن اللي اعرفه انها محادثات بالماسنجر (ومسجله) وعلى الهاتف ومع كثيرات وعدد من الجنسيات لكن ماادري الى اي مدى وصلت اكتشفت انا كل شي ((((((مره وحده))))) عند اهلي شوي ويجيني انهيار جلست عند اهلي اسبوع رجعت بعد ماسوى كل شي عشان يرضيني الموضوع صار له تسعه شهور تقريبا وانا مايغيب عن بالي ولايوم تقريبا عجزت في نفسي والله اني احيانا ارحم زوجي لما ارمي عليه كلام اوشي يذكره في خيانته تعبت وتعبته معي مع انه الى الان ماصدر منه شي يثير شكوكي مع العلم اني لااراديا طبعت المحادثات وحطيته بفايل في بيت اهلي طبعا وكل ماابي ارميها يجيني شي يقول خليها يا(سكر الاسره)يمكن تحتاجينها وارجع اصيح واتالم وارجعها الدرج مره ثانيه افيدوني جزاكم الله خيرا |
أختي العزيزة
نصيحة لك : لا تبالغي في شكوكك حتى لا تتدمر حياتك فمادام زوجك أبدى أسفه و ندمه و لم يصدر منه ما يدل على عودته لما كان عليه في سابق عهده فما الذي يدعوك لأن تفعلي هذا به و بنفسك :: أنصحك بالتروي و عدم الاستسلام للشكوك :: أسأل الله لكم التوفيق |
اختي سكر الاسره ...
انا معاك يااختي الخيانه مرررررره قاسيه ومش سهل انك تنسينها ..... بس ممكن تخلي في بالك عده اشياءحلوه تحسن صورته عندك....كلما تذكرتي خيانته وانك خلاص سامحته ... وماتفكري بالشيء السلبي اللي موجود فيه ---->>الخيانه وتعوذي من الشيطان وكل انسان معرض للخطاء وخلاص الحمد لله مدامه اعترف واعتذرلك خلاص حاولي تنسين الموضوع ولاتخلين مجال لشيطان يلعب بفكارك ... وساااااااااامحيه ونصيحه ....اذا كان بينكم خلاف .... لا تجيببي سيره الغلطه اللي سواها مره ثانيه قدامه ------>> لانكم تصالحتوا وفتحتوا صفحه جديده وبرضوا تخلصي من الفايل والله اريح لك ......لانه كلما شفتيه قدامك او فتحتيه رجعت لك شكوكك... وتوكـــــــــــلي على الله ....... وربي يسعدك ويوفقك .... |
اقتباس:
توكلي على الله وامسحي الفايل وإذا جاكي إحساس انك ممكن تحتاجينه استعيذي بالله من الشيطان الرجيم.. وسامحي زوجك انتي مو معصومه أكيد لما تخطين عليه وتجين تعتذرين منه ماودك انه يسامحك....؟؟؟ |
اقتباس:
جزاك الله خير |
اقتباس:
جزاك الله خير يااختي والله دائما اقول ياربي متى بنسى واسلى يمكن لاني اكتشفت كل شي مره وحده صارت الصدمه اقوى لو شوي شوي واشك وكذا يمكن كانت اخف واناحساسه جدا واحب زوجي لكن اسامحه اليوم واهون بكره((مدري اتحسف)) |
اقتباس:
احس انه احساس عندي وقوي جدا جزاك الله خير اخي صادق مااحد معصوم من الخطأوساعات اقول ربي بيعاقبني وانحط في موقف اتمنى يسامحني فيه اسعدني مرورك |
اختي الموضوع صار له تسع شهور و انت لحد الان لم تنسي و لم تسامحي زوجك بدليل انك ترمي عليه كلام تذكريه بخيانته .. اختي اذا راح تظلي على هذه الحال اعرفي انك راح تخسري زوجك لانه مو مجبور ان يتحملك طووول هذه المده لا تنكدي على زوجك و تطفشيه او مصيرك راح يكون بيت اهلك يعني راح يطلقك .. |
اقتباس:
حرام عليك ليه كذا قاسيه الله لايجيب الطلاق جزاك الله خيرا اختي واسعدني مرورك |
اختي حطي نفسك مكانه وشوفي وش راح تحسين ..
انا مثل زوجك غلطت مع زوجي غلطه كبيرة وتاسفت له كثييييير وما سامحني بسهوله يمكن طولت السالفه شهر ويمنك اكثر وهو ما يكلمني الا للضروره طفشت وحاولت كثير انه يسامحني لين سامحني اخر شي بس لازال يذكرني بغلطتي الى اليوم والله اني اتألم كثير وتعبت بس وش اسوي الحمدلله على كل حال .. الانسان مو معصوم من الخطأ .. ولا تتوقعين انه سوا كذا لانه يبي يخونك لا بس الشيطان لعب بمخه فانتي انسي الموضوع خلاص مهما يكون هذا زوجك ..والله يوفقكم |
ياحبيلك ياسيده برتقاله
دائما معبرتني وحاسه فيني استفدت كثير من كلامك الله يجزاك خير ويوفقك ان شاءالله |
اختي قال صلى الله عليه وسلم فيما معناه كل بني آدام خطا وخير الخطائين التوابين
لاتبالغي في الوسوسه فان ذلك من الشيطان إلى متى قد يظطر زوجك لاسمح الى تصرف لاتحمد عقباه فكل منا له طاقة وحدود يقف عندها ( اسعيذي بالله من الشيطان إذا كان رب العالمين يقبل التوبة ويصفح افلا نصفح نحن ثم ضعي نفسك مكانه لو انه انت الذي قمتي في الخيانه الاتتمنين ان يصفح عنك وينسى الموضوع أختي من هو الذي على وجه الارض لو يخطئ ولم يذنب 0المهم انه لم يتمادى في غلطة 0 خاليك سكر على اسمك وفقك الله واصلح حالك مع زوجك وسخره لك |
اقتباس:
جزاك الله الف خير كلامك زي كلام امي بالضبط وانا والله العظيم من بعد ردودكم وانا صرت افكر جديا اني انهي الموضوع واول شي بسويه اني بأرمي الفايل باذن الله اذا رحت عند اهلي((الله يستر لاأهون))):d انتي اللي كلك سكر يامال العافيه اسعدني مرورك |
اختي ...الموضوع كأنه صار هاجس عندك
المسامح كريم بعدين انت بأسلوبك راح تخليه يرجع للخيانة مرة ثانية تدرين ليش ...لانك بجميع الاحوال انت مو مصدقته راح يقول انا تبت وهي لا زالت تشك ...اذا خليني اوسع صدري وما راح يتغير شي علي راجعي نفسك اختي ترى كثر الدق يفك اللحام وللصبر حدود ...لا تخليه ينفجر وانت الخسرانه الوحيده بعدين |
اقتباس:
معقوله ممكن يفكر كذا؟؟ جزاك الله خير اختي اسعدني مرورك |
اختي ان الله غفور رحيم فلماذا نكون نحن البشر قاسيين لو ما كان زوجك بيحبك كان ما اهتم اذا عرفتي لكن هو يحبك جدا لازم تسامحيه ولا تضلي اتذكريه لانك بهالطريقة بتدفعيه لانه ينفر منك او حتى ممكن لو تاب ترجعي تدفعيه للخطأ كوني قريبة جدا منه واعطيه كل الحب والحنان واكيد هو عرف خطأه
|
اقتباس:
جزاك الله الف خير بس تدرين وش اللي يدور في بالي دائما انه اي شخص يسوي هذه الاشياء لوتاب يرجع((الله لايقوله)) وعشرات القصص سمعتها كذا واغلبها في هذا المنتدى اسعدني مرورك |
اختي الكريمة الخيانة مرةةةةةةةةةةةةة
ولكن لو فكرت مع نفسك ستجدين ان زوجك يعشقك ولكنه في لحضة ضعف فعل ما فعل يجب ان تاكدي له انك الصدر الحنون الذي سيغفر له اذا اخطه ستكبرين حينها في عينيه اين انت من دور الام وحنانها لن ينسا لك معروفك لا تجعليه يحس انه مهما فعل بسرضيك لن ترضين لاتدمر حبك وعشك بسهولة تناسي حتى لو لن تنسي اكدي له انك ستعطيه فرصه اخرى ووفقك الله |
الفايل ارميه فالذي يقول لاترميه الشيطان تعوذي منه بالله وارميه
كل بني ادم خطائون وخير الخطائون التوابون الله يغفر الذنوب لعبده وهو الله فما بالك الخلق فيما بينهم ادرك مدى انزعاجك من الامر لكن الكاظمين الغيظ والعافين عن الناس ................ لاتحرمي نفسك اجر ماتضمنه هذه الاية ......... اجعلي نفسك مكانه وسامحك عن خطائك .... بعد ذلك ..... سيزداد حبه في قلبك وتخلصين له ولبيته ....... فسامحيه ليزداد حبك في قلبه ويعظمك في قلبه وتكبري في عينه ........... |
الله يكتبلك الخير ,,
وأستفيدي من هذا الشهر بطوي صفحة الماضي ,, وفقك الله وزوجك ,, |
اقتباس:
من جد انتي حكيمه جزاك الله خير |
اقتباس:
هذا اللي افكر فيه جزاك الله خير اخوي اسعدني مرورك |
اقتباس:
جزاك الله خير |
أختي العزيزة اعلمي يقيناً أنك تحبي زوجك حباً جماً، وإلا ما غرتي عليه وما غضبت منه كل ذلك الغضب، فحبك هذا أمرٌ محمودٌ بل ومرغوب...واعلمي أيضاً أنه يبادلك نفس درجة الحب، وإلا ما فعل كل ما في وسعه لإرضائك، وما صبر على ردة فعلك هذه كل هذا الوقت حتى أنت بنفسك أصبحت تشفقي عليه من كلامك ونظراتك...وتذكري قول الله تعالي "فمن عفا وأصلح فأجره على الله"...
ولا يخفى على نظرك الكريم أن كثرة الجفاء تولد البغض، وطول الهجر والبعد يولدان النسيان وذبول الحب...وأقترح عليك أن تجلسي معه في ليلة هادئة وتطبخي له الأكلة التي يحبها ثم ارتدي قميص نوم تعرفي محبته له - أو لكما ذكرى جميلة معه كليلة الدخلة مثلا- واجلسا سوياً ...ناقشي معه الأمر بهدوء وقولي له: يا ترى ما سبب غضبي هذا كله؟ أجاء من فراغ أم أن حبك يتملك كياني ولم أستطع صبراً أن أرى ما رأيت؟؟....سامحتك يا حبيبي ونسيت الأمر.... ]تجنبي الانفعال أو الاسترسال في الكلام واختصري المناقشة بقدر المستطاع ...وافتحا صفحة جديدة...وتأكدي أن وجهه سيتهلل فرحاً وحياءً منك في نفس الوقت ولن يكررها أبد الدهر.......وتمتعا بحياتكما بعيداً عن الهجر والشك...أسأل الله أن يديم عليكما نعمة الحب والستر ويرزقكما الذرية الصالحة.....وأنا يرزقني أنا بنت الحلال عاجلاً غير آجل.....آمين.... أخوك علاء –مصري في أبو ظبي |
اقتباس:
ماشاءالله تبارك الله كلامك درر واستفدت كثيرا وبلامبالغه من جميع الردود جزاكم الله خير جميعا ورزقك اخي الكريم الزوجه الصالحه وفقك الله |
| الساعة الآن 12:20 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©